سهرة رمضان ( الإدعش ) ,, الزواج من مُغتصبة ..!

[تَـرَفْ ~]

مساء الخيرات

*****


كتير منسمع عن حالات إغتصاب و خاصة عند الأطفال

الموضوع مزعج طبعاً بس بيختلف باغتصاب الفتاة أكتر من اغتصاب الولد

الزواج هو شي مهم بالحياة بس بالنسبة لضحايا هي الجريمة

لو عرفت أنه حبيبتك اغتصبت في طفولتها أو شبابها ,, بتقدم على هذا الزواج أم لا ؟؟؟؟

بدي أجوبة صريحة وواقعية وبدون فلسفة ومثالية

و كمان يا ترى بأثر على قرارك إذا كان كل الناس بيعرفوا بأمر اغتصابها ولا بس أهلها اللي بيعرفوا ؟؟

بدي ردة الفعل بالحالتين ؟؟ يا ترى ممكن تختلف ؟؟

[Chris]

لا ماعندي مشكلة ابدا وخصوصي انو عايشين بمجمتع حمار جدا وبيعتبر شرف البنت وعيلتها مرتبط بالجهاز التناسلي تبع هالبنت
اذا ماكان عندي مشكلة بتجربتا اكيد ماحيكون عندي مشكلة بارتباطي فيها وازا حدى عرف او ماعرف ماكتير بتهم

صعب كتير الناس تئدر تستوعب رأيي ... بس هيك انا بشوف الامور وهالشي صحيح جدا وصحي
غيري اكيد مابيناسبه وبيعترض ولهيك الناس اشكال والوان واجناس وافكار ومعادن بالنهاية

[r_mido]

ليش رابطين هالفكرة بالزواج
ممكن تكون هالبنت احسن مني بمية مرة بس مو هي البنت اللي بدي ارتبط فيها
يعني مش اذا المغتصبة رضيت اتجوزا رح تكون منيحة ولا ان رفضت هاد بيعني انها مش منيحة

برجع بأكد ممكن هالبنت تكون احسن مني وما حدا بحئلو يحاسبا ع خطأ هي ما ارتكبتو ولا الها زنب فيو

[تَـرَفْ ~]

لا ماعندي مشكلة ابدا وخصوصي انو عايشين بمجمتع حمار جدا وبيعتبر شرف البنت وعيلتها مرتبط بالجهاز التناسلي تبع هالبنت
اذا ماكان عندي مشكلة بتجربتا اكيد ماحيكون عندي مشكلة بارتباطي فيها وازا حدى عرف او ماعرف ماكتير بتهم

صعب كتير الناس تئدر تستوعب رأيي ... بس هيك انا بشوف الامور وهالشي صحيح جدا وصحي
غيري اكيد مابيناسبه وبيعترض ولهيك الناس اشكال والوان واجناس وافكار ومعادن بالنهاية

شكراً كتير على رأيك و صراحتك كريس
للأسف هيك مجتمعنا يلي عايشين فيه ، الشرف مهم أنه البنت تحافظ عليه بس كمان مو ذنبها بشي حصل مو بإرادتها

[تَـرَفْ ~]

ليش رابطين هالفكرة بالزواج
ممكن تكون هالبنت احسن مني بمية مرة بس مو هي البنت اللي بدي ارتبط فيها
يعني مش اذا المغتصبة رضيت اتجوزا رح تكون منيحة ولا ان رفضت هاد بيعني انها مش منيحة

برجع بأكد ممكن هالبنت تكون احسن مني وما حدا بحئلو يحاسبا ع خطأ هي ما ارتكبتو ولا الها زنب فيو

طيب ميدو أفندي إذا غيرتلك السؤال
و قلتلك أنه حبيبتك لا سمح الله و أثناء علاقتكن و ناووين ترطبوا وتعرضت لهيك حادثة ، بتتركها ؟ لما بتكمل و بترتبط فيها ؟

[r_mido]

بس مو هي البنت اللي بدي ارتبط فيها

انو هي الجملة مكتوبة بالأرمني يعني

[تَـرَفْ ~]

انو هي الجملة مكتوبة بالأرمني يعني

سوري ميدو بس أنا عربي دوبني إفهم
و بعتبر جوابك على سؤالي أنو بتتركها للبنت ..

[ياسمينة الشام]

رح بنتظر لشوف كل الآراء بعدين بحكي رأي
شكراً ع السهرة ترف

[تَـرَفْ ~]

رح بنتظر لشوف كل الآراء بعدين بحكي رأي
شكراً ع السهرة ترف

لا معلش سووما شاركينا هلأ ، لأنه على ما يبدو الكل غايب عن السهرة هههه
و حابة اسمع رأيك أكيد

[ياسمينة الشام]

مممم
البنت يلي بتمر بهيك ظرف ,, في حال أهلها كانو شوي مودرن هههه ومادبحوها أو حبسوها بالحمام لآخر عمرها أو ما رموها لشي ختيار بآخر عمرو ليسترو الفضيحة ,, في حال نفدت من كل هاد
هي حالتها النفسية أكيد رح تكون سوبر زفت ,, رح تكون شايفة كل رجال الدنيا سوبر وحوش ,, لهيك نيالو يلي رح تثق فيه بعد هيك حادثة
وهالشخص مو من وجه الشفقة والله اجى وقال يلا حرام مغتصبة و أكيد ما رح تسترجي تفتح تمها بحرف ورح اضبعها وعيرها ومن هاد الحكي
لازم يكون انسان محترم و متفهم وبيعرف يتعامل مع هيك وضع مو أي حدا يعني لازم يستوعبها ويحاول يطلعها من الحالة النفسية يلي هية فيها
بقى هالشخص يلي بدو يتقدملها إذا ما كان فيه كل هالصفات وما كان فهمان وواعي وعئلو بيوزن بلد فلا يجي يتقدملها من اساسو ويحل عنها ولا يجي يزيدها على قلبها كمان

[Yasmin]

البنت المغتصبة بنت بتنظلم كتير بمجتمعنا الفهيم
بالاول من الحيوان ال اغتصبها
وتانياً من اهلها ومن الي حوليها اللي يا اما بحسسوها انها مجرمة وعاملة شي عيب وكانو هي اللي قالت تعا اغتصبني
او نظرة شفقة انو هي حدا ناقص وحدا بدو معالجة
وبرايي اغلب الشباب ال حولين ما بتوقع انو يقبلو
ولو الشب كان فهمان وووواعي
رح يلاقي صعوبة كتير مع اللي حوليه
يعني الله يعين البنت ال بتنحط بهيك موقف
ويبعد هالبلاء عنا وعن جميع نساء العالم
ويسعدلي مساكي

[r_mido]

و بعتبر جوابك على سؤالي أنو بتتركها للبنت ..

7
7
7

يعني لازم يستوعبها ويحاول يطلعها من الحالة النفسية يلي هية فيها

وهازا ما يصعب علي فعله ...

[نور روز]

بلاقي موضوع عادي جدا واذا كان طرف التاني بيستوعب الموضوع ..

[تَـرَفْ ~]

مممم
البنت يلي بتمر بهيك ظرف ,, في حال أهلها كانو شوي مودرن هههه ومادبحوها أو حبسوها بالحمام لآخر عمرها أو ما رموها لشي ختيار بآخر عمرو ليسترو الفضيحة ,, في حال نفدت من كل هاد
هي حالتها النفسية أكيد رح تكون سوبر زفت ,, رح تكون شايفة كل رجال الدنيا سوبر وحوش ,, لهيك نيالو يلي رح تثق فيه بعد هيك حادثة
وهالشخص مو من وجه الشفقة والله اجى وقال يلا حرام مغتصبة و أكيد ما رح تسترجي تفتح تمها بحرف ورح اضبعها وعيرها ومن هاد الحكي
لازم يكون انسان محترم و متفهم وبيعرف يتعامل مع هيك وضع مو أي حدا يعني لازم يستوعبها ويحاول يطلعها من الحالة النفسية يلي هية فيها
بقى هالشخص يلي بدو يتقدملها إذا ما كان فيه كل هالصفات وما كان فهمان وواعي وعئلو بيوزن بلد فلا يجي يتقدملها من اساسو ويحل عنها ولا يجي يزيدها على قلبها كمان

الأنكا من هيك لما بيجبروها تتزوج يلي اغتصبها !!
حكم بالاعدام يومياً هاد
شكراً لرأيك سووما

[تَـرَفْ ~]

البنت المغتصبة بنت بتنظلم كتير بمجتمعنا الفهيم
بالاول من الحيوان ال اغتصبها
وتانياً من اهلها ومن الي حوليها اللي يا اما بحسسوها انها مجرمة وعاملة شي عيب وكانو هي اللي قالت تعا اغتصبني
او نظرة شفقة انو هي حدا ناقص وحدا بدو معالجة
وبرايي اغلب الشباب ال حولين ما بتوقع انو يقبلو
ولو الشب كان فهمان وووواعي
رح يلاقي صعوبة كتير مع اللي حوليه
يعني الله يعين البنت ال بتنحط بهيك موقف
ويبعد هالبلاء عنا وعن جميع نساء العالم
ويسعدلي مساكي

أهلا وسهلا يسعدلي هالمسا ياسمين الحلوة
قولتك أغلب الشباب كمان ما بحبو رفقاتهن يحكو عليهن أنه يييي شوفوا هاد اتزوج بنت مغتصبة ومالقا غيرا ومن هالحكي
الله يعيينا كلنا يارب
سعيدة جدا جدا بمشاركتك