/// إفـطَـار صَـآئِـمْ بِـمَسـجـدْ الـرُوزْ ~ r_mido

[r_mido]

اللهم لك صمت وعلى رزقك افطرت
ذهب الظماء وابتلت العروق وثبت الاجر ان شاء الله



فتقبل منا انك أنت السميع العليم

[r_mido]

/// الرطب والماء ~

❞ الـصـلاة الـنــــاريـــة ❝

اللهم صلِّ صلاة كاملة وسلم سلاماً تاما على سيدنا محمد الذي تنحل به العقد ،
وتنفرج به الكرب ،
وتنال به الرغائب وحسن الخواتيم ،
ويستسقى الغمام بوجهه الكريم ،
وعلى آله وصحبه بعدد كل معلوم لك .

[r_mido]

/// الشوربة ~

【ولد المولود】

منأدنلو بأدنو الأولى أدن الصلاة , وبالتانية تقام فيها إقامة الصلاة

طيب هاد الأدان وهي الإقامة .... معئول أدان وإقامة بدون صلاة !!
وين الصلاة !!؟

الصلاة يا عزيزي مأخرة
بتعرف إيمتا
!

مأخرة لبعد الممات
رح يصلو عليك بدون أدان ولا إقامة

وكأن سبحانو بورجينا أديش الحياة ئصيرة , كأنها بين الإقامة والصلاة .

[r_mido]

/// المقبلات والمعجنات ~

خلونا نتسابئ لنوصل لهدف الصيام
مش بس انو نتخلى عن الأكل والشرب ... لا يفترض كل واحد فينا يتحلى بالصفات اللي تخلي سبحانو والرسول مبسوطين فينا ..

بس كيف !

اول شي ئبل الشهر بدك تصفي ئلبك وتنوي وتعزم ع الصيام بدون ماتعمل أي شي يغضب ربك ..
بدك تبلش بقراءة القرآن وختمو , والأفضل لو تختمو مرة وتنين وتلاتة ..
زيارة الاهل ووصل الأرحام ..
تصون لسانك من قول البواطل او حتى أي كلمة مزعجة , وحط ببالك انو الكلمة الطيبة صدقة , فحاول تجمع اكبر قد ممكن من الصدقات فهي من مفاتيح الجنة ..
وبالوالدين إحسانا , لا تنساهم ولا تبخل عليهم بالدعاء (سر قبول رمضان الدعاء) كترو منو ..
اني قريب اجيب دعوة الداعي اذا دعاني , تضرع لربك وابكي ولا تتعب من هالشي ..

بالنهاية ياريت كمان ما تنسى فلسطين وأهلا وطبعا كل البلدان المحتلة أو اللي عم تعاني المشاكل ..

والله يهدي الجميع

[r_mido]

/// الطبق الرئيسي ~

彡 ظلم المسلم للمسلم 彡

هي ظاهرة تفشت بالفترة الأخيرة بجميع الأمة الإسلامية عامة وبأماكن الثورات والأزمات خاصة
مع العلم انو الاسلام ذكر هالموضوع كتير سواء بالقرآن او بالسنة النبوية
وأغلب ما تم زكرو عن الظلم كان إما ذم , أو تنبيه على سوء العاقبة

ظاهرة الظلم , وما أدراك ما الظلم
حتى الله سبحانو وتعالى حرمو على نفسو , متل ما حرمو على عبادو ~

❝ يا عبادي إني حرمت الظلم على نفسي وجعلته بينكم محرماً، فلا تظالموا ❞

❝ أتقوا الظلم فإن الظلم ظلمات يوم القيامة، واتقوا الشح فإن الشح أهلك من كان قبلكم، حملهم على أن سفكوا دماءهم واستحلوا محارمهم ❞

عزيزي الظالم باب التوبة مفتوح وإن الله يقبل توبة العبد مالم يغرغر
بس أقلع عن زنبك وخلي الندم يملى ئلبك وشد عزمك على انك ماترجع للظلم

وصلى الله وبارك

[r_mido]

/// الحلويات ~

توقعات الأبراج الحلبية لشهر رمضان ~


الحمل
تتعرض للإختطاف , وشوية تعزيب .. وآخرتك فدية 20 ألف دولار ... دولار ينطح دولار
الثور
نصيحة أخوية , لحئ حالك وشد ع النزوح انت وأهلك ولائولكم بيت أو مدرسة تحويكم
الجوزاء
ريبورتات كتير ع صفحتك بالفيس وهجوم كبير من فئات معينة عليك بتأدي لتسكير صفحتك ع الفيس بوك , وتعيش وتاكل غيرا ..
السرطان
رح يتم تفتيشك ع شي حاجز ... شيل هويتك وتأجيلك ودفتر جيشك وشهادة الابتدائي .............. وانت وحظك ..
الأسد
أو لاااااا أحد سوري يعني بس هيك بئولو خخخ
العزراء
يستر عرضك انضبي بالبيت ولا تطلعي لبرا ستريلنا عزريتك
الميزان
قزيفة بتطج بنص بيتك وبتفرش الشظايا ببيتك فرش , نصيحة لاتنفعل وتاخد قرار سريع بالسفر , روء وفكر ع مهل
العقرب
تشابه اسماء , دير بالك من الحواجز هالشهر
القوس
عندك مكاسب جديدة وكبيرة هالشهر , مننصحك بالاكتتاب ع جرة غاز
الجدي
الحظ هالشهر بصفك , القناص مستحيل يصيبك ... عيني ما تحسك
الدلو
الحبيبة في خطر , واحتمال تنصاب بطلقة بنص الاشتباك
الحوت
رح تنجو من صاروخ محلي الصنع بأعجوبة , أبشر ..






الشعب السوري , يضحك رغم الألم

[ياسمينة الشام]

彡 ظلم المسلم للمسلم 彡

هي ظاهرة تفشت بالفترة الأخيرة بجميع الأمة الإسلامية عامة وبأماكن الثورات والأزمات خاصة
مع العلم انو الاسلام ذكر هالموضوع كتير سواء بالقرآن او بالسنة النبوية
وأغلب ما تم زكرو عن الظلم كان إما ذم , أو تنبيه على سوء العاقبة

ظاهرة الظلم , وما أدراك ما الظلم
حتى الله سبحانو وتعالى حرمو على نفسو , متل ما حرمو على عبادو ~

❝ يا عبادي إني حرمت الظلم على نفسي وجعلته بينكم محرماً، فلا تظالموا ❞

❝ أتقوا الظلم فإن الظلم ظلمات يوم القيامة، واتقوا الشح فإن الشح أهلك من كان قبلكم، حملهم على أن سفكوا دماءهم واستحلوا محارمهم ❞

عزيزي الظالم باب التوبة مفتوح وإن الله يقبل توبة العبد مالم يغرغر
بس أقلع عن زنبك وخلي الندم يملى ئلبك وشد عزمك على انك ماترجع للظلم

وصلى الله وبارك

هاد بالزات اجى ع وجعي حالياً
لدرجة اني نسختو متل ما هو و لصقتو بوش كم حدا بكرهن ههههههه

[ياسمينة الشام]

بالنسبة لباقي الأفطار
يسلمو اديك أبو الميد
تعبتك معي و ماشالله طلع معك موضوع بشهي
الله لايحرمنا منك
و نشوفك عم تضحك ع طول .. لأن الشعب الفلسطيني بيضحك ع طول كمان
مو هيك

[السندريللا]

العين تشبع قبل المعدة احياناً
.
.
مائدة جداً شهية ..ولذيذة وانيقة
غنية بالفيتامينات الروحية ...واهم شي انها كتير لايت
[ حــــبّــــــــــييييييت]
مائدة لامست الروح بكل بهجة ورسمت درب نور اشاع
روحانيات هالشهر بالمواعظ البليغة يلي اتضمنتها
ربي يجعل هالموضوع بميزان حسناتك
ويتقبّل منك

تقديري

[تَـرَفْ ~]

الله يسلم اديك و ما يرحمنا ابداعك
اطباقك غنية وشهية
و فقت في الطرح ميدو

[♪♪زهرة اللوتس♪♪]

مسا الخير
الله يجزيك الخير فطور رائع وتوجيهات قيمه ياريت كتار يلتزمو فيها ويطبئوهااا
الله يعطيك العافيه ادمن
بس شو مشان

الحمل
تتعرض للإختطاف , وشوية تعزيب .. وآخرتك فدية 20 ألف دولار ... دولار ينطح دولار

يعني اخرتي بدنا نحط الحيله والفتيله فديه الله يجيرنا ههههههههه احسن شي

[r_mido]

هاد بالزات اجى ع وجعي حالياً
لدرجة اني نسختو متل ما هو و لصقتو بوش كم حدا بكرهن ههههههه

بعرف اني دايما بجيكي ع الوجع

بالنسبة لباقي الأفطار
يسلمو اديك أبو الميد
تعبتك معي و ماشالله طلع معك موضوع بشهي
الله لايحرمنا منك
و نشوفك عم تضحك ع طول .. لأن الشعب الفلسطيني بيضحك ع طول كمان
مو هيك

الله يسلمك وما انحرم هبلك كمان
وشجرة فلسطين طول مافي بورائها ورئة اسما تسنيم مستحيل ينحرم الضحكة

منورة حجة

[r_mido]

العين تشبع قبل المعدة احياناً
.
.
مائدة جداً شهية ..ولذيذة وانيقة
غنية بالفيتامينات الروحية ...واهم شي انها كتير لايت
[ حــــبّــــــــــييييييت]
مائدة لامست الروح بكل بهجة ورسمت درب نور اشاع
روحانيات هالشهر بالمواعظ البليغة يلي اتضمنتها
ربي يجعل هالموضوع بميزان حسناتك
ويتقبّل منك

تقديري

روحنا اللايت والدايت .... بس شو يعني !!؟ خخخخ

نسرين طالما الوضع غجبك وحبيتيه فأنا بعطي نفسي العلامة التامة غير منقوصة
انشالله البهجة ما بتفارء روحك
ومنورة

[r_mido]

الله يسلم اديك و ما يرحمنا ابداعك
اطباقك غنية وشهية
و فقت في الطرح ميدو

الله يسلمك حجة بس ما تواخزينا نسينا السلطة
منورة خيت

[r_mido]

مسا الخير
الله يجزيك الخير فطور رائع وتوجيهات قيمه ياريت كتار يلتزمو فيها ويطبئوهااا
الله يعطيك العافيه ادمن
بس شو مشان

الحمل
تتعرض للإختطاف , وشوية تعزيب .. وآخرتك فدية 20 ألف دولار ... دولار ينطح دولار

يعني اخرتي بدنا نحط الحيله والفتيله فديه الله يجيرنا ههههههههه احسن شي

أفهم من هيك انك بتملكي 20 ألف دولار !!
حاسبي ع كلامك فكلو محسوب عليكي هع هع

منورة حجة زهرة والله يحميكي ويحمي الربع كلو