سؤال ... مستفز !!

[Chris]

مرحبا

اذا كنت من الاشخاص يلي ماعندها القدرة على التفكير (بشكل حيادي) لا تكمل ئراية الموضوع لانك بدك تدايئ وانا مابحب حدى يتدايئ وبئصر الشر

كلنا عم نسمع عن الامراض العجيبة يلي عم تنزل بالبشرية كل فترة , من ايام الكوليرا والطاعون لوئت جنون البقر والحمى القلاعية وانفلونزات الحيوانات والعصافير واللذي منو

وطبعا ما مننسى الايدز و حاليا النجم الجديد كورونا

ايه سيدي منجي للمفيد

كتير من الاشاعات يلي حملت طابع علمي انو عدد لابأس به من الفيروسات هية تطوير معامل بيولوجية على ايدي مهندسين جينات بهدف استعمال الفيروسات لاغراض عسكرية ... يعني كـ سلاح

ومن هي الئصة طلعت بعئلي فكرة لسؤال

لنفرض بيوم من الايام هالبشرية نامو / فائو اكتشفوا انو كلهن الجزء المتعلق بالدين تبعهن انمسح من الذاكرة ... يعني رجعو البشر لمرحلة الزيرو بالنسبة للمذهب الديني والمعتقد والحالات الايمانية

هيك شي مختبر متطور بشي دولة متطورة قرروا علماء يطورو هيك فايروس بيصيب بس منطقة معينة بالذاكرة يلي بينحفظ فيها المعتقد الديني

برايكن شو حيضل للبشرية شي يتئاتلو عليه ويدبحو بعض عليه ويئطعو روس بعض ويهددو بعض ؟؟؟
اذا كلو راح ماعاد في عنا فلان صح اكتر من فلان

وشو ماكان رايك وجوابك , نحنا كبشر عنا عئل مافينا نتصرف على هاد الاساس ... انو نخلي الايمان بينا وبين الله وماحدى دخلو بالتاني شو ربو ومين ربو ؟؟؟

وشكرا لسعة صدوركم ايها الاعزاء

ملاحظة : مابعرف شو ممكن يكون ردة فعل الادارة عالسؤال بس انا ماعندي اي نوايا شريرة بطرحه للموضوع... بس شو ماكان الاجراء /تم التفهم مسبقا/

[ياسمينة الشام]

هلأ ما بعرف إذا فهمت الموضوع صح
بس بنظري مو بس الدين هو سبب الخلافات بين البشر ..
عندك الجنس , اللون , العرق , العنصرية , المال , السلطة , الأرض
يعني إن خليت هالأسباب خربت ههههه
و كتير عقليات مريضة هي سبب المشاكل والخلافات , لهيك القصة مو بالدين , القصة بعقل وتفكير الشخص

[Chris]

هلأ ما بعرف إذا فهمت الموضوع صح
بس بنظري مو بس الدين هو سبب الخلافات بين البشر ..
عندك الجنس , اللون , العرق , العنصرية , المال , السلطة , الأرض
يعني إن خليت هالأسباب خربت ههههه
و كتير عقليات مريضة هي سبب المشاكل والخلافات , لهيك القصة مو بالدين , القصة بعقل وتفكير الشخص

اهلين سوما ... تماما وصلك الموضوع صح

كلامك جميل واذا بتلاحظي عدد المجازر والاجرام يلي عم يرتكب باسم الدين اكبر من البائي يعني موضوع العرق واللون والعنصرية صارت اقل بكل العالم الا بالعالم العربي
وياستي بركي بيصير في مرض بيقضي عالمرض جوا العقليات المريضة وبتصير عقليات طبيعية بئا

نورتي ايتها السوما

[ياسمينة الشام]

اهلين سوما ... تماما وصلك الموضوع صح

كلامك جميل واذا بتلاحظي عدد المجازر والاجرام يلي عم يرتكب باسم الدين اكبر من البائي يعني موضوع العرق واللون والعنصرية صارت اقل بكل العالم الا بالعالم العربي
وياستي بركي بيصير في مرض بيقضي عالمرض جوا العقليات المريضة وبتصير عقليات طبيعية بئا

نورتي ايتها السوما

شو عامل إحصائية لأنواع الجرائم والضحايا فيها ؟؟ ههههه
لا ما بوافقك
يعني حتى الجرائم يلي عم ترتكب باسم الدين هية خالية من الدين والمعتقدات الدينية و سببها ( عقليات مريضة ) عم تقتل باسم الدين .. !
يعني السبب متل ما عم قلك ناس مريضة بكل الأحوال .. و بالأساس ماحدا بيرتكب جريمة قتل إلا وما يكون مريض و مو طبيعي

[r_mido]

عزيزي المششكلة مش بالدين بحد زاتو
المشكلة بطريئة تطبيئ الدين
يعني لما بطلعلك حمار بجي بفجر حالو ببنايتك وبلعن ابو سلسبيل اهلك بحجة انو هاد جهاد
لا هون سمحلي هاد الدين منو براءة
وطبعا الامثلة تطول

الاديان السماوية جميعا اسمى من هالشي اللي عايشينو
وحاليا انا ما بعترف بحدا بئول انا مطبئ الدين ع اصولو
كل واحد عامل لحالو دين ع كيفو وماشي عليه

[Chris]

تماما ايها السادة هي هية الفكرة
الغلط مو بالدين السماوي الغلط بكيفية التطبيق , بس السؤال اذا راح كل هاد المفهوم من الوجود شو بيصير ؟؟؟
وشو الفايدة منو اذا كان كلو ما عم يتطبئ ... بس اكتر شي بيجاكر وبيزعج يلي بيجير كلشي لفكرة انو مابتعرف شو الحكمة يلي جاية

وعلى فكرة سوما في دراسة بجامعة ياال باميركا بتحكي انو الانسان ممكن يرتكب اعتى انواع الاجرام اذا كان في جهة يلقي اللوم عليها ... وهاد ما يحدث حاليا تحت ستار واسم الدين في مناطق متعددة في العالم
والنتيجة اجت صادمة 65% من العالم يلي خضعوا لهي الدراسة ماكان عندهن ادنى مشكلة بانو يعملو هالشي طالما في جهة يلقوا عليها اللوم وتتحمل النتائج حتى لو كانت مؤسسة دينية

[ياسمينة الشام]

انتا قلت جهة يلقوا اللوم عليها , يعني لو اختفى الدين من الوجود رح يلاقو أي جهة انشالله لو فيلم كرتون حرضهن ع القتل
لزلك أعيد و أكرر الدين مالو السبب الدين صاير الحجة بس و القاتل ممكن يلاقي ألف حجة

[gaya]

السلام علينا كلنا أشة لفة.

يعني أول شي موضوعك مبني على تخيل باطل لأنو ما في دولة متطورة رح تكرس مختبراتها لتقضي على أقوى فايروس هنن ناشيرنو ( الدين )

هيدي الدول مسيرة العالمين على الثالوث المحرم ( الدين الجنس السياسة )

أكتر مرض مناسب لتستنزف البشر بعضا هو الدين لأن كلو عم يدمي بعضو تحت اسم المعتقد والحفاظ على الهوية وإزا الدول العظمى بدها حجة

لتفوت بلد وتبلع نفطو وتهدم حضارتو وملامحو بيكون أسهل طريق انها تنسب مصيبة بإسم دين أهل هالبلد متل ما صار بالعراق

والجنس متل ما معروف إنو جرائم الشرف لا زالت مستمرة وما كنا نعرف نعالج مشاكلنا بطرق أكتر إنسانية ..إلخ




هلئ شو ح يضل للبشر يتئاتلو عليه ح يضل الموضوع الأساسي النفط و العرق . بس حيلائو أسباب تانية غير الدين يخلئو منها الحجة,



لحتى توصل فكرتي أوضح بتمنى عليكن تشوفوا ما يلي :

http://www.youtube.com/watch?v=V37EXdKX3cQ

http://www.youtube.com/watch?v=b9j-khZvthY

http://www.youtube.com/watch?v=IDZxsH7alpU

[Chris]

السلام علينا كلنا أشة لفة.

يعني أول شي موضوعك مبني على تخيل باطل لأنو ما في دولة متطورة رح تكرس مختبراتها لتقضي على أقوى فايروس هنن ناشيرنو ( الدين )

هيدي الدول مسيرة العالمين على الثالوث المحرم ( الدين الجنس السياسة )

أكتر مرض مناسب لتستنزف البشر بعضا هو الدين لأن كلو عم يدمي بعضو تحت اسم المعتقد والحفاظ على الهوية وإزا الدول العظمى بدها حجة

لتفوت بلد وتبلع نفطو وتهدم حضارتو وملامحو بيكون أسهل طريق انها تنسب مصيبة بإسم دين أهل هالبلد متل ما صار بالعراق

والجنس متل ما معروف إنو جرائم الشرف لا زالت مستمرة وما كنا نعرف نعالج مشاكلنا بطرق أكتر إنسانية ..إلخ




هلئ شو ح يضل للبشر يتئاتلو عليه ح يضل الموضوع الأساسي النفط و العرق . بس حيلائو أسباب تانية غير الدين يخلئو منها الحجة,



لحتى توصل فكرتي أوضح بتمنى عليكن تشوفوا ما يلي :

http://www.youtube.com/watch?v=V37EXdKX3cQ

http://www.youtube.com/watch?v=b9j-khZvthY

http://www.youtube.com/watch?v=IDZxsH7alpU

اهلين ياسمين وهي كسبنا وجهة نظر جديدة مدعومة بالاجزاء التلاتة من زايتغايست
وهاد يلي بئصده انو يضل في حركة فكرية ما توئف الئصة عند اللوم والنقد بدون شي تاني
لازم نلائي حلول لكل المشاكل ونبطل انتظار معجزات ... صحيح في قوى بتحاول تتحكم بس ارادة الانسان الحرة كل عمرها مصدر ذهول للاخرين
وهاد واحد من اسرار انو مافيك تتنبأ 100% بسلوك وردات فعل انسان

يمكن بيوم من الايام تتزكرو كلكن هاد الموضوع وتئولو بزمانو واحد حكا هيك فكرة مدري وين اريناها عالانترنت .. بس ما تتزكروني لاني انا انسان بعيش بالجزء المؤقت من الذاكرة وما بنتئل عالطرف التالت من الدماغ

[Chris]

على كل حال ماكنت متوقع شي اكتر من يلي انكتب

تمنيت حدى يخيبلي املي ولكن للاسف ... كلو متل التوقعات

[gaya]

على كل حال ماكنت متوقع شي اكتر من يلي انكتب

تمنيت حدى يخيبلي املي ولكن للاسف ... كلو متل التوقعات

متل التوقعات؟

ازا شفت الوثائقي وأكيد مفروض شايفو رح تعرف إنو بقصد إنو بس شلنا الرموز الدينية كلها مع مضمونها من حياتنا وبئينا عايشين على إنسانيتنا يلي

بدورها بتفرض علينا أخلاقيات بحياتنا.

بتنحل كل مشاكل الأرض

واكيد رح يخلئ حجج جديدة بس مو بفظاعة الموجود لأن أي حجة بتتناقش إلا الأديان ما فيها دور للعئل كونا مسلمات وتعتمد ع الغيبيات

[Chris]

من لما خلئ اول انسان على سطح الارض لسنة 1800 ميلادي صار تعداد البشرية 1 مليار نسمة
من سنة 1800 ميلادي لسنة 1920 ميلادي صار تعداد البشرية 2 مليار نسمة
من سنة 1920 ميلادي لسنة 1970 ميلادي صار تعداد البشرية 4 مليار
من الـ 1970 لهلئ قاربنا نوصل للـ 7 مليار واكتر

موارد الارض الحالية ما حتكفي البشرية 90 سنة تانية وهي الارقام بناء على منظمة الصحة العالمية وادارة الغذاء والدواء
يلي كان مستوعب وحاسب تعداد البشرية بسنة الـ 1800 كان عرفان تماما شو عم يتصرف وشو عم يعمل وتجارب تحديد النسل وانقاذ موارد الارض لاستمرار الجنس البشري اطول فترة ممكنة

طااعون اوربا يلي قضى على ملايين البشر ووصل لمشارف اسيا الوسطى واجزاء من الشرق الاوسط وحوض النيل وبعدها التيفوئيد والكوليرا ساعدت بهاد الموضوع ومن هون لمعة الفكرة

واستثمروا موضوع الدين ليتكفل بالنزاعات بدول العالم التالت ويكمل عالبائي لانو بنظر العالم الحالي دول العالم التالت هية العالة الغير منتجة لاي شي مفيد مجرد مجتمعات استهلاكية تكاثرية

وليش حتى تصرف اموال لتطور نوع سلاح لا زيد الجهل وحاربهن وفرئهن بالدين ... ليش مافيك تثير اي نعرة طائفية او مذهبية دينية باي بلد اوربي ؟؟ او باميركا ؟؟؟ او حتى اوستراليا يلي وئت بريطانيا استعمرتها عملتها للاولاد الغير شرعيين للوردات والمرضى والعجزة والخدم
ليش باسرائيل مافيك تثير خلافات حول يهود الاشكيناز والسفرديم مع انو هنن نفسهن بيعانو من هي المشكلة بمجتمعهن بس ولا مرة عملت خلاف ودبحوا بعض ؟؟

فكرتي من السؤال كانت مو بحرفية (مختبر متطور ملموس) انما فكرة عامة للتحرر من قولبة الاشياء وسيطرة الوهم علينا بادارة من برا

حكيت باكتر من مكان وباكتر من اجوبتي انو انا مالي ضد فكرة الاديان ولا ضد وجود خالق انما انا انسان عم ابحث عن اجوبة وبسئل اسئلة بتحفز عالاجوبة او البحث عن اجابة

كل عمرنا منئول ليش مختلفين بالدين ومين صح ومين مو صح ... حاولت بسؤالي هاد انو اسئل شي من برا الحالة بركي بتجي اجابات مختلفة وبتشوف شي عم حاول اني اشرحه .. هاد يلي حكيت عنو انو فشلت فيه

مو انو الناس يلي عم تجاوب مو ئد المئام ولا معلوماتها بسيطة او خجولة ... وتوقعاتي مو انو الناس محدودين وضحلين

انا اذا في بئلبي ايمان فهو بالبشرية والانسانية بانو حنعمل شي نئدر نتغلب فيه على اي شي بيوئف بوشنا ومنها التفرقة بسبب المذهب والمعتقد بس هاد الشي يلي عم حاول بعد عنو كبداية بس اسال سؤال يوصلنا الو بالنهاية

نشوف من غير منظر وغير وجهة نظر

انا ما بستخف بانسان ولا بفكر انسان ولو كان فكر جاهل امي بياع على بسطة

هي كل الفكرة ... وانا اسف اني استفزيت مشاعر البعض

وانا اسف اني ماعاد رد عالموضوع وحئكن انتو الكل عليي

[السندريللا]

يعني للاسف كنت عم رد ع سؤالك الاول ولكني لما كنت عم اعمل معاينة لاحظت ردك الاخير
فاضطريت اني اجري التعديل على مشاركتي ورد على الخاتمة يلي ذكرتها :
يلي خلق هالارض وخلق البشر قادر على انو يرزقهم ..مين هنن يلي عم يعملوا هالاحصائيات ويتحكموا بكل سكان الكرة الارضية ؟؟
وع اد ما تكون قدراتهم كبيرة ما رح توصل لانن يتغلبوا على ارادة الله خالق الكون ومدبر اموره .
المعلومات يلي ذكرتها يمكن تكون صحيحة ، ولكن الاستنتاج غير منطقي ، لان الواقع بيختلف .
لو دققنا بكل الحروب وبكل الكوارث البشرية رح نلاقيها كلها مفتعلة بسبب السلطة
ومبدأ (( القوي بياكل الضعيف )) مسيطر من اول ما تكونت البشرية
يعني قبل العلم والتكنولوجيا والنفط وعلم الذرّة والاسلحة الفتاكة .....

[Rainbow]

اول شي هاد الهرمون اللي عم تحكي عنو مستحيل حصوله ... لكن عم يحالوا يبثوا هيك امور عبر مصطلحات متل ( العلمانية ) و غيرا

واللي عم يسعى لينشر هيك مفاهيم هو اساساً عنصري ، حتى يسهل عليه السيطرة على الشعوب

لأن الدين يهذب المجتمع و يجعل له مبادئ و أسس ... اما اذا مافي دين فاي فكرة يتبناها العدو ممكن يمشيها عهالشعب و يعمل كل شي لصالحو و صالح فكرو المنحرف

اما عن الحروب ... فاساس الحروب هو المصالح غالباً ،، خاصة الاقتصادية .. يعني حرب العراق هي حرب الاستيلاء على النفط ... بس تنوعت الذرائع و الهدف واحد

و هدف عنصري تاني لصالح سرطان الامة العربية و الإسلامية ( اسرائيل ) هو تشتيت و تفتيت هالبلد ليكون لقمة سائغة لمشروع ( اسرائيل الكبرى من الفرات إلى النيل ) و حتى هجمات 11 سبتمبر هي لتشويه الاسلام ... لان هؤلاء العنصريين لا يريدون لاحد ان يستولي على العالم و يتحكم فيه غيرهم لان عم يستفيدو و تكبر ثرواتهم و هنن المسيطرين

اما اذا اجا الإسلام فما حيقبل بالاستغلال .. بالزنا ... بالسرقة بالربا ب ب ب ... وهالشي ما لصالحهم

---------

و الدنيا دار ابتلاء و امتحان و العاقبة للمتقين و الجنة دار الخلود التي وعد بها الله سبحانه وتعالى عباده الصالحين الصابرين

يعني الحياة هي أساساً امتحان و الآية الكريمة تقول :

(.... وَلَوْلَا دَفْعُ اللَّهِ النَّاسَ بَعْضَهُمْ بِبَعْضٍ لَهُدِّمَتْ صَوَامِعُ وَبِيَعٌ وَصَلَوَاتٌ وَمَسَاجِدُ يُذْكَرُ فِيهَا اسْمُ اللَّهِ كَثِيرًا ...)

يعني رب العالمين كل فترة وفترة يبتلينا حتى يتجدد إيماننا و يقينتا و نرجع لديننا ويلفت نظر الآخرين للإسلام ... و إلا الحياة حتكون رتيبة و مملة

يعني هجمات 11 سبتمبر كانت لتشويه الإسلام وانو المسلمين ارهابيين ... لكن اللي صار انو في ناس برا ما بيعرفو شي عن الإسلام ،، فبقلولك انو من بعد هالهجمات الناس صار بدها تعرف شو هاد الإسلام و شو قصتو ،، فقرأو عنه و اكتشفوا انو دين تسامح و دين صحيح و يرقى بالإنسان ،، فكتير ناس أسلمت بعد 11سبتمبر

فتحققت الآية الكريمة :

( ( وَإِذْ يَمْكُرُ بِكَ الَّذِينَ كَفَرُواْ لِيُثْبِتُوكَ أَوْ يَقْتُلُوكَ أَوْ يُخْرِجُوكَ وَيَمْكُرُونَ وَيَمْكُرُ اللَّهُ وَاللَّهُ خَيْرُ الْمَاكِرِينَ )

و الجنة غالية :


( أَمْ حَسِبْتُمْ أَنْ تَدْخُلُوا الْجَنَّةَ وَلَمَّا يَأْتِكُمْ مَثَلُ الَّذِينَ خَلَوْا مِنْ قَبْلِكُمْ مَسَّتْهُمُ الْبَأْسَاءُ وَالضَّرَّاءُ وَزُلْزِلُوا حَتَّى يَقُولَ الرَّسُولُ وَالَّذِينَ آمَنُوا مَعَهُ مَتَى نَصْرُ اللَّهِ أَلا إِنَّ نَصْرَ اللَّهِ قَرِيبٌ)

سورة البقرة

(أَمْ حَسِبْتُمْ أَنْ تَدْخُلُوا الْجَنَّةَ وَلَمَّا يَعْلَمِ اللَّهُ الَّذِينَ جَاهَدُوا مِنْكُمْ وَيَعْلَمَ الصَّابِرِينَ (142) سورة آل عمران ...


والله أعلم

[♪♪زهرة اللوتس♪♪]

صباحووو طالما الموضوع من عنوانو مبين انو مستفز لهيك بدك تتقبل كل ردات الفعل اخي ومن غير زعل
وانا برايي انو الدين خط احمر عندو لانو بصراحه اي مناقشه فيو رح توصل لطريق مسدود
ومتل ما قالو الكل المشكله مو بدينا المشكله فينا نحنا يلي كل واحد بياخد من تعاليم دينا وشرعنا يلي بيحلالوا وبيفسروا عا كيفوو
وبيطبقو متل ما بدو
ودمتم بخير