سهرة رمضان ( الإدعش ) ,, الزواج من مُغتصبة ..!

[gaya]

مارئة إحكيلك إدعش وشكراً على الطرح والجمع والتئسيم وكل متعلقات الموضوع

راجعة .

[تَـرَفْ ~]

7
7
7



وهازا ما يصعب علي فعله ...

أي يا ميدو مشاكل ، الله يبعتلك بنت ما تكون فيها عقد وحالات نفسية مستعصية ههههه مشان ما تغلبك
شكراً لمرورك أكيد منووور ميدو بيك و شكراً لصراحتك

[تَـرَفْ ~]

بلاقي موضوع عادي جدا واذا كان طرف التاني بيستوعب الموضوع ..

شكراً لرأيك نووور حمص
نورتي سهرتي

[تَـرَفْ ~]

مارئة إحكيلك إدعش وشكراً على الطرح والجمع والتئسيم وكل متعلقات الموضوع

راجعة .

بإنتظار رجعتك على أحر من الجمر

[السندريللا]

يعطيكي الف عافية (( ترف ))

موضوع شائك وسيف ذو حدين ..بيترك النفوس محتارة بأمرها ،
ما رح غوص بتفاصيلو انما رح احكي باختصار وايجاز .
كلنا معرّضين للوقوع بهالمشكلة ، ومن الصعب جدا تحديد موقف معتدل ومنصف
من جهة الارتباط ببنت تم الاعتداء عليها والخبر منتشر بين الناس سلبياتو اكتر بكتير من ايجابياتو
لان الزواج هو تأسيس اسرة ، والاسرة جزء من المجتمع ،
وهالاسرة كيف رح تستمر وتنجح طالما اساسها مش متين ومنبوذ من المجتمع ؟؟
من السهل نئول ما بتفرء معنا الناس ، ولكن صعب نعيش بدونهم لحالنا .
ومن الجهة التانية نبذ هي البنت والابتعاد عنها ورفضها بيكون اصدار حكم بالاعدام ظلما وعدوانا .
لذلك انا بئول باللحظة يلي هالبنت اغتُصبت ، مستقبلها ضاع وصارت من عداد الاموات .

[محمد]

هيك شغلات بمجتمعنا محكوم عليها دوما بالفشل ...

والفشل الذريع ...

اذا عنا لهلئ الشباب عندهن فكر غبي جدا ..

وهو انا ما بتزوج بنت بمشي معها ...

فكيف اتزوج بنت مغتصبة ..؟؟؟

بالنسبة لالي ...

بدي ارتبط بهيك بنت لازم اكون متعلق فيا ...

+

لازم انكون حياة جديدة بعيد عن ايا جو بيزكرها بمأساتها ...

بمعنى ...

لازم الواحد ينتقل لبيئة جديدة ما حدا بيعرفوا فيا ...

يسلموووو ....

[syria oshqy]

صباح الخير
هلق هالمغتصبة اغتصبت بإرادتها ولا غصب عنها أكيد مافي واحدة ممكن تحب انو ينقال عنها انها مغتصبة وبمجتمعنا بس يسمعوا عن واحدة انها مغتصبة يالطيف شو بصير غضب الله وبينزل عليها وعلى عيلتها من سابع جد وجايه لساها عايشة أهلها مادبحوها يبعتلها حمى هي وأهلها على الترباية
وموعرفانيين انو اي انسان معرض للإغتصاب في شباب متفهمة وواعية انوهالبنت هلي اغتصبت كان اجباري عنها موبرضاتها ويمكن يتقدموا لأهلها ويتزوجوها ويمكن الشب هوي يلي بسكت الناس بكلاموا انو هالبنت يمكن تكون اشرف من اي بنت تانية عاملة حالها عفيفة وطاهرة وهي بتكون عاملة السبعة وذمتها ولكن بالخفاء
هذا رايي

[gaya]

بإنتظار رجعتك على أحر من الجمر

هنن كم سطر ..

الشب يلي بيتعامل مع المغتصبة كأنها المجرم وليست الضحية بطلب منو التالي بما إنو عم نمر بأيام تسمح بحدوث أي شيء :

يتخيل حالو انخطف وهو طالع يجيب خبز لأهل بيتو وتعرض للاغتصاب من مجموعة مؤلفة من 7 زعران !! لا لا خلص بيكفي واحد بس مسلح.

وصار في عداد المغتصَبين ... كيف بيحب تعاملو البنت المو مغتصبة ومرحب فيها اجتماعياً ؟؟

كنت بتمنى حدا يمر ويئلك أنا بدي أعمل حملة للمطالبة بإنشاء مصحات نفسية للمغتصبين و المعتصبات

هامش : إلى كل من يعتبر أن الفتاة توفيت اجتماعياً لهاد السبب ..بئلن إنتو وآرائكن يلي مرجعينا لورا . والحدا يحسبا ع ناسو ولا يئعد ع كوكب تاني ويحكم ع أي موضوع في العالم .

هامش تاني : في الصغر نحنا كمان كوننا شعوب جميلة وفهيمة مننتبه طول الوئت ع البنت .. لأن مخنا أذ البصلة المعفنة مننسى إنو الصبي مخلوق طفولي كمان ... وممكن يتعرض للاغتصاب.


هامش 3 : لكل الشباب بجد بجد العضلات لحالا ما بتكفي.. وإزا تجمعو على واحد مفتول العضلات 4 مو مفتولين العضلات .. بيحطمو اجتماعياً على ئولتكن .

إي شو هالرد يلي كلو هوامش ؟؟ كلك زوء ترف ويعطيكي العافية وجعله في ميزان الخضرة تبعك ..لأنو سدئيني صايرة أغلى من الحسنات بشهادة الناس المغتصبين والمعافين .. لأن كلنا مغتصبين شرائياً هلئ .

[gaya]

صباح الخير
هلق هالمغتصبة اغتصبت بإرادتها ولا غصب عنها أكيد مافي واحدة ممكن تحب انو ينقال عنها انها مغتصبة وبمجتمعنا بس يسمعوا عن واحدة انها مغتصبة يالطيف شو بصير غضب الله وبينزل عليها وعلى عيلتها من سابع جد وجايه لساها عايشة أهلها مادبحوها يبعتلها حمى هي وأهلها على الترباية
وموعرفانيين انو اي انسان معرض للإغتصاب في شباب متفهمة وواعية انوهالبنت هلي اغتصبت كان اجباري عنها موبرضاتها ويمكن يتقدموا لأهلها ويتزوجوها ويمكن الشب هوي يلي بسكت الناس بكلاموا انو هالبنت يمكن تكون اشرف من اي بنت تانية عاملة حالها عفيفة وطاهرة وهي بتكون عاملة السبعة وذمتها ولكن بالخفاء
هذا رايي

نوع جديد هاد ؟ ههههههههه

يحرء يلي بيكرهك يا سوريا عشقي بتسدئي فتحت القاموس بسببك .

حتى لو كان أصدك انها هي يلي رايحة مشوار مع واحد فئام طلع مو حباب واغتصبها ... فمو زابطة لأن هي ما عندا نية مسبقة تغتَصَب .. هي كانت بدا تعيش شوية مشاعر حلوين
متل ما كل العالم بيئاتلو مشان يعيشوها لهالمشاعروبيضلو ينوحو لما بيخسروها ع الفيس وبكل طريئة بيصحلن فيها يتوجعو علناً و سراً.

وسلمتي سيدتي

[gaya]

هيك شغلات بمجتمعنا محكوم عليها دوما بالفشل ...

والفشل الذريع ...

اذا عنا لهلئ الشباب عندهن فكر غبي جدا ..

وهو انا ما بتزوج بنت بمشي معها ...

فكيف اتزوج بنت مغتصبة ..؟؟؟

بالنسبة لالي ...

بدي ارتبط بهيك بنت لازم اكون متعلق فيا ...

+

لازم انكون حياة جديدة بعيد عن ايا جو بيزكرها بمأساتها ...

بمعنى ...

لازم الواحد ينتقل لبيئة جديدة ما حدا بيعرفوا فيا ...

يسلموووو ....

محمد بغض النظر عن بعرفك أو لأ.. مستهضمتك أو لأ .. بعد استثناء كل هدول .

بدي احكيلك إنك ازا كنت تعني ما تقول بهالرد .. فيمكن في أمل نصير نشوف حل للمشاكل بدون ما نحس إنو هيدا وضع بعيد عن حارتي لذلك مالي في

يلي حطيتو بالأحمر أنا .. هو طريئة كويسة عتبرتا أنا ل يلي كتير حامل هم الناس.. صحيح الحكي في حلول تانية. بس ما تنسى إنو البنت لازم تتعالج في حال كان عندا اضطرابات ما ئدرت تتخلص منها.. كرمال أطفال كويسين وتربية جيدة لولادا.

شكراً .

[Randah]

شو ذنبها انو اغتصبوها سواء طفلة أو صبية أو ست
مجتمعنا مو ممكن يتصلح " المجتمع الشرقي " و لا بعمرو
ما فيي رد لأنو المسألة صعبة جدا
الله يستر و يحمي بناتنا و ولادنا جميعا
ألف شكر ترف

[gaya]

شو ذنبها انو اغتصبوها سواء طفلة أو صبية أو ست
مجتمعنا مو ممكن يتصلح " المجتمع الشرقي " و لا بعمرو
ما فيي رد لأنو المسألة صعبة جدا
الله يستر و يحمي بناتنا و ولادنا جميعا
ألف شكر ترف

أنا بخبرك شو ذنبا ..

ذنبا إنها عايشة ببلاد بتحلل الناس فيها سبي الفتيات يلي بيلبسو جينز ( يعني مو سبي حرفي .. بس صفني فيها شوي بتفهمي عليي ) ... مثال: لو رينبو شب مو بنت واختلى هالرينبو الشب بفتاة في مصعد طالع شي 14 طابئ وعلى عئلية الرينبو شو بتتخيلي بيصير؟؟

2- هدول الناس نفسن بينسو انو حتى المستور عليها يمكن يجي واحد مربى على مبادئ الفحولة ومبررلو إنو شهوتو لا تصد ولا ترد انو يغتصب بنت أياً كان ترتيبا.
وهو نفسو هاد يلي بيعتبر انو بيحئلو أربع سحارات بندورة ... أصدي اربع نساوين لأنو شهوتو لا ترد ولا تحتمل . ( من باب الفحولة وليس الحيوانية )

3_ ذنبا إنها عم تتربى ع إيد نسوان بيرفعو شأن الذكر وبينزلوها ع الأرض .

4- ذنبا انها عندا صديقة ساكنة بالئصر وازا شافتا اغتصبت رح تئلا ياي أنا ما بيخلوني أهلي حاكيكي .بس ما صدفت إنو عندا رفئات يشدو ع إيدا ويئلولا تعالجي ونحنا جنبك ولا حتى أهل هيك.

[♪♪زهرة اللوتس♪♪]

صباح الخير
على اعتبار انو الموضوع موجه للشباب
انا بكتفي بالمتابعه بس لو كنت شب حايكون رايي نفس راي احمد
نحنا بمجتمع شرقي ذكوري وماممكن بيوم وليله نغير كلشي فيووو
والله يعين الكل

[أنثى السعادة]

مجتمع قذر و ناس أقذر
ماحدا عم يرحم حدا
و أنا عتبي عالبنات الي قالو انا بتصير منبوذة اجتماعيا او ميته و عتبي ع الي بوقف مع تفكير الشباب ، لان اذا البنت فينا ما حست بالبنت فما عتبنا عالشباب ابدا، هالمجتمع نحنا عملناه فالضعف بالناس موجود ما حدا بيفرض شي ع حدا ، لما انا بعمل شي بشوف حالي صح فيه ما بظن ح يكون صعب عليي سكت الي حواليي ، ما ح قول الله يجير حدا ، لان ما بدي اعتبر البنت المغتصبه كائن او عاله اومرض غير دواء له ، متلها متلنا لا تختلف بشيء عنا لان ظروف الحياة بتخلينا محتاجين علاج نفسي متلها ، و ما بحب اساسا اتعامل مع هالموضوع ع انو مشكله عظيمة لان اللاأخلاقيات الي عم نعايشها يوميا من نصب و كذب و اكل رزق حدا و كل هالقصص شي اكبر و اعظم من الاغتصاب بس للاسف ما حدا بدير بال لهالامور بقدر ما بيهتم بالبنت و شو حواليها لحتى ياخدها من بيت اهلها خلنج و ما عليها شائبة ، ترف ما انتبهت اذا شب او بنت انت ، بس جد شكرا ع الموضوع صح بيتنكرز بدني بهالسير لان كل يلي بناقش ما حدا ح يحس باحساس هالانسانه المغتصبه لذلك اجوبة بديهيه كتير الي قريتا ، يسعد مساك اومساكي هههههه

[السندريللا]

الي تعليئ بسيط انو يا ريت كل واحد يقول رأيو بدون توجيه اللوم او العتب لآراء الاخرين
وبحب الفت انتباهكم يا كرام التمعّن في القراءة لفهم المطروح وفهم كلام بعضنا البعض .
تحياتي