♣ سهرة رمضان العاشرة ( الانسان الغليظ ) ..!

[Chris]

مرحبا

بما انو انا مابعرف ساوي من هدول الحركات تبع زخرفات وصورات وعجئة وغراض

ومابعرف كيف بيعلمو موضوع ميزن

حفوت دغري بالموضوع (دش)

السهرة العاشرة الرمضانية

اليوم بدنا نعمل جلسة نميمة ... شلي ... استغابة

بما انو نحنا كشعب ناقد بحد ذاته ومن اساسيات نعومة اظفاره وبنانه انو يحكي على الاشياء الغير صحيحة

اليوم بدنا نحكي عن الشخص الغليط عن الانسان السئيل

كل واحد فينا حوليه عدد لابأس فيه من هدول الناس

الفكرة انو كل واحد يجي يحكي عن حدى من هالناس يلي بيعرفهن غلاظ ولنشوف بالاخير شوفي بيناتهن صفات مشتركة



هيييا بنااا نتحدس عن الغلاظ

[r_mido]

روحناااا المواضيع الخبط لزء هههه سوري هلأ مابالبيت بس ارجع بفرشلك معلائي بالموضوع

[♪♪زهرة اللوتس♪♪]

ههههههههههههه شو هاد والله الشغله شي ضرب ئتل عا السريع
انو مافي اكتر من السئيلين حولين الواحد
بس احيانا بيطنش اذا كان ريلاكس ومو معصب
واحيانااا بيفش خلئواا باي شي بخلئتووو ليخلص من السئاله
او بيتركلووو كلشي وبيهج لبين مايرووئ هههه
مابتعرف المتل يلي بيئول
اذا حل السئيل بدار قوم فما على القوم سوا الرحيل هههههه
الله يجيرنا منهن سهره ممتعه شكلها

[Chris]

اي لاءا ما حزرتو

كلو بدو يئضيلي ياها سلامات من ورا الباب ؟؟ تعليقات عالماشي وتمنيات بالتوفيق ومدري شو؟؟؟

ليكووو كونو حبابين احسن ما هية هاه

يلا لشوف كل واحد يكتبلي

[Randah]

هههههه ,, شو رايك نمنم شوية على وحدة لاحظتك بتعزها كتير ,,
عليها كل تعليئ بيطير ضبنات العئل
انو كلو كوم و سئالتها كوم
يا زلمة كام مرة اجي لابج شي تعليئ عليها و اربط لساني
بس اخر شي فشتلي البي سمسومة
و كحلها بعدين ميدو ,,
بئى انت شو رايك هلئ مبسوط و للا مشتئلها و مو متحمل المنتدى من دونها

[Chris]

غريب كيف كلكن حسيتو انو الحكي عن رينبو ؟؟؟
انا كل الموضوع فاتحو كرمال احكي عليها

[Randah]

غريب كيف كلكن حسيتو انو الحكي عن رينبو ؟؟؟
انا كل الموضوع فاتحو كرمال احكي عليها

هههههه ,, لاك ريتك تسلملي
وهل يخفى القمر ,,
يا زلمة ئتلتني ئتل بكل تعليئاتها
ما عرفتا غبية او بتتغابى او انا الغبية اللي بئرا تعليقاتها

[r_mido]

هلأ السئيل نوعين , اما هو شخص طيوب وكويس بس حاطط برواز السآلة , او سئيل قلباً وقالباً يعني جلف وخشن وعاطي ع مرارة ههههه
محسوبتنا اللي هي بتشكل العامل المشترك بينا كلنا بهالموضوع سئيلة قلباً وقالباً وفكراً
ما بدي أدخل بنوايا الناس
بس حتى لو كانت نيتا صافية وكانت بالفعل ئلبا على الغلط وبدا تمنعو " من وجهة نظرا طبعاً " فأنا بعارض بشدة هالطريئة
ياعمي انتي مشان تنصحيني او تنهيني عن خطأ معين تئومي تفتحيلي بأسلوبك الباب ع مية خطأ
اول شي لكم دينكم ولي ديني , وكل مين ع دينو الله يعينو .. ما كل واحد بالكون حفظ الفاتحة والمعوزات لازم يشبعنا بيض بلدي فيون ويصورنا كلنا بهيئة الكفرة الفجار وهو التقي اللي بيتصلى ع ديالو
لك الدين معاملة واخلاء ئبل مايكون صوم وصلاة .. فمافي داعي اذا شفت حدا غلط بمنظورك تلعن ابو اللي خلفو وتطالعو عن حبتين الدين اللي بئيانين عندو

[Chris]

رينبو حدى مضغوط ومقموع وعم يطالع عقده فينا
بس غليييييييييظة وسسسسسسسسسسسسسسسسسسسسسسسسئيلة يا سماوات شو سئيلة
يعني الكون مدري كيف وصلنا لهيك نتيجة
حاولت اني ما اصطدم معها بس بالاخير وصلتني لطريئ مسدود

[r_mido]

رينبو حدى مضغوط ومقموع وعم يطالع عقده فينا
بس غليييييييييظة وسسسسسسسسسسسسسسسسسسسسسسسسئيلة يا سماوات شو سئيلة
يعني الكون مدري كيف وصلنا لهيك نتيجة
حاولت اني ما اصطدم معها بس بالاخير وصلتني لطريئ مسدود

يااخي الشغلة مش عقد بس , هي فيها شي اكبر من مجرد قمع وعقد
مابعرف حاولت الائي تفسير لسلوكا مائدرت هههههه يمكن انت بحسب دراستك ممكن توصل لشي اصح
ولما تتعامل معا او مع اي شخص ع هالشاكلة صعب ما تصدم فيو ... يا رجل في كمية استفزاز بتجبرك

[Chris]

اجوبتا بتحسا عم تئلك تعال تعال بحياة اغلى شي بحياتك تعال تعالئ معي وخلينا نعمل مشكلة
هلئ ما بتلائيها غير نطت وعم تحكي وتشارك بالموضوع
وبطلع انا انسان (عملاني) وفيني شرور لاني ماني متجوز ومتعئد

[نور روز]

هههههههههههههههههههههه روح قلبي الغلاظات انا

[ياسمينة الشام]

مسا الخير ,وانا لسه مو مصحصحة والله لهيك بدي شوي لحتى صحصح واستوعب إني ع كوكب الأرض
المهم ما علينا
أنا للأسف و من حظي الزفت كنت أول مين بتحط دابا بدابو هامخلوئة و أنا أول شخص بلشت تصيبني بسهاما
بوقت كانت فيه مع الكل حبابة ومهضومة وقلبا طيب
و للأسف لما اشكي لشي حدا ما كان يحس بمعاناتي و يحكولي إني محملة الأمور و مكبرة الموضوع لأنو ما يحطو حالهن محلي
ضلت شي شهرين معلقة بسماي أنا ,, بس بالأخير لما شافتني ما رد عليها وميدو يلي كان يسكتها غالباً
قررت ساعتا تفرش معلائها ع الكل وواحد وواحد ,, و كل ما حدا صدها تنط ع حدا تاني لحتى صارت تهجم الكل سوا وبس الكل خرسها صارت حضرتها المظلومة البريئة ,,
بس المهم بالأخير الكل حس بمعاناتي الأولية

[ياسمينة الشام]

هههههه ,, شو رايك نمنم شوية على وحدة لاحظتك بتعزها كتير ,,
عليها كل تعليئ بيطير ضبنات العئل
انو كلو كوم و سئالتها كوم
يا زلمة كام مرة اجي لابج شي تعليئ عليها و اربط لساني
بس اخر شي فشتلي البي سمسومة
و كحلها بعدين ميدو ,,
بئى انت شو رايك هلئ مبسوط و للا مشتئلها و مو متحمل المنتدى من دونها

هههههههه هلأ أنا فشيت خلئك لك رندا !!
لك كظمت الغيظ لآخر مرحلة
لك إنتي ما بتعرفيني بالروز القديم لما بدي اتفشش بحدا
لك الملائكة ما بتعود بتشفعلو
يلعن تباً اديش كان في حكي بدي احكيلها ياه لسه بس انقلعت

[Chris]

انا عرفت كتير ناس غلاظ بحياتي
بس احقر شي وئت بيكون في واحد غليظ وبنفس الوئت كزاب

اشتغل عندي موظف بالشركة سئيل سئيل سئيل سئيل سئيل لك موبايلو سئيل ورنتو سئيلة وئداحتو سئيلة لك مدري كيف كانت تجيني طاقة صبر لاتحمله
وبعد فترة اكتشفت انو كزاب وبيحكي باسمي لك وفوء انو كزاب بينسى .... يعني اجدب بوثيقة حكومية

وفوضوي لك بس غليظظظظظظظظظظظظظظظ وسسسسسسسسسسمييييك
ما تحملتو اخر شي خليتو يلحئ الباص بس عوفني حياتي