•.★*... إذاعـةُ رَمـضـآنْ الـروزِيـّة ~ Chris ...*★.•

[ياسمينة الشام]

هــــــآي ~~

اليوم رح يكون بالإذاعة عمو كريس أو داني ~
شكراً لقبولك الدعوة ونورتنا أكيد


Chris



بضل بروح وبيجي ع الروز والحمدلله لقطتناه بإحدى الجيات ههههه





مابدكن مين يوصيكن ,, لا تقاطعوه رجاءاً ..
و استمتعو قد مافيكن وحاولو ما تنامو
اتفضل خيّو المايك معك ..

_________________________________
تسنيم العثل

[Chris]

اهم شي بموضوع الاذاعة
هو اسما للاذاعة

ومن هنا قررت انو سمي الازاعة

ازاعة الطشط ئلي

وطبعا التسمية موضوعية

لنا عودة

[Chris]

الطشط للي مابيعرف هو عبارة عن وعاء بلاستيكي كبير جدن جدن
عادة بيستعمل لينحط فيه سوائل ومرات بينحط فيه غراض وكراكيب واوئات غسيل وئرئعة

بس الفرق هون باذاعتنا الحديسة

انو الطشط يعبر عن المواطن ... المواطن اكس

يلي ماعاد انسان وماعاد شي وصار مجرد وعاء بلاستيك (طشط) ليخزن بحاله اشياء مالو بحاجتها ومابيستفاد منها
مشاعر سلبية وغراض ومواقف مابيعرف شو بدو فيها بس اكيد اكيد بتلزم والا ليش عم يمارس كل حياته دور الوعاء المحتوي؟

لانو مافيه يكون غير هيك ... بيسمع بهادل من اهلو
من مديره بالشغل
من رفئاته
من شوفير التكسي او السرفيس
من الخضري
وبس يتعبى عالاخير

بيئلب محتويات هالطشط على حدى من يلي حوليه

وهكزا سئافة الطشوطة الجوالة النئالة

[Chris]

وطبعا بدنا فاصل موسيئي ليعدل المزاج العام ويخليك تخش بالمود معنا

اترككم مع حسناء الطرب والجمال والروعة
المغرية السكسية ملهبة القلوب

عايشة المرطة

[Chris]

شبك ليش هيك فيك شي؟
يازلمة متجاكر
خير وشو يلي مجاكرك
من وين طلعتلنا الطائفية
شو هي؟؟ طائة فيك؟
لك لاه طائفية طاااائفية
ايوا يعني انت فيك طاقة زيادة ؟؟ وعم تحس انو طائة فيك؟
لك لا يا حبيبي لا يا نور عيوني طااائفية يعني انو يعاملو الناس على اساس الدين
انو دين؟ انا بعرف انو الدين ممنوع والعتب مرفوع من زمان
لك لاه يا حبيبي الدين هو الايمان والعبادة
اي ماواضحة متل سنان الشمس الدين والايمان هو المصاري ... العملة
ولك يا اخي ماعم تفهم عليي عم ئلك طااائفية
يعني شو هية؟
لعبة لعبة
ولووووووووه حكي هيك من الاول طالما لعبة وما عجبتك رجعها للمحل يلي اشتريتا اجتك منو ولو كانت هدية
المحل يلي اجت منو مابيرجع بضاعة
ليش من وين شاريها؟؟ من سبيس تون؟
لا هي بتجي من عند الله
ايوااا صعبة هيك كيف بدك ترجعها لكن؟
مابتعرجع غير لينفتح طائة فيي

[Chris]

وبعد الحديث البيتنجاني

لازمنا فاصل

اصلي جدن وبدون مواد حافظة وصبغيات

ولكن مفعول الادرينالين قوي جدا

[Chris]

النصيحات الطبية (بدون جمل)

الهيروين



الهيروين يحصل عليه من أستلة (إقحام جزيء أستيل في مركَّب) المورفين. وهو أهم شبه قلوي مستخرج من الخشخاش المنوم.
مخدر قوي للجهاز العصبي المركزي ويسبب إدمان جسمي ونفسي قوي. في الغرب، يصنف مع المخدرات.
للأغراض الطبية (كمخدر للآلام الحادّة أو ضمن برامج التخلص من الادمان)، فإن الهيروين (باسمه العلمي "دايمورفين" أو "دايستلمورفين") يوصف كعلاج وذلك بشكل قانوني في بعض المناطق ويخضع إستخدامه وجرعاته للرقابة، ويأتي في شكل حبوب او إبر، السماح المحدود لاستخدامه يرتبط عادة بجرعات تعطى في مراكز طبية متخصصة وتحت إشراف طبي. من المناطق التي قنن فيها استخدام الهيروين لهذا الاغراض الطبية المملكة المتحدة.


وطبعا متل مابتعرفو يسبب الادمان من الدرجات الخطيرة

[Chris]

الدعايات الاعلانية

[Chris]

فيما يلي اهم اسباب ومساعدات على الكفر في الوطن الحبيب

شوفير السرفيس
شوفير التكسي
شوفير الباص
بياع الغاز
بياع المازوت عالطنبر
الموظف الحكومي يلي فوء الخمسين
بياع الطوابع
بياع اليانصيب
بياع الدخان الفرط فوء الجسر
بياع الدخان بالباكيت تحت الجسر
الخضري وئت يحكي بالدولار
ناطور البناية وئت بيحكي عن انهيار الاقتصاد
رفيئتك وئت تئلك فهمت عليك بس ما اقتنعت
جارتك وئت تتخانئ معك عالرايحة والجاية وهية عينها فيك
جارك وئت بياخدك مباوسة ومن وراك بيحكي شروي غروي

بيكفي ولا حاجة؟

[Chris]

الجولة الميدانية من اهم عوامل نجاح الازاعات

وازاعة الطشط ئلي قررت ترصد اراء الشارع حول موضوع حديس ومفيد

الا وهو شو رايك بالعلمانية

المذيعة عم تسال الاخوة وهي نماذج عن الاجابات :

حلاء رجالي : الله وكيلك يا اختي انخرب بيتنا من العلمانية .. ماعاد في شغل الناس كلها صارت تحلئ عالكتالوك ومالنا خرج مامنعرف انكليزي نحنا
حلاء نسوان : العلمانية حسب ماسمعت من زبوناتي هية .... بتعرفي دوموزيل كانو شعرك تعبان وبدو بروتين ......
بياع بالحريئة : هي تبعيت الكفار العلمانية ... اي لكن علمانية شيت الكفار هية معلوم لكان
بياع بالصالحية : العلمانية اختي متل البضاعة التركية عم تنافس الحلبية بس سوئها ماشي بين الشباب بس نحنا منشجع الصناعة الوطنية
بياع العصير : العلمانية خربت بيتنا كل الخلاطاات يلي عنا ماعاد نفعانة من وراها
موظف : العلمانية هية العولمة العالمية للعالم واختصار المسافات وتحويلها كلها لخدمة المواطن
موظف مثقف : العلمانية هية مخطط صهيوني اميركيي امبريالي وهي كلها مؤامرة هدفها ضرب فئة الشباب وزعزة الصمود وزعزة الجماهير الثورية المعاندة للمشروع والاجندات الخارجية في انحاء الوطن العربي الحبيب
مثقف عالئهوة : العلمانية هية حالة تنشأ نتيجة تفاقم وتفشي العشوائيات بسبب البروليتاريا وانصهار المعاناة والفن داخل النفس البشرية فينجم عنها الرفض التام والكامل للواقع وبالتالي يتم الانفصال عن المعتقد بشكل ديموغوجي بحت


بينما العلمانية هية ( فصل الدين عن الدولة )

عجيب تعاريف شارعنا ما؟

[Chris]

روح هيك
يلعنك واحد رينبو

[Chris]

امشي نروح
لوين
مشوار
اي فهمت عليك مشوار لوين
لوين ماكان
مافي مكان ينراح عليه
ايه منروح عليه
على مين؟
على مافي مكان
لك شبك صايرلك شي حبيبي؟
لاء بس بدي روح مشوار
لك لوين بدنا نروح مشوار؟؟ مو شايف اديش في حواجز ؟
اي منروح عالحواجز
حبيبي فيك شي؟؟؟ الحواجز مو لينراح عليها
لكن لشو؟
لحتى ينمرء منها
طيب لكن خلينا نروح مشوار نمرء فيه من كل الحواجز
وكيف بدنا نروح؟
مشي بدنا نروح اكيد مو باليموزين ولا بالتريلا
حبيبي خلينا اعدين بالبيت
صرلي خليك بالبيت من ايام العدوان الثلاثي
يه معئول حياتي؟؟؟ لكن بحرب تشرين وين كنت؟
لا مابتزكر كنت صغير
حبيبي شربان شي اليوم؟
شو يعني شربان؟
يعني شربان كحول او مكيفات ؟
حياتي مافي كهربا كيف بدي اشرب مكيفات بعدين المكيف مابينشرب
لا حبيبي مكيفات يعني مخدرات
حياتي ليش في ادوية بالصيدلية حتى يكون في مخدرات؟
يلا لكن حنروح
يلا رايحين بس احلئ دئني
ليش بدك تحلئ دئنك؟؟
حياتي يعني مابئي شي ساويه بدون هوية غير حلائة دئني
معناها استنى لتجي الكهربا
مابدها كهربا بحلئها عالعمياني
شو هية؟
شو هية يلي شو هية ؟
يلي مابدها كهربا
الغسالة
ولك شبها الغسالة من يومين كانت شغالة
الشغالة صرلا اسبوعين ما اجت يمكن سافرت
عم يرن موبايلك حبيبي
عنجد حياتي؟
اي مو سامعو عم يرن
مبلا سامعو حياتي .... بحبك بس بتعرفي الظروف
شبك حبيبي؟
انتي طالئ
يلعن ابوك ابن كلب
لك ليش المسبات؟؟ صحيح نحنا مطلئين بس هلئ صار فينا نصاحب
اولتك تغيير شكل

[Chris]

هالمرة فاصل حئيئي

ازا بدك شي يخليك تصفن سماع هي وصفون معها

ولو انك ما بتسمع هاد الستايل بس باكدلك انو تجربة تستحق انو تعيشا ولو مرة بحياتك

[Chris]

ممكن نتعرف؟
صعب والله
طيب على راحتك بس ممكن نتعرف؟
عجئة والله
طيب بالنائص
لك تعا مو بدك تتعرف
لا مابدي
لك ليه ؟؟؟ مابيصير تتراجع بكلامك مو انت رجال
طيب خلينا نتعرف لكن
حلوة المسكرة؟
اي بتجنن كتير
وين بدنا نروح ؟؟؟
على حمام السوء
انت غبي؟؟ مجنون؟؟؟ في حدى بيعزم صبية اول ما تعرف عليها على حمام السوء
اي لكن انا بحسب حساب المستئبل ومافي ازبط من حمام السوء للتخطيط للمستئبل
انت اليل حيا
بعرف
وفولغير وشرشوح
بعرف
ومابتفهم
يعني خلص فرط التعارف عن ازنك
لك تعا بس عم جربك ازا بتتحملني وبتحبني
يعني بتروحي على حمام السوء
معك بروح على كراجات العباسيين
امشي لكن
لوين؟؟ عالحمام
امشي العين تطرئك مو شغلك لوين


وراحو بعدا مدري لوين بس يمكن على حمام السوء

[Chris]

نافورة .. وياسمين