~~ بـــــرنامـــ♥ـــج ســ♥ــــاعه الا خمـــ♥ـــس~~Chris

[♪♪زهرة اللوتس♪♪]

بونسوار يا جماعة
رجعتلكن مرة تانيه مع حلقه جديدة ومختلفة
من برنامجي اليومي الا يوم

ساعة الا خمس
بضيافتي اليوم عضو حديث العهد نسبيا بالروز
ولكن من اول دخولوااا بين انو مختلف
ماحدا بيشبهوااا ولا بيشبه حدااااا
مرة بيئول عن حالو انو مجنون ومره عائل
مرة هيك ومره هيك
بس بصراحه مميز بكل افكاروو ومواضيعوو وردودوو

ضيفي وضيفكن لسهرة اليوم هو

Chris

يلا راجعه بالاسئلة

[♪♪زهرة اللوتس♪♪]

مين هووو Chris

ليش اخترت ها الاسم؟؟


كيف وصلت للروز وشو يلي شد انتباهك فيو اكتر شي؟؟
ليش على طول متشائم ونظرتك سوداوويه للحياه ؟؟؟
شو رايك بالشخص يلي بيعتمد على اهلو بكلشي؟؟
مرة ئريت عنك انك كونت نفسك بنفسك حكيلنا شوي عن تجربتك؟؟
هل مازالت نظرتك للزواج انو مشروع فاشل ؟؟
يلا استلى بهدول لبين ماارجع
ويا شباب وصبايا اتفضلوووو شاركونا السهرة

[Chris]

اهلين وسهلين بسعادة حضرة المزمزيل زهرة اللوتس اي شو هالمقدمة ماعرفت حالي من هول الوصف
يلا لنشوف السؤالات
بس من هلئ مافيها غش ومافي حدى يتنئل من التاني

[Chris]

ليش اخترت ها الاسم؟؟


لسببين اول واحد في ئصة عن قديس اسمو سينت كريستوفر من الشخصيات يلي بتعجبني
والسبب التاني اذا لاحظتو بمدونتي حكيت عن افلام لكاتب ومخرج اسمو كريستوفر نولان ... واختصار كريستوفر هو كريس


كيف وصلت للروز وشو يلي شد انتباهك فيو اكتر شي؟؟


وصلت للروز موضوع كاتبو ميدو عن الشعب العربي والـ (هز) غوغلت شوي الئصة ونكشت انو هون الموضوع الاساسي وفتت حصت شوي وبعدين سجلت
يلي شد انتباهي انو مافيه سياسة ومافي دئون طويلة


ليش على طول متشائم ونظرتك سوداوويه للحياه ؟؟؟



شوفي ياستي انا اخر انسان ممكن يكون متشائم واذا حدى بيتعرف عليي منيح من اريب بيشوف اديش انا حدى بمزح وبضحك ومالي ئابض شي جدي
مزاجي ايه وهوائي كتير ومتقلب جدا
انا حدى بيسمع ميوزك وبيعزف وبيصور فوتوغراف ومتابع سينما ومسرح من الطراز الاول
بحب الحياة اكتر من اي انسان بيحب الاوكسجين حتى يضل عايش
بس بالنهاية انا شخص واقعي .. وئت بكون عم شوف شي او اسمع شي او اوعد بشي ... مو متل بائي الناس يعني مابشوف الدنية ئلوب زهري وعيون عم تبرء وتلمع متل ساندي بيل وئت تشوف حبيبا مارك براون
رجليي عالارض وحتى لو كان راسي بالسما ومالي شايف على ارض الواقع شي بيدعو للتفاؤل لحتى احكي انو بكرا احلى
الحياة بالنسبة الي متل لعبة بوكر ... وماعندي كتير وئت حتى شوفا زهري او سيرئوني او ضراب الصخني
يا اما خسران كلشي عالطاولة يا ربحان كلشي عالطاولة




شو رايك بالشخص يلي بيعتمد على اهلو بكلشي؟؟


في خلل بحياته بس لا تستعجلي على شي الدنية مابتترك حدى الا وبتعمله اللازم... الدور جاية عالكل وللكل


مرة ئريت عنك انك كونت نفسك بنفسك حكيلنا شوي عن تجربتك؟؟




بشكل مختصر حياتي ماكانت متل حياة اي حدى طبيعي ابي وامي راحو وتركوني وكنت صغير وربيت بميتم
عمي حرامي اخد يلي فيه النصيب وكوش عالبائي ولحشني للدنية ... تركت دراستي فترة ورجعت درست لحالي واخدت شهادتين جامعة وغيرت شغلي كزا مرة وسافرت ورحت ورجعت
حبيت اكتر من مرة وفشلت لاني اناني وبحب حالي ومابعرف اهتم بغيري
جربت كلشي وعملت كلشي وعشت كلشي ومالي ندمان على شي ... عشت حياتي بالطول وبالعرض حتى تاريخ كتابة هذه السطور وفيكي تعتبري اني اسعد انسان عاش وعم يعيش على سطح هالكوكب


هل مازالت نظرتك للزواج انو مشروع فاشل ؟؟


لهلئ ماشفت واحد متزوج مبسوط وسعيد بزواجه, وماشفت حدى الا عم يشتكي من الملل والروتين والاعباء والمسؤوليات
ولا مرة شفت علاقة زواج متكافئة بين الرجل ومرته ودائما ماشية على حساب واحد اكتر من التاني (عم تعرج عليه)
الزواج هو عبارة نهاية الحياة الخاصة الشخصية... كلشي مشترك وبين تنين
وبصراحة انا شخص اناني وماعندي استعداد كرمال يصير عندي شريكة حياة اني اخسر شي من يلي بحبه


يلا استلى بهدول لبين ماارجع


استنيت

[♪♪زهرة اللوتس♪♪]

ليش اخترت ها الاسم؟؟


لسببين اول واحد في ئصة عن قديس اسمو سينت كريستوفر من الشخصيات يلي بتعجبني
والسبب التاني اذا لاحظتو بمدونتي حكيت عن افلام لكاتب ومخرج اسمو كريستوفر نولان ... واختصار كريستوفر هو كريس


كيف وصلت للروز وشو يلي شد انتباهك فيو اكتر شي؟؟


وصلت للروز موضوع كاتبو ميدو عن الشعب العربي والـ (هز) غوغلت شوي الئصة ونكشت انو هون الموضوع الاساسي وفتت حصت شوي وبعدين سجلت
يلي شد انتباهي انو مافيه سياسة ومافي دئون طويلة


ليش على طول متشائم ونظرتك سوداوويه للحياه ؟؟؟



شوفي ياستي انا اخر انسان ممكن يكون متشائم واذا حدى بيتعرف عليي منيح من اريب بيشوف اديش انا حدى بمزح وبضحك ومالي ئابض شي جدي
مزاجي ايه وهوائي كتير ومتقلب جدا
انا حدى بيسمع ميوزك وبيعزف وبيصور فوتوغراف ومتابع سينما ومسرح من الطراز الاول
بحب الحياة اكتر من اي انسان بيحب الاوكسجين حتى يضل عايش
بس بالنهاية انا شخص واقعي .. وئت بكون عم شوف شي او اسمع شي او اوعد بشي ... مو متل بائي الناس يعني مابشوف الدنية ئلوب زهري وعيون عم تبرء وتلمع متل ساندي بيل وئت تشوف حبيبا مارك براون
رجليي عالارض وحتى لو كان راسي بالسما ومالي شايف على ارض الواقع شي بيدعو للتفاؤل لحتى احكي انو بكرا احلى
الحياة بالنسبة الي متل لعبة بوكر ... وماعندي كتير وئت حتى شوفا زهري او سيرئوني او ضراب الصخني
يا اما خسران كلشي عالطاولة يا ربحان كلشي عالطاولة




شو رايك بالشخص يلي بيعتمد على اهلو بكلشي؟؟


في خلل بحياته بس لا تستعجلي على شي الدنية مابتترك حدى الا وبتعمله اللازم... الدور جاية عالكل وللكل


مرة ئريت عنك انك كونت نفسك بنفسك حكيلنا شوي عن تجربتك؟؟




بشكل مختصر حياتي ماكانت متل حياة اي حدى طبيعي ابي وامي راحو وتركوني وكنت صغير وربيت بميتم
عمي حرامي اخد يلي فيه النصيب وكوش عالبائي ولحشني للدنية ... تركت دراستي فترة ورجعت درست لحالي واخدت شهادتين جامعة وغيرت شغلي كزا مرة وسافرت ورحت ورجعت
حبيت اكتر من مرة وفشلت لاني اناني وبحب حالي ومابعرف اهتم بغيري
جربت كلشي وعملت كلشي وعشت كلشي ومالي ندمان على شي ... عشت حياتي بالطول وبالعرض حتى تاريخ كتابة هذه السطور وفيكي تعتبري اني اسعد انسان عاش وعم يعيش على سطح هالكوكب


هل مازالت نظرتك للزواج انو مشروع فاشل ؟؟


لهلئ ماشفت واحد متزوج مبسوط وسعيد بزواجه, وماشفت حدى الا عم يشتكي من الملل والروتين والاعباء والمسؤوليات
ولا مرة شفت علاقة زواج متكافئة بين الرجل ومرته ودائما ماشية على حساب واحد اكتر من التاني (عم تعرج عليه)
الزواج هو عبارة نهاية الحياة الخاصة الشخصية... كلشي مشترك وبين تنين
وبصراحة انا شخص اناني وماعندي استعداد كرمال يصير عندي شريكة حياة اني اخسر شي من يلي بحبه


يلا استلى بهدول لبين ماارجع


استنيت

عن جد حياتك مليانه بالاثارة والتشويق والتعب والجهد
الله يئويك يارب يلا لنشوف الشباب مين حابب يشاركنا

[ياسمينة الشام]

كيف بتقضي رمضان هالأيام ؟؟

صحي لازم قول مسا الخير أول ,, ماعلينا

_ بتحب الحشرية وحدا يدخل بشؤونك الخاصة و " ينصحك "
_ لما تعصب كتير شو ممكن تعمل ؟
_ غنية بتساعدك لتروء ؟ ( غنية وحدة مو عشرة )
_ أكتر انسان مافيك تتحملو ع وجه الأرض بعد الجاهل ههههه ؟
_ آخر كتاب قرأتو ؟
_ كتاب بتنصحني اقرأو ؟

وحالياً بس هدول
أنا بالزور بيطلع معي اسئلة بدك حطهن كلهن دفعة وحدة ههههههههه

[r_mido]

كريس هنا , يا مرحبا يا مرحبا يمو على سامو والله لنكيّف
اليوم آكل مشاوي من بعد غياب شهرين , بئا راجعلك وانا آخر اصطهاج ههههههه

وصلت للروز موضوع كاتبو ميدو عن الشعب العربي والـ (هز)

حبيتك حبيتك هههههههه

[Chris]

كيف بتقضي رمضان هالأيام ؟؟


بسعادة غامرة مع دخان


صحي لازم قول مسا الخير أول ,, ماعلينا


مسا الخيرات يا سوما


_ بتحب الحشرية وحدا يدخل بشؤونك الخاصة و " ينصحك "


لاء مابحب , وازا حبيت وسمعت مابرد وبطنش
راسي كبير كتير


_ لما تعصب كتير شو ممكن تعمل ؟




صعب كتير اني عصب بس وئت عصب خلص بيطفي الضو
ممكن اعمل ايا شي ممكن كسر
ممكن اضرب ضرب مئذي
ممكن اهدم علاقة انشغل عليها سنين وايام
على اد ما عندي عئل وانا هادي , على اد مافي عئل وئت عصب






_ غنية بتساعدك لتروء ؟ ( غنية وحدة مو عشرة )


Hey You - Pink Floyd


_ أكتر انسان مافيك تتحملو ع وجه الأرض بعد الجاهل ههههه ؟


رينبو بتحسسني انها الرفيق يلي جاية من جاكيت ستالين


_ آخر كتاب قرأتو ؟




How We Believe: Science, Skepticism, and the Search for God




_ كتاب بتنصحني اقرأو ؟




حيونة الانسان للكاتب ممدوح عدوان


وحالياً بس هدول
أنا بالزور بيطلع معي اسئلة بدك حطهن كلهن دفعة وحدة ههههههههه

ميتين اهلين بالخانم

[تَـرَفْ ~]

صباح الخير
عندي كم سؤال عن الأعضاء بس

1 عضو تتمنى ان تراه شخصيا؟
2 عضو لا تتمنى ان يغيب ابدا ؟
3 عضو مشاغب ؟
4 عضو يعتبر الاميز في نفسك ؟
5 عضو يثير اهتمامك ؟
6 عضو اكتشفت مؤخرا انك لم تعامله باهتمام ؟
7 عضو ترى ان لديه امكانيات كبيرة ولم يقدمها حتى الآن ؟
8 العضو الاكثر تميز في مشاركاته في نظرك؟

[Randah]

اول شي

أهــــلا بهالطلة أهــــلا

- عندما تعيش لحظات حزن ان يكون ملاذك وكيف تعبر عن فرط سعادتك

الحياة خير معلم .. فماذا تعلمت منها ....؟

متى تكون في قمة سعادتك ...؟

حقيبة أسرارك من يحملها ؟؟

بشو بتفكر الان ؟؟

ماهو الشي اللي بتحب تشوفه في الاخرين؟..

حينما تغضب..ماهي ردة الفعل التي تقوم بها دااائماً ؟ !! ..

متى يقسو قلبك..؟

ماذا تعني لك الدمعة، هل تعتبرها نقطة ضعف في شخصيتك أم تعتبرها تلك البوابة التي

تستطيع من خلالها رمي همومك..؟

لمن تقول هذه الكلمات

* شكرا

* اسف

* احبك

* اكرهك

ماهو تقييمك للمنتدى وهل انت راض عن المستوى الذي وصل له

- عضو نفسك تغير اسمه

- كيف ترى الاعضاء البارزين خلال هذه الفتره

- هل هناك عضو منقطع تتمنى عودته

- صف نفسك بثلاث كلمات

- اختار ثلاثة اعضاء وتكلم عنهم باختصار

اتمنى تكون أسئلتي خفيفه عليك

تحياتي

[r_mido]

انا شخص اناني

ما اقتنعت , وعندي اسبابي ..... عندك غير هالحكي !!

وفيكي تعتبري اني اسعد انسان عاش وعم يعيش على سطح هالكوكب

شو مفهوم السعادة عندك !!


ضمن جلسة ... أديش انت مستمع وأديش انت متحدث ؟؟
عبر عن حياتك بكلمة من تلت حروف !
عادة بتتراجع عن خطأك ؟ بتصلحو ؟ بتندم عليه ؟
صايم ؟
اول شغلة بتلفت انتباهك بالبني أدم ؟
معايير الجودة الانسانية عندك ؟
عندك ردة فعل معينة إذا كان اختيارك للأشخاص غلط ؟
لوين ماشي بحياتك ؟
نفاش مع شخص .. عقيم ومارح يوصلك لشي .. احتد النقاش لدرجة معينة , شو بتعمل ؟
بتخجل من حالك بشي ؟
في عالم نفساني بئول انو البني ادم فيو يعيش بلا اصدقاء , حسب مائريت الك سابقاً انو انت من جماعة هالفكرة ..... مقتنع فيها ؟
برأيك الحضارة الها جرائم ؟

[Chris]

جوابات على سؤالات ترف خانم


1 عضو تتمنى ان تراه شخصيا؟


ابو الميد مع سيغارتين وبراد شاي

2 عضو لا تتمنى ان يغيب ابدا ؟


الزهرة اللوتسية


3 عضو مشاغب ؟


كلون فيهن البركة وئت الجد بس انا بشوف سوما


4 عضو يعتبر الاميز في نفسك ؟


Gaya


5 عضو يثير اهتمامك ؟




الشمرتي مصطفى




6 عضو اكتشفت مؤخرا انك لم تعامله باهتمام ؟


زهرة اللوتس


7 عضو ترى ان لديه امكانيات كبيرة ولم يقدمها حتى الآن ؟


ترف


8 العضو الاكثر تميز في مشاركاته في نظرك؟


السندريلا

[Chris]

وهي جوابات سؤالات رندة بيكة العظيمة


- عندما تعيش لحظات حزن ان يكون ملاذك وكيف تعبر عن فرط سعادتك


اكتر شي الدخان بكل المناسبات والحالات , واوئات مابيمشي الحال عبر بفرط وانا صاحي لهيك بيكون معي صديقي الكحول


الحياة خير معلم .. فماذا تعلمت منها ....؟


كلشي بعرفو بحياتي تعلمتو من هالدنية مو من الناس لانو 900% من الناس يلي شفتهن بحياتي اوغاد ولاد الغسالة


متى تكون في قمة سعادتك ...؟


وئت بكون عامل انجاز مع حدى ومو شرط يكون هو حاسس فيه


حقيبة أسرارك من يحملها ؟؟


كتافي


بشو بتفكر الان ؟؟


بصوت زمامير السيارات يلي تحت البيت بالشارع


ماهو الشي اللي بتحب تشوفه في الاخرين؟..


مفتاح On/Off مشان اللسان (الحكي)


حينما تغضب..ماهي ردة الفعل التي تقوم بها دااائماً ؟ !! ..


بغير اتجاهي يعني بدير ضهري للمكان يلي كان وشي الو ... وبشعل سيغارة


متى يقسو قلبك..؟


وئت بشوف واحد ابن حرام عم يتحاقر على حدى وخصوصي ازا كان هالحدى طفل او بنت




ماذا تعني لك الدمعة، هل تعتبرها نقطة ضعف في شخصيتك أم تعتبرها تلك البوابة التي
تستطيع من خلالها رمي همومك..؟




الدمعة شغلة طلعت من جواتي وئت ماعاد ائدر اتحمل بعتبرها حالة مؤقتة


لمن تقول هذه الكلمات


* شكرا


للتكنولوجيا


* اسف


لمكتبتي


* احبك


للشام


* اكرهك


ليلي ببالي


ماهو تقييمك للمنتدى وهل انت راض عن المستوى الذي وصل له


المنتدى جيد وبالنسبة للموجودين ماممكن يكون افضل من هيك خصوصي انو العدد ئليل


- عضو نفسك تغير اسمه


الشمرتي مصطفى


- كيف ترى الاعضاء البارزين خلال هذه الفتره


صايمين


- هل هناك عضو منقطع تتمنى عودته


لاء


- صف نفسك بثلاث كلمات


شخص متعب عنيد


- اختار ثلاثة اعضاء وتكلم عنهم باختصار


سمسومة السماسيم الكونفرس كوين ويلي بلشت مواجهة الحياة بكير كتير الايام جاية وحتشوف اديش مخبالا شغلات حلوة وبس توصل تتزكر حكيات عمو كريس




غايا عزيزتي جدا انا لو اختار لي القدر انو انخلئ بهالدنية وكون بنت كنت حكون متلك




رينبو اكتر شخص مزعج التئيت فيه بكل حياتي وعمري وايامي , ازعج من كل الغلاظ تبع الميتم وتبع الدنية والعالم السئيلة واغلظ من مندوبين المبيعات




اتمنى تكون أسئلتي خفيفه عليك
تحياتي


ايه مناح كتيرن
اهلن وسهلن

[Chris]

المسيو ابو الميد



ما اقتنعت , وعندي اسبابي ..... عندك غير هالحكي !!


انتى ادرى بالشغلات يلي بتقنعك بس عنجد انا شخص اناني وماصار مناسبة يظهر هاد الشي


شو مفهوم السعادة عندك !!


متل ما حكيت بواحد من الاجوبة, بالنسبة الي الدنية لعبة بوكر ودائما بلعب بكلشي معي All in وولا مرة خسرت
مابعرف اخسر رغم كلشي عم يصير معي ... مو خسارة مادية او معنوية لاء ... الخسارة اني انكسر وئول عوفت او حاجتي دخيلك
والسعادة بالنسبة الي اني اوصل لكلشي بدي ياه ووصلت


ضمن جلسة ... أديش انت مستمع وأديش انت متحدث ؟؟


بالواقع يادوب احكي بسمع ساعات وبرد بكم كلمة , اونلاين باخد وبعطي وبحكي اكتر من الواقع


عبر عن حياتك بكلمة من تلت حروف !


تبغ


عادة بتتراجع عن خطأك ؟ بتصلحو ؟ بتندم عليه ؟


لا ما بتراجع ومابصلحو ولا بندم .... هي خيارات محذوفة من عندي دائما بكمل للاخر
ومتل ما حكا وينستون تشيرشل " ازا كنت ماشي بطريئ ولئيت حالك صرت بجهنم خليك مكمل للاخير"


صايم ؟


لاء


اول شغلة بتلفت انتباهك بالبني أدم ؟


عيونه


معايير الجودة الانسانية عندك ؟


يكون بيحس


عندك ردة فعل معينة إذا كان اختيارك للأشخاص غلط ؟


بكل حياتي الممتدة والمترامية والعجيبة اختياري كان خطأ مرتين وصلحت الخطأ باني العت الشخص بعد ما مسحت فيه الاراضي


لوين ماشي بحياتك ؟


لهنيك لعند اخر نئطة بئدر اوصل الها


نفاش مع شخص .. عقيم ومارح يوصلك لشي .. احتد النقاش لدرجة معينة , شو بتعمل ؟


بدرلو ضهري وبدخن
وبعدا بئلب الحديث تأفيل عليه

بتخجل من حالك بشي ؟


فشر وخسا


في عالم نفساني بئول انو البني ادم فيو يعيش بلا اصدقاء , حسب مائريت الك سابقاً انو انت من جماعة هالفكرة ..... مقتنع فيها ؟


جدا مقتنع فيها


برأيك الحضارة الها جرائم ؟


كلشي بالحياة الو جرائم والحضارة ما بتنتظر كل الناس في اشخاص بيضلو ورا وبس يوئعو بتصير كوارث اجتماعية

[♪♪زهرة اللوتس♪♪]

ميه مساااااااا
منورنا ومنورني عمو كريس والله


* احبك


للشام


هاد جوابك .....دمع عيوني
فيك تخبرني انو احلى منطئه بالشام بنطرك ؟؟؟لما بتكون زعلان وين بتروح بالشام لتنسى زعلك ؟؟؟
لما فرحان ولما مشتائ ؟؟؟؟ انصحني لاني بصراحه مفحم ئلبي عا الشام