|| سهرة رمضآن التآسعة ~ ( مطلوب زوجة سورية ) ..!

[ياسمينة الشام]

مسا الخيرات ~~

عبارات بتستوقفني بكل مكان
بتطلعني عن ديني
بتخليني عض ع سناني وبتوصلني لمرحلة ارتكاب جريمة ببعض الأحيان ..


_ مطلوب عروس سورية تحت سن العشرين
_ مطلوب خادمة سورية ( مبيت وغير متزوجة )
_ مطلوب عروس سورية أرملة أو مطلقة

_ قال الشيخ بالجامع ,, اتزوجوا السوريات واستروا عليهن ( لأن نحنا ما مستورين )
_ شيخ تاني بوقف ع المنبر وبيتباهى : اتزوجت بنتين سوريات لأستر عليهم سارعوا لستر أخواتكم السوريات

انصرع راسي من هالكلام ,, رجال ختايرة كبار بالعمر معهن شوية مصاري
بروحوا عند عائلة سورية طلعت لتهرب من الموت بيخطفوا منها أصغر صبية بهدف يستروا عليها و يصرفوا على عيلتها
كتير منهم بيتزوجو البنت اسبوع وبيرموها ,, كتير منهم بيتزوجو أربع سوريات دفعة وحدة
في واحد سمعت عنو بيتزوج البنت أسبوع وبيتركها وبيتزوج غيرها ,,,

الكلام بطول بهاد الموضوع
و هالموضوع جداً حساس بالنسبة إلي
و جداً بشدني وبخليني تابعو
بتمنى من الكل يطرح رأيو ,, تعليقو ,, الحل بنظروا ,, السبب ,,
شاركوني بأي شي بيتعلق بهالموضوع ,,


________________________________________
تسنيم ,,

[ياسمينة الشام]

و يبتسم كل سواد هذا العالم , ويبتسم كل شيطان في ذقنٍ داخلاً ( سوق الرقيق الأبيض ) , و أيضاً و طبعاً تحت نعمة التقوى ..
و تقهقه الحرب وتسخر من "إنسانيتنا" و "عقائدنا" و "شرفنا" ....
و نحن ننظف أسناننا بذات الخرق التي تلمع فيها المنابر والبنادق العاملة باطمئنان ..
و منهنَّ فقط ؛ الدافنات رؤوسهن بكاءً و قرفاً من تداعينا على شرف الوطن , إذ لا شرف له إلا شرفهن , ولا عز له إلا عزهن ..
و هن فقط من يرسم الوشوم في وجهنا و وجه التاريخ و الوطن و "الأخوه" و "الغيرة" و "الإنسانية" و "الإيمان" و "الشريعة" ..
النجوم فوقنا وتحتنا الطريق ..
و الحساب علينا ,
على كل دمعة و كل تنهيدة يأس و ذل ..

[ياسمينة الشام]

الإعلان من جريدة أردنية
...........

[ياسمينة الشام]

الإعلان من شوارع مصر ....

[ياسمينة الشام]

[محمد]

رمضان كريم ..

تسنيم خانم ..

هلئ ما بعرف شو رح فيدك بموضوعك ..

هادا الشي واقعي وعم يصير ..

لكن هادا من وهن الامة اللي عايشين فيه ...

هلئ عنا بسوريا صار عنا بلا كتييير ..

والدور جايه ع الكل ...

والحمدلله ع نعمة العقل .. والايمان ...

لذلك اللي عم يزرعو اليوم رح يحصدو بكرا ..

والله كبيييير ... وشايف ...

والله يرجعك سالمة غانمة ع بلدك يا رب ...

تقبلي مروري ...

[Chris]

انا ازا بدي احكي ماحدى حيكون مبسوط ولا ممنون
لانو هالعادة يا سوما كانت موجودة بمجتمعنا السوري من قبل ما يصير عنا اي مشكلة والعالم تتهجر وتسافر

يعني شو متوقعة من مجتمع احد الثوابت فيه مقولة (هم البنات للممات) يعني اجباري هيك حدى بهيك معتقد متخلف بدو يحس انو البنت عبئ وين ماراح ازا كان جوا ولا برا

شيخ بدو يستر عالسوريات يروح يستر بنات بلده بالاول وخصوصا السعودية يلي نسبة العنوسة فيها بين السعوديات وصلت للـ50% نفس نسبة السمنة وزيادة الوزن بنفس البلد

ومن الشغلات يلي بتستوقفني انو هاد الشيخ يلي عم يطالب بستر البنت هو نفسو الشيخ يلي عندو ايمان بان الله قادر على كل شيء وهو الستار على الاعراض وحامي سائر الخلق اجمعين

في كتير ممارسات عم تتم بمساعدة (عاهري اللحى)
والاهل كمان بينوبهن من الحب جانب , في ناس الها ظروف معينة ماتئدر تشتغل وتدبر امورا مع اهلا بس انو الكل ؟؟؟
اذا ماعندك القدرة انو تشتغل وتعيش وتصرف على عيلتك وتامن حياة كريمة ليش طلعت من بلدك ؟ برجع وبئول مو كلامي للكل وفي ناس حالات خاصة بس هالحالات الخاصة مو بالملايين ولا مئات الالوف ماهيك؟

بعدين مين نصب مشايخ اي بلد تحكي عن اهل بلد تاني؟؟؟

نصرة السوريات والسوريين مابتكون الا بالزواج من بنت سورية صغيرة ؟؟؟؟

ولا شرط مساعدة العائلات السورية مقرون بنكاح انثى من هالعيلة ؟؟؟؟ هاد دين برايكن يلي بيشجع على هاد الشي؟

هالناس صارت مضروبة بعئولا وماعندها استعداد تفكر مرة ومرتين بكلام متل كلام هاد (ابو دئن)

بعدين مو على اساس الوطن العربي بلاد الاسلام والمسلمين وبلاد الاخلاق ومدري مين؟؟ فكري ازا هيك ليش عم يهربو المسلمين لياخدو حئهن ببلاد الكفرة الملاحدة المارئين الفاسقين؟؟؟

تخلف وجهل وغباء من كل الاطراف, معئول بين كل العالم يلي طلعت من سوريا مافي ولا مجموعة قررت تعمل حملات توعية للاهالي عن موضوع الزواج يلي متل هاد النوع؟

بعدين اعداد سوريين كبيرة معئول مائدرو يعملو لحالهن اي بيئة يئدرو يعيشو فيها ويشتغلو فيها ويكفو خيرهن شرهن لكل يلي حوليهن؟ ولا السوري مو شاطر يخوزء غير السوري حتى بالغربة وبهي الظروف المبهدلة؟

ياسوما موضوعك بدو يفتح الف باب ومتل ما التلك كلامي ماحيعجب حدى

[r_mido]

جديد عن العرب يعني !!؟
هاد اسمو استغلال لحاجة النازحين , شعب عربي ئاتلو الجنس .. هالبنت مارح تكلفو فيزا ولا عقد ولا تأمين
كل ماهنالك ورئة زواج وبينبسط اخونا الختيار اسبوع زمان
الموضوع لا زواج ولا مساعدة ولا غيرو , كلو بيأدي لاستغلال بنات النازحات وممارسة الجنس معون بطريئة ع ئولون شرعية
مابعرف مين اللي مشرعلون ياها بس شرعية
بالنهاية هالشي مش حكر ع السوريين وعم يصير للمرة الأولى
بحلب ايام حرب العراق اللي بعرفون اكتر من 10 بيوت دعارة نظامي وكلون عراقيات بشغلهم واحد سوري
فالقضية مش قضية نازحين سوريين , القضية هي دناوة نفس العرب كلون

[ياسمينة الشام]

رمضان كريم ..

تسنيم خانم ..

هلئ ما بعرف شو رح فيدك بموضوعك ..

هادا الشي واقعي وعم يصير ..

لكن هادا من وهن الامة اللي عايشين فيه ...

هلئ عنا بسوريا صار عنا بلا كتييير ..

والدور جايه ع الكل ...

والحمدلله ع نعمة العقل .. والايمان ...

لذلك اللي عم يزرعو اليوم رح يحصدو بكرا ..

والله كبيييير ... وشايف ...

والله يرجعك سالمة غانمة ع بلدك يا رب ...

تقبلي مروري ...

أهلا وسهلا خيّو محمد
شكراً كتير لمرورك السريع
أخي ما بدنا الدور يمشي ع الكل
لك توقف حالات القرف هي عند سورية وكتر خير الله
متقبلة مرورك مية هلا

[gaya]

_ قال الشيخ بالجامع ,, اتزوجوا السوريات واستروا عليهن ( لأن نحنا ما مستورين )
_ شيخ تاني بوقف ع المنبر وبيتباهى : اتزوجت بنتين سوريات لأستر عليهم سارعوا لستر أخواتكم السوريات.

رجل الدين لاحئتو نص أمة الله يا سوما....يعني لو كلمة منيحة من كل واحد كان أنقذ الوضع. بيكفي ولا كمل؟؟

انصرع راسي من هالكلام ,, رجال ختايرة كبار بالعمر معهن شوية مصاري
بروحوا عند عائلة سورية طلعت لتهرب من الموت بيخطفوا منها أصغر صبية بهدف يستروا عليها و يصرفوا على عيلتها.

بيخطفوا غلط...لأن الأهل يلي خايفين ما تنستر بنتن ويلي خلفوها أصلا وما معهن يستروها ..هنن إلن بصمات على هالجثة.

بتمنى من الكل يطرح رأيو ,, تعليقو ,, الحل بنظروا ,, السبب

السبب تنين. ..ويلي الناس أصلاً جوا البلد دبحو بعضن كرمالن ..فلا تستغربي تتاجر فينا الناس برا ..هدول إلهن السؤال مو نحنا يلي مننسئل هنن يلي بينسئلو عن فعايلن
ولا ناس بتخبص وناس بدا تلائي حلول ؟؟!!

وبخصوص الإعلانات يلي بالجرايد ..فهي كنا نشوفا هون بسوريا
بدن بنات بمواصفات موديل للعمل سكرتيرة.. مانا الملايكة يلي اجو الشياطين دنسو طهرن .

هاد لا يعني إني مع تصرفات أشقائنا الجرب... بس ما فينا كمان نعمل الحمل الوديع ونكتر.
نحنا عم نصفي بعض أبل ما هنن يتعدو علينا.

[ياسمينة الشام]

انا ازا بدي احكي ماحدى حيكون مبسوط ولا ممنون
لانو هالعادة يا سوما كانت موجودة بمجتمعنا السوري من قبل ما يصير عنا اي مشكلة والعالم تتهجر وتسافر

يعني شو متوقعة من مجتمع احد الثوابت فيه مقولة (هم البنات للممات) يعني اجباري هيك حدى بهيك معتقد متخلف بدو يحس انو البنت عبئ وين ماراح ازا كان جوا ولا برا

شيخ بدو يستر عالسوريات يروح يستر بنات بلده بالاول وخصوصا السعودية يلي نسبة العنوسة فيها بين السعوديات وصلت للـ50% نفس نسبة السمنة وزيادة الوزن بنفس البلد

ومن الشغلات يلي بتستوقفني انو هاد الشيخ يلي عم يطالب بستر البنت هو نفسو الشيخ يلي عندو ايمان بان الله قادر على كل شيء وهو الستار على الاعراض وحامي سائر الخلق اجمعين

في كتير ممارسات عم تتم بمساعدة (عاهري اللحى)
والاهل كمان بينوبهن من الحب جانب , في ناس الها ظروف معينة ماتئدر تشتغل وتدبر امورا مع اهلا بس انو الكل ؟؟؟
اذا ماعندك القدرة انو تشتغل وتعيش وتصرف على عيلتك وتامن حياة كريمة ليش طلعت من بلدك ؟ برجع وبئول مو كلامي للكل وفي ناس حالات خاصة بس هالحالات الخاصة مو بالملايين ولا مئات الالوف ماهيك؟

بعدين مين نصب مشايخ اي بلد تحكي عن اهل بلد تاني؟؟؟

نصرة السوريات والسوريين مابتكون الا بالزواج من بنت سورية صغيرة ؟؟؟؟

ولا شرط مساعدة العائلات السورية مقرون بنكاح انثى من هالعيلة ؟؟؟؟ هاد دين برايكن يلي بيشجع على هاد الشي؟

هالناس صارت مضروبة بعئولا وماعندها استعداد تفكر مرة ومرتين بكلام متل كلام هاد (ابو دئن)

بعدين مو على اساس الوطن العربي بلاد الاسلام والمسلمين وبلاد الاخلاق ومدري مين؟؟ فكري ازا هيك ليش عم يهربو المسلمين لياخدو حئهن ببلاد الكفرة الملاحدة المارئين الفاسقين؟؟؟

تخلف وجهل وغباء من كل الاطراف, معئول بين كل العالم يلي طلعت من سوريا مافي ولا مجموعة قررت تعمل حملات توعية للاهالي عن موضوع الزواج يلي متل هاد النوع؟

بعدين اعداد سوريين كبيرة معئول مائدرو يعملو لحالهن اي بيئة يئدرو يعيشو فيها ويشتغلو فيها ويكفو خيرهن شرهن لكل يلي حوليهن؟ ولا السوري مو شاطر يخوزء غير السوري حتى بالغربة وبهي الظروف المبهدلة؟

ياسوما موضوعك بدو يفتح الف باب ومتل ما التلك كلامي ماحيعجب حدى

لا أبداً كلامك سليم ولا غبار عليه
بعض الأهالي بيوقع عليهم جزء كبير من اللوم وهنن يلي قبلوا هالشي على بناتهن
وبعرف عائلات طلعت مخصوص لحتى تجوز بناتها ,, وتكسب ئرشين من هالتجرة الوسخة
الفكرة أنو هدول يلي عم يحكو ع السترة ليش ما راحو ستروا ع الصوماليات ؟؟
وبالنسبة لحملات التوعية داني صار كتير حملات ووقفات احتجاجية ومنهم حملة لاجئات لا سبايا و في حملة تانية كانت لتزويج سوري من سورية حصراً ومساعدتهن ليكونوا بيت ويوظفوهن ومن هالقصص
و استمرت هالحملات لحد ما صدر قانون عنا بالأردن يمنع الزواج من سورية بدون صلة قرابة ,, بس طبعاً هالشي لا يخلو من مخالفات
بس ما فهمت أخي كريس كيف بدهن يعملو بيئة لحالهن السوريين بره ؟ أنت ما بتعرف كمية التضيق عليهن بره شي مو بالعئل ,, السوري ما بيقدر يتحرك بلا ما يعملولو ألف قصة وسيرة
ومعليه هون السهرات لفتح الأبواب مو لتسكيرها ,, ومو الغاية أنو الكل يتفق على رأي واحد وبس

[ياسمينة الشام]

جديد عن العرب يعني !!؟
هاد اسمو استغلال لحاجة النازحين , شعب عربي ئاتلو الجنس .. هالبنت مارح تكلفو فيزا ولا عقد ولا تأمين
كل ماهنالك ورئة زواج وبينبسط اخونا الختيار اسبوع زمان
الموضوع لا زواج ولا مساعدة ولا غيرو , كلو بيأدي لاستغلال بنات النازحات وممارسة الجنس معون بطريئة ع ئولون شرعية
مابعرف مين اللي مشرعلون ياها بس شرعية
بالنهاية هالشي مش حكر ع السوريين وعم يصير للمرة الأولى
بحلب ايام حرب العراق اللي بعرفون اكتر من 10 بيوت دعارة نظامي وكلون عراقيات بشغلهم واحد سوري
فالقضية مش قضية نازحين سوريين , القضية هي دناوة نفس العرب كلون

بعرف أبو الميد أنو هالشي عم يتكرر
وكل بلد صار فيها حرب عملو هيك ببناتها
و هون كمان بالأردن انفتحت بيوت دعارة
والمقرف بالموضوع ,, أنو الشعب العربي بيتذمر مننا وبقول جبتولنا بيوت الدعارة
طيب يا ولاد الكلب مين يلي خلاهن يفتحوها من الأساس
وروح شوف هالبنات يلي ببيت الدعارة كل وحدة منهن ضحكان عليها شي خمس رجال اردنيين قبل ع اساس زواج وبعدين كبوها
و في منهن اتزوجهن خليجي واجبرهن يشتغلو بالدعارة وهنن لسه على عصمتو
يعني بلفو بلفو وبيلزقو القصة فينا
بس أنو بهالطريقة الي ع أساس عم يستروا عليهن فيها ,, أنا شايفتها طريقة لممارسة الزنى بس بغير مسمى وبطريقة أكثر تقبلاً عند المجتمع

[r_mido]

الفكرة أنو هدول يلي عم يحكو ع السترة ليش ما راحو ستروا ع الصوماليات ؟؟

...... عنجد ليش !!

[Chris]

سوما للاسف الناس يلي عم تتهجر وتروح تعيش برا مافي مين يشرحلها وضعها القانوني
بحسب معطيات القانون الدولي وحقوق اللاجئين والمهجرين وماينطبق على احكامهم لازم يكون في هيئة تنظم وترعى امورهن واذا هدول الاشخاص كان الهن مطالب (لضمان) حياة كريمة فهي من حقهن
الدولة يلي مستضيفة عندها لاجئين بتاخد عليهن تعويضات ومساعدات اضافية وخصوصا دولة متل الاردن اقتصادها قائم على الشحادة والمساعدات
بس لما الانسان بيكون مابيعرف شو الو وشوعليه بيعيش متل ما حكيتي بفكرة انو كتير في تضضيق عالسوري

مثال على ذالك الغيتو الالماني يلي انعمل بالمانيا ليهود بولندا بالحرب العالمية التانية , كانو يشغلوهن ببلاش ومع هيك كان مسموح الهن بالمقايضة وكانو عايشين بنسبة انجح من العادية
على اد ما كل الكرة الارضية كانت بتكره اليهود بهداك الوئت ومع هيك اجا شخص(مسيحي) اسمو اوسكار شينلدر وتعامل معهن بانسانية وخلئلهن جنة بمصانعه
مع انو كلنا منعرف العداء التاريخي بين اليهود والمسيحية طلع في شي انساني

عملهن بيئة وتكاتفو مع بعض ونجحوا

وهي للتفاصيل اكتر
https://en.wikipedia.org/wiki/Oscar_Schindler

[gaya]

والمقرف بالموضوع ,, أنو الشعب العربي بيتذمر مننا وبقول جبتولنا بيوت الدعارة

ع فكرة العراقيين نحنا حكينا عنن نفس الشي...وهنن أصلاً غيرو بالبلد والأوضاع كتير

وكلو لورا..وكمان نحنا كان إلنا إيد بهالمأساة...لما السوري على سبيل المثال رفع إيجار البيت لعند الغيمة كرمال في غريب بالبلد.