•.★*... إذاعـةُ رَمـضـآنْ الـروزِيـّة ~ r_mido ...*★.•

[r_mido]

/// إهدآتي ~ ♪♪زهرة اللوتس♪♪

♪♪زهرة اللوتس♪♪


;

صاحبة الظل الخفيف
وجودك بحياتي كان متل النسمة
انتي كمان من الناس اللي الهم بصمتون بحياتي
وجودك بيمنحني سعادة
وحتى روزياً وجودك الو وزنو
كيف لا وبفترة من الفترات كان وائف من ورا جهودك

بتمنالك من كل ئلبي الفشل الزريع بحياتك وعنوسة ابدية هههههه
اي اي شبنا لا تعصبي وتزوري

أكيد الغاليين مافيني غير اتمنالون السعادة والنجاح

[r_mido]

/// إهدآتي ~ سوريا عشقي

سوريا عشقي


;

الأنيقة رغدا
رغم المعرفة البعيدة والسطحية
بس اكابريتك وطيبة اخلائك مش خافية ع حدا
اكيد انتي من الناس المسرور بمعرفتون , وانشالله بتعرف عليكي اكتر

الله يحميكي ويخليلك ولادك ونفرح بنجاحون

[r_mido]

/// إهدآتي ~ gaya

Gaya

;

ياسمين الخلابة
رائعة متل روعة الشمس وهي مرسومة ع وش البحر
مكان ما بتتواجدي وشك بنوّر ظلام المسا
روعتك بتتجلى بأهدافك وافكارك
ما تيأسي بالشي اللي عم تعملي
الدنيا فيها خير بس بدو مين ينكش عليه
فانكشي ونحن من خلفك ههههه

صحيح راسك يابس ومزعجة ومستفزة وفي اعوجاج ببعض كلامك بس هالشي ما بيمنع انك تكوني من اكتر المميزين اللي مرو علي

بتوقعك بتحبي جوليا , لزالك استلئي هي ~

[r_mido]

/// إهدآتي ~ Randa

Randah

;

الكبيرة والواعية والراكزة
اللي ما بيعرفك بيجهلك , واللي بيعرف شو عاملة بحياتك رح يحترمك غصب عنو
من جهتي بحب الانسان اللي بحط هدف بعينو
وما بيهدا لوئت ما يحئئو
لهيك اعجابي فيك مالو حدود
انتي بعتبرك مثل لأي بنت طالعة ع هالدنيا

الله يبعتلك ايام حلوة احلى من اللي مضت

[r_mido]

/// إهدآتي ~ ربان البحار & سلمى

ربان البحار & سلمى

;

أحلى دويتو بزهرة سوريا

مسرور جداً بوجودكم معنا وبستمتع كمان بسجالاتكم
الله لايحرمكم انتو
وتضلو منورينا ومنورين الروز كلو

[r_mido]

/// إهدآتي ~ أنثى السعادة

أنثى السعادة

;

طبعاً حتى لو رح تشوفي هالاهداء
رح تكون مغصوبة ومشحوطة لهون شحط

بس هازا لايمنع اني اهديكي
وأثبتلك وجودك بالموضوع

بعرفك هالكم يوم فرحانة , كتير جاي ع بالي انزعلك فرحتك مدري ليش
المهم كمان انتي من الناس اللي بحترمون كتير
والك سكرة منيحة بحياتي

أتمنالك تتحولي لأنثى السعادين من كتر السعادة

[r_mido]

/// إهدآتي ~ ترف

ترف

;

الجديدة ترف
لو ماكنتي شخصية حلوة ماكنا شفناكي اثبتي حالك بالروز خلال هالفترة

وتزكرت شغلة
احلى شي فيكي افطارتك
يلعن ديبك شو بتشط ريالتي عليهم هههههه

امك مرتبطة شي !!؟

[r_mido]

/// إهدآتي ~ Yasmin

Yasmin

;

عطر الروز , وزمان كانت نهفة الروز
كل البراءة فيكي ياسمين
كمان انتي من اعز الناس اللي مرو بصفحات حياتي

بتمنالك تتنئلي من نجاح لنجاح
وماتشوفي بحياتك غير الفرحة والبسمة

[r_mido]

/// إهدآتي ~ Chris

Chris

;

عزيزي دانيال الرائع
فترتك الوجيزة الأولى اللي ئضيتا معنا اضفتلنا اشيا مميزة
بس الاضافة بتحتاج لمتابعة
مش بس اعطي وامشي
اذا كانت وجهة نظرك انو انت عندك شي لازم تئدمو للمجتمع فأنا بدي ضيف ع وجهة نظرك انو اي شي بتئدمو وما بتتابعو رح يروح مع الريح

متمسك بوجودك معنا
مسرور لمعرفتك

[r_mido]

/// شواغر للتوظيف ~

خلصتو ترفيه وانبساط !!؟
منرجع لوجع الراس





مطلوب موظف للعمل على أن يكون حاصل على شهادة الماجيستير بالطب النووي من أي جامعة امريكية " حصراً "
ويكون عامل لايقل عن 25 ندوة ودورة متخصصة في مجال عملو
بالاضافة لخبرة ما بتئل عن 5 سنين في شركات خليجية أو أجنبية وعدة شهادات تدريبية في عدة مجالات ..

ولازم يكون عندو روح رياضية في تحمل البهادل , طبعا مع اليقين انو هالبهادل هي للصالح العام ومشان يطور نفسو ..
طبعا ناهيك عن الاناقة والتألق واجادة اللغة الانكليزية والفرنسية والاسبانية والتانزانية , والهوروغليفية ان امكن ..
ويا حبزا لو كان المتئدم شاعر وأديب ومثقف ومسبع الكارات مشان نحرت عليه براحتنا , وأكيد لازم يكون ابن عيلة مرموقة ..


تنويه:~ يجب على المتقدم انو يكون قنوع وغبي وما يطلب بدل ساعات اضافية .

ولازم المتقدم يتصف بالتسامح ويكون عندو استعداد يضحي بحياتو في سبيل الوطن والشرطة في خدمة الشعب .
وشي تاني كمان , يفترض المتقدم يكون فيو الكرم الجزائري , وحلاوة اللسان الشامية , والحربئة اللبنانية , والصبر المصري ..

للراغبين بالحصول ع هالشاغر يئديم السي في تبعون بمجلد خاص مع كتابة الراغب اللي بدو ياه , مع العلم انو الراتب مارح يتجاوز سبطعش الف ليرة ..

اللي حابب , يبعتلنا سيرتو لدكانة الخضرجي زقزوق

[r_mido]

/// النهاية ~

وهلأ فينا نئول خلصنا



انشالله تكونو استمتعتو معي واستفدتو , واللي ما استمتع يصطفل مشكلتو
كمان انشالله يكون هالموضوع خفيف عليكم
ومافيو ازعاج لحدا


ألا هل بلغت
ألا هل بلغت
ألا هل بلغت

قالها ثلاثاً وخرّ مغشياً عليه

[gaya]

-استاز وشوفير سوا .
-مدير وكهربجي سوا ..... وشكلو كان يتابع ماوكلي كتير بصغرو
-استاز وجاكي شان سوا .
-طلاب وقوات خاصة سوا .
-مدرسة وغرزة سوا .
-اصلا بلاش تشتري مشان ما تفقد اشيائاتك .


*الكلمات الدلالية : بحبش - يوتيوب - نكوش - فرات - بلاد - طوفان -
سوري - عمر أميرلاي.


بتلائي جوابي بعد بداية العرض بـ 7 / د




*إنت ختمت المشاركة رقم (6) بهي الجملة


_((تبقى البقرة بقرة ,, ويبقى العجل عجلا ))


وبلشت المشاركة رقم (7) بهي الجملة


((النهايات السعيدة.. وهم))


ما خليتلي حكي








-وتاني يوم الصبح رح تسمع الخبر التالي " إلقاء القبض على خلية نائمة تابعة لتنظيم القاعدة وإعدام كل أعضائها "


*هنا محطة ال bbc مارشات عسكرية وقرآن.



-يفترض في دائماً شي نعيش مشانو


*إن الإنسان يواصلُ الحياة مادام هناك أحياء يعرفونه ويهتمون به."
فيلليني



-بئلكم مجنون شاف ئرد ضايع


*لو ما كان مجنون كان ضل ماشي متل البائي وما لكشو...




-ونادي فررررررررري دوووووم وطحاش لعندو.


*هيدي بيوميات المواطن بكل شي ..من عند الميكرو والحبل ع ال مدري شو



-انشالله تكونو استمتعتو معي .


*شيلك مناا... وخبرنا عنك


شكراً ع الغنية الظريفة... رواء






















_

[ياسمينة الشام]

هنا إزاعة نيروبي



أعزائي المستمعين أسعد الله أيامكم , تابعونا ع الموجة 99.99 fm


" "



استمتعو غصب عنكم يعني وحسكم عينكم أشوف حدا مش مستمتع

\
/
\\
/

روئولي بهالغنية لوئت ما ارجعلكم

للسمران مخصوص .. الشئران ما خصون

ليش للسمران بس ؟؟
أصلاً أنا أحلى من مايا دياب المحروقة كمان
وتباً لعنصريتك

[ياسمينة الشام]

ما عرفت أي رد بدي اقتبس والله
بالنسبة للمدارس الحكومية : ع ئولة بابا قتلت حالي لرحت عليها
ومالها متل ما انتا حكيت بالعكسو حستها جداً كول وحبيتها
بس انتو الصبيان سعادين بالحكومة وبالخاصة

وبالنسبة للأمريكي يلي زكرو المذيع ,, أنو يخرب بيتو عدد 3 عوائل وبكل ريلاكس وهدوء ولك نحنا جد جد جدي حكمتو نفس العائلة ومازلت لهلأ وماحدا اتفزلك متلهن

و ع فكرة أبو الميد ~ حضرتي الصديقة الوحيدة يلي بتستاهل تتفائل مشانها خخخخخ
و بيثبت هالشي إني ضحكت على نكتك البايخة بس ما حبيت كلامك العيب فيها

[ياسمينة الشام]

وهلأ صار وئت الإهداءات
وهي للمتواجدين فقط , مشان ما ينطلي حدا من سنة ما شفت وشو ويحرد



/
\
//
\

SoOoMa


سوما السمسومة , ولك انتي شو بدي احكي عنك مليت من كتر ما حكيت عنك هههه
بنتي العزيزة
مهما كبرتي رح ضل شوفك بنتي
وعقد التبني مازال ساري المفعول
ومازلت أتمنى تجيني بنوتة شبهك بكل شي خلقاً وخلقاً

بس بدك شوي تخففي هبلك وكلو منيح

بس هاد يلي طلع معك !! لك أنا المتنبي كلفتو يكتب عني قصيدة وصل للبيت رقم مليون ومات وما كملها والله ياخدو ما حكالي وين كتب المليون بيت
ماعلينا بحب الغنية كتير أنا ميرسي أبو الميد
و لاتنسى كنيتنا شو كانت ههههههه