تويت
هــــــآي ~~
اليوم أنا رح أستلم الإذاعة
يا عمي عيد ميلادي وما حدا أدي هههههههه
وبعرف أنكم أكيد رح تستمتعوا معي ههههههههه
منورين جميعاً ويرجى عدم المقاطعة
_______________________________
تسنيم العثل -
عيد ميلادي ~
هالسنة كان عيد ميلادي مختلف جداً
أول سنة بحتفل فيه بالغربة
و صراحة أول سنة بنساه كتير
يعني اتزكروا شوي وباقي الوقت نسيانة
أول عيد مافي هدايا لأن كل رفقاتي شي بمصر وشي باميركا وشي بالشام وشي الله العليم وين
سو نو هدايا نو عيد
ههههههههه
هو يعني صحيح ما كانت هدايا محرزة شي بارفان وشي ماغ وشي برواظ بس اسمها هدايا لك أبي هههههه
بس رح تضل أمنيتي هالسنة
أنو عيدي الجاية ما يكون بالأردن
-
عيد ميلادك مو بالكيكة
ولا بالهدايا ولا بالحفلة
عيد ميلادك تذكير إلك أنو لحق حالك عمرك عم يمضى
عيد ميلادك عم يقلك أنو راحت سنة من عمرك , شو عملت فيها ؟
شو أنجزت هالسنة ؟
عيد ميلادك هو مسج للتذكير و التحذير
أنو نقص من عمرك سنة ,,
تعليق
-
بالنسبة الي
ما بحب حدا يهديني شي غير الدباديب ما بعرف ليه
هو كلو حلو
بس هي المخلوقات الفرو المنفوشة بتخليني انبسط غير شكل
لو بعد مية سنة بدي هيك هدايا
سمعان جوزي المستقبلي هههه هي ريحتك من قصة الدهب و الالماس
بس جبلي دباديب ههههههه
تعليق
-
بهدي كل المستمعين هي الغنية الي عم تسمعوها بالموضوع
الي بحبها كتير
و بابا .. شتئتلك كتير
و الله لايحرم كل بنوتة من أبوها ..
تعليق
-
مبارح متل ما طبلت حضرتي الدنيا
رحت بفعالية للاطفال اللاجئين بالأردن ع نادي فروسية
كان يوم جداً ممتع
صح لهلأ رجليي معضلين وما قدرانة أمشي
بس مافي أحلى من أنه نشوف الضحكة على وجوههن
هاد الأمور جاية مع أخوه كان
لهلأ ما شبعت منو بوسات
شكراً لكل الي قاموا ع العمل
شكراً لفريق "همة" ولفريق "رؤية" من منبري هذا هههههه
تعليق
-
صورة لفريقي
الفريق الأحمر
حكيتلهن بدي نزل هالصورة بمنتدى زهرة سورية وقعدت حكيتلهن عنو كمان ههههه
و كلهن بسلمو عليكن
تعليق
-
هي البنوتة اسمها تسنيم على أسمي
شو هاااااااااااااادية وعلى عكسي تمام ههههه
وهي الصورة بالباص نحنا ومتجهين ع المكان
صرعوا رآسي ,, آنسة ايمتى رح نوصل ! آنسة مطولين !
أحلى شي إني صرت آنسة
تعليق
-
هاد الولد كنت مفكرتو ملاك و بريئ و من هالحكي
بس كل هالإنطباع كان بالباص
وقت وصلنا هو يركض و أنا إلحئو ,, و بس روح إلحئو كل باقي الفريق يهرب
طلعوني عن ديني
تعليق
-
هي الصورة من استعراض الخيول ,,
كان عنجد روعة بس الولاد زعلوا لأنو مو مسموح إلهن يركبوا عليها .
تعليق
-
حكيت كلمة هنيك
أنو نفسي أتعلم أركب ع الخيل وهيك
بتقوم وحدة ست بتنط من وراي
و بتقلي حرام الخيل للبنات
بقلها وليش بقى
قال لأنو بنية المرأة التكوينية الجسمية ما بناسبها هالشي
قلتلها بقلبي ع قولة أبو الميد ~ تلحسي أنفي هههههههه
لعمش التخلف
تعليق
-
المهم بعد كل هالشي رجعت ع البيت راضية عن حالي
لأني عملت شي للأطفال مو لحدا
رجعت ع البيت ومافي غير البنت يلي دعتني يمكن بتعرف إسمي
و رغم أنو سلموني جروب أطفال كامل بس لحالي وكان أكبر عدد عندي بس قدرت سيطر عليهن
و المهم أنو أنا وطالعة سمعتهن عم يقولو البنت اللي لابسة شال أزرق كفت ووفت
بغض النظر عن نص البنات الي أول ما أجت القنوات التلفزيونة لتغطي بس صار بدهن يلحئو الكاميرا ..
بكره الشخصيات الشوفونية أنا
شوفوني أنا وعم أمدح حالي
تعليق
-
من زمان كنت ضد أنو الولد يسبّق سنة بالدراسة
و كنت حس هالشي ظلم إله
هلأ وحالياً بتمنى لو أهلي خلوني سبق سنتين متل إبن جيرانا
يالله كنت هلأ سنة رابعة جامعة واااااااااااع
تعليق
-
الإختلاف بالرأي لا يفسد للود القضية
أكبر كذبة اخترعتها البشرية ..
ولك مو بس يفسد الود ولك وبيفسد القضية كمان ..
تعليق
-
مافي شي بخلي الدم بنتفض بعروقي و شعر بدني يوقف و وكز ع سناني وانتف شعرات راسي
غير البنت الي بدافع عن الزلمة و بتبرر ظلمو وقرفو
و بكل غباء بتوقف وبتقلي أي بحئلو أي بيطلعلو مو هو الرجال
مابعرف شو المعتقدات الغبية الي اتشربتها ع صغر
بس فعلاً ما رح تحصلي على حقوقك و إنتي لسه عم تدافعي عن عبوديتك ..
تعليق
تعليق