~~ بـــــرنامـــ♥ـــج ســ♥ــــاعه الا خمـــ♥ـــس~~مع ســـــلمى

[r_mido]

سلمى


زرتي فلسطين ئبل !!؟
اذا اي شو المناطق اللي زرتيها !!؟ وإذا عندك صور من تصويرك لفلسطين لاتبخلي علي فيهم ..
ئريت انك فلسطينية وتنئلتي بين السعودية والاردن ..... لمحة صغيرة عن التلت بلدان هدول "اشيا لفتت نظرك فيها"
بالروز كتير راكزة وأنيقة , هالشي بيعكس شخصيتك ولافي متغيرات ؟
بالمناسبة .. شو دارسة ؟ وشو بتشتغلي ؟

[سلمى]

مسا الخير سلمى ورمضان كريم ~
مسا النور عيوني سوما الله اكرم افطار هنيء وصيام مقبول.
_ حكيلي عن تجربتك بعالم المنتديات ؟ كيف بتختاري المنتدى ؟ و كيف بكون لحتى يعجبك ؟ و بكم منتدى مشاركو هلأ ؟
ما عندي هالتجربة الواسعة كنت بمنتديين قبل هيك وتركت والمنتدى ياللي بسجل فيه بنتبه فيه عالاقسام الديني والادبية وردود الاعضاء اقسام المنتدى كلها طبيعتها وطبيعة المواضيع ياللي فيها ازا عجبني والانطباع ايجابي عن المنتدى بسجل فيه. حاليا انا بالروز ما بجمع بين اكتر من منتدى.
_ كم سنة إلك عايشة بالأردن ؟ لأني فهمت إنك جنتي بالبداية بالسعودية ..
اي صارلي عايشة فيها اكتر من عشرين سنة وخلقت وعشت جزء من طفولتي بالسعودية.
_ من البلدان يلي زرتيها أي بلد كانت الأحسن ( من حيث معاملة سكانها )
ما في بلد احسن وبلد اسوأ في ناس طيبين وفي ناس غير هيك بكل مكان من العالم وبكل بلد حتى بالعيلة الوحدة والانسان لازم يتعامل مع الصنفين وما بقدر عمم على شعب انه طيب وعلى شعب تاني انه مو منيح.
_ أكيد متل ما الكل بيعرف اللاجئين السوريين معبين الأردن .. شو رأيك بوضعهم ؟ وشو الأخطاء يلي عم تحصل ؟ ومين المسؤول بنظرك عنها ؟
شوفي عيوني بحس انن نحن واخوتنا السوريين نفس الوجع مشكلة اللجوء مش وضع سهل بالنسبة لأي انسان يترك ارضه وبلده وشغله ومستقبله ويقعد في خيمة على المساعدات بيتابع اخبار مستقبل مجهول بكل اماكن اللجوء وبأحسنها تجهيزا اللاجئ بيبقى ضيف مجبر على الضيافة في الاردن اكتر من نصف مليون لاجيء من اهلنا واخوتنا السوريين ونحن النا جيران اجو وسكنو الحي نفدو من مخيم الزعتري وهنن نعم الناس محترمين وفي حالهن والكل بيشكر فيهم وكلنا في الحي بنتعاون معهن لكن الاوضاع الانسانية لأي لاجئ بالعالم ما ممكن تكون منيحة بكفي التهجير القسري عن بلده بسبب الحروب التواجد في مخيم متل مخيم الزعتري بأوضاعه مش شيء سهل اما مين المسؤول عن اوضاعهن برأيك مين ياللي اضطرهن ليهاجروا برا بلادهن مو الوضع المأساوي جواة سوريا ما بدي احكي كتير بهالشي لكن هنن هاجروا من ظلم وقهر وحرب طاحنة راحو لحل صعب وهو اللجوء لبلد تاني سواء الاردن او غيروا بدعي رب العالمين يفرجها علينا كفلسطنيين وعلى اخوتنا وهلنا بسوريا ويرجعوا قريب وتنفرج هالأوضاع الصعبة هي.
_ كلمة وجهيها للنسور هههههههه بمناسبة رفع سعر بطاقات الرصيد
بدي قله بدل ما يستر عورة الميزانية بورقة توت يشوف وين عم تروح حاج نفضنا!
_ شو أكتر شي حبيتي بمنتدى زهرة سورية ( بعرف كلو بينحب بس أكتر شي ! )
أكتر شي عجبني قسم صدى ومدى متنوع فيه المواضيع وكل طرح اله طبيعته ياللي بيحب يبدع يدخل هونيك.
_ إنتي بتدرسي بمدرسة حكومية ولا مدرسة خاصة ؟
حكومية .
_ كيف بتتعاملي مع طلابك ؟
بعاملهن كصديقة وإم في بعض الاحيان معع اني مو كبيرة كتير هههههههههه
_ شي مرة ضربتي وحدة من الطلاب ؟
لا ما بمد ايدي على طالب لما بشوفهن بتذكر اولاد اختي وبتخيل لو حدا ضربهن شو رح يكون رد الفعل عندي فبمسك حالي وهن ارواح مو آلات بدو يكزن المعلم انساني
وما ينظر بفوقية للطلاب المفروض يتعامل معهن بانسانية ويحترم كرامتهم لأنهم امانة عنده.
_ أي الصفوف بتدرسي ؟
صفوف من 8 اساسي حتى الثاني ثانوي الادبي (توجيهي)
_ أي مادة بتدرسي ؟
العلوم الاجتماعية والانسانية -الجغرافيا/التاريخ /الثقافة العامة/التربية الوطنية-
_ أي المواد المدرسية بتحبيها أكتر شي ؟
بأيام الدراسة ما كنت حب شي ههههههههههههه
بالجامعة درست تخصصي الجغرافيا بحكم معدل الثانوية ما حبيتهاههههههه
بس بعد الشغل صرت حب درس تخصصي الجغرافيا لأن هو ياللي بملك قاعدة معرفية فيه.
هلأ بكفي هدول
إن الله راد إلي رجعة
شاكرة مرورك واسئلتك سوما عصرتيني هههههههههههههههههههه
بمزح حبيبتي اسئلتك حلوين وبتنوري بالرجعة التانية اهلا فيك.

[سلمى]

ما شاء الله حولك سلمى والله يرحم رفيئتك وبخليلي كل يلي بتحبيهن
متابعين معك واتفضلي بعد الافطار

تسلمي زهرة ما تفقدي لا عزيز ولا غالي شكرا كتير لمرورك وان شاء الله موجودة معكم الليلة لجاوب على الاسئلة.

[♪♪زهرة اللوتس♪♪]

ميه اهلين سلمى


هلئ قديما قالوا

قم للمعلم وفه التبجيلا كاد المعلم ان يكون رسولا


هلئ نحنا بعصر العولمه والانفتاح التام عا العالم الخارجي
برايك كمدرسه مين المسؤول الاكبر والاول على توجيه الطلاب والابناء
الى اتباع الطريق السليم والبعد عن كل ماهو دخيل لمجتمعنا ؟؟؟
الاسره ولا المدرسه ؟؟؟

كمان على اعتبار انك درستي تاني ثانوي اكيد بتتعرضي احيانا
لمواقف محرجه مع الطالبات كيف ممكن تحلي اي مشكله مع الطالبات ؟؟؟

[سلمى]

سلمى

اهلا وسهلا اخي احمد :

زرتي فلسطين ئبل !!؟
لا ما بعمري زرت فلسطين بحكم الاحتلال.
اذا اي شو المناطق اللي زرتيها !!؟ وإذا عندك صور من تصويرك لفلسطين لاتبخلي علي فيهم ..

ئريت انك فلسطينية وتنئلتي بين السعودية والاردن ..... لمحة صغيرة عن التلت بلدان هدول "اشيا لفتت نظرك فيها"
بالسعودية ما بذكر شي قضيت فيها طفولتي وبس كنت صغيرة الأردن عشت تقريبا حياتي فيها الشي ياللي بيلفت النظر في الاردن هو انن شعب ما زال لسه عندو تمسك بالعادات البدوية بيحبوا العزايم والمنسف اكتر شي بيكرموا الضيوف ياللي بيزوروهن وفي ظاهرة بكل عرس لازم يعكلوها الطخ في الهوا تثبيت للعزوة من وجهه نظرهم والهيبة وبيؤمنوا يمقولة انا واخي على ابن عمي وانا وابن عمي على الغريب حتى النخاع.

بالروز كتير راكزة وأنيقة , هالشي بيعكس شخصيتك ولافي متغيرات ؟
لا ما متغيرات بالروز متل برا الروز نفس الطبع.

بالمناسبة .. شو دارسة ؟ وشو بتشتغلي ؟

دراستي بكالوريوس جغرافيا وبشتغل آنسة مدرسة.

شكرا جزيلا لمرورك الكريم واسئلتك اخي احمد مسائك سعيد.

[سلمى]

ميه اهلين سلمى
تسلمي زهرة اهلا بعودتك ...

هلئ قديما قالوا

قم للمعلم وفه التبجيلا كاد المعلم ان يكون رسولا


هلئ نحنا بعصر العولمه والانفتاح التام عا العالم الخارجي
برايك كمدرسه مين المسؤول الاكبر والاول على توجيه الطلاب والابناء
الى اتباع الطريق السليم والبعد عن كل ماهو دخيل لمجتمعنا ؟؟؟
الاسره ولا المدرسه ؟؟؟
المسؤولية مشتركة ما فينك تحكي ان طرف اقل او اكتر ياللي بتزرعيه في المدرسة بدو يكون اله رديف في البيت كتير من مشاكلنا مع الطلاب ان بتوجهي الطالبة بالمدرسة لكن مافي اي نوع من المتابعة بالبيت ويمكن مفاهيم الاهل مضادة للي عم تغرسيه من مفاهيم وقيم بنفس الطالب/الطالبة فهون بيصير التشتيت ما بيعود المراهق/المراهقة ما بيعود يميز هو يتبنى معايير مين ؟! الاهل الهم دور كبير في التوجيه والمتابعة بموازاة المدرسة والمصيبة الاكبر لما بتكون المدرسة مو قدوة بطاقمها للطالب معناتها الجيل ياللي رح يطلع جيل فاشل.

كمان على اعتبار انك درستي تاني ثانوي اكيد بتتعرضي احيانا
لمواقف محرجه مع الطالبات كيف ممكن تحلي اي مشكله مع الطالبات ؟؟؟
شوفي ما بحرج طالبة بتوجيه كلمات جارحة بصمت دقيقة وبركز فيها منيح بالنظرة ما نفع هالشي بلهيها بمهمة بحل سؤال بنشاط تساويه في الصف حل تالت باخدها على جنب
بحكي معها وبنبهها وبأسلوب يوضحلها خطأها بدون تجريح (باخدها بالسياسة) لو ما نفع شي من هاد بحولها للمرشدة التربوية بنحط دراسة حالة وخطة للتعامل معها,

[♪♪زهرة اللوتس♪♪]

الف شكر الك سلمى ولاجوبتك
استمتعنا كتير بلقائك وربي يوفقك ويقدملك كل الخير
والى اللقاء