~~ بـــــرنامـــ♥ـــج ســ♥ــــاعه الا خمـــ♥ـــس~~مع ســـــلمى

[♪♪زهرة اللوتس♪♪]

~~ بـــــرنامـــ♥ـــج ســ♥ــــاعه الا خمـــ♥ـــس~~مع ســـــلمى






يسعد كل اوئاتكن اعزائي اعضاء وزوار الروز

رجعنا مع حلقه جديده وضيفه جديده

اليوم معي ضيفه هي جديدة عا الروز


بس بفترة صغيره اثبتت وجودها

بحضورها الراقي وتميزها باختيار مواضيعها

كلمتها حلوة وردودها بتفتح النفس

شاطرة بكل شي ماشالله حولها
شخصية مميزه وانيقة الحضور

وانا متأكده انو عندها لسا كتير اشيا حلوه

لسا ماشفناها



رح رحب بالضيفه العزيزة

♥♥ سلمى♥♥


ميه اهلا وسهلا فيكي
يلا جاييتك

[♪♪زهرة اللوتس♪♪]

اول شي - عرفينا على نفسك وكيف وصلت سلمى الى زهرة سوريا؟؟؟


1 _شو بيعنيلك رمضان ؟؟؟

2 _ أول رمضان قمتي بصيامه كم كان عمرك وشو بتتذكري من هداك اليوم؟

3 _موقف طريف لا يغيب عن بالك حدث لك في رمضان ؟

4 _هل ذقتي طعم الصيام في غيربلدك وحكيلنا شوي عن رمضان ببلدك ؟

5 _برنامجك في رمضان كيف يكون ؟

6 _ماهي الأكله او الطبق الذي يجب ان يتواجد أمامك في رمضان ؟

7 _هل تحرصي على السحور ؟


8 _شخص تفتقديه في رمضان ؟

9_ بمن تفكر ي بحلول الشهر الكريم بعد الوالدين الله يحفظ الموجودين ويرحم من انتقل الى جوار ربه ؟

10 _مالذي تتمني أن ترايه في المنتدى خلال هذا الشهر الكريم؟؟

11 _مشهد يسعدك أن تريه في رمضان ؟؟

12 _ ماذا تتمني في هذا الشهر ؟

13- كيف بتنسقي بين شغلك والطبخ والبيت برمضان؟؟؟


14- في رمضان تحب الإجتماع مع الأهل والأصحاب أم الجلوس لوحدك ؟

15-شو العادات يلي بتتمني تخلصي منها برمضان؟؟


16-شو عم تابعي مسلسات او برامج رمضانيه
17-انتي عندك ولاد الله يخليلك ياهن كيف بتعلميهن عا الصيام؟؟؟

18كيف تصفي علاقتك بالاكل في رمضان؟؟


--19كلمه بمناسبة رمضان للاعضاء والمشرفين والاداره؟

[سلمى]

اول شي يسلمو زهرة الاستضافة بموضوعك الرائع وان شاء الله كون ضيفة خفيفة الدم واقدر جاوب على الاسئلة كلها ~

اول شي - عرفينا على نفسك وكيف وصلت سلمى الى زهرة سوريا؟؟؟
كنت عم دور على منتدى بحكم اني عم بكتب خواطر وانا عم اتنقل بين المنتديات دخلت لهون عجبني المنتدى بشكل عام فسجلت وابتديت بالمدونة وبعدين صرت شارك ببقية الاقسام .

1 _شو بيعنيلك رمضان ؟؟؟
شهر القرآن والغفران من الله سبحانه وتعالى
2 _ أول رمضان قمتي بصيامه كم كان عمرك وشو بتتذكري من هداك اليوم؟
كان عمري تقريبا ست سنين بالصف الاول الابتدائي كان حر كتير وكنت اعطش واحيانا كنت ساعد امي باعمل العصير فأنسى اشرب منه وتنتبهني امي هههههه.
3 _موقف طريف لا يغيب عن بالك حدث لك في رمضان ؟
والله ما بيحضرني شي مو متذكرة ..
4 _هل ذقتي طعم الصيام في غيربلدك وحكيلنا شوي عن رمضان ببلدك ؟
بحكم اني فلسطينية من فلسطيني الشتات ما صمت ولا رمضان ببلدي من خلقت كنت موزعة في الاقامة بين السعودية والاردن حالياً.
5 _برنامجك في رمضان كيف يكون ؟
ما في برنامج محدد انما بحاول وفق بين شغل البيت وتلاوة القرآن الكريم وبالعشر الاواخر بيصير التركيز على قيام الليل والسنة يمكن المنتدى اله شوية وقت لهيك وقتي مكركب شوي.
6 _ماهي الأكله او الطبق الذي يجب ان يتواجد أمامك في رمضان ؟
بحب الشوربات بأنواعها والفتوش دائما بمائدة رمضان.
7 _هل تحرصي على السحور ؟
اي بتسحر بس خفيف مشان ما اتعب خلال الصيام.
8 _شخص تفتقديه في رمضان ؟
جدي المتوفي الله يرحمه كان برمضان يجي بقضي عنا كم يوم فكل رمضان بفتقده ودائما بدعيله بالرحمه.
9_ بمن تفكر ي بحلول الشهر الكريم بعد الوالدين الله يحفظ الموجودين ويرحم من انتقل الى جوار ربه ؟
بعد امي وابي الله يحفظهن بفكر باخواتي وصاحباتي وكل اللي بحبهن وبيحبوني ببعتلهن وبعايدهن وبطمأن عليهن.
10 _مالذي تتمني أن ترايه في المنتدى خلال هذا الشهر الكريم؟؟
أتمنى ان تنتهي هالظروف الصعبة و يعود الاعضاء للمنتدى ويعود المنتدى اكثر نشاط.
11 _مشهد يسعدك أن تريه في رمضان ؟؟
التراحم اجتماع الاهل حول مائدة الافطار .
12 _ ماذا تتمني في هذا الشهر ؟
أن تتوقف الحروب وحصد الارواح وتنتهي الفتن والثورات.
13- كيف بتنسقي بين شغلك والطبخ والبيت برمضان؟؟؟
حاليا انا بالعطلة الصيفية مشان هيك ما في ضغط السنة بالنسبةلشغل البيت.
14- في رمضان تحب الإجتماع مع الأهل والأصحاب أم الجلوس لوحدك ؟
والله بشكل عام اي بحب شوف اخواتي اعمامي واهلي برمضان وبغير رمضان لكن احيانا بكون تعبانة فلهيك في اوقات التعب بفضل كون لوحدي.
15-شو العادات يلي بتتمني تخلصي منها برمضان؟؟
ادمان الموسيقى مقطوعات البيانو اكتر شي ما بقاومهما لكن بخفف في رمضان .
16-شو عم تابعي مسلسات او برامج رمضانيه
مابتابع مسلسلات برمضان بشكل عام ما بحب الجلوس قدام التلفزيون بدخل على النت في غالب الاوقات.
17-انتي عندك ولاد الله يخليلك ياهن كيف بتعلميهن عا الصيام؟؟؟
ما عندي اولاد ههههههه مع اني كنيتي ام طارق بس لسه ما اجا طارق .
18كيف تصفي علاقتك بالاكل في رمضان؟؟
مافي مودة كتير بيني وبين الاكل بصورة عامة يدوب الشوربة والسلطات وسحور خفيف ما بحب تقل بالاكل.

--19كلمه بمناسبة رمضان للاعضاء والمشرفين والاداره؟
بحكيلهم مبارك عليكم الشهر وان شاء الله من المغفور لهم بهالشهر الفضيل وينعاد عليهم بالصحة والسلامة .

[♪♪زهرة اللوتس♪♪]

يا ميه اهلا وسهلا فيكي منورة الروز ومنورة الموضوع بتواجدك واجوبتك الحلوة
وعسئال ما نباركلك بجيه طارق يارب
اكيد الي رجعه وبتمنالك قضاء وقت حلو معنا بالموضوع

[ربان البحار]

شكرا زهرة على الموضوع الظريف

وشكرا على الدعوة

وراح ابدأ بالاسئلة لام طارق

[ربان البحار]

مساء الخير سلمى


بداية الحمد لله على سلامتك


سؤال .. 1- في ايام الدراسة بالجامعة ..كم مرة حملتي مواد من اول سنة لاخر سنة.؟ بدي اجوبة صادقة يعني ههههههههه

سؤال 2- بتحبي لعبة الشطرنج.؟


بيكفي ام طارق اسئلة

بتمنالك كل الشفاء

[سلمى]

يسعد مساك ربان بكل خير

سؤال .. 1- في ايام الدراسة بالجامعة ..كم مرة حملتي مواد من اول سنة لاخر سنة.؟ بدي اجوبة صادقة يعني ههههههههه

بصدق ولا مرة حملت مواد ما كنت كتير مجتهدة كنت وسط
وتقديري جيد بس بعمري ما حملت مواد ابدا ولا عدت مادة بكل دراستي.

سؤال 2- بتحبي لعبة الشطرنج.؟

ما بعرف ازا بحبها ولا لأ لأني ولا مرة جربت العبها مع انها اللعبة ياللي بتنمي التركيز
و بتحتاج ذكاء مو لاني مو ذكية ههههههههه بس لأن صدقا ما خطرلي العبها مو اكتر
يمكن لو ما رستها حبها ما بحب احكم على شي قبل ما جربه

شاكرة للاسئلة الخفيفة ربان وشاكرة مرورك وبتمنى لو عندك اسئلة تانية تنورني اهلا فيك.

[ربان البحار]

صباح الخير سلمى ..


بدي اسالك كمان سؤالين
1- ايام دراستك اعملتي تخيم نشاطي او علمي
لو في ..احكيلنا موقف ما بتنسيه ابدا .!


2- اي مدينة بتشعري انها اقرب اليك من فلسطين
وبتمنى شي صورة او اكتر مو مشكلة.


شكرا سلمى

[syria oshqy]

مع نسمات الصباح
بصبح عليكي بياسمينة شامية



وأبدأ معكي أسئلتي


ما هي أكبر صدمة تلقيتها في حياتك؟

اول شخص بتلجئي له في حل مشاكلك مين؟

ما هي أجمل ذكريات طفولتكِ؟

هل لديك أي أنواع الفوبيا (الخوف من شيء معين)؟

هل اشتبكتِ في مشاجرة من قبل؟

هل تمارسي اي نوع من الرياضة حالياً؟

اذكري أهم 5 اشياء او اشخاص في حياتك ...

ما هي أفضل الدروس التي تعلمتها في حياتك؟

ما هي أفضل هدية عيد ميلاد تلقيتها؟

ما أكثر شيء فعلته وندمتي عليه؟

ما أصعب لحظة مررتي بها؟

ما هي أكثر حكمة سمعتها وأعجبتكِ؟


هل تسهري لساعات متأخرة من الليل؟

ما هو نوع الازهار التي تحبيها؟

كم عدد اللغات التي تستطيعي تحدثها ... وما هم؟

دمتي بخير
مع تحياتي

[سلمى]

يسعد صباحك ربان


بدي اسالك كمان سؤالين
1- ايام دراستك اعملتي تخيم نشاطي او علمي
لو في ..احكيلنا موقف ما بتنسيه ابدا .!
مو بأيام الدراسة لما اشتغلت عملت تخييم لأني مسئولة النشاط الكشفي مع طالبات الكشافة
ضياع واحدة من الطالبات وقعدنا ساعتين عم ندور عليها وطلعت حضرتها عم تتأمل المتحف وناسية حالها جواته
هي مو من طالباتي لكن لأننا الجميع سوا رحنا الكل فتشنا عنها والحمدلله لقيناها قبل ما نلجأ للبوليس ههههههههه.

2- اي مدينة بتشعري انها اقرب اليك من فلسطين
وبتمنى شي صورة او اكتر مو مشكلة.

الخليل مدينتي و هي الصور للخليل..


وشكرا جزيلا لمشاركتك بالموضوع ..



الحرم الابراهيمي ومحيطه



المدينة القديمة



كروم العنب بالخليل








عين سارة بالخليل

[سلمى]

مع نسمات الصباح
بصبح عليكي بياسمينة شامية



يسعد صباحك سوريا انت وكل الروز بكل خير




ما هي أكبر صدمة تلقيتها في حياتك؟
اكبر صدمة كانت وفاة صديقتي بالجامعة بعد تخرجنا كنا تلاتة انا وهي وصديقة تالتة غالب وقتنا مع بعض كنا متل الاخوات تقريبا
لهيك ما بنسى لما حكيت مع اهلها لأسأل عنها فتلقيت الخبر قعدت بعدها فترة وانا مو مصدقة ورافضة فكرة انها توفت
الله يسامحك سوريا هالسؤال صعب علي

اول شخص بتلجئي له في حل مشاكلك مين؟
بحل مشاكلي بنفسي في الغالب كبرنا خلص هههههههه دايما مشاكل الشغل ما بتخلص لهيك
بدو الواحد يعتمد على نفسه في حلها ونادرا لما بلجأ لحدا في الغالب بلجأ لصديقة مقربة مني.

ما هي أجمل ذكريات طفولتكِ؟
كنت مشاغبة كتير لحد الصف التالت الابتدائي هي الفترة كانت فترة الشيطنة بعد هيك هديت وصرت عاقلة جدا
والله كنت دايما عريفة الصف والنا ابن جيران يغار من هالشي ونضل نتقاتل على المنصب الفخري ههههههه
غير مقالبنا بآنسة الصف الاول ايه وكان النا جيران مربيين كلب كبير ما بعرف شو نوعه كان دائما عندو ردار رصد إلي ولأختي لحقنا اكتر من مرة ههههههههههه مرحلة كانت حلوة كتير ببرائتها وكتر شغبي فيها.

هل لديك أي أنواع الفوبيا (الخوف من شيء معين)؟

من مية البحر رغم حبي الشديد للبحر لكن ما بقدر غمق في المية بالسباحة بشعر بالاختناق وبأني بغرق.

هل اشتبكتِ في مشاجرة من قبل؟
والله انا صغيرة بمرحلة الطفولة اي اكيد مافي حدا ما دخل في مشاجرات ولو لمرة واحدة في حياته بهديك المرحلة .

هل تمارسي اي نوع من الرياضة حالياً؟

لا ما بقدر حاليا

اذكري أهم 5 اشياء او اشخاص في حياتك ...

أهم خمس اشياء في حياتي: ديني و صلاتي واخلاقي ، علاقتي بوالديّ و بأهلي والناس ياللي بحبهن وخصوصي حبيبي ، كتابة الخواطر، احراز التفوق في مهنتي التدريس.

ما هي أفضل الدروس التي تعلمتها في حياتك؟
الطيبة مو عيب بالعكس هي ميزة اخلاقية برغم من فهم البعض الخاطئ الها.
ما هي أفضل هدية عيد ميلاد تلقيتها؟
ما بحتفل بعيد ميلادي لهيك ما بتلقى هدايا عيد ميلاد.

ما أكثر شيء فعلته وندمتي عليه؟
يوم تركت المرسم الجامعي بسبب ضغط الدراسة فقدت كتير من الموهبة واهملتها حاليا تقريبا.
ما أصعب لحظة مررتي بها؟
لحظتين ما بنساهن في حياتي يوم توفي جدي لأبي الله يرحمه ويوم طلعت نتيجة الثانوية العامة.
ما هي أكثر حكمة سمعتها وأعجبتكِ؟
أكثر الساعات ظلمة هي التي تسبق الفجر

هل تسهري لساعات متأخرة من الليل؟
اي من النوع ياللي نشاطه ليلي بيحب السهر
ما هو نوع الازهار التي تحبيها؟
الياسمين
كم عدد اللغات التي تستطيعي تحدثها ... وما هم؟
هههههههه هالسؤال لمقابلة شغل ههههههه العربية طبعا والانجليزية

شاكرة الك سوريا عشقي للمشاركة والاسئلة نورت عيوني

[Randah]

صباح الورد يا حلوة

لكل عائلة تقليد معين ومن ضمنها لا للحب قبل الزواج
هل انتي مع الحب قبل الزواج ومن الممكن تكونين ممن تدافع عن مبدئ الحب .؟

صفي لي الرجل الفلسطيني ..؟ من يكون برايك .. محاسنه وسيئاته ..؟

لو دخلتي مكان معين وكانت الانوار خافته فيه .. وهناك رائحه عطر وسيجارة وفنجان قهوة ..
مالذي يأتي ببالك من هذا المنظر ..؟

اشخاص ممن تعرفيهم عندما ترين هذه الاشياء تذكرينهم
قلب كبير كله جراح ومع ذلك حنون ؟

وصفه سحريه لكل الجروح موجوده في حياتك؟

شمعه تنير حياتك بالرغم انها تحرق نفسها؟

ورده بيضاء في صفيح ثلج بالرغم النيران من حولها؟

عطر شرقي مركز رائحته تعج بالمكان؟

عمله نادرة الوجود كل يوم يغلا ثمنها؟

ابتسامات
- ابتسامة امل مين يرسمها ............
- ابتسامة رضى مين المحظوظ فيها ................
- ابتسامة تفاؤل مين تمنحيها ...............
- ابتسامة مجاملة مين صاحبها ..............
- ابتسامة حب مين يستحقها ................
- ابتسامة الم شو سببها ...............

بكتفي حالياً بهيدي الأسئلة و يا رب ما أكون تئلت عليكي

[سلمى]

أهلين رندا نورتي الموضوع

هل انتي مع الحب قبل الزواج ومن الممكن تكونين ممن تدافع عن مبدئ الحب .؟

الحب عاطفة نبيلة وهي احساس مو بإيد الانسان يتحكم فيها بالريموت كونترول متى ما بيحصل بيحصل في بنات بتحب ازواجها قبل الزواج وفي ناس هالمشاعر بتنولد بعد الزواج برأيي ان الحب ما هو خطأ لو اتعاملنا معه بطريقة سليمة وجههناه التوجيه السليم للشخص الصح .

صفي لي الرجل الفلسطيني ..؟ من يكون برايك .. محاسنه وسيئاته ..؟

في كل شعب الجيد والغير ذلك وهذا بينطبق على الشعب الفلسطيني الرجل الفلسطيني صلب بطبعه بيحب الشغل عنده ارادة مقاوم برغم من ظروف الاحتلال والتشريد بيحب الزوجة الصبورة الطيعة اما عن المساوئ فما في مساوئ ممكن تعميمها على الكل لكل انسان بصمة وشخصية ومساوئ بيختلف فيها عن الاخر فما ما ممكن قول ان الرجل الفلسطيني فيه عيوب كذا وكذا ممكن موجودة عند البعض ومش موجودة عن البعض الاخر.


لو دخلتي مكان معين وكانت الانوار خافته فيه .. وهناك رائحه عطر وسيجارة وفنجان قهوة ..
مالذي يأتي ببالك من هذا المنظر ..؟

هههههههههههه والله يا عيوني ما فهمت شو القصد من السؤال تحليل نفسي هههههههههههه بس رح جاوبك العطر بعدين القهوة وآخر شي السيجارة .


اشخاص ممن تعرفيهم عندما ترين هذه الاشياء تذكرينهم
-قلب كبير كله جراح ومع ذلك حنون ؟
أبي ربي يخليلي اياه ويطول بعمره.
-وصفه سحريه لكل الجروح موجوده في حياتك؟
شوفي ما بعتبر اني في حياتي جروح او مآسي عظيمة لكن البلسم لكل ألم بمر فيه هو حبيبي.
-شمعه تنير حياتك بالرغم انها تحرق نفسها؟
أمي ربي يحفظها ويديمها .
-ورده بيضاء في صفيح ثلج بالرغم النيران من حولها؟
اختي الكبيرة .
-عطر شرقي مركز رائحته تعج بالمكان؟
هههههههههه برضه حبيبي.
عمله نادرة الوجود كل يوم يغلا ثمنها؟
صديقة الطفولة


ابتسامات
- ابتسامة امل مين يرسمها ..اولاد اختي..........
- ابتسامة رضى مين المحظوظ فيها ..زوجي و اولادي مستقبلا..............
- ابتسامة تفاؤل مين تمنحيها .....اهلي واخواتي..........
- ابتسامة مجاملة مين صاحبها ...ما بحب المجاملات ...........
- ابتسامة حب مين يستحقها .....الحبيب...........
- ابتسامة الم شو سببها .....المرض ..........

بكتفي حالياً بهيدي الأسئلة و يا رب ما أكون تئلت عليكي

لا ابدا ما إلك سئلة شاكرة مرورك واهلا فيك رندا شرفتيني ونورتي.

[ياسمينة الشام]

مسا الخير سلمى ورمضان كريم ~

_ حكيلي عن تجربتك بعالم المنتديات ؟ كيف بتختاري المنتدى ؟ و كيف بكون لحتى يعجبك ؟ و بكم منتدى مشاركو هلأ ؟
_ كم سنة إلك عايشة بالأردن ؟ لأني فهمت إنك جنتي بالبداية بالسعودية ..
_ من البلدان يلي زرتيها أي بلد كانت الأحسن ( من حيث معاملة سكانها )
_ أكيد متل ما الكل بيعرف اللاجئين السوريين معبين الأردن .. شو رأيك بوضعهم ؟ وشو الأخطاء يلي عم تحصل ؟ ومين المسؤول بنظرك عنها ؟
_ كلمة وجهيها للنسور هههههههه بمناسبة رفع سعر بطاقات الرصيد
_ شو أكتر شي حبيتي بمنتدى زهرة سورية ( بعرف كلو بينحب بس أكتر شي ! )
_ إنتي بتدرسي بمدرسة حكومية ولا مدرسة خاصة ؟
_ كيف بتتعاملي مع طلابك ؟
_ شي مرة ضربتي وحدة من الطلاب ؟
_ أي الصفوف بتدرسي ؟
_ أي مادة بتدرسي ؟
_ أي المواد المدرسية بتحبيها أكتر شي ؟

هلأ بكفي هدول
إن الله راد إلي رجعة

[♪♪زهرة اللوتس♪♪]

ما شاء الله حولك سلمى والله يرحم رفيئتك وبخليلي كل يلي بتحبيهن
متابعين معك واتفضلي بعد الافطار