~~ بـــــرنامـــ♥ـــج ســ♥ــــاعه الا خمـــ♥ـــس~~مع Randah

[r_mido]

ييي حاطين رندا بالمئلاية خفو عليها شوي ماتنتفوها نتف

ملاحظة~
اللي ع بالو يعملو دورة اتيكيت وبريستيج يروح عند رندا
" راكزة واعية ئد حالا " ~ اهم ميزاتا

ماعلينا مابدي انفشك كتير , منفوت بالمفيد ~

;

لما كنتي باليونان ولندن , كنتي تصومي ؟ ايدي ع راسك هه
فرضاً عندك ولاد ~ بتجبريهم ع الصيام ؟؟
ليش انتي مواطنة عادية يعني ليش ما نك من المشاهير خخخ ؟
الصداقة شو محلا بحياتك ؟
بتحسي حالك سلبية ولا ايجابية ..... ماتنسي موضوع مداح نفسو ؟
شي بلفت نظرك بالشخص اللي ئدامك ؟
ع سيرة لفت النظر , لاحظت فيكي بتنتبهي ع موضوع لبس الخلئ كتير .. شو الترتيب ؟
اقتراح للمنتدى ؟
قسمك المفضل ؟
احلى 3 مواضيع كتابتك ؟
احلى 3 مواضيع كتابة الاعضاء ؟
احلى 3 ردود الك ؟
احلى 3 ردود للاعضاء ؟
5 اعضاء 5 اوصاف ؟
5 اعضاء 5 نصائح ؟
15 سطر عني ؟

[♪♪زهرة اللوتس♪♪]

[QUOTE=Randah;116873]

مين هي راندا وليش اخترتي ها الاسم؟؟
رنده ,,, انسانة عادية , شخصيتها قوية , قادرة على المواجهة , عصبية بعض الشيء و لكن حنونة
هيدا الاسم مامتي كانت بتناديلي فيه و بدها تسميني ياه ,,, بس اختلفت الآراء
ميه اهلا فيكي عيوني ومبينه حنيتك والله
1 _شو بيعنيلك رمضان ؟؟؟
شهر الخير و البركة و التقرب من الله عز وجل ,,,
كل عام وانتي بالف خير
2 _ أول رمضان قمتي بصيامه كم كان عمرك وشو بتتذكري من هداك اليوم؟
كنت بالصف التاني و صمت درجات المآدنة " هيك كانوا يقولولنا " و ما سدئت امتا ادخل المطبخ و غبيت مي لحتى شبعت و كملت صيامي و كان شيئاً لم يكن
عادي صحتين وهنا هههه
3 _موقف طريف لا يغيب عن بالك حدث لك في رمضان ؟
-----ولا موقف ظريف صار معك برمضان هههه---------

4 _هل ذقتي طعم الصيام في غيرحلب ؟
اه طبعا ,,, ما أنا ببداية اشتراكي بالروز كنت بلندن ,,
طيب شو الفرئ بين رمضان حلب ولندن



5 _برنامجك في رمضان كيف يكون ؟
بنصرف من شغلي , باخد دوش , و بشوف شو في مافي بالتلفزيون , و بعدين بوجهي عالمطبخ لموعد ادان المغرب
الله يقويكي ويعطيكي العافيه يا حئ
6 _ماهي الأكله او الطبق الذي يجب ان يتواجد أمامك في رمضان ؟
الفتوش و البطاطا المئلية و السمبوسك

7 _هل تحرصي على السحور ؟
لا مو بالضرورة

8 _شخص تفتقديه في رمضان ؟
أمي " الله يرحمها "
الله يرحمها يارب
9_ بمن تفكر ي بحلول الشهر الكريم بعد الوالدين الله يحفظ الموجودين ويرحم من انتقل الى جوار ربه ؟
عم خطط بس ما عم تنجح الخطة ,, لذلك رح ابئى ساكتة بلكي بتنجح
ان شالله بتنجح ها المرة

10 _مالذي تتمني أن ترايه في المنتدى خلال هذا الشهر الكريم؟؟
يرجعوا رفئاتنا المختفيين ,,, و الله الروز حلو هلئ بس قبل كان فيو روح أكتر
ان شالله بيرجعوو كلن
11 _مشهد يسعدك أن تريه في رمضان ؟؟
قبل أدان المغرب لما الناس بتكون حايصة و كل واحد حامل حاجات لفوق راسو و بيحاول يلاقي تكسي فاضية و ما فيو يحصلها

12 _ ماذا تتمني في هذا الشهر ؟
أن تنتهي الحرب عنااااا
الله كريم وبيفرجا عيوني
13- كيف بتنسقي بين شغلك والطبخ والبيت برمضان؟؟؟
عادي ,, صار روتين بالنسبة الي

14- في رمضان بتحبي الإجتماع مع الأهل والأصحاب أم الجلوس لوحدك ؟
بصراحة هيك و هيك ,,, بس بحب الوحدة كتيـــــر

15-شو العادات يلي بتتمني تخلصي منها برمضان؟؟
الروحات و الجيات ,, ما بحب الالتزام ،،

16-شو عم تابعي مسلسات او برامج رمضانيه
ولادة من الخاصرة
سكر وسط
لعبة الموت

17-شو ناويه تعملي اكلات عا العيد؟؟؟
ساويت للبيت مو للعيد لأنو مافي عيد لترتاح سوريا
" ئراص بعجوة و كعك و غريبة و بيتفور "
حاكم روح ألبي الأكلات و دايما بتفنن فيهم
يمممم كلو طيب يسلمن ربي
18غمضي عيونك وتخيلي شي شغله وخبريني شو اجا ببالك فورااا ؟
أرجع للغربة اللي كنت فيها
م
معئول الغربه احلى من بلادنا



--19كلمه بمناسبة رمضان للاعضاء والمشرفين والاداره؟
الله يعطيكم العافية لمجهودكم الكبير و طولة بالكم مع ناس نرفزوني كتير
بتمنى ننزعثوب القلق
ونتدثر بدفء السكينة
ووشاح الهدوء
و يتحقق حلمنا
برجوع سوريا لما كانت عليه
نستنشق طيب نسائمها
و نرتوي بسلسبيل السلام
بصراحة : أشعر بدفء غريب
استمد سحره من وجودي الجميل بينكم
ااامين ربي يسمعك منك
20- كيف علاقتك مع اعضاء الروز ومع الروز بشكل عام
عين الله عليهم بيجننوا بحبهم كلهم
أبو الميـــد إلو نتفة زيادة " صديق عمري "
اشتهيت لائي حدا مو رفيئ ابو الميد


21- شو رايك بصاحبة اللقاء يعني انا
ما شاء الله وكان الله يحميكي هادية و ظريفة و أمورة
تسلمي يارب كلك زوئ منورة معي والله

ميه هلا فيكي رانداااا ومتابعين يا ئمر

[Randah]

جاييتكم بالحكي
بس المشكلة هلئ غطست بالمئلاية على ئولة ميدو
ئصدي بالمطبخ
تفضلوا يا جماعة ,,,ما بدكم عزيمة

[السندريللا]

يا للروعة ..يا للجمال
Randah ضيفة الساعة ..!
هي الق من نور .. تعالى ضياؤه حتى بلغ [ جبين السماء ] نقاءً
بحروفٍ نابضة بالحياة يتحدث قلمها
ومن وحي حديثها تنتشي ارواحنا الفرح .

منذ الأمس ، وانا هنا متابعة وجدّاً ارتوي من هذا السيل المتساقط
رقّةً .... وخفّةً ...... وعنفواناً
ومعلومات تتكدّس بالذاكرة اكتفاءاً.
فأهلاً وسهلاً بكِ ..انتظريني ريثما أعود باستفهاماتي لاحقاً

دمتي بودّ

[♪♪زهرة اللوتس♪♪]

يا للروعة ..يا للجمال
Randah ضيفة الساعة ..!
هي الق من نور .. تعالى ضياؤه حتى بلغ [ جبين السماء ] نقاءً
بحروفٍ نابضة بالحياة يتحدث قلمها
ومن وحي حديثها تنتشي ارواحنا الفرح .

منذ الأمس ، وانا هنا متابعة وجدّاً ارتوي من هذا السيل المتساقط
رقّةً .... وخفّةً ...... وعنفواناً
ومعلومات تتكدّس بالذاكرة اكتفاءاً.
فأهلاً وسهلاً بكِ ..انتظريني ريثما أعود باستفهاماتي لاحقاً

دمتي بودّ

دائما جمال تواجدك يبهرنا
سندريلا حللتي اهلا ووطئتي سهلا
بمرورك تزين المكان وبكلماتك توهجت الحروف
دمتي بود وحب

[ياسمينة الشام]

مساء الخيرات رندا حياتي

_ مين علمك الطبخ ؟ أمك ولا لحالك ؟
_ شو صفات الإنسان اللي بتكرهي ؟
_ حققتي أحلامك بالحياة ؟ ووظيفتك هلأ هية نفسها يلي كنتي تطمحي إلها ؟
_ أحلى بلد زرتيه ؟
_ لما بتملي شو بتعملي ؟
_ لما حدا يكزب عليكي بوشك كيف بتتصرفي ؟
_ لما تعصبي ويحمر وشك ويطلع دخنة من ادانيكي ,, كيف بتنفسي عن هالغضب ؟
_ بتحبي المعكرونة بالباشاميل ؟؟ تعزميني عليها ؟؟ ههههه
_ شو رياضتك المفضلة ويلي بتمارسيها ع طول ؟
_ شو بتنصحيني أنا هيك شي نصيحة حكيمة ههههه ؟
_ كيف شايفتيني ؟
_ أحلى كتاب قرأتيه ؟
_ حاجتي مو ؟ ههههههه

جاوبي ع هدول إذا خطر ع بالي شي تاني ببئى برجع

[السندريللا]

حضورٌ آخر استفاق منه الفجر يُنشدكِ اجمل التراحيب
باستفهاماتٍ ترتجي ارتواءً بشغف اللقاء .
.
.
1- اخبرينا يا انيقة :
* متى يكون الصمت صديقكِ الملازم ؟
* مشهد يؤلمكِ .
* مشهد يفرح قلبكِ .
* متى تبكين ..؟ والى منْ تلجئين ؟
2 - كيف تصنفين نفسكِ : عاطفية ..رومانسية ..عملية ....جادة ؟؟!
3- رأيتُ لكِ بصمات في زاوية الخواطر ...متى ينبض قلمكِ ؟
4- اخبريني ...هل انتِ صديقةً للحرف عند الحزن ام انكِ تتخذيين العزلة مكاناً لكِ ؟
5 - مقولة اعجبتني : (( بعض الكلمات تؤنس روحي لأنها تاريخ ، والتاريخ نكتبه اليوم ليقرأه من يأتي بعدنا .))
ما تعليقكِ على الذكريات ؟!
6 - بما اننا نتكلم عن الذكريات ....وكلنا يعلم ضجيجها المزعج وصوت الآه الذي تدكّه في اعماقنا .
كيف تروّض رندا ضجيج ذكرياتها ؟
7 - اطردي 3 اشياء من حياتكِ ...ما هي ...ولماذا ؟؟
8 - حدّثينا عن طموحاتكِ المستقبلية ..
9 - كيف وصلتِ الى منتدى زهرة سوريا ؟
10 - وشوشة سريعة :
عضو قريب لقلبك ٍ ...................
عضو تعجبكِ افكاره ..................
عضو تتابعين مشاركاته باستمرار.
.................................................. .....
عضو يعجبكِ حرفه .
.................................................. ....
عضو تتمنين وجوده باستمرار .
.................................................. .......
عضو تفتقدين وجوده .
.................................................. .......

لروحكِ الفرح ...!

[Randah]

[QUOTE=r-mido;116997]ييي حاطين رندا بالمئلاية خفو عليها شوي ماتنتفوها نتف

عجبتني هيدي شغلة المئلاية ,,, بس خلي النار تحتا عالهادي

ملاحظة~
اللي ع بالو يعملو دورة اتيكيت وبريستيج يروح عند رندا
" راكزة واعية ئد حالا " ~ اهم ميزاتا

بلا مئلسة حجي ,,, بعدين بسدئ ع حالي

ماعلينا مابدي انفشك كتير , منفوت بالمفيد ~

تفضل عزيزي المايك معك :

لما كنتي باليونان ولندن , كنتي تصومي ؟ ايدي ع راسك هه

أي نعم و حياتك ,,, الصيام ببلادهم شغلة

فرضاً عندك ولاد ~ بتجبريهم ع الصيام ؟؟

بالاقناع مو بالضرورة أجبرهم ,, بس ما فيي أشوف حدا مفطر

ليش انتي مواطنة عادية يعني ليش ما نك من المشاهير خخخ ؟

يا حسرتي علي اهئ اهئ ,,, بعدين بخاف من الصحفيين يلاحئوني

الصداقة شو محلا بحياتك ؟

حسب الصديق ,, بس مقتنعة فيها طبعا

بتحسي حالك سلبية ولا ايجابية ..... ماتنسي موضوع مداح نفسو ؟

بعرف ما مني خير ,,, بس ما بيهمني رأي الناس ,,, أنا ايجابية ,,,

شي بلفت نظرك بالشخص اللي ئدامك ؟
ههههههههههههه ,, رح تضحك اذا ئلتلك ,,, نظافة سنانو و كمان كندرتو ,, لا تواخذني إنت سألتني ،،

ع سيرة لفت النظر , لاحظت فيكي بتنتبهي ع موضوع لبس الخلئ كتير .. شو الترتيب ؟
مو بايدي ,, هيك عيوني فوراً لحالهم بيمشوا ,,, بس مو معناها بقيم الناس من تيابها

اقتراح للمنتدى ؟
كويس كتير ,,, بس السيرفر عم يجنني ,, إذا بتلائولكم حل معو

قسمك المفضل ؟
خواطر و خربشات

احلى 3 مواضيع كتابتك ؟
امممممممممممم ,,, انتوا اختاروا

احلى 3 مواضيع كتابة الاعضاء ؟
بصراحة قسم المدونات بشكل عام كلو حلو

احلى 3 ردود الك ؟
مافيي ئول ,,, هيدي شغلة الأعضاء

احلى 3 ردود للاعضاء ؟
اي ميدو ,,, شو هاد الشغلة معاجزة و الله انجنيت
بصراحة كتير في ردود بتشهي

5 اعضاء 5 اوصاف ؟
السندريللا ,,, حكمة و أدب
سوريا عشقي ,,, ست بيت من الدرجة الأولى
سمسوم ,,, دلوعة و كربوجة
زهرة اللوتس ,,, هدوء و ركازة
ربان البحر و سلمى ,,, ثنائي حلو ,,,

5 اعضاء 5 نصائح ؟
هلكتني ,,, الهي يهلكوا عدوينك ,,
ما بنصح حدا ,, الكل مافي منهم الله يحميهم ,,, يمكن أنا بدي نصيحة

15 سطر عني ؟
خزيت العين حولك و حواليك ,,,
شب سمور حليوة
لسانك طويل زي حالااتي
ما بتحب اللف و الدوران
واضح و صريح
خفة دمك بتعجبني كتير
باربي رجالي ,, مزوئ بلبسك ،،
ما بتسكت عالباطل ,, يعني بتئلوا للأعور أعور بعينوووووووو
ما بتعمل الا اللي براسك ,, مخ يابس
يعني و شو بدي أئولك كماااااان ,,, بخاف يكبر راسك
مواضيعك بتعجبني كتير
برشلوني متلي
حاجتك خيو ,,, نشف لساني و أنا اكتب فيك


ميدوووووووووووووووووووووو طئ عئليييييييييييييييييييييييي

[Randah]

[QUOTE=SoOoMa;117195]مساء الخيرات رندا حياتي
هلا سمسومتي ,, تؤبري ألبي

_ مين علمك الطبخ ؟ أمك ولا لحالك ؟
الاتنين سوا

_ شو صفات الإنسان اللي بتكرهي ؟
اللئيم و اللي عينو ديئة

_ حققتي أحلامك بالحياة ؟ ووظيفتك هلأ هية نفسها يلي كنتي تطمحي إلها ؟
نووووووووو

_ أحلى بلد زرتيه ؟
مانشيستر

_ لما بتملي شو بتعملي ؟
بناااااام ,, أو بفوت عالنت

_ لما حدا يكزب عليكي بوشك كيف بتتصرفي ؟
ما بتحملوا ,, بهب بوجهوا

_ لما تعصبي ويحمر وشك ويطلع دخنة من ادانيكي ,, كيف بتنفسي عن هالغضب ؟
ببكي

_ بتحبي المعكرونة بالباشاميل ؟؟ تعزميني عليها ؟؟ ههههه
كتيرررررررررر ,,, تكرم عيونك

_ شو رياضتك المفضلة ويلي بتمارسيها ع طول ؟
المشي ,,,
بس ياحسرتي هلئ وين بدي أمشي ,,,

_ شو بتنصحيني أنا هيك شي نصيحة حكيمة ههههه ؟
على اصلك ما بدك نصيحة

_ كيف شايفتيني ؟
بتعجبيني كتير ,, تصرفاتك و حكياتك أكبر من عمرك ,, الله يحميكي

_ أحلى كتاب قرأتيه ؟
النسيان لأحلام مستغانمي

_ حاجتي مو ؟ ههههههه
هههههه ما شاء الله ميدو كفى و وفى

جاوبي ع هدول إذا خطر ع بالي شي تاني ببئى برجع


بتنوريني

[Randah]

يا للروعة ..يا للجمال
Randah ضيفة الساعة ..!
هي الق من نور .. تعالى ضياؤه حتى بلغ [ جبين السماء ] نقاءً
بحروفٍ نابضة بالحياة يتحدث قلمها
ومن وحي حديثها تنتشي ارواحنا الفرح .

منذ الأمس ، وانا هنا متابعة وجدّاً ارتوي من هذا السيل المتساقط
رقّةً .... وخفّةً ...... وعنفواناً
ومعلومات تتكدّس بالذاكرة اكتفاءاً.
فأهلاً وسهلاً بكِ ..انتظريني ريثما أعود باستفهاماتي لاحقاً

دمتي بودّ

هنا تعجز يدي عن البوح بالكلمات أمام ترانيم حروفكل
روحك الجنة
دمتي بخير

[Randah]

[QUOTE=السندريللا;117337]

حضورٌ آخر استفاق منه الفجر يُنشدكِ اجمل التراحيب
باستفهاماتٍ ترتجي ارتواءً بشغف اللقاء .
.
.
حضوركِ الأرقى و الأجمل
1- اخبرينا يا انيقة :
* متى يكون الصمت صديقكِ الملازم ؟
في حزني غالباً
* مشهد يؤلمكِ .
تعذيب الحيوانات
* مشهد يفرح قلبكِ .
انتهائنا من الأزمة
* متى تبكين ..؟ والى منْ تلجئين ؟
في حالات ضعفي ,,, لا أجد سوى وسادتي
2 - كيف تصنفين نفسكِ : عاطفية ..رومانسية ..عملية ....جادة ؟؟!
عاطفية ..رومانسية
3- رأيتُ لكِ بصمات في زاوية الخواطر ...متى ينبض قلمكِ ؟
عندما أعيش في أزمة
4- اخبريني ...هل انتِ صديقةً للحرف عند الحزن ام انكِ تتخذيين العزلة مكاناً لكِ ؟
العزلة تروق لي كثيراً
5 - مقولة اعجبتني : (( بعض الكلمات تؤنس روحي لأنها تاريخ ، والتاريخ نكتبه اليوم ليقرأه من يأتي بعدنا .))
ما تعليقكِ على الذكريات ؟!
الذكريات هي كل حياتي
6 - بما اننا نتكلم عن الذكريات ....وكلنا يعلم ضجيجها المزعج وصوت الآه الذي تدكّه في اعماقنا .
كيف تروّض رندا ضجيج ذكرياتها ؟
حسب المزاجية التي أكون فيها
7 - اطردي 3 اشياء من حياتكِ ...ما هي ...ولماذا ؟؟
الماضي ,,, قصة طويلة

8 - حدّثينا عن طموحاتكِ المستقبلية ..
9 - كيف وصلتِ الى منتدى زهرة سوريا ؟
10 - وشوشة سريعة :
عضو قريب لقلبك ٍ .....ميدو..............
عضو تعجبكِ افكاره ..................
عضو تتابعين مشاركاته باستمرار.
.......................زهرة اللوتس و سوما................................
عضو يعجبكِ حرفه .
.....................السندريللا و بدون مجاملة.................................
عضو تتمنين وجوده باستمرار .
......................الكل...................................
عضو تفتقدين وجوده .
......................الراوي من الزملاء القدامى و روح الحياة من الجدد..................................

لروحكِ الفرح ...!
لكِ سيدتي

[Randah]

8 - حدّثينا عن طموحاتكِ المستقبلية ..
تغيير عملي و لربما الاستقرار خارج سوريا " يا رب"
9 - كيف وصلتِ الى منتدى زهرة سوريا ؟
عن طريق الصدفة لما كنت بالغربة

آسفة سقطت هذه الردود سهواً
لكِ حبي و ودي

[r_mido]

يقول أحد الشعراء الجاهليين :

تدفق فى البطحاء بعد تبهطل وقعقع فى البيداء غير مزركل
وسار بأركان العقيش مقرنصا وهام بكل القارطات بشنكل
يقول وما بال البحاط مقرطما ويسعى دواما بين هك وهنكل
إذا أقبل البعراط طاح بهمة وإن أقرط المحطوش ناء بكلكل
يكاد على فرط الحطيف يبقبق ويضرب ما بين الهماط وكندل
فيا أيها البعقوش لست بقاعد ولا أنت فى كل البحيص بطنبل


أشرحي الأبيات السابقة , وأعربي المفردات التي تحتا خط

[♪♪زهرة اللوتس♪♪]

مسا الخير
ئريت لك اكتر من جواب انو بتتمني ترجعي عا الغربه
طيب يلي بالغربه ومتمني يرجع عا بلدوا وميت شوئ الها شو بتوجهيلوا كلمه ؟؟؟؟

[♪♪زهرة اللوتس♪♪]

يسعد مساكن
نظرا لظروف النت عند راندا رح خلي الموضوع مفتوح
لتجي الضيفه وتجاوب على ما تبقى من الاسئله الموجه لها