سهرة رمضان الرابعة > كل عام وأنت أجمل من ظنونك ~~

[gaya]

يتبع سوء الظن فقدان الثقة..
فإذا أسأنا الظن بأحد الأشخاص فإننا بالتالي نوصل له رسالة خفية و هي أننا لا نثق به..
و فقدان الثقة يعني فقدان كل علامة من علامات احترامنا لآخرين و تقديرنا لهم..

تصوري لما هالشي عم نمارسو ع بناتنا وأمهاتنا وأهل بيتنا حتى .

ذكور مجتمعنا بيعتبرو إنهن حاميين الشرف وماعندن ثقة بأخت ولا زوجة ولا بأنثى ( هاد لا يعني إنو كل النساء بيستحقو الثقة .. ومو هي الفكرة من كلامي )

هلئ أي حدا بيقرأ بيسجل اعتراض انو لأ مو صحيح .. لأ صحيح لأنو لما بتعتبر إنو لازم تحئئ مع إختك
ع كل تصرف وحركة هاد يعني إنك ما بتوثق بسلوكها.. وبتشعرها إنك متوقع الخطأ منها بكل لحظة .

تربتها ... اخلاقك ...

عن جد صحيح

[Randah]

اجا دوري بئى اسمحولي من بعد اذنكم ,,,

الواقع اللي بنعيشو نظرا لاختلاط المسميات والمفاهيم والمبادئ عنا نحنا البشر، بين لنا بعض المشاهدات غير المنطقية :
متل الرجل الملتحي مثلا واللي فورا بيحكموا عليه أغلب الناس انو رجل ملتزم دينيا ، فنراه مثلا و على سبيل الحصر لا التعميم يكذب بسلوكه وفعله مظهره فيقدح سلبا مضامين القدوة لدى الناس
أو فتاة محجبة يصدر منها ما يصدر من غير المحجبة، والعكس صحيح وهيدا المثال لا على التعميم بل لمشاهدات نراها ونعيشها في الواقع .
لهالشيء لازم نتروى في الحكم على الناس ولا نسيئ الظن ولا نتعجل
فالعبرة بالعمل والمظهر لا نقييم الإنسان من خلاله إلا أن كان واضح اشو ئصد صاحبه
فأصابع ايديك مو متل بعضا
لذلك لازم نتمهل ونتروى في الحكم على الناس أيا كان مظهره .

[Randah]

بعدين في كمان نئطة :
مثلا فلانه لابسه قصير كل شي عالموضه بتسويه هل معناته قليله ادب
بعض الفئات بتقول انها ماتربت طيب ليه مانقول هذا مجتمعها تربت فيه هيك
ليه ماننصحها بالحسنى يمكن البنت ضعيفه بس غافله لاهيه بدنيا نحنا ما بنعرف شو بداخل النوايا
ربي اعلم يمكن تكون عند ربها احسن يافلانه يلي حكمتي عليها
من خلال مظهرها
هيدي قناعاتي ,, ما بعرف اذا بتعجبكم و للا لأ

[Randah]

و للا شو كمان لأئلكم ,,
زميلتي أجنبية متزوجة من سوري مسلم ,,, بيصير عمر ولادها و هنن بالمدرسة بيشاوروا عليهم رفئاتهم هدول كفااااااااار ,,, طبعا هيدا مو خطأ الولاد اللي بينادولهم كدا ,, هيدا خطأ الأهالي اللي علموهم و ربوهم
بيجوز يكونوا أحسن مننا

ما بعرف شو بدي أحكي و للا أحكي ,,, و الله لو ما كان راسي رح ينفجر من الألم لكنت شاركت أكتر بكتيرررررررررر

ألف شكر أختي gaya عالموضوع الشيق

[السندريللا]

صباحكم محبة وثقة ..
انا مبارحة فتت عالموضوع وكنت بدي شارك بس لما شفت خروج الموضوع عن مسارو قررت ابقا مشاهدة لشوف النهاية .
بدي احكي كلمتين وبتمنى ما حدا يزعل مني وبالاول بئصد نفسي ومش قاصدة شخص معيّن انما بشكل عام :
الغريب انو نحنا عم نتناقش بموضوع سوء الظن وعم ننتقد مواقف وصور ، ومع هيدا كل واحد فينا
عم يحلّل كلام التاني على اهوائو الشخصية
وانو فلان بيئصدني بكلامو او فلانة قاصدة تجرحني او فلان قاصد يسبّني .
طيب اعزائي هيدا شو بيكون ؟ مش سوء ظن ؟
انت او انتي او انا قاعدين بقلوب التانيين وعارفين شو نواياهم ؟
قبل ما الانسان يصلح الآخرين يبدأ بنفسو (( وهالحكي طبعا عم وجّهو لنفسي ))
خلينا نحترم رأي الاخر ونحمل التاني على النّية الحسنة ودايما اخد الكلمة يلي بتعجبني
وما لازم ننسى انو الكلام المكتوب بيوصل جاف ما بيوصّل الصورة يلي نحنا منئصدها
لان الحوار المتكامل يلي بيظهر تعابير الوجه ، نبرة الصوت، بالاضافة للكلام،
فما بالكم انو هالكلام عم يوصلنا مكتوب منستقبلو حسب حالتنا النفسية .
اعذروني اذا حكيت شي بيزعجكم ولكنن انا بعتبر هالموضوع منبر للرأي الحر .

دمتم بود احبائي .

[السندريللا]

بشكر يلي بعتلي التقييم على لفتة النظر ...انو انا كيف دخلت ع قلوب الناس وعرفت الشريرة ولحتى صلّح نفسي بالاول
صح عزيزي / عزيزتي انا ما فتت ع قلب حدا واذا لاحظتو اني حكيت عن نفسي وما حكيت ع حدا تاني
ويا ليت لما نقرأ ، نقرأ الجمل كاملة مش مجزّءة .

[gaya]

أو فتاة محجبة يصدر منها ما يصدر من غير المحجبة، والعكس صحيح وهيدا المثال لا على التعميم بل لمشاهدات نراها ونعيشها في الواقع

الشخص بيتصرف وبيئبل وبيرفض أمور بناءً ع أخلائو و عئليتو وشو يلي بيصير بالنسبة إلو ويلي ما بيصير.
ولازم نحترم عئليات الناس.. يعني يلي بشوفو أنا مستحيل ممكن يكون مئبول بالنسبة لغيري..كل بيئة إلها جوها

يعني المحجبة حاطة إطعة ئماش على شعرها
و وحدة تانية لابسة نفس الئماشة بنفس الئياس بس تنورة.

وبالحالتين الئماشة ما بتمنع الشخص يلي عم يستخدما من الغلط ولا بتسمحلو.

وهاد بيوصل لهالنتيجة يلي حكتها رندة

لذلك لازم نتمهل ونتروى في الحكم على الناس أيا كان مظهره

[gaya]

مثلا فلانه لابسه قصير كل شي عالموضه بتسويه هل معناته قليله ادب
بعض الفئات بتقول انها ماتربت

كنت مرة بالمعهد وناطرين الأبلة ههههههه فما شرفت..بتعرفي الملل القاتل فحاولت أنا ورفيئتي نعمل جو
فحكينا مع أئرب بنات لعنا وكانو صبايا تنتين محجبات سألتن ليش سجلو بهالمعهد تحديداً ؟
فوحدة جاوبتني والتانية فتلت وشا . سألتا شبك دايئتك أنا فحكتلي أنا ما بحكي مع بنت مكشوف شعرها
اتدايئت كتير وسألتا ليه ؟ بتجاوب لأنو البنت يلي مكشوف شعرا ماشية ع حل شعرا
رفيئتي ح تضربا بصراحة ..طبعاً لميت الموقف وفهمت منها إنو أهلا هيك فهموها .

وبنفس الوئت رفئاتي محجبات عندي ياهن بغلاوة إخواتي وعلاقتنا كتير طيبة وممتازة وما عندن أي نوع من الئصص.
وهاد بيثبت إنو الناس على ما تربت وعلى عئليتا وفلسفتا للدنيي والناس.

بيشاوروا عليهم رفئاتهم هدول كفااااااااار

هدول الكفار هنن يلي عم يصنعو كل شي ببيتنا حتى سجادة صلاتنا وبتحدا كل العالم هلئ يشوف كلللللل غراض بيتو
بيلائيها صنع في الصين ..ونحنا بس آعدين عم نعطي شهادات سلوك للبشر... وياريت ما ننسى إنو

الديانة الشعبية الصينية تمثل الدين الذي يمارس في أكبر قسم من الصين منذ آلاف السنين والتي تشمل تبجيل الأموات وتعتمد اعتمادا كبيرا على المفاهيم والبنى الموجودة في الأساطير الصينية. وبلغ عدد معتنقيها ما لا يقل عن 394 مليون في جميع أنحاء العالم. الديانة الصينية أو الديانة الشعبية الصينية أو الديانة التقليدية الصينية تتكون من مزيج من الممارسات الدينية، بما فيها احتفالات الكونفشيوسيةوتبجيل الأموات، والبوذيةوالطاوية فهي تحتفظ أيضا ببعض آثار العصر الحجري الحديث من النظم العقائديه كإجلال وتبجيل الأموات والاتصال مع (الشمس، القمر،الأرض، السماء، ومختلف النجوم)

ألف شكر أختي

gaya

عالموضوع الشيق

نورتيني رندة إنت وكل يلي شاركو .. ما عدا رينبو لأنها ما حكت عن حالا أو شي أريب منها.. فاتت وعطت شهادات سلوك وهاد يلي أنا ضدو.

[Rainman]

فعلا ً والله .. الإنسان بيفضل يحاسب غيره أكتر ما بيحاسب نفسه .. وعلى رأي المثل عندنا في مصر ( من شاف بلاوي الناس .. هانت عليه بلوته )

شكرا Gaya

[gaya]

وانو فلان بيئصدني بكلامو او فلانة قاصدة تجرحني او فلان قاصد يسبّني .
طيب اعزائي هيدا شو بيكون ؟ مش سوء ظن ؟

يا ريت يا نسرين مبارح يلي صار مبارح كان سوء ظن

يلي صار مبارح كان تجريح مباشر .. ولا تحكيلي المباشرة بتصير إزا تسمّى حدا بإسمو فقط!!

تصوري أنا احكي إنو كل البنات يلي عايشين ببلد أجنبي هنن تشاتيش ولا يمتون لأخلاق العربيات بصلة !!!


شو بتفهمي؟؟؟

شكراً لحضورك نسرين... وما بيكمل الموضوع بدونك

[gaya]

( من شاف بلاوي الناس .. هانت عليه بلوته

سدئت وأهلا وسهلا فيك

بالمختصر كأنك بئلبي

[gaya]

بشكر يلي بعتلي التقييم على لفتة النظر ...انو انا كيف دخلت ع قلوب الناس وعرفت الشريرة ولحتى صلّح نفسي بالاول
صح عزيزي / عزيزتي انا ما فتت ع قلب حدا واذا لاحظتو اني حكيت عن نفسي وما حكيت ع حدا تاني
ويا ليت لما نقرأ ، نقرأ الجمل كاملة مش مجزّءة .

بعرف إنك شخص ذكي .. وعليه بعتبر إلك هدف تحطي هالمشاركة بهالموضوع مع إنو في موضوع للتقييمات.

أورح إغلب فضولي وأسكت هههههه