~~ بـــــرنامـــ♥ـــج ســ♥ــــاعه الا خمـــ♥ـــس~~ مع الـــسندريــلا ~

[♪♪زهرة اللوتس♪♪]

رمضان كريم ..


عندي سؤال واحد وحيد ..
" كيفك ؟ " ~

نورتي يا سمينه سهر والله لو عرفانين بدنا نشوفك كنا من زمان استضفنا السندريلا
ميه اهلا وسهلا فيكي وفيهاااا

[♪♪زهرة اللوتس♪♪]

سؤال محيرني ,, (( أنا شو ممكن اسألك ؟؟ )) سؤال محيرني كتير
ههههه صرلي ساعة عم فكر فيّو ياريت تجاوبيني أيدي بزنارك

هلأ رح اسئلك عنجد
غير الروز .. شو بتعملي ع النت شو النشاطات الي بتساويها بالشبكة السبايدرية ؟

في كتير ناس برمضان .. ببطلو يسمعو أغاني وهالقصص إنتي بتمي تسمعي ميوزيك ؟

صرلك زمان مغتربة .. ئولك الإنسان بيتعود وبيتأقلم ولا هئا ؟؟

السندريللا .. اسمك من أول ما شاركتي بالروز و هالحكي صرلو سنين .. ليه اخترتيه ؟

أنا مالي من النوع الزنخ ( متل أحمد ) لهيك بس هي أسئلتي
و بتمنالك رمضان كريم و يارب ترجع البسمة لوشك عن ئريب ..

صباحوووو سوما ميه هلا فيكي منورة دايما
ان شالله اليوم بتكمل سندريلا وبتجاوبك
ميه هلا عيوني

[syria oshqy]

يا اهلا وسهلا والله كنت متمنيه كون صاحيه لما اجيتي بس مشكلتلي بنام بكير
بس ما شاء الله كفيتي وفيتي رغود ربي يسعدك ويخليكي اسئلتك كتير حلوة وسندريلا اجوبتها رائعه منورين والله

نوم العوافي حبيبتي
هذا من بعض ماعندكم روحي
ربي يسعدك وينولك يلي ببالك

[Randah]

أتيتُ و أنا أحمل معي أزاهير روض لم تزل ,,
تنشر عطرها الفواح وأشعة شمس تبعث ضوئها في كل زاوية من زوايا منتدانا الرائع

أشكر أولاً أختنـــا الرائعة زهرة اللوتس على موضوعها الجميـــل

و أرحب ثانياً بالجوهرة النـــادرة " السندريللااااااااااا" اسم من ذهب

بسم اللـــه الرحمـــن الرحيـــم
----------------------

المستوى التعليمي هو اللي يحدد المستوى الثقافي!!! رأيك بهيدي المقوله ؟؟؟

ياورد مين علمك تجرح" لمن توجهي هذه العبارة " ؟؟


رتبي الكلمات التالية حسب أهميتها عندك :
الحب - العائلة - المستقبل المهني – الصداقة - المال


أغمضي عينيكِ لدقيقة وتخيلي أنكِ تملكي العالم بين يديك ماأول أمرين تفعليهما؟؟

كتاب حياتك بما تصفيه ؟؟"


لوعاد الزمن ما الشيء الذي ستفعليه مرة أخرى ؟؟؟


ماأكثر شيء يحرجكِ ؟؟


متى يقسو قلب السندريللا ؟؟

هل خجلتي من شخص ؟؟ متى وأين ؟؟


ماهو حلم حياتكِ ؟؟

متى تضحك السندريللا و هي تبكي ؟؟

صفي المنتدى بكلمة أو كلمتين ؟؟

شخص جرحكِ ولم تتوقعي منه هذا ؟؟

رُبَّ أخٍ لم تلـــده أمك ,,, لمن توجهـــي هذه المقولـــة ؟؟


سؤال أخيـــر ؟؟؟ شو بيعنولك هدول ,,,

بكتفي حالـــياً بهيـــدي الأسئلة و بتمنى تكون خفيفة عليكي

لروحــــكِ الجنـــة

[السندريللا]

سؤال محيرني ,, (( أنا شو ممكن اسألك ؟؟ )) سؤال محيرني كتير
ههههه صرلي ساعة عم فكر فيّو ياريت تجاوبيني أيدي بزنارك

اهلا بكِ يا بسمة الروز ....افتقدت حضورك يوم امس

هلأ رح اسئلك عنجد
تفضلي ... اسألي
غير الروز .. شو بتعملي ع النت شو النشاطات الي بتساويها بالشبكة السبايدرية ؟
نشاطاتي الالكترونية بتقتصر عالمشاركة بالروز ومتابعة صفحتي الفيسبوكية
وصفحة الجامعة التي ادرس فيها وقراءة مقالات واشعار وما اشبه ذلك من هنا وهناك ...
في كتير ناس برمضان .. ببطلو يسمعو أغاني وهالقصص إنتي بتمي تسمعي ميوزيك ؟

بمفهومي المتواضع : صحيح انو الله خصّ هالشهر برحمة مميزة ولكن انا ما بفهم ليش انو بشهر رمضان
ما منئدر نسمع ميوزيك وبغير اشهر منئدر ؟! بصراحة انا حياتي ما بيطرأ عليها اي تعديل بهالشهر
سوى اني بثابر على قراءة القرآن الكريم اكتر من الايام التانية وطبعاً الادعية يلي منتابعها مع بابا .

صرلك زمان مغتربة .. ئولك الإنسان بيتعود وبيتأقلم ولا هئا ؟؟

من الصعب انو الانسان يتأقلم بالغربة وخاصة اذا كانت مفروضة عليه ومش بمحض ارادته

السندريللا .. اسمك من أول ما شاركتي بالروز و هالحكي صرلو سنين .. ليه اخترتيه ؟

ما اخترت هالاسم عن تفكير مسبق ..كانت تجربتي الاولى بعالم المنتديات العربية
وتفاجئت بقصة التسجيل ، واول اسم خطر ببالي كان السندريللا سجلت فيه وبقيت عليه .

أنا مالي من النوع الزنخ ( متل أحمد ) لهيك بس هي أسئلتي

الله يخليلي ياكي شو حبوبة وطيوبة انتي

و بتمنالك رمضان كريم و يارب ترجع البسمة لوشك عن ئريب ..

والك بالمثل حبيبتي ..ينعاد عليكي هالشهر بالخير وبعودتك لربوع وطنك الغالي
وتضلي دايماً فرحة وبسمة لقلوب كل احبابك

[السندريللا]

أتيتُ و أنا أحمل معي أزاهير روض لم تزل ,,
تنشر عطرها الفواح وأشعة شمس تبعث ضوئها في كل زاوية من زوايا منتدانا الرائع





أشكر أولاً أختنـــا الرائعة زهرة اللوتس على موضوعها الجميـــل

و أرحب ثانياً بالجوهرة النـــادرة " السندريللااااااااااا" اسم من ذهب

اهلاً ببياضاً البسَ حروفي زهراً بعد عطر
انه لمن حظي الاوفر سروراً ان تأتيني استضافة الرائعة زهرة بحضوركم وقربكم
وترحيبكِ محطّ فخرٍ ومطر يغسل سطور الاجابات هنا ايتها الانيقة .



بسم اللـــه الرحمـــن الرحيـــم
----------------------



المستوى التعليمي هو اللي يحدد المستوى الثقافي!!! رأيك بهيدي المقوله ؟؟؟

طبعاً مما لا شكّ فيه انّ للعلم اثر بالغ في انعاش الثقافة بالنفوس
ولكن كمْ من متعلّمٍ حامل شهادات لا يملك من المعلومات سوى تلك التي درسها وتعلمها (يعني ما بيعرف لأبعد من منخارو )
وبالمقابل كم منْ مثقّف دراساته اقتصرت على المراحل الاولى ربما ...
الخلاصة انو الثقافة ليست نتيجة التحصيل الدراسي
انما نتيجة عوامل عديدة منها التربية ، المطالعة ، الانصات الى الآخرين ....الخ

ياورد مين علمك تجرح" لمن توجهي هذه العبارة " ؟؟

للأقدار

رتبي الكلمات التالية حسب أهميتها عندك :
الحب - العائلة - المستقبل المهني – الصداقة - المال

العائلة ..المستقبل المهني ....الصداقة ... الحب ..المال

أغمضي عينيكِ لدقيقة وتخيلي أنكِ تملكي العالم بين يديك ماأول أمرين تفعليهما؟؟

ليتني استطيع ان امحو الكراهية من قلوب البشر ليحلّ مكانها الحب والخير
واعادة توزيع خيرات الكون على الشعوب بالتساوي

كتاب حياتك بما تصفيه ؟؟"

بالمفاجآت

لوعاد الزمن ما الشيء الذي ستفعليه مرة أخرى ؟؟؟

شغلتين : اول شي بصحّح قرار اتخذتو بلحظة كبرياء وندمانة عليه كل عمري
تاني شي لما انعزم ع حفلة وبكون عارفة مسبقاً عدم رضا الماما بروحتي عليها ما بــ صرّ وبعمل المستحيل حتى روحها واتسبّب بمأساة.

ماأكثر شيء يحرجكِ ؟؟

اكتر شي بيحرجني كثرة الاطراء او حدا يطيل النظر اليّ .

متى يقسو قلب السندريللا ؟؟




ليته يقسو ولو لمرّة ...

هل خجلتي من شخص ؟؟ متى وأين ؟؟

مواقف الخجل كثيرة في حياتي ..ولكن موقف ما بنساه بعمري
(( لحظة مصيرية بحياتي من 4 سنين اول ما فتحت عيوني منها وشفت دموع ماما ))

ماهو حلم حياتكِ ؟؟



يمكن للبعض يكون بسيط ولكن الي مستحيل
هو انو ارجع عيش بلبنان

متى تضحك السندريللا و هي تبكي ؟؟

وقت بكون موجوعة او متدايئة وعم احكي مع ميدو (( ربي يحميه ))

صفي المنتدى بكلمة أو كلمتين ؟؟

انيس القلوب ومعقل الوفاء



شخص جرحكِ ولم تتوقعي منه هذا ؟؟


..................


رُبَّ أخٍ لم تلـــده أمك ,,, لمن توجهـــي هذه المقولـــة ؟؟


ميدو

سؤال أخيـــر ؟؟؟ شو بيعنولك هدول ,,,



رمز الحب




بكتفي حالـــياً بهيـــدي الأسئلة و بتمنى تكون خفيفة عليكي

لروحــــكِ الجنـــة

نور حرفكِ اضاء متصفحي اذ شرّفته واغدقتي عليّ بفائض ذوقك ِ
لروحكِ الفرح..... امنية

[r_mido]

بداية بحب اطمنك اني مارح اكرر عدد اسئلة موضوع كرسي الاعتراف
مش لاني ما عم لائي اسئلة , بس اخر مرة حضرتك كنتي فيها ع كرسي الاعتراف ما جاوبتي ع اخر جزء من اسئلتي "يوم عملية ايطاليا" هي مشان ماتنكري


ماعلينا ~

من خلال اجوبتك ئلتي انو انتي مافيكي تقيمي حالك وتئولي ظالمة او لأ , يعني معئول ما عندك لحظات صفا وحساب مع النفس !! يعني بئولو المؤمن هو اللي بحاسب نفسو .. ليش ما بتحاسبي نفسك مشان ما احرجك بهيك سؤال وتئوليلي تقييم الناس ومش عارف شو

بالنسبة لتقييم الناس ... انتي بتاخدي بتقييمهم !! يعني المتعارف عليه انك صاحبة ئلب صافي وابيض ولله .. لو اجو خمسة وئالو عنك ئلبك اسود وحقودة ممكن تسدئي وخلص تاخدي هالفكرة عن نفسك ؟؟

يعني يلي بيسمعك بيقول انك بتطبق السنّة النبوية بحذافيرها

فذكر إن نفعت الذكرى ............. يعني ان شفتك غلطانة معئول اتستر ع غلطك

الك من اول رمضان وانتي بتصرعي راسنا بالطاعات والعبادات , ما حدا خبرك انو طلب الموت ورفس الحياة والدنيا فيو شيء من حرمانية !!

متى تضحك السندريللا و هي تبكي ؟؟

وقت بكون موجوعة او متدايئة وعم احكي مع ميدو (( ربي يحميه ))

" موجوعة - متدايئة - ميدو " شو هالسلسلة المتشابهة ... يعني طلعت حضرتي امتداد للوجع والديئ !!
ومن طرف تاني .. في حدا بضحك اذا كان متدايئ او موجوع ؟؟


مشان رب اخ لك لم تلده ام .... شكراً وانتي عندي اكتر من اخت بمراحل "وهاد الشي ما بيلغي مشاعر الكره المؤخرة

[السندريللا]

بداية بحب اطمنك اني مارح اكرر عدد اسئلة موضوع كرسي الاعتراف
مش لاني ما عم لائي اسئلة , بس اخر مرة حضرتك كنتي فيها ع كرسي الاعتراف ما جاوبتي ع اخر جزء من اسئلتي "يوم عملية ايطاليا" هي مشان ماتنكري

الله لا يعيد هالذكرى عليي ولا على ايّ انسان .

ماعلينا ~

من خلال اجوبتك ئلتي انو انتي مافيكي تقيمي حالك وتئولي ظالمة او لأ , يعني معئول ما عندك لحظات صفا وحساب مع النفس !! يعني بئولو المؤمن هو اللي بحاسب نفسو .. ليش ما بتحاسبي نفسك مشان ما احرجك بهيك سؤال وتئوليلي تقييم الناس ومش عارف شو

طبعا ...ما في شي بعملو او بحيكه الا ما برجع بعيد التفكير فيه مرة وتنين وتلاتة لشوف اذا انا مغلطة او لا وهيدا نوع من الوقوف مع النفس ومحاسبتها بس هالشي ما بيلغي تقييم الاخرين واهميتو بالنسبة الي .

بالنسبة لتقييم الناس ... انتي بتاخدي بتقييمهم !! يعني المتعارف عليه انك صاحبة ئلب صافي وابيض ولله .. لو اجو خمسة وئالو عنك ئلبك اسود وحقودة ممكن تسدئي وخلص تاخدي هالفكرة عن نفسك ؟؟

حتى لو ما كانوا عم يحكوا الصح بس هيدا رأيهم بدن يكونوا شايفين جانب انا ما شايفتو وانا لازم اوقف عند هالشي وفكر فيه .

فذكر إن نفعت الذكرى ............. يعني ان شفتك غلطانة معئول اتستر ع غلطك

بالعكس فيك تذكرني وتدلني ع غلطي لان اذا ما عملت هالشي وتسترت على غلطي (( التستر على مجرم هارب يعاقب عليه القانون )) بتكون عم تخدعني وما صادق معي .

الك من اول رمضان وانتي بتصرعي راسنا بالطاعات والعبادات , ما حدا خبرك انو طلب الموت ورفس الحياة والدنيا فيو شيء من حرمانية !!

انا بشر وعندي هفواتي ولما بكون كتير يأسانة بالفعل بكره الحياة وبطلب الموت .

" موجوعة - متدايئة - ميدو " شو هالسلسلة المتشابهة ... يعني طلعت حضرتي امتداد للوجع والديئ !!
ومن طرف تاني .. في حدا بضحك اذا كان متدايئ او موجوع ؟؟

يلي بعرفو عنك انك بتقرأ صح ...لييش هي الجملة ئريتها من نصها وغلط كمان ... الئصد من كلامي انو لما بكون مدايئة برتاح لما بحكي معك
وياما مضحّكني وانا بعز بكواتي ولا نسيت حضرتك ؟؟؟

مشان رب اخ لك لم تلده ام .... شكراً وانتي عندي اكتر من اخت بمراحل "وهاد الشي ما بيلغي مشاعر الكره المؤخرة

ما في داعي للشكر لان هالمشاعر الحلوة هي هدية من رب السسما بيبعت ناس لتكون رحمة لناس تانيين
اخر جملة طالعة عندي مربعات ما بعرف ايّ لغة انت كاتب ومتصفحي ما بيقراها

[♪♪زهرة اللوتس♪♪]

في النهاية
ااتوجه بالشكر الجزيل لضيفتنا الغاليه على تلبيتها الدعوة


وحضورها الانيق وتواجدها الشيق واقول لها كلمه واحده
الله لايحرمنا منك ومن صحبتك

واشكر جميع من شاركنا وكان معنا هنا والى اللقاء