|| سهرة رمضآن الثانية ~ ( ماركات ) ..!

[أنثى السعادة]

يسلملي الفهيم أنا
أنا هي وجهة نظري .. حلو تقدير النعمة وحلو الاحساس بالبشر التانية !!
يعني مو شرط اذا غني يعني بحئلو وين ما بدو يقعد ويبعزئ
ع ئولة زياد الرحباني .. كأنو المصاري ئشطت لحالا ع هيدا نتفة و ع هيدا كتير !!
منورة حبيبتي

هلاالبعزقة انا مش معاها بس انو حقو او لا مونحنا منقرر لان كل واحد حر بحياتو ، هي مو شغله حقوق ابدا ، كل حدا و رب العالمين قسملو رزقتو ، و انوممكن هيك اشخاص كمان يحسو بغيرون من البشر . بس نحنا كنا بفكرة المظاهر انو مافي داعي للتمسك فيها بهالشكل المبالغ .

[ياسمينة الشام]

مرة رحرت اشتري لولادي تياب فتت على محل وعم شوف وعجبني كم قطعة وكانوعلى قياس الولاد ولما سألتو على السعر قام عطاني سعر خيالي وعلى اساس في رخصة 50% قلتلو بس هاد سعر كتير كبير وانت حاطت رخصة قال ايه بعد الحسم هيك تركتو وطلعت من المحل وعم اتمشى لقيت على العرباية نفس البضاعة الي بالمحل موجودة وقفت ونقيت نفس القطع بس بلا كيس اوكرتونة محطوطين فيه وأخذتهم بسعر خيالي اكتر بين ماادفع 15ألف و بين مادفعت 4 آلاف بس لأن محل
هذا حصل معي شخصيا
وحاليا الماركة صارت بلاطعمة لأن بيتاخذ الغرض اليوم وتاني يوم على التصليح

موضوع مميز عزيزتي يعطيكي العافية

أهلا وسهلا رغداء
لسه هي النئطة الي بيضحكو علينا فيها بتفقعني ضحك
أنو بحطولك Sale %75 كمان مو خمسين بتفوتي بيعطيكي سعر خيالي ومع هيك هاد السعر بعد الرخصة ع اساس
و هو بكون السعر الاساسي للئطعة بس بحبو يوهموكي أنهن رخصوها مشان تلحئي حالك وتشتري من هالمركة
و هو بكون نفس السعر لا راح ولا اجى بس لحتى يجذبو زباين مو اكتر
و أنو فعلاً فيكي تقولي الماركة بطلت تفرء هالأيام هههه
نورتي رغداء بتمنى ترجعي تطلي

[ياسمينة الشام]

هلاالبعزقة انا مش معاها بس انو حقو او لا مونحنا منقرر لان كل واحد حر بحياتو ، هي مو شغله حقوق ابدا ، كل حدا و رب العالمين قسملو رزقتو ، و انوممكن هيك اشخاص كمان يحسو بغيرون من البشر . بس نحنا كنا بفكرة المظاهر انو مافي داعي للتمسك فيها بهالشكل المبالغ .

لأ حبيبتي ربنا عطى الغني لحتى يحس بالفقير ويعطيه و يمتحن حرصه
و بنفس الوقت حرم الفقير لحتى يتقرب لله و يحمده و يمتحن صبره
كل شي بهالدنيا لحكمة و ربنا قسم الأرزاق هيك لحتى يمتحن كل شخص
مافينا نقول للفقير ئعود حمود الله وادعيله يرزقك لحتى تقدر تشتري تياب منيحة لولادك
و للغني نقلو انتا حر بمصاريك وين تصرفهن .. هي أمانة من الله عندو يعني

و كمان المظاهر هية لحالها كومة
أحيانا بحس الغني بيعمل جهدو ليعمل حالو ما معو مصاري حتى الناس ما يطمعو .. والفقير بيعمل جهدو حتى يبين انو وضعو منيح حتى الناس ما يشفقو وينفرو
طب ليش هيك بنعمل بحالنا ؟؟

[تَـرَفْ ~]

أهلاً حبيبتي
و أنا بخالفك .. مو دائماً الغالي سعرو معو ..
صارت معي بالزمنات أنو رحت ع ماجيلا مع أمي و طبعاً مو أنا يلي نئيت ع الروحة
أنو شفت ئطعة تياب هية عبارة عن نص بلوزة حتى ههههه عجبتني و شفتا ع الملكان وكل شي تمام
رجعت ع البيت أول شي أخواتي يبحلئو فيني أنو حطيت حئ شرشوطة ه التياب 6000 ليرة !!
أنو اخواتي الصبيان اشترو بهالمبلغ كل تياب العيد
و صدقاً يمكن مالبستها غير مرتين و ما عدت شفتها حلوة متل وئت شفتها بهالمحل بين كل ئطع التياب الغالية
و من وئتا ما بروح ع هيك محلات

هلأ كمان الإنسان حسب ما متعود يلبس
يعني مو قصة شوفة حال أو شي
بس واحد متعود يلبس من محلات معينة صعب يغير و يبدل
خلص بيعرف هي المحلات شو رح يكون فيها و زوئها بيعجبو فليش يعذب حاله ويفتل الدنيا على ئطعة تياب حلوة ومنيحة
خلص بيعرف هالمحل المرتب بروح عليه و بيشتري اللي لازموا وخلصنا

[r_mido]

أنا عم ناقش مشكلة مجتمعية بس عن كل الناس عم بحكي
و أنا ما حكيت تشتري وطني في ئطع اجنبية ومحلات اجنبية بس مش ماركة يعني
و ما بالضرورة اذا اجنبية يعني تكون اسعارا فوق الريح

أنا ما عم ئول حسب يلي معو ويلي ما معو
بس كمان الفقرا من الناس صارت تطلع لهي الئعدات كأنها ئعدة ع الشاطئ بهاواي إلا شوي
بس كمان يلي معو مصاري مو شرط يصرفها على هيك محلات بينما بيقدر يستغل هالشي بأكتر من مكان و يوقف بعزئة
ومانسيت انك محاسب تصئ بس مالك حاسبا منيح

لك بنتي في ماركات حتى اللي اوضاعون منيح ما بيحلمو يفوتوها
تخيلي متلا انا اخد مرتي ونفوت عند شانيل واشتريلا اكسسوار بألف دولار مثلا (السعر غير مبالغ فيه)
انا عم احكي عن ماركات مخففة بتكون بمتناولي ومتناول الطبئة الوسطى بالمجتمع
برجع بئلك انا ماعندي مانع حتى اشتري من البسطة بس في اولويات وافضليات عندي
وسدئيني حاسبا صح وكتير كمان

[ياسمينة الشام]

هلأ كمان الإنسان حسب ما متعود يلبس
يعني مو قصة شوفة حال أو شي
بس واحد متعود يلبس من محلات معينة صعب يغير و يبدل
خلص بيعرف هي المحلات شو رح يكون فيها و زوئها بيعجبو فليش يعذب حاله ويفتل الدنيا على ئطعة تياب حلوة ومنيحة
خلص بيعرف هالمحل المرتب بروح عليه و بيشتري اللي لازموا وخلصنا

أنو ما فهمت مبدأك أنو الواحد يريح راسو من التدوير على ئطعة منيح بس يوجع جيبتو أحسن ههههه
في محلات حلوة و مالها بشعة و زوئها ما فيّو شي
بس بضلك حرة من وين بدك تشتري طبعاً بس هي مجرد دعوة للنقاش ما عم ئلك تشتري من ع البسطة هههه

[r_mido]

لاحظت من ردودك وردود البعض انو ماجيلا وغيراتا تعتبر ماركة
ع فكرة ماجيلا بضاعتو صنع دمشق ومعاملون هنن وبينتون وستيفانيل وكتير من هالماركات المزعومة موجودة بالشام
فهي تعتبر وكالة ماركة وليست ماركة ..... يعني ال 6000 اللي دفعتيها اندفعت على قطعة وطنية مش ماركة

للايضاح فقط

[ياسمينة الشام]

لك بنتي في ماركات حتى اللي اوضاعون منيح ما بيحلمو يفوتوها
تخيلي متلا انا اخد مرتي ونفوت عند شانيل واشتريلا اكسسوار بألف دولار مثلا (السعر غير مبالغ فيه)
انا عم احكي عن ماركات مخففة بتكون بمتناولي ومتناول الطبئة الوسطى بالمجتمع
برجع بئلك انا ماعندي مانع حتى اشتري من البسطة بس في اولويات وافضليات عندي
وسدئيني حاسبا صح وكتير كمان

هلأ شيلني من شانيل شو أخدك عليها .. ولو أنو مرتك يعني لازم تجبلا هيك ئصص ههههه إذا كانت بتشبه بريتني سبيرز بس
أنا معك الواحد يشتري لو ئطعة عجبتو بس مو كل تيابو تكون من الماركات هي نئطتي
يعني أنتا الموضوع ما عم يحكي عنك أبو الميد ههههه عم نحكي عن يلي هوسهن هالئصص
لعلمك كان تحت بيتنا بالقبو في معمل تياب لماركة من هدول الي بمتناول اليد أي كل شغلن متل أي معمل تاني ومتل كل أنواع القماش بس جايبين القصات والموديلات الغربية و عم يطبقوها
و كان الجيران يشترو من عندن بسعر البسطة لأن من المعمل بينما نفس الئطعة تروح ع المحل بعشرين ضعف تصير
منور أبو الميد

[ياسمينة الشام]

لاحظت من ردودك وردود البعض انو ماجيلا وغيراتا تعتبر ماركة
ع فكرة ماجيلا بضاعتو صنع دمشق ومعاملون هنن وبينتون وستيفانيل وكتير من هالماركات المزعومة موجودة بالشام
فهي تعتبر وكالة ماركة وليست ماركة ..... يعني ال 6000 اللي دفعتيها اندفعت على قطعة وطنية مش ماركة

للايضاح فقط

أي بعرف أنو الئطعة عربية وماركات محلية هي ليش الماركات شرط اجنبية هههههه
رديت عليك بنفس الوقت ونفس الفكرة .. و هدول الي بضحكو علينا أنو ع اساس نحنا عم نشتري شي اجنبي هاد اللي عم احكي عنو

[r_mido]

اي بيضحكو ع الجدبان بس

[ياسمينة الشام]

اي بيضحكو ع الجدبان بس

أنو يعني انتا يلي نزلت من بطن أمك فهمان
في شغلة ما بتعرفها عني أنو أنا بعمري ما رحت ع السوق الا من شي سنتين بلشت
دائما أختي و أمي بشترولي ع زوئهن .. نزلة السوق عندي متل الكفر بكرهها هههههه
لهيك شي طبيعي ما يدخل بثقافتي
بس أنتا إذا كنت مقضي حياتك بشوارع الموجامبو فهاد ما ذنبي

[r_mido]

أنو يعني انتا يلي نزلت من بطن أمك فهمان
في شغلة ما بتعرفها عني أنو أنا بعمري ما رحت ع السوق الا من شي سنتين بلشت
دائما أختي و أمي بشترولي ع زوئهن .. نزلة السوق عندي متل الكفر بكرهها هههههه
لهيك شي طبيعي ما يدخل بثقافتي
بس أنتا إذا كنت مقضي حياتك بشوارع الموجامبو فهاد ما ذنبي

انا ارقى من الموغامبو
البني ادم في براسو عئل وكل شخص بيشتري بحسب امكانياتو
وبالنهاية متل ما ئلتي بلوزة الاديداس ما بتعمل بني ادم

[ياسمينة الشام]

انا ارقى من الموغامبو
البني ادم في براسو عئل وكل شخص بيشتري بحسب امكانياتو
وبالنهاية متل ما ئلتي بلوزة الاديداس ما بتعمل بني ادم

أنتى أرقى من كل شوارع سورية التجارية أنتا خرج تتسوق بشارع أكسفورد بلندن
و شكراً لأنك ئلت بالأخير ( متل ما ئلتي ) ههههههه
منور الموضوع دايماً أبو الميد

[تَـرَفْ ~]

أنو ما فهمت مبدأك أنو الواحد يريح راسو من التدوير على ئطعة منيح بس يوجع جيبتو أحسن ههههه
في محلات حلوة و مالها بشعة و زوئها ما فيّو شي
بس بضلك حرة من وين بدك تشتري طبعاً بس هي مجرد دعوة للنقاش ما عم ئلك تشتري من ع البسطة هههه

يمكن معك حق من هي الناحية
و أكيد ما وصلت لمرحلة أنو التياب تعبر عن شخصيتي وهيك
لا أنا متل ما أنا بضل و جلوة شو ما لبست مو الماركة يلي بتحليني ههههه
يعطيكي العافية على هالسهرة الحلوة سوما

[gaya]

بخصوص الأماكن و الأعدات أنا بفضل الحدا يئعد بالمكان يلي بيشبهو ويكونو رواد المكان من الناس يلي بتناسبو. أنا هيك بعمل بصراحة ضروري المكان يشبهني بكل تفاصيلو لحتى كون مرتاحة بغض النظر عن إسمو.

أما التياب فأنا مع الئطعة التئيلة مع احترام الوئت . بمعنى منجيب شي تئيل بس مو كل يومين منكون بالسوء. أنا مع الناس يلي بيشترو شي تئيل كرمال الخيط المنيح والئالب الحلو + عمر طويل

للئطعة . وبيني وبينك الئطعة الوطنية ما بتحئئ رغبة حدا بهالخصوص. وشعبك بيغش أهلو مو بس الزبون . وشوفي المنتيج الوطني بكل شي بتلاحظي الفرء. حتى ع مستوى الأغذية صناعاتنا بتشهي التوبة.

أي حدا بيحب السوء وأنا هيك بس بئدر بضبط حالي.

هامش : ومو القصد الإساءة لحدا بس أكتر مظاهر مريضة شفتا بخصوص هي الشغلة هي بحلب هههههه إنو ابن فلان بيشتري من الماركة الفلانية وشفت ناس بتلبس ماركات كرمال ما يحكو عليهن . مو طبيعي.