برنامج ساعة الا خمس .. مع r_mido

[Rose eyes]

برنامج ساعة الا خمس .. مع r_mido






اعزائي الكرام شباب وصبايا الروز




بقدم ليكم برنامج مع استضافة عضو / عضوه


ونستضيف معنا اليوم العضو المميز الذائع الصيت داخليا وخارجيا

محبوب الجماهير




معكم ابو الميد




اهلا وسهلا بك معنا في برنامجنا


بدنا نسالك كم سؤال


نبدا :-


1- احكي عن تجربتك اول مره صيام برمضان كنت بسن كم ؟


2- احكي عن موقف مضحك حصلك؟


3- احكي عن ذكرياتك برمضان ؟


4- كيف كنت تتحمل الصيام عن السجاره ؟


5- كيف تكون نفسيتك بنهار رمضان ؟


6- شو بتحب تعمل برمضان بالنهار والليل ؟


7- هل بتايد سهرات وخيام الطرب بليالي رمضان ؟


8- شو بيكون افطارك وشو بيكون سحورك ؟


9- شو الاكله اللي بتحبها تاكلها خاصة برمضان ؟


10- لما بتكون صايم شو الشي اللي بيجي على بالك وتشتهيه بقوه ؟

بتمنى تكون اسلتنا خفيفه عليك

منتظرين اجابتك على الاسئله وبعدها يفتح باب اسئلة

الاعضاء وكله يكون بمحوى البرنامج

[r_mido]

برنامج ساعة الا خمس .. مع r_mido






اعزائي الكرام شباب وصبايا الروز




بقدم ليكم برنامج مع استضافة عضو / عضوه


ونستضيف معنا اليوم العضو المميز الذائع الصيت داخليا وخارجيا

محبوب الجماهير




معكم ابو الميد




اهلا وسهلا بك معنا في برنامجنا


بدنا نسالك كم سؤال

هلأ زائع الصيت داخلياً فهمنا ~ اما هي خارجياً من وين عرفتيا هههههههه

اول شي بدي انتهز الفرصة وابدي اعجابي ببرنامجك الحلو
واتشكرك ع اختيارك الي

وهلأ طيران ع الاسئلة هههههههه

[r_mido]

• 1- احكي عن تجربتك اول مره صيام برمضان كنت بسن كم ؟
  

خخخخ انا ولدت من بطن امي بصوم
مممم انو انا اول ما وعيت كان النهار كتير ئصير والدنيا برودة , يعني الصيام مش ئصة عظيمة ههههه
فبزكر من اول ما وعيت بصوم

• 2- احكي عن موقف مضحك حصلك؟
  

مممم انا وصغير كانو اهلي يبعتوني اشتري خبز
وارغفة الخبز معدودة
خخخخ فكنت ع الطريئ اكل نص رغيف ووئت اوصل اهلي يستغربو انو كيف باعني ياهم هيك نائصين هههههه
لحد مرة كنت عم جيب خبز ولبن رحت عضوضت الرغيف واكلت وش السطل خخخخ وضل الرغيف العضات عليه باينة هههههههه ويا خجلتي ئدام اهلي هههههههههههه

• 3- احكي عن ذكرياتك برمضان ؟
  

زكرياتي هي اكيد زكريات طفولة
محصورة بالحارة والعاب رمضان وأغانيه
يمكن ما تكون هالزكريات الكبيرة او المحرزة بس بضل اسما زكريات

• 4- كيف كنت تتحمل الصيام عن السجاره ؟
  

انا دايما بسألوني انو انت اكيد ضعيف لحتى مافيك تبطل التدخين
انا جوابي دايما اني بدخن لاني بحب ادخن مش لضعف او ادمان
لزالك السيكارة برمضان ما بأثر علي غيابا
وبئضي يومي كتير طبيعي

• 5- كيف تكون نفسيتك بنهار رمضان ؟
  

تماماً متل نفسيتي بيليل رمضان هههههه
يمكن شوي التعب بأثر او ضغط الشغل , وهالشي مش بسبب الصيام بشكل مباشر انما لطبيعة النهار الطويل والشوب وخاصة اذا الواحد طبيعة عملو صعبة شوي

• 6- شو بتحب تعمل برمضان بالنهار والليل ؟
  

هلأ انا حاليا ما بيخطر ببالي اعمل شي شغلي اخد كل وئتي وبيمنعني حتى اني فكر
اما زمان انو ايام الدرسة كلها طلعات مع رفئاتي وبالجامعة كان رمضان غالبا يجي بفترة تحضيرنا للمسرحيات فكل وئتي كان بالبروفات
الليل دائما مخصص للطلعات ولعب الشدة واحيانا طابة

• 7- هل بتايد سهرات وخيام الطرب بليالي رمضان ؟
  

اذا فيها رئاصات بأيدها ههههههههههه

• 8- شو بيكون افطارك وشو بيكون سحورك ؟
  

انو بفطر حجار وبتسحر تراب هههههههه
يعني بربك شو بدي عدلك ههههه بفطر متل ما بيفطرو هالعالم
اما السحور فهي اول سنة او تاني سنة انو شوي ممكن اتسحر شي خفيف كتير

• 9- شو الاكله اللي بتحبها تاكلها خاصة برمضان ؟
  

هههههه كل شي مابينطبخ بحبو ههههههههههههههه
بس انو الروستو والطاجين هدول ثابتات عنا بالعيلة
وفي المفتول هي اكلة فلسطينية بس مع الاسف ما بتتاكل بالشوب هههههه

• 10- لما بتكون صايم شو الشي اللي بيجي على بالك وتشتهيه بقوه ؟

اشرب مي هههههههههههههههه

[r_mido]

بتمنى تكون اسلتنا خفيفه عليك

منتظرين اجابتك على الاسئله وبعدها يفتح باب اسئلة

الاعضاء وكله يكون بمحوى البرنامج

خف الريشة هههههههه
شكرا مرة تانية
واذا حدا من الأعضاء عندو اي سؤال جاهز

[ياسمينة الشام]

يلآ أبو الميد أنا رح بلش

لو صحلك تعزم حدآ عالفطور من المنتدى مين رح تعزم ؟

بتتمنى حدا من المنتدى يعزمك عالفطور ؟ ومين هالحدا ؟

بتقرأ قرآن برمضآن ؟ و إذا لأ طيب كنت تقرأ ؟

شو أكتر شي بفرحك برمضان غير أذان المغرب ؟

شي سيئ بتتزكرو على طول برمضان ؟

موئف طريف صار معك بشي رمضان وما بتنساه ؟

شو رأيك بالقسم الرمضاني بالمنتدى ؟ عالمستوى المطلوب ؟

بتئدر تضبط أعصابك لما تعصب بشهر رمضان ؟

وآخر شي وجهلي كلمة شكر وتقدير

ههههههه

[ياسمينة الشام]

مشآن مآ تئول عني جآية وايدي فآضية
بعرفك بتحب التي شيرتات

[r_mido]

• يلآ أبو الميد أنا رح بلش
  

ليش عم تنكشي طيب ههههه

• لو صحلك تعزم حدآ عالفطور من المنتدى مين رح تعزم ؟
  

هههههه بعزمك الك بس ع السحور هع مشان تحضري اجواء السحور عنا خخخخ

• بتتمنى حدا من المنتدى يعزمك عالفطور ؟ ومين هالحدا ؟
  

ما بتفرء هههههه مين ما كان خخخ كلو مكسب

• بتقرأ قرآن برمضآن ؟ و إذا لأ طيب كنت تقرأ ؟
  

لحد هلأ لا هههههه ومن ئبل اي احيانا بئرا

• شو أكتر شي بفرحك برمضان غير أذان المغرب ؟
  

شوفتك

• شي سيئ بتتزكرو على طول برمضان ؟
  

عملية ماما

• موئف طريف صار معك بشي رمضان وما بتنساه ؟
  

مو حكينا فوء شو كعك عيد ههههه

• شو رأيك بالقسم الرمضاني بالمنتدى ؟ عالمستوى المطلوب ؟
  

لا

• بتئدر تضبط أعصابك لما تعصب بشهر رمضان ؟
  

لا

• وآخر شي وجهلي كلمة شكر وتقدير

شكر وتقدير

[r_mido]

مشآن مآ تئول عني جآية وايدي فآضية
بعرفك بتحب التي شيرتات

بتروحي بتنكشي السوء عليها
بدي ياها هههههههه

[♪♪زهرة اللوتس♪♪]

انو انا سؤالي عا السريع وبسيط
اول شي ليه اسم الموضوع ساعه الاخمسه يعني يلي ضل يحكي ساعه وئفت عا الخمسه هههه

تاني شي
شرحلي شرح مفصل لمن بتعصب برمضان شو بتعمل واذا في صورة بيكون كتير منيح؟؟؟
واحكي بصراحه بتتمنى تكون السنه كلها رمضان شي ؟؟؟؟؟
وكيف شايفلي رمضان السنه شي ظريف ونايس ولا متل كل سنه ؟؟؟؟
يلا بيكفي هدول

[ياسمينة الشام]

• وآخر شي وجهلي كلمة شكر وتقدير

شكر وتقدير

رسبت بآخر سؤآل ونئصك 10 علامات

[ياسمينة الشام]

بتروحي بتنكشي السوء عليها
بدي ياها هههههههه

اي خلص تكرم عينك ئبل ما جيب وحدة ئلي بحسب حسابك

[ياسمينة الشام]

بعتزر انقطاع الكهربا خلاني ريحك شوي
بنكمل
وهي كآسة (( شآي )) أكرك عجم
بل ريئك

[ياسمينة الشام]

بنرجع من جديد مع نكشة


كم يوم فطرت رمضان الماضي ؟؟

بتفطر بسفرة لحالك و لا مع أهلك ؟؟

برمضان ايمتى بتنام وايمتى بتصحى ؟؟

برمضان بتحب تتواجد بالروز أكتر ولا أقل ؟؟

بتساعد أهلك بالتحضير لكل شي برمضان ولا كلو عالجاهز ؟؟

الدنيا رمضان خليك سآدئ واحكي شو رأيك بالعضوة أم السوس يعني سمسم يعني أنا ؟؟

[r_mido]

رسبت بآخر سؤآل ونئصك 10 علامات

بالنائص

اي خلص تكرم عينك ئبل ما جيب وحدة ئلي بحسب حسابك

اي منطلع متل زينغو ورينغو ههههههه

بعتزر انقطاع الكهربا خلاني ريحك شوي
بنكمل
وهي كآسة (( شآي )) أكرك عجم
بل ريئك

حدا ببل ريئو بكاسة شاي ههههههههه

[ياسمينة الشام]

بالنائص



اي منطلع متل زينغو ورينغو ههههههه



حدا ببل ريئو بكاسة شاي ههههههههه

العشر علامات هدول بدك عشر سنين لترجع تحصلن
وانا بدي اطلع متل بدر وانيس في الاندونيس ما دخلني شو زينغو ورينغو !!
واخيراً وليس آخراً الشآي كل شي بهالدنيا المي والهوا والاوكسجين

بس انا ليش منفعلة ما بعرف