彡 سـهـرة ( 2 ) رمضآن ~¤ رمـضـآن يـجـمـعـنـآ ¤~

[ياسمينة الشام]

★* ░ أفطآراً شهياً و صياماً مقبولاً ░ *★



و بعدا كل وآحد بيتحسس بطنو وبيفتخر بالأنجآز يلي عملو عالسفرة
الحمدلله لحئت آكل 5 كبايات وصحنين محشي و زلطت 10 يالنجي و شربت ابريقين عصير
بس والله أخي الصغير سبئني عالحلو قضى علينا بس مو مشكلة بكرا بعوض الخسارة



بس لآ لسآ ما خلصنا
في معركة تانية لسآ أهم

〖 الريموت كنترول 〗


أنآ بدي تآبع أبو جآنتي الجزء التاني ,, لآ أنا بدي شوف صبايا 4 مدري 5
أحسن شي نحط على عمر بن الخطآب أكيد مآفيو إشيا عيب طيب بقعة ضوء الجزء التاسع نزل هادا ما بيتفوت
روحو عنا يا أيآم الدراسة الجزء التاني كل رفئاتي عم يتابعو سوا ما بصير ما شوفو

الخ الخ الخ ........

رمضان عن رمضان و بيتغير المفهوم الرمضاني عنا
بطل فيّو روحانية بطل فيّو شي جديد غير المسلسلات الجديدة
و صآر رمضآن ( يجمعنآ ) ع سفرة الأكل و ئدآم شآشة التلفزيون





كل واحد يجي يحكيلنا :

• [*=center]رأيو برمضان هآد ؟
  
  [*=center]كيف كان رمضان لما كان صغير ؟
  [*=center]كيف بيتمنى رمضان يكون ؟
  [*=center]بيقضي وئتو برمضان وين ؟
  [*=center]شو الي اتغير برمضان وشو السبب ؟

__________________________________________
تسنيم العثل

[Rose eyes]

رمضان كريم مش رمضان ملىء البطون

انا بفطر على شفت مويه ورطبه وبعدين صحن شوربه
واليوم افطار كان صحن كوسى بالبندوره وسلطه
والحلو كان صحن كراميل

وبس

تلفزوين مش بتفرج عليه

بجلس اقرأ كتب افوت نت

رمضان لما كنت صغيره كان غير شي
كانت الاسرة تجتمع كان بابا الله يرحمه يشجعنا على الصيام وحفظ القرآن
وعلى التصرف الحسن

زمان كان له لون وطعم غير

هلا بتحسي رمضان متشتت ناس بالغربه وناس مش مترابطين

ربنا يهدي الجميع

تسلم دياتك تسنيم على السهره المميزه

[r_mido]

ههههههه اي و ع شو تفرجتي بالاخير !!؟

رمضان هاد متلو متل اي رمضان , مش الشهر اللي عميتغير .. النفوس هي اللي بتتغير
تمنياتي بهالرمضان بس الامان هههههه مشان اصيع مزبوط بس
اما وئتي هو اما بالشغل او بالبيت , مافي اي نشاطات هههههههه

[♪♪زهرة اللوتس♪♪]

مساكن خير
وصيام مقبول وذنب مغفور ان شاء الله

رمضان شهر الخير والمحبة والتسامح وصله الرحم
شهر قراءه القران وختمتوا فيه
شهر عمل الخير والشوق للعتق من النار
وشهر
اجتماع العيلة على الفطور
والعيله الصغيرة بتجتمع عند الئرايبين وبيفطرواا عند بعض وبشفواا اهلهن وئرايبنهن وبحسوا بجوا العيلة والالفه والموده

طبعا عم بحكي عن رمضان يلي لازم يكون

بس للاسف هلئ معد في شي من ها الشي
بتحسواا انو شهر متل اي شهر تاني بس الزايد فيو النوم كل النهار والسهر للصبح عا المسلسلات او النت متل ما حكيتي
خصوصي انو اكتر الناس عندهن عطله واجازه
بالنسبه الي مافي شي جديد غير انو الئلب حزين على يلي عم بيصير بالبلد
وطبعا رمضان بالغربه ما الو لاطعمه ولا لون
عم يمضى متل ما كل شي عم يمضى
بتمنى بس ربي يفرجها عا بلدنا ونرجع نصييف ونئضي رمضان فيهاااا
شكرااا سوما موضوع سهرة حلووو

[محمد]

• [*=center]رأيو برمضان هآد ؟
  رمضان هاد رح يكون تاريخ بحد ذاتو ..
  لانو رح يرتسم شكل جديد لبلدنا وحياتنا
  
  
  [*=center]كيف كان رمضان لما كان صغير ؟
  كان بسيط وبكل شي ..
  كانت الروحانية اكتر ..
  ورمضان كان أجمل ..
  طبعا .. من النفوس اللي عم تتغير
  
  [*=center]كيف بيتمنى رمضان يكون ؟
  
  بتمنى ايكون متل راد ربنا ..
  انحقق منو اللي عم ينقصنا ببقية السنة ..
  اتصير النا بداية جديدة من خلالو ..
  حتى نئدر انوئف ع رجلينا من جديد ..
  
  [*=center]بيقضي وئتو برمضان وين ؟
  حاليا ..
  ومن 4 سنين لهلئ ..
  بقضيه بشغلي ..
  كاشيير رئيسي بصالة بيع العاب اطفال ..
  
  [*=center]شو الي اتغير برمضان وشو السبب ؟
  اتغيرت النفوس ..
  وبينت ع حئيئتها ..
  بعد ما اتعرضت لعوامل الحت والتعرية ...
  

[ياسمينة الشام]

رمضان كريم مش رمضان ملىء البطون

انا بفطر على شفت مويه ورطبه وبعدين صحن شوربه
واليوم افطار كان صحن كوسى بالبندوره وسلطه
والحلو كان صحن كراميل

وبس

تلفزوين مش بتفرج عليه

بجلس اقرأ كتب افوت نت

رمضان لما كنت صغيره كان غير شي
كانت الاسرة تجتمع كان بابا الله يرحمه يشجعنا على الصيام وحفظ القرآن
وعلى التصرف الحسن

زمان كان له لون وطعم غير

هلا بتحسي رمضان متشتت ناس بالغربه وناس مش مترابطين

ربنا يهدي الجميع

تسلم دياتك تسنيم على السهره المميزه

الله يرحم أبوكي ويجعل مثواه الجنة
و عئبال ما يصير عندك عيلة كبيرة وتجتمعو برمضان
بضل الغربة صعبة وخصوصي بهالشهر
نورتي الموضوع ئمر

[ياسمينة الشام]

ههههههه اي و ع شو تفرجتي بالاخير !!؟

رمضان هاد متلو متل اي رمضان , مش الشهر اللي عميتغير .. النفوس هي اللي بتتغير
تمنياتي بهالرمضان بس الامان هههههه مشان اصيع مزبوط بس
اما وئتي هو اما بالشغل او بالبيت , مافي اي نشاطات هههههههه

ما اتفرجت ع شي عيوني عم يحرئوني .. هههه
و أكيد النفوس عم تتغير والله يعم الأمان علينا كلياتنا حتى كل واحد يعمل الي براسو
يعطيك العافية أبو الميد والله يحميك
نورت

[ياسمينة الشام]

مساكن خير
وصيام مقبول وذنب مغفور ان شاء الله

رمضان شهر الخير والمحبة والتسامح وصله الرحم
شهر قراءه القران وختمتوا فيه
شهر عمل الخير والشوق للعتق من النار
وشهر
اجتماع العيلة على الفطور
والعيله الصغيرة بتجتمع عند الئرايبين وبيفطرواا عند بعض وبشفواا اهلهن وئرايبنهن وبحسوا بجوا العيلة والالفه والموده

طبعا عم بحكي عن رمضان يلي لازم يكون

بس للاسف هلئ معد في شي من ها الشي
بتحسواا انو شهر متل اي شهر تاني بس الزايد فيو النوم كل النهار والسهر للصبح عا المسلسلات او النت متل ما حكيتي
خصوصي انو اكتر الناس عندهن عطله واجازه
بالنسبه الي مافي شي جديد غير انو الئلب حزين على يلي عم بيصير بالبلد
وطبعا رمضان بالغربه ما الو لاطعمه ولا لون
عم يمضى متل ما كل شي عم يمضى
بتمنى بس ربي يفرجها عا بلدنا ونرجع نصييف ونئضي رمضان فيهاااا
شكرااا سوما موضوع سهرة حلووو

والله هالرمضان حتى بطلت حس بجوع أو عطش و حتى بطل شي اساسي آكل عند ىدان المغرب هههه
ئال ماما مو شرط يعني فوراً الأكل بس بنشرب مي وبعدين بالليل بناكل
وئت كان بابا بينا واخواتي التلاتة كنا نحس فيه و وئت نعمل عزايم والبيت يتعبى كمان
و أحلى شي وئت نقيم الليل بجامع زيد بن ثابت ونتسحر معجنات من عند البيادر هههه وصلاة التراويح بالجامع
ايه انشالله رمضان الجاية بكون أحسن
نورتي زهرة

[ياسمينة الشام]

• [*=center]رأيو برمضان هآد ؟
  رمضان هاد رح يكون تاريخ بحد ذاتو ..
  لانو رح يرتسم شكل جديد لبلدنا وحياتنا
  
  
  [*=center]كيف كان رمضان لما كان صغير ؟
  كان بسيط وبكل شي ..
  كانت الروحانية اكتر ..
  ورمضان كان أجمل ..
  طبعا .. من النفوس اللي عم تتغير
  
  [*=center]كيف بيتمنى رمضان يكون ؟
  
  بتمنى ايكون متل راد ربنا ..
  انحقق منو اللي عم ينقصنا ببقية السنة ..
  اتصير النا بداية جديدة من خلالو ..
  حتى نئدر انوئف ع رجلينا من جديد ..
  
  [*=center]بيقضي وئتو برمضان وين ؟
  حاليا ..
  ومن 4 سنين لهلئ ..
  بقضيه بشغلي ..
  كاشيير رئيسي بصالة بيع العاب اطفال ..
  
  [*=center]شو الي اتغير برمضان وشو السبب ؟
  اتغيرت النفوس ..
  وبينت ع حئيئتها ..
  بعد ما اتعرضت لعوامل الحت والتعرية ...
  

رمضان الماضي حكينا نفس الحكي
بس شكلا رح تاخد الئصة أكتر من رمضان حتى يتحسن الوضع للأسف
الله يهدينا كلنا شكراً عإجابتك محمد منور

[abdullah]

ممممم رمضان هاد ما ألو اي بهجة ولا هيئة رمضاان بنوب
ما في غير الضرب والقتل والدم والناس كلها نفسيتا زفت
كل سنة بيكون أحسن من هيك والو بهجة وأو طقوس حلوة بس هالسنة مدري ليش كأنو شهر متلو متل غيرو

وكنت بتمنا أنو لو يكون رمضان هاد خالي من المشاكل ويكونو الناس عايشين مرتاحين

ووئتي برمضان داخل ببعضو شي بالبيت شي برا البيت شي نايم الخ الخ الخ

[ياسمينة الشام]

ممممم رمضان هاد ما ألو اي بهجة ولا هيئة رمضاان بنوب
ما في غير الضرب والقتل والدم والناس كلها نفسيتا زفت
كل سنة بيكون أحسن من هيك والو بهجة وأو طقوس حلوة بس هالسنة مدري ليش كأنو شهر متلو متل غيرو

وكنت بتمنا أنو لو يكون رمضان هاد خالي من المشاكل ويكونو الناس عايشين مرتاحين

ووئتي برمضان داخل ببعضو شي بالبيت شي برا البيت شي نايم الخ الخ الخ

الله يعين احسن شي
بنضل احسن من العائلات يلي رح تضطر تعمل عزا برمضان ..
منور عبدلله

[ساحر الليل]

مسا الخير ..رمضان هالسنة اجا وفي اختلاف كبير باياد بشكل عام وبحياتي ككل ...اول رمضان بيمر عليي وانا برا سوريا وعايش لحالي ..المفروض ارجع من شغلي واطبخ واجلي واشطف واذا ما لحئت اطبخ بفطر بيض خخخ ..كنت تابع مسلسلات هلأ وبحكم الشي اللي بسوريا عم تابع اخبار ...عم حاول كون قريب فيه من رب العالمين بالعبادة اكتر من كل رمضان مضى عم تابع عمر بس ومو دائما احيانا بكون تعبان ما بشوفو ...يعني تقريبا يرغم كل شي هاد رمضان مبسوط فيه لاني عم اتعبد ربي اكتر من اي رنضان مضى والله يتقبل منا ومنكن

[youssef]

bounjour

[ياسمينة الشام]

مسا الخير ..رمضان هالسنة اجا وفي اختلاف كبير باياد بشكل عام وبحياتي ككل ...اول رمضان بيمر عليي وانا برا سوريا وعايش لحالي ..المفروض ارجع من شغلي واطبخ واجلي واشطف واذا ما لحئت اطبخ بفطر بيض خخخ ..كنت تابع مسلسلات هلأ وبحكم الشي اللي بسوريا عم تابع اخبار ...عم حاول كون قريب فيه من رب العالمين بالعبادة اكتر من كل رمضان مضى عم تابع عمر بس ومو دائما احيانا بكون تعبان ما بشوفو ...يعني تقريبا يرغم كل شي هاد رمضان مبسوط فيه لاني عم اتعبد ربي اكتر من اي رنضان مضى والله يتقبل منا ومنكن

مسا النور اهلين اياد
الحمدلله انو الله عم يئربك ئلو
وانشالله رمضان الجاية بتكون بين أهلك
و أنو نئيت اسوأ مسلسل !! كلو تشويه بتشويه
منووور

[ياسمينة الشام]

bounjour

صباح النور خيّو منور هههه