برنامج ساعة الا خمس .. مع السندريللا

[Rose eyes]

برنامج ساعة الا خمس .. مع السندريللا






اعزائي الكرام شباب وصبايا الروز




بقدم ليكم برنامج مع استضافة عضو / عضوه

وحتكون ضيفتنا اليوم

شخصية مميزه محبه

تكتب بأنامل من ذهب لتخرج روائع جميله



معكم


السندريللا





اهلا وسهلا بكِ معنا في برنامجنا


بدنا نسالك كم سؤال


نبدا :-


1- احكي عن تجربتك اول مره صيام برمضان كنتي بسن كم ؟


2- احكي عن موقف مضحك حصلك؟


3- احكي عن ذكرياتك برمضان ؟


4- هل بتساعدي الماما بتجهيز الافطار ولا بتحبي تحضري على الفطور على طول ؟


5- كيف تكون نفسيتك بنهار رمضان ؟


6- شو بتحبي تعملي برمضان بالنهار والليل ؟


7- هل بتايدي سهرات وخيام الطرب بليالي رمضان ؟


8- شو كان افطارك اليوم وشو حيكون سحورك ؟


9- شو الاكله اللي بتحبيها وخاصة برمضان ؟


10- لما بتكونب صايمه شو الشي اللي بيجي على بالك وتشتهيه بقوه ؟

11- شو الشي اللي بتلاحظيه بنهار رمضان وبيكون غلط من الناس وحابه تنوهي عنه؟

12- شو بتنصحي الصبايا والشباب ياكلو على السحور ؟

13- شو الامنيه اللي نفسك تتحقق ؟

نرجو يكونو اسالتنا خفيفه

ومنتظرين اجابتك

[السندريللا]

صباحكم رمضانيّ بلون الجنة
يمسّ ارواحكم ببياضٍ يعانق الغفران
[ ...منذ ساعاتٍ قلائل من النبض أضحى الكون اكتمال
وصارت الأمسيات أمتع في صرحٍ ترفرف في حدائقه فراشات العطاء
وتغرّد في سماءاته طيور المحبة ..!
وعلى حين غرّة لامس صندوقي دعوةً من اكف البياض
انسكبت كقطرة ندى من عنقود نور روز ايز لأكون اول المدعويين بأسئلةٍ
تحمل ذكريات نزمّ الشفاه لها [ شوقاً ]حول اعناقها
ونحني الرؤوس من خجل الإفصاح عنها
تضحكنا تارةً ...
وتدغدغ مشاعرنا فرحاً وحسرةً على انقضائها تارةً اخرى
فإليكِ يا شقيقة الزيزفون اجاباتي تحملها الملائكة على جناحٍ زاجل
لتستقرّ بين صفحات البياض ..!


1-بذكر اول مرة صمت فيها كان عمري 6 سنين طبعاً مش صيام صيام انما للضهر بس
وكان فيني اشرب مي [كان عندي واسطة ]وهيك شوي شوي صار ينسمحلي صوم اكتر
بس الصيام الفعلي كان من عمر 13 سنة .
2- الموقف المضحك انو لما كان عمري 11 سنة كنا لسة عايشين بلبنان وكان شوب كتير
وكان النهار طويل ما يخلص ...فكنت آخد كباية مي وروح تحت الشرشف قال اتخبا عن الله
(استغفر الله /يعني ببالي انو ما رح يشوفني ) اشرب ومسح تمّي منيح وكمّل الصيام .
3- ذكرياتي قليلة بشهر رمضان لأن هون ما في جو لهالشهر يعني ما منشعر فيه
والكل حولنا ما بيمارس نفس طقوسنا ...المسلمين جداً قلائل بالمنطقة يلي انا فيها
فما الو نكهة ابداً ..!
4- هههههه احرجتيني بهالسؤال ...بالعادة انا بس بقوم بتجهيز الطاولة وترتيبها
بساعدها بالمطبخ لما يكون عنا ضيوف .
5- يعني بشهر الرحمة والتساامح ونحنا ضيوف الرحمن سبحان الله بتكون الروح خفيفة
ودايما النفس بتتجه بدون شعور للعبادة والتضرع والابتهال .[ وبتخف الخناءات بالبيت بيصير في هدنة ]
6- ما في شي معين الا انو بحب اسمع اكتر اناشيد من وحي الشهر الفضيل وبطالع شوي
مواضيع دينية وبقرأ قرآن اكتر وبنام كتير .

7- بالعادة انا ما بحب الاماكن الصاخبة وخيام الطرب انا ولا مرة شايفتها (ما في عنا منها هون )
بس ما بظن بتعنيني .
8- افطارنا كان النشيد الرمضاني (فتوش وشوربا )+ مقلوبة +سلمون بالفرن مع الكوبارا ،
ما بوعى عالسحور .
9- ما في شي محدّد بصراحة بس لازم الفتوش يكون موجود .
10 - ممممم بس بحب الشغلات يلي موجودة بلبنان ومش موجودة هون خاصة
المشبك وراس العبد والشيبس يلي على نكهة الفستق (بحبن كتير ) .
11- المفطرين بياكلوا وبيشربوا ادام الصائمين وما بيحترموهم ..
12- نصيحتي هي الاكثار من شرب العصير والسوائل .
`13- امنيتي كون رمضان 2013 بلبنان اقضيه هونيك .


عزيزتي : لدعوتكِ احبار من ذهب يهتز لها قلب النسرين اهلاً بكِ وبأسألتكِ
فالأبواب لمن هم في مزاياكِ لا يمكن ان تُردّ او تؤصد
تحية بعرض السماء لروحكِ غاليتي .

[Rose eyes]

كم انتي رائعه يا نسرين

كم احب ان اقرا ما تسطره اناملك الذهبيه

فان لكي اسلوب مميز يشد القارىء من اول حرف لاخر حرف تكتبيه

كم اشعر بحسك المرهف وشفافية ما تكتبيه وروح رائعه

فجعلتي من اسئلتي موضوعا جميلا ذات لمسة موسيقية

وتغنيتي باجوبتكي لي بطريقة خاصة بالنسرين

فاهلا بكي في

برنامجي ساعة الا خمس




ممن لا يعرف السندريللا

اتيت لاكتب المزيد عنها صاحبة الانامل الذهبية

لها من الكتابات الرائعه تستحق القراءة

فتفضلو معنا هنا


نسرينة ألم × × × وتباشير أمل /~



...[[ سندريللا ...تعزف على اوتار النبض ... [ نقاء ...!~



هذه من بعض ما سطرته السندريللا

ونأتي بنهاية برنامجنا

لنستقبل اتصالاتكم

[الراوي]

الموضوع جدا رائع
والاروع هو اختيار السندريلا
نسرين
ما بعرف اذا بينفع نتواصل بالتساؤلات

؟

[Rose eyes]

الموضوع جدا رائع
والاروع هو اختيار السندريلا
نسرين
ما بعرف اذا بينفع نتواصل بالتساؤلات

؟

ممكن تتواصل وتسال سؤال واحد بحيث يكون بنفس محوى البرنامج يعني عن رمضان

واهلا وسهلا بك

[Rabya]

أكتب على سبورة إشتياقي

ملامح الحبر وتوهان االنبض

ودمي المستباح يعانق الأسوار

في طقوس ملتهبة بالنرجسية

سندريللا

من أول طقوس ربيعك
أبصم على نبض حرفك سري االدائم
دمتي غاليتي بكل ود

[الراوي]

ممكن تتواصل وتسال سؤال واحد بحيث يكون بنفس محوى البرنامج يعني عن رمضان

واهلا وسهلا بك

طيب لو سؤالين بدفع ضرايب؟
هههههههههههههههههه


اوكي راح التزم عشان بس الجو الرمضاني هههه


نسرين ..

لو استشعرتي ليلة القدر وانتي لحظة ذكر لله .. أيه هتطلبي من الله (( دعوة العمر مثل ما بيقولو))؟

[الراوي]

السندريلا ..

تفتكري شئ حلو ربنا اهداه ليكي برمضان.. وشئ تاني فقدتيه برمضان؟

هل في شخص بس يجي رمضان تفتكري ليه شئ حلوه وتفتقديه بهذا الشهر الكريم؟

[الراوي]

بتسمعي عن فانوس رمضان والمسحراتي؟ كان عندك فانوس قبل كدا؟
ما كان في طقوس مثل هذه خاصة ببيروت؟

[الراوي]

دا فانوس مني هدية لروحك




بس اوعي تنزلي بيه الشارع ههههههه

[ساحر الليل]

ما عاد خطر عبالي ولا سؤال مخي سكر عالصيام بس البرنامج حلو كتير واجابات نسرين عجبوني وجوعوني خخخخ تحياتي

[السندريللا]

طيب لو سؤالين بدفع ضرايب؟
هههههههههههههههههه


اوكي راح التزم عشان بس الجو الرمضاني هههه


نسرين ..

لو استشعرتي ليلة القدر وانتي لحظة ذكر لله .. أيه هتطلبي من الله (( دعوة العمر مثل ما بيقولو))؟

اللهم اعنا على طاعتك واحياء ليالي القدر المباركة
ودعائي الدائم انو ربي يشفي كل المرضى ويخفف آلآمهم ويخليلي اهلي واخواتي .

[السندريللا]

السندريلا ..

تفتكري شئ حلو ربنا اهداه ليكي برمضان.. وشئ تاني فقدتيه برمضان؟

هل في شخص بس يجي رمضان تفتكري ليه شئ حلوه وتفتقديه بهذا الشهر الكريم؟

فضائل ربي لا تعدّ ولا تحصى .... وشهر رمضان بيبعث الطمأنينة والسكينة بنفسي بشعر بتغيير جذري داخلي
وبعتبر هالشي اعظم هدية من رب كريم .
اما الشي يلي بفقدو بهالشهر ...بلادي ..ولياليها وايامها وعاداتها واهلها وناسها .
طبعاً حياة الانسان فيها محطات كتيرة ...وفيه شخص كان تقريباً من البيت و3 سنين قضى شهر رمضان معنا
بفتقدلو دايما وبفتقد للسهرات والضحكات وبفتقد لما كنا انا واختو نقرأ الادعية ونتسابق مين يختم القرآن قبل .

[السندريللا]

بتسمعي عن فانوس رمضان والمسحراتي؟ كان عندك فانوس قبل كدا؟
ما كان في طقوس مثل هذه خاصة ببيروت؟

ومين منا ما بيعرف فانوس رمضان وهو رمز للشهر الفضيل ، ويلي كانت كل الشوارع تتزين بالفوانيس والزينة .
بس انا ما كان عندي فانوس وما بوعى انو كان فيه مسحراتي يمشي بالشارع عالاقل بالمنطقة يلي كنت ساكنة فيها .

[السندريللا]

دا فانوس مني هدية لروحك




بس اوعي تنزلي بيه الشارع ههههههه

ميرسي عالهدية ..بس ليه عم تحذرني من اني انزل فيه عالشارع ؟
حاسة انك سارقو من شي محل ورح تنكشف اذا انا نزلت بيه ..!
هههههه