طريقة اضافة مقطع فلاش للموضوع

[r_mido]

سعيدة



شرح طريقة إضافة مقطع فلاش للردود والمواضيع بالصور ..

بداية منحتاج لبرنامج تحويل الأغاني لفلاش ... شخصياً عم استخدم برنامج اسمو MP3 to SWF Converter

لتحميل برنامج MP3 to SWF Converter هـنــــا

أول شي منفتح البرنامج ومنجيب الغنية اللي بدنا نحطا , منشحطا ومنرميها بالبرنامج هاكزا :



ثم بتضغطو على أيقونة convert all وبتتركو البائي للبرنامج اللي رح يحولا لحالو على الشكل التالي :~



بعد ما يخلص التحميل رح يعطيكم أيقونة الفلاش "حفظوها منيح لانو رح تلزمكم " :~



هيك بكون صار عنا ملف الغنية الفلاشي وما ضل علينا غير نرفعو ونلزئو بالرد .... ايواااا سألوني كيف ؟

سألتوني !!؟

O.K



منروح منلائيلنا شي موقع رفع ملفات فلاشية .... ما بتعرفو !!؟
ولا يهمكم , اللي ما بيعرف يفوت ع هالموقع :

مركز تحميل ملفات فلاش هنا

هلأ بتحطو الملف الفلاشي وبترفعو متل الصورة تماماً , سهلة ما حدا يئلي غير هيك



بعد ما تتم عملية الرفع رح تظهرلكم هالصفحة اللي فيها رابطين ..
الاول مالكم مصلحة فيو , بتروحي عند التاني اللي هو " الرابط المباشر " وبتخلعو نسخ



هلأ بتجو ركض ع الرد , في بصندوق الرد أيقونة بيضا ما مبينة (إدراج كود[swf]) " ماتواخزونا في مشكلة بالصور " بس تنحل المشكلة عادة بكون شكل الأيقونة نفس ايقونة الفلاش



بعد ما تضغطو عليها رح تظهرلكم نافذة بتنسخو فيها الرابط الفلاشي المباشر




وهيك مبروك علي وعليكم بس تضيفو الموضوع رح يصير الموضوع يغني لحالو

ودمتم

[gaya]

رائع _ جميل _ سلمت يدااااااك _ طرح بشللللللل _ يالله منين هاد وااااااو _ أنا من كوكب تاني وأول مرة بشوف هيك


يسلمو ميدو

[السندريللا]

ميرسي كتير احمد الله لا يحرمنا منك
والله شرح جداً مفصّل ومفهوم وواضح ، وعدا عن هيك ممتع للقراءة مع الموسيقى .

[r_mido]

رائع _ جميل _ سلمت يدااااااك _ طرح بشللللللل _ يالله منين هاد وااااااو _ أنا من كوكب تاني وأول مرة بشوف هيك


يسلمو ميدو

انتبهي لتنشلي حجة مريخية

ميرسي كتير احمد الله لا يحرمنا منك
والله شرح جداً مفصّل ومفهوم وواضح ، وعدا عن هيك ممتع للقراءة مع الموسيقى .

اهم شي تستمتعي وانتي عم تئري , ع اساس كاتبلك خاطرة انا ههههههه
بدنا خدمة تحرز حجة , بتؤمري

[السندريللا]

ليش الموسيقى بس للي عم يقرأ خواطر ؟
طيب انت شوف الميكانيكي اذا كان عم يصلح شي سيارة اديه رح يتقن عملو اذا كان مشغّل موسيقى كلاسيكية ..

[gaya]

انتبهي لتنشلي حجة مريخية

أنا حبيت المعلومة بس عم جرب حبا بطريئة العالم و إزا بدك لسى في كلمات و إزبهلالات ههههه

جد يسلمو لأن أنا بدور كتير بمواقع كرمال آخد معلومة من هاد النوع إزا ما كان حدا موجود يعلمني عليها
ف بتمنى عليك كتير منن.

[gaya]

ليش الموسيقى بس للي عم يقرأ خواطر ؟
طيب انت شوف الميكانيكي اذا كان عم يصلح شي سيارة اديه رح يتقن عملو اذا كان مشغّل موسيقى كلاسيكية ..

بالأول بس يتعلمو بالمول يحطو موسيقا تشجع على الشراء . بس ما بيعملوها لأن ما حدا سمعان بعلم نفس المستهلك أصلاً.

فما إنو بالمولات واردة أكتر وما صارت لذلك لا تحلمي فيها عند اللحاو والميكانيكي .

سندريلا حبيبتي أوعك تجي على هالبلاد خطيتك برئبتنا ازا ما نصحناكي

[r_mido]

ليش الموسيقى بس للي عم يقرأ خواطر ؟
طيب انت شوف الميكانيكي اذا كان عم يصلح شي سيارة اديه رح يتقن عملو اذا كان مشغّل موسيقى كلاسيكية ..

اي ولايهمك حجة "اتقان عملكم يهمنا " ههههههه

أنا حبيت المعلومة بس عم جرب حبا بطريئة العالم و إزا بدك لسى في كلمات و إزبهلالات ههههه

جد يسلمو لأن أنا بدور كتير بمواقع كرمال آخد معلومة من هاد النوع إزا ما كان حدا موجود يعلمني عليها
ف بتمنى عليك كتير منن.

ههههه ماعلقت ع كلامك انا بس رح رد عليه بشوربتك ههههه
بالنسبة لنوعية المواضيع هي مع الاسف كان ارشيفنا كبير فيها وراح , والعتب ع الكسل ههههه الله يعطيني وئت وارجع نزل كل ما هو ضروري نتياً وبرامجياً هههههه

[♪♪زهرة اللوتس♪♪]

صباحووووو
من زمان عم اسئل عن هي الطريئهوانت تشلغني لبعدين
الف حمد وشكر لربنا اني شفت هاليوم ئبل ما موت وماضلت حسرة بئلبي
عاكل الف شكر لسا بدنا نعرف شلون منعمل خلفيه ملونه للموضوع

[♪♪زهرة اللوتس♪♪]

عملت كل الخطوات وطلعلي الرابط بالموقع واسمعت الغنيه اجيت لحطها مشاركه واضافه بمدونتي بس طلع فاااضي

[ياسمينة الشام]

يسلمو على الطريقة أبو الميد
إلا ما استخدمها بس افهم يلي كتبتو ههههههه

[Randah]

لاك تسلملي يا أبو الميـــد ,,, شرح رائع
و أنا على ئولة بعض ناس متل الدبة فتحت كذا صفحة و ما كنت أعرف منين عم بسمع هالموسيقا الرايئة
أخ منك أخ يا ملعـــون

[r_mido]

زهرة ما بعرف شو مشكلتك , بس يعني مشيت معك خطوة بخطة بالموضوع فشو الوضع عندك لا ادري

منورين جميعاً

[♪♪زهرة اللوتس♪♪]

زهرة ما بعرف شو مشكلتك , بس يعني مشيت معك خطوة بخطة بالموضوع فشو الوضع عندك لا ادري

منورين جميعاً

بتوقع المشكله من جهازي مو من شرحك اكيد لانو عملت كل الخطوات
شكرااا كتير

[r_mido]

و أنا على ئولة بعض ناس متل الدبة

مين هالناس هدول !!