دِيوانْ وَمضْ " بدَرْ بِنْ عبدَالمَحسِنْ "

[♪♪زهرة اللوتس♪♪]

ثقلت خطاي

ثـقلت خـطاي وكـن الايـام فوقي
صـخر الجبال وتحتي الريح والعج

لا والله الا صـار مـا ارجيه عوقي
غـير الـذي عـن طلبته ما تحرج

يـا الله يـا مضوي السما بالبروقي
ويـا مـخرج وبل السحابه من اللج

تـمطرني بـرحمتك وتـفك عوقي
وتجعل لي من الضيقات والهم مخرج

أنـا مـثل حـر تـخاطف سبوقي
يـد الـعمر والياس والحظ الاعرج

كـم غـارة صـاليت وافـتك نوقي
وكـم طعنه عانيت من غير ما احتج

ويـاما رفـيت مـن الـليالي فتوقي
ويـاما عطيت وللعطا كنت الاحوج

مـرحوم يـا من شيمته في عروقي
دم وفــي فـكري سـجاياه مـنهج

مـشيت دربـك لـين وقف خفوقي
مـن الـتعب مبعدك يا الفجر الابلج

[♪♪زهرة اللوتس♪♪]

غلال حنطه

لعيونك أملا صوتي غلال حنطه ..
وأظهر لكل الناس مكسور الاغلال

أطعم طيور الحزن نورٍ وغبطه ..
وأقول كل الصبح لأهدابك ظلال

ياللي بقلبي صعب حله وربطه ..
وياللي بعيني نهر جمرٍ وشلال

قال الهوى يا فرحة العمر شرطة ..
بنتٍ تصير عيونها قلب رجال

يا هيه احبك كل الاشعار سمطه ..
والله مدري كيف هالحسن ينقال

خذيت من رمل المجرات غمطه ..
لاقدامك أمشي فوق نجمات وهلال

ما نيب اعرفك كان الاحلام غلطة
وبالحيل اعرفك لو تحبين الاطفال