·!¦[· الـسّـعَـآدِة لَـيـسَـت ~ بِـالـمَـآل ·]¦!·

[ياسمينة الشام]

يسعد أوئــآتكن ~~


كتير سمعنآها من نحنا و صغاار
و يمكن حتى أخدناها بدرس القراءة
أنو الفقير بكون ع طول رضيان و مبسووووط و حالتو آآآآخر روااااء
و عم يضحك و يلعب بالحقول الخضرآء
و الغني بكون قاعد بقصر فخم و عم بصرخ بوش الخدم و ما في شي عاجبو
و لا شي عم برجع البسمة لوشو
و بتكون الحكمة بسطر صغير بالنهآية أنو المآل ما بجيب السعآدة !!

طيب ماشي هالحكي لما كنا صغار .. وفينا نقول انضحك على عقلنا فيه و سدئنا
بس هلأ .. بعد ما كبرنا و عشنا بهالحياة و اندعكنا شوي
لسآتكن مآمنين بالموضوع ؟ و لآ تغيرت نظرتكن ؟
و لآ فهمتو شي أنآ ما فهمتو ؟؟



نآطرة ردودكن بفآرغ الصبر .. أوعو تسدئو هههه
__________________________
تسنيم العثل

[Chris]

يلي بيئول انو المال مو كلشي بالحياة يتفضل يعطيني امثلة

اذا تزوجت شو بدك تلبس حبيبتك خاتم من الحب مرصع بالعشق؟
اذا جعتوا شو بدكن تاكلو ؟؟ مفركة مشاعر مع سلطة آمال كبرى ؟
اذا كانت بدها تروح على مناسبة شو بدها تلبس؟؟؟ تطلعاتك المستقبلية ؟؟؟

وين بدك تسكن ؟؟؟ ببيت من شي قصيدة من شعرك ؟؟؟ ولا بقصر احلامك يلي بتكتبو بشي مدونة؟؟

المادة اساسية جدا لتكون الحياة كريمة ومستمرة
المادة مو شي وبنفس الوئت كلشي
قيمتها هية يلي بتحدد كتير محاور اساسية بالحياة وبنفس الوئت ما لازم تاثر على شعور الانسان واحساسه واتخاذ القرار بس مع هيك الها دور كتير كبير وتاثير اكبر

بس كون المادة مهمة مو يعني يكرس حياته للمادة وينسى يلي حوليه
وكونها مو مهمة مو يعد بالبيت ويلبس كيس خيش ويئلك انا الله واعدني بالاخرة ... يا حبيبي ليش مافيك تكون من اهل الدنية والاخرة سوا

وبهاد الزمن مافي حدى مرتاح كلو متبهدل , بس كون متبهدل ومعي مصاري احسن بكتير من اني كون متبهدل وفوئها عم اشحد

شكرا للموضوع يا آنستي

[تَـرَفْ ~]

يبقى المال مجرد وسيلة لتحقيق السعادة
لكن لن ينال السعادة قلب شقي مهما حصل
يجدر بنا التعلق بالمال باتزان ليس إلا , فلا نلهث خلفه و لا نزدريه خلفنا

أشكرك لما قدمتي

[♪♪زهرة اللوتس♪♪]

والله وبعد التجارب والحياه
تبين انو المال اساسي كتير بالحياه ونمبر وون كمان
يعني معك فرنك بتسوا فرنك ما معك الله يكون معك ويعينك
وهاد موضوع السعاده والقناعه وعلى ئد لحافك مد رجليك
معد يزبط معناا وغنيه الشحرورة صبوحه عا البساطه البساطه غلصت موضتها
شكراااا سوما عا الموضوع الحلو

[r_mido]

بداية :- اللي بئول انو ما بتهمو المصاري كزاب
المصاري كل شي بهالدنيا وبدون المصاري مافيكي تحركي رجل عن رجل
والفقير ملعون ابو اهلو

وبهاد الزمن مافي حدى مرتاح كلو متبهدل , بس كون متبهدل ومعي مصاري احسن بكتير من اني كون متبهدل وفوئها عم اشحد

هي الجملة بتلخص كتير ...




آه نسيت شغلة .... نسيت اتغزل بموضوعك الدهب هههههه يسلمووو حجة

[ياسمينة الشام]

يلي بيئول انو المال مو كلشي بالحياة يتفضل يعطيني امثلة

اذا تزوجت شو بدك تلبس حبيبتك خاتم من الحب مرصع بالعشق؟
اذا جعتوا شو بدكن تاكلو ؟؟ مفركة مشاعر مع سلطة آمال كبرى ؟
اذا كانت بدها تروح على مناسبة شو بدها تلبس؟؟؟ تطلعاتك المستقبلية ؟؟؟

وين بدك تسكن ؟؟؟ ببيت من شي قصيدة من شعرك ؟؟؟ ولا بقصر احلامك يلي بتكتبو بشي مدونة؟؟

المادة اساسية جدا لتكون الحياة كريمة ومستمرة
المادة مو شي وبنفس الوئت كلشي
قيمتها هية يلي بتحدد كتير محاور اساسية بالحياة وبنفس الوئت ما لازم تاثر على شعور الانسان واحساسه واتخاذ القرار بس مع هيك الها دور كتير كبير وتاثير اكبر

بس كون المادة مهمة مو يعني يكرس حياته للمادة وينسى يلي حوليه
وكونها مو مهمة مو يعد بالبيت ويلبس كيس خيش ويئلك انا الله واعدني بالاخرة ... يا حبيبي ليش مافيك تكون من اهل الدنية والاخرة سوا

وبهاد الزمن مافي حدى مرتاح كلو متبهدل , بس كون متبهدل ومعي مصاري احسن بكتير من اني كون متبهدل وفوئها عم اشحد

شكرا للموضوع يا آنستي

شكراً لردك و مشاركتنا رأيك
حلو يكون الواحد من أهل الدنيا و الآخرة سوا
و ما حدا بيقدر يزهد بالدنيا الا المتصوفين زيادة
نورتني

[ياسمينة الشام]

يبقى المال مجرد وسيلة لتحقيق السعادة
لكن لن ينال السعادة قلب شقي مهما حصل
يجدر بنا التعلق بالمال باتزان ليس إلا , فلا نلهث خلفه و لا نزدريه خلفنا

أشكرك لما قدمتي

شكراً لردك ووجودك معنا ترفْ ~
نورتيني برأيك

[ياسمينة الشام]

والله وبعد التجارب والحياه
تبين انو المال اساسي كتير بالحياه ونمبر وون كمان
يعني معك فرنك بتسوا فرنك ما معك الله يكون معك ويعينك
وهاد موضوع السعاده والقناعه وعلى ئد لحافك مد رجليك
معد يزبط معناا وغنيه الشحرورة صبوحه عا البساطه البساطه غلصت موضتها
شكراااا سوما عا الموضوع الحلو

أيه الله بعين زهرة
و انشالله كلنا نكون بنسوا ملايين
نورتيني برأيك

[ياسمينة الشام]

بداية :- اللي بئول انو ما بتهمو المصاري كزاب
المصاري كل شي بهالدنيا وبدون المصاري مافيكي تحركي رجل عن رجل
والفقير ملعون ابو اهلو



هي الجملة بتلخص كتير ...




آه نسيت شغلة .... نسيت اتغزل بموضوعك الدهب هههههه يسلمووو حجة

ههههه الله يعينا كلنا و يحمل معنا ويرزقنا أبو الميد
و وين قصائد الغزل بالموضوع ؟؟ ههههه
نورتني أحمد شآي

[gaya]

وصل الجواب بكل الردود بس حابة ضيف إنو :

في سعي حثيث من قبل المستفيدين مشان تصير الناس مستهلكة بصورة مرعبة

الهدف إنك تصير مستهلك وفقط و ما حدا بدو ياك تنتج مشان تعتمد أكتر عليهن

ومشان يستغلوك أكتر ويستفيدو طبعاً أكتر.

و طبعاً الوطن العربي المستهلك الأكبر كونو ما بيصنّع شي .

وعليه نحنا طبعاً المصاري كل حياتنا

لأننا ما منعمل شي كلو منشتري ومنستوردو مع انو المادة الخام عنا أو من عنا

وفكرة إنو الفقير رضيان والغني مدري شبو فهي وحدة من إبر المخدر يلي بيتعاطوها الناس

تا ما يحسو بكم الألم . وسيلة لا بأس بها وفيها شي من الذكاء العاطفي.

[ياسمينة الشام]

وصل الجواب بكل الردود بس حابة ضيف إنو :

في سعي حثيث من قبل المستفيدين مشان تصير الناس مستهلكة بصورة مرعبة

الهدف إنك تصير مستهلك وفقط و ما حدا بدو ياك تنتج مشان تعتمد أكتر عليهن

ومشان يستغلوك أكتر ويستفيدو طبعاً أكتر.

و طبعاً الوطن العربي المستهلك الأكبر كونو ما بيصنّع شي .

وعليه نحنا طبعاً المصاري كل حياتنا

لأننا ما منعمل شي كلو منشتري ومنستوردو مع انو المادة الخام عنا أو من عنا

وفكرة إنو الفقير رضيان والغني مدري شبو فهي وحدة من إبر المخدر يلي بيتعاطوها الناس

تا ما يحسو بكم الألم . وسيلة لا بأس بها وفيها شي من الذكاء العاطفي.

حبيت وجهة نظرك ياسو
نورتي الموضوع و أغنيتيني

[السندريللا]

مساءكم جنة ...!
طبعاً كل يلي سبقوني بالرد حكيوا زبدة الموضوع
الا وهي : (( المال وسيلة للعيش بكرامة ))
ولكن انا بضيف انو ليس السبب بسعادة الانسان
فكم من عائلة ثرية ما بتعرف تستغل ثرواتها لشيء مفيد يسعدها
كتيرين بتلاقيهن بيعيشوا حياة الفقراء لحتى ما حدا يطمع فيهم
وكذلك الامر بالمقابل : فيه الفقير يلي رضيان بقسمتو وبتلاقيه بيصرف يلي بطلعو بيوميتو
وفي من هالمثل كتير هون بالبلد يلي بعيش فيها
يعني بتلاقي هالموظف الصغير يلي انا ساعات بحتار انو كيف هالراتب مكفيه
بتلاقيه كل ويك آند بمكان وبآخر السنة لازم وواجب يقضي الصيف مع عيالو عالبحر .
هيدولي نموذجين من واقع عم عايش شخصياً والامثلة كثيرة .
اخيراً : بضم صوتي لصوتكم اهمية المال بحياتنا لاجل توفير متطلباتنا وحاجاتنا الضرورية من طبابة ومأكل وملبس
ولكني وحدة من الناس يلي بتمنى كتير لواني من عيلة فقيرة بظروف مختلفة عن يلي عم نعاني منو
وكان عندي شي بفتقدو بشدة وبيتمتع فيه معظم البشر ،
لانو بالنسبة الي اهم من كنوز الارض ... بس صعب الحصول عليه الا بمعجزة .
(( القناعة كنز لا يفنى ))
ما حدا راضي ... الانسان هيك على طول بيبئا مفكر انو نائصو الشي يلي عند غيرو .
الفقير بدو مال الغني ، والغني بدو سعادة وبساطة وصحة الفقير ..

تمنياتي للجميع غنىً لا ينتهي ولا يزول بالاضافة للغنى المادي
غنى العقل والمعرفة والاخلاق .

[ياسمينة الشام]

مساءكم جنة ...!
طبعاً كل يلي سبقوني بالرد حكيوا زبدة الموضوع
الا وهي : (( المال وسيلة للعيش بكرامة ))
ولكن انا بضيف انو ليس السبب بسعادة الانسان
فكم من عائلة ثرية ما بتعرف تستغل ثرواتها لشيء مفيد يسعدها
كتيرين بتلاقيهن بيعيشوا حياة الفقراء لحتى ما حدا يطمع فيهم
وكذلك الامر بالمقابل : فيه الفقير يلي رضيان بقسمتو وبتلاقيه بيصرف يلي بطلعو بيوميتو
وفي من هالمثل كتير هون بالبلد يلي بعيش فيها
يعني بتلاقي هالموظف الصغير يلي انا ساعات بحتار انو كيف هالراتب مكفيه
بتلاقيه كل ويك آند بمكان وبآخر السنة لازم وواجب يقضي الصيف مع عيالو عالبحر .
هيدولي نموذجين من واقع عم عايش شخصياً والامثلة كثيرة .
اخيراً : بضم صوتي لصوتكم اهمية المال بحياتنا لاجل توفير متطلباتنا وحاجاتنا الضرورية من طبابة ومأكل وملبس
ولكني وحدة من الناس يلي بتمنى كتير لواني من عيلة فقيرة بظروف مختلفة عن يلي عم نعاني منو
وكان عندي شي بفتقدو بشدة وبيتمتع فيه معظم البشر ،
لانو بالنسبة الي اهم من كنوز الارض ... بس صعب الحصول عليه الا بمعجزة .
(( القناعة كنز لا يفنى ))
ما حدا راضي ... الانسان هيك على طول بيبئا مفكر انو نائصو الشي يلي عند غيرو .
الفقير بدو مال الغني ، والغني بدو سعادة وبساطة وصحة الفقير ..

تمنياتي للجميع غنىً لا ينتهي ولا يزول بالاضافة للغنى المادي
غنى العقل والمعرفة والاخلاق .

بحب قول شغلة على قولة زياد الرحباني ,, كأنو المصاري ئشطت لحالا ع هيدا نتفة وهيدا كتير
يعني مافي شي من تعب الغني غالباً كلو هيك الله قاسملو حياتو تكون
بس في شغلة ,, إني كون تعيس ومتسطح على شاطئ بميامي أحسن من إني كون تعيس وقاعد ع الرصيف هههههه
بصراحة هالحكي أنا عايشتو من تجربة خاصة ,, أنو كنا زمان ما ناكل هم المصاري بنووب و هل بغياب بابا صرنا نحس بقيمتا و اديه كان يتعب ليحصل عليها
و يمكن لنها نعمة ما تقدرت ف راحت ,,

نورتيني أم السوس و الله يرزقنا كلنا القناعة بالنصيب