دبابيس

[r_mido]

سـعـيـدة



دبابيس
هي مجرد تخاريف وهزيان .. منطل فيها عبر منتديات زهرة سوريا اللي دايماً بشكل ممر لهمومنا وواقعنا .
الهزيان تبعنا هو هزيان متعقل , وتخاريفنا واقعية جداً
لهيك رح نحاول ننزع دبابيسنا المغروسة بروحنا , بلكي لعلّ وعسى يجي يوم ونفيئ فيو
رح نبدى بواقعنا الإجتماعي الرائع , مع الروابط الانسانية اللي بتربطنا ببعض بمنتهى السدء والشفافية
أو يمكن بكرامتنا العربية , وحنان ماما امريكا علينا نحنا حبابا واطفالا العرب
لا لا

شو هالتخريف اللي بحكي عنو
نحنا بخير وواقعنا الاجتماعي بألف نعمة وكلنا منحب بعض
ومنتمتع بسيادة تامة وما حدا فيو يفتح تمو ئدامنا
فالأمور والحمدلله تمام والأمن مستتب

خلونا معناها نحكي عن الوضع الإقتصادي الرائع اللي عايشينو
مافي غلاء
مافي تضخم
ولا بطالة
ولا عجز
يمكن هي الفترة الدهبية لإقتصادنا
تطور , تقدم ... رح نوصل للزروة
هازا يؤدي انو لازم نضيف الوضع الاقتصادي المميز لواقعنا الرائع .

مو كأنو نحنا عم نظلم واقعنا !!

شكلي بلشت أهلوس وأخرّف بأشيا مالها أي علاقة بواقعنا العزيز
معي شحنة دبابيس راجعلكم فيها
بس أفيئ من نوبة الهلوسة اللي أنا فيها هلأ

يـ تـ بـ ع

[Roxan]

ولهزا وبما أنو بدأت أنت بالكلام عن دبابيسنا..فـ بئلك الله يئويك بهالمهمة..
وإذا لزمك معي طرحية دبابيس احتياط شلتا معي من يوم النزوح خخخ..بئدر استغنيلك عنا ..
عدا عن زالك..فإن وضعي الاقتصادي والسياسي والاجتماعي عال العال منز تاريخ نزوحي المثمر والعظيم..
هلوس وهلوسنا معك..بلكي منفيئ ع شي..

[محمد]

ههههه ...

متابعين معك حجي ..

سر ونحن من ورائك ..

[♪♪زهرة اللوتس♪♪]

ههههه اي والله كلو تمام وعال العال
من كل النواحي والشغله مابدها دبابيس ولا شي ليه التشائم؟؟؟؟؟؟

لك بدها بسااااااااامير مش دبابيس خليها لرب العالمين
بلا ما نهزي نحنا كمان بيكفي يلي ابتدوااا فوء
متابعين معكن حجي ....بس سمحلنا ببعض المداخلات اذا حسينا انو رح نطئ اذا ما حكينااااااااا

[r_mido]

ولهزا وبما أنو بدأت أنت بالكلام عن دبابيسنا..فـ بئلك الله يئويك بهالمهمة..
وإذا لزمك معي طرحية دبابيس احتياط شلتا معي من يوم النزوح خخخ..بئدر استغنيلك عنا ..
عدا عن زالك..فإن وضعي الاقتصادي والسياسي والاجتماعي عال العال منز تاريخ نزوحي المثمر والعظيم..
هلوس وهلوسنا معك..بلكي منفيئ ع شي..

ههههه ...

متابعين معك حجي ..

سر ونحن من ورائك ..

ههههه اي والله كلو تمام وعال العال
من كل النواحي والشغله مابدها دبابيس ولا شي ليه التشائم؟؟؟؟؟؟

لك بدها بسااااااااامير مش دبابيس خليها لرب العالمين
بلا ما نهزي نحنا كمان بيكفي يلي ابتدوااا فوء
متابعين معكن حجي ....بس سمحلنا ببعض المداخلات اذا حسينا انو رح نطئ اذا ما حكينااااااااا

منورين , وشكراً لمتابعتكم

[r_mido]

/// دبوس محلي ~

انو بكل الدول الدنيا ( مع اني بعمري ما طلعت برا سوريا ) بحطو المطبات بالطريئ مشان الشوفير يخفف سرعتو بمحلات معينة متل المدارس او شي تفريعة طريئ ..
طبعاً هالمطبات بتنحط بعد دراسة وبكون الها اشارات تنبيه وخاصة الإشارات الليلية , مشان أخونا الشوفير ما يلائي فجأة سيارتو تحولت لغراندايزر وطارت في حال كان معبي الحشيشة ومأسرع .
أما مطبات بلادي مختوم عليها دمغة منتج وطني .. وتوزع ع الشكل التالي :
لرئيس الدائرة الفلانية مطب .
مسؤول ديوان الدائرة العلتانية مطب .
جعيص أفندي كمان الو مطبين واحد ئبل وواحد بعد .

اي صرنا نعرف بيت المسؤول من المطبات , بئا كل ما زاد ارتفاع المطب معناها هالمسؤول أعلى .

أما نحنا .... فإلنا الله

[r_mido]

/// دبوس ثقافي ~

البيضة مين باضا ! والجاجة مين جابا ؟

محيّر ..
تماماً متل مين فينا نحصل عليه ئبل المثقف ولا البيئة الموجود فيها !!
مثقفنا العربي بفيئ من الصبح يا فتاح يارزاء ع الشئا والتعتير ~
مي مشان يغسل يا بلائي يا ما بلائي ..
وفطورو ما قلّ ودل ..
وبنزل ع شغلو الصبح ليباشر بأولى العلاقات الحميمية بزحمة الباص ..
واذا طبشا بدو ياخد تكسي تعا خود ع استحكام كلو لانو شوفير التكسي ع بتطلع روحو ليدبر لتر البينزين ..

وهاكزا بتمشي الوجهات :
ما بين انسان مثقف طالع ع شغل هو غير جدير بإمكانياتو الثقافية (( مع العلم مديرو ائل منو بأشواط بس الواسطة وصلتو لمكانو )) .
وبين انسان مثقف بحط هالكرسي بالئهوة وبياخد حسبو الله ويتجه ع سباء السرعة بحل الكلمات المتقاطعة .

يا ترا بهيك ظروف منتأمل بإنتاج مثقفين يقودو أمتنا لشي بسيط من الحضارة والتطور !!

تحية للئهاوي والكافيات اللي شايلة ع كراسيها خيرة مثقفينا وشبابنا

[Roxan]

البيضة مين باضا ! والجاجة مين جابا ؟

محيّر ..
تماماً متل مين فينا نحصل عليه ئبل المثقف ولا البيئة الموجود فيها !!
مثقفنا العربي بفيئ من الصبح يا فتاح يارزاء ع الشئا والتعتير ~
مي مشان يغسل يا بلائي يا ما بلائي ..
وفطورو ما قلّ ودل ..
وبنزل ع شغلو الصبح ليباشر بأولى العلاقات الحميمية بزحمة الباص ..
واذا طبشا بدو ياخد تكسي تعا خود ع استحكام كلو لانو شوفير التكسي ع بتطلع روحو ليدبر لتر البينزين ..

وهاكزا بتمشي الوجهات :
ما بين انسان مثقف طالع ع شغل هو غير جدير بإمكانياتو الثقافية (( مع العلم مديرو ائل منو بأشواط بس الواسطة وصلتو لمكانو )) .
وبين انسان مثقف بحط هالكرسي بالئهوة وبياخد حسبو الله ويتجه ع سباء السرعة بحل الكلمات المتقاطعة .

يا ترا بهيك ظروف منتأمل بإنتاج مثقفين يقودو أمتنا لشي بسيط من الحضارة والتطور !!

تحية للئهاوي والكافيات اللي شايلة ع كراسيها خيرة مثقفينا وشبابنا

يا سيدي ..دبوسك الثقافي..نخزني نخزة مؤلمة أصابت صميم عقلي المثقف ههههههههه
وكأنك عبتحكي عن حياة أم الرور المهنية ابتداءً من الفيئة متأخر..
لطلعة السرفيس المعتة..للوصول للمكتب وتناول القهوة مع صبحية ولا بأس بشوية كلمات متقاطعة
بعدين فطور مرتب ....وئعدة لكش الدبان..هييك ليخلص الدوام...
ههههه يا سيدي بيئتنا بدها تضل تنتج هيك مثقفين..لأنو المثقف من دون واسطة ما بينتج بيئة..
وهات ع مثقف يضل مثقف في حال أجتو الواسطة..
الله وكيلك.. كلو بينسى ..وكلو بصير متسلط..
دبوس ميكن حجي..

[Roxan]

انو بكل الدول الدنيا ( مع اني بعمري ما طلعت برا سوريا ) بحطو المطبات بالطريئ مشان الشوفير يخفف سرعتو بمحلات معينة متل المدارس او شي تفريعة طريئ ..
طبعاً هالمطبات بتنحط بعد دراسة وبكون الها اشارات تنبيه وخاصة الإشارات الليلية , مشان أخونا الشوفير ما يلائي فجأة سيارتو تحولت لغراندايزر وطارت في حال كان معبي الحشيشة ومأسرع .
أما مطبات بلادي مختوم عليها دمغة منتج وطني .. وتوزع ع الشكل التالي :
لرئيس الدائرة الفلانية مطب .
مسؤول ديوان الدائرة العلتانية مطب .
جعيص أفندي كمان الو مطبين واحد ئبل وواحد بعد .

اي صرنا نعرف بيت المسؤول من المطبات , بئا كل ما زاد ارتفاع المطب معناها هالمسؤول أعلى .

أما نحنا .... فإلنا الله

بما انو لساتني من الطبقة الكادحة ..وما تعرضت لهيك دبوس..
فـ اسمحلي ئلك.. خرجكون ليش لتتبروظو..شبها سرافيس الشمالي والشعار شبها من شو بتشكي خخخخخخخخ

[r_mido]

يا سيدي ..دبوسك الثقافي..نخزني نخزة مؤلمة أصابت صميم عقلي المثقف ههههههههه
وكأنك عبتحكي عن حياة أم الرور المهنية ابتداءً من الفيئة متأخر..
لطلعة السرفيس المعتة..للوصول للمكتب وتناول القهوة مع صبحية ولا بأس بشوية كلمات متقاطعة
بعدين فطور مرتب ....وئعدة لكش الدبان..هييك ليخلص الدوام...
ههههه يا سيدي بيئتنا بدها تضل تنتج هيك مثقفين..لأنو المثقف من دون واسطة ما بينتج بيئة..
وهات ع مثقف يضل مثقف في حال أجتو الواسطة..
الله وكيلك.. كلو بينسى ..وكلو بصير متسلط..
دبوس ميكن حجي..

بما انو لساتني من الطبقة الكادحة ..وما تعرضت لهيك دبوس..
فـ اسمحلي ئلك.. خرجكون ليش لتتبروظو..شبها سرافيس الشمالي والشعار شبها من شو بتشكي خخخخخخخخ

حجة كل دبابيسنا ميكنة خخخ الموضوع الجاي بدنا نحول ع الابر هههههههه منورة

[بسمة حب ~]

انا بكره المطبات بشكل عام .. بقا لسا تكون محطوطة ع شرف بيت المسؤول ياحبيبي

دبابيس عم تشك ع الوجع ههههههه .. متابعة معك ويبدولي الجاي اعظم خخخ

[$حمادة$]

بالنسبة لموضوع المطبات ... حجي ... في هيك وفي هيك .. إطلع على النص المليان .. كمان في مطبات بسوريا نظامية وبتضوي بليل هههههه وقدام المدارس ولافتات انتبه مطب مدرسة .. خفف السرعة .. فلا في شي حلووو .. و في من يلي حكيت عنو بس كمان هالمسؤوليين مالن علاقة .. الحق على البلدية

[r_mido]

انا بكره المطبات بشكل عام .. بقا لسا تكون محطوطة ع شرف بيت المسؤول ياحبيبي

دبابيس عم تشك ع الوجع ههههههه .. متابعة معك ويبدولي الجاي اعظم خخخ

هههه لا مو اعظم لا يبدولك هههههه بدي ضل ببيتي

بالنسبة لموضوع المطبات ... حجي ... في هيك وفي هيك .. إطلع على النص المليان .. كمان في مطبات بسوريا نظامية وبتضوي بليل هههههه وقدام المدارس ولافتات انتبه مطب مدرسة .. خفف السرعة .. فلا في شي حلووو .. و في من يلي حكيت عنو بس كمان هالمسؤوليين مالن علاقة .. الحق على البلدية

دخلك وينون هدول اللي بضوو بالليل ؟؟؟؟ دلني ع شي واحد هههههههه

[Rabya]

ذكرتني بكلمة ــــــــ> شطيّح ههههههههه

[r_mido]

ذكرتني بكلمة ــــــــ> شطيّح ههههههههه

لا تتزكري كتير هههههههه