دبابيس

[gaya]

يصطفلوووو

زكرتيني ب هون ضايعلي ليرة .. انشالله ما تلائيها

نحنا يا ستي أكتر ناس بيطبئ علينا كل مين إيدو إلو.

[r_mido]

رجعنا و خلصنااااااااااااا

اي مشان ما نرجع اكتر

هو بدك تئول مش تخلف هو بدك تئول دبوس فشه خلئ
يعني اجا عبالهن يفشو خلئهن ببعض يصطفلوووو

اذا الناس كلها خلئها براس مناخيرها وماعم تتحمل حدا
الاخ مش عم يتحمل اخوه
الرفيئ ماعم يتحمل كلمه من رفيئوا بيكون سافئوااا هديك البهدله
بئا ما وئفت الشغله عا خنائه كازيه معلمسطح وعمرنا مانمشي لئدام

المئصد مش الكازية , بس انا حسيت حالي عشت مثال مصغر عن العالم والعرب وسوريا بشكل خاص
نحنا ملتهيين بمشاكلنا مع بعض والعالم وصلو ع مجرات بعد درب التبان

المشكلة لما العالم كلّو بيأشر بأصبعو على مجموعة بيروحو كل الموجودين بطريئن .. والأغلبية من هاد النمط الجميل ..فالبائي المناح الأوادم بيطلعو بالصورة

وهدول نفسن المناح بيضلو ورا لأن الأغلبية كتار وسادين الطريئ بهمجيتن وكتافن العريضة .




صارت الساعة ألف بعد كل الميلادات والهجرات .

ألف !! انشالله هالساعة ما تضلا ماشيه هيك

زكرتيني ب هون ضايعلي ليرة .. انشالله ما تلائيها

نحنا يا ستي أكتر ناس بيطبئ علينا كل مين إيدو إلو.

كل مين ايدو الو وخايف تصير مو الو

[♪♪زهرة اللوتس♪♪]

زكرتيني ب هون ضايعلي ليرة .. انشالله ما تلائيها

نحنا يا ستي أكتر ناس بيطبئ علينا كل مين إيدو إلو.

انا ليهيك عم ئول يصطفلووو لانو مش رح يطلع بايدنا شي يعني فالج لا تعالج

[r_mido]

ئال بئلك في مجلة أمريكية عملت تقرير صحفي عن أرياف أمريكا وأديش الريفيين بيعرفو بالسياسة الداخلية والخارجية ..
من ضمن الأسئلة المطروحة ~ " مين هو رئيس الولايات المتحدة الأمريكية هلأ !!؟ " ..
من أحلى الاجابات وأكترها لفتاً للنظر , مواطن شاوي أمريكي درويش جاوب بتردد ~ ( جورج بوش ) .. طبعاً الصحفي فوراً صححلو وئلو جوابك غلط والرئيس هو أوباما .. معئول يعني ما بتعرف ؟؟
ئلو الدرويش وانا شو بدي فيو ان كان اوباما ولا غيرو ..
ضحك الصحفي وئلو يظهر لهيك صحتك منيحة وعايش مبسوط ..

طيب تعو نئيس هالشي ع بلد عربي
الأسطورة بتئول انو مستحيل لأي صحفي يسأل أي مواطن عربي هيك سؤال .. بس خلونا نتجاوز الأسطورة ..
لنفترض أنو الرئيس اسمو " سميد " , والمواطن جاوب : مش متأكد بس يمكن " سعيد "
مع وصول شفايفو لحرف الدال بكون هالمواطن تحوّل لسيخ كباب مشوي ع الفحم مع بندوراية وراسين بصل .... وما تنسو التئليب مشان يستوي ع المزبوط ..
بالنسبة للصحفي , فبعد نتايج هالتجربة رح يتضح انو مش صحفي حئيئي , وع هيك المواطن رح يصير فار تجارب ..

مع اني لهلأ بكل عمري ما سمعت عن فارة مشوية ع الفحم

[♪♪زهرة اللوتس♪♪]

انوووو ئصدك بكل البلاد العربيه ولا بعضها
ههههههههه عا كل يععععع عا الفارة وذكرها
دبوووس بمحلووو

[r_mido]

انوووو ئصدك بكل البلاد العربيه ولا بعضها
ههههههههه عا كل يععععع عا الفارة وذكرها
دبوووس بمحلووو

الكل بدون استثناء

[ياسمينة الشام]

طيب فريدة وين موقعها من الإعراب !! هههههه

[r_mido]

بتجهز الشوّاية والسياخ

[Randah]

بتجهز الشوّاية والسياخ

الظاهر مايدولاتي غداكم اليوم شوي

[Chris]

عادة انو يجيك مسحر ويدء على باب البيت وتفتحله وهو بكل ابتسامة وحب الدنية وكانه من كمالة عيلتك ..... بتخجل منو وبتستحي وبتعايد عليه
بعدين بيجي تاني واحد
وتالت واحد
وخامس واحد بتئلو ..... حبيب انتو كم واحد؟؟؟ ولا كل واحد الو يوم برمضان ....
بيصير فجأة وقح وبيئلك انا مالي علاقة بغيري انا عليي من حالي وبس
لك عم يربحني جميلة انو كان عم يفيئ العالم برمضان
التلو ادبا مني انا ما عم احكي شي بيتي اعلى من اني اسمع صوتك انت والدربكة تبعك وئت بتجي بتسحر بس عيب تئول هيك مو؟

[r_mido]

الحل جداً بسيط , من أول واحد بئلو انا ما بصوم ولا بعرف شوفي بالسما
المصيبة يا عزيزي انو نحنا فينا عادة هي انو منتمسك بالعادات فالمسحر وغيرو اشيا كتيرة بالمجتمع بطلت موضتا وانحرئت كمان
بس مع زالك بتحس حالك مكفل فيون الى أبد الآبدين ...

[Chris]

الحل جداً بسيط , من أول واحد بئلو انا ما بصوم ولا بعرف شوفي بالسما
المصيبة يا عزيزي انو نحنا فينا عادة هي انو منتمسك بالعادات فالمسحر وغيرو اشيا كتيرة بالمجتمع بطلت موضتا وانحرئت كمان
بس مع زالك بتحس حالك مكفل فيون الى أبد الآبدين ...

التلو هاد الحكي ... ال بيئلي استغفر ربك يا رجال شو عم تحكي ... لك لح يجنني

[r_mido]

بمناسبة حلول شهر شباط , بحب أتئدم بالتهنئة للئطط في جميع أنحاء العالم وبالأخص لئطط سوريا اللي مر عليهم سنتين صعبين ما منتمناهم لئطاط العدو ..

نعم ئطط سوريا .. ئطط سوريا اللي كانو عايشين برخاء تام , ويسوحو بالشوارع ع كيفون
أكبر هم للئط السوري انو يجيه ولد ابن حرام ويضربو بالحجار , او تجيلا سيارة طايشة تدعسو , او ما يلائيلو انتاية حلوة ..

أما اليوم ...... المزابل خاوية على عروشها , وايام العضام وبقايا اللحوم والجاج ولت وانتهت ..
اليوم في ئطاط كتير اندبحت وانفرمت وانحطت فوء الرز لانو في ناس عم تموت من الجوع



بكفي انحطاط , نريد وطناً لجميع القطط ..

[r_mido]

لك تقيمي ،، الله عليك ،،
وربي يفرجا عا جميع


^^

تسلمي حجة منورة

[♪♪زهرة اللوتس♪♪]

بمناسبة حلول شهر شباط , بحب أتئدم بالتهنئة للئطط في جميع أنحاء العالم وبالأخص لئطط سوريا اللي مر عليهم سنتين صعبين ما منتمناهم لئطاط العدو ..

نعم ئطط سوريا .. ئطط سوريا اللي كانو عايشين برخاء تام , ويسوحو بالشوارع ع كيفون
أكبر هم للئط السوري انو يجيه ولد ابن حرام ويضربو بالحجار , او تجيلا سيارة طايشة تدعسو , او ما يلائيلو انتاية حلوة ..

أما اليوم ...... المزابل خاوية على عروشها , وايام العضام وبقايا اللحوم والجاج ولت وانتهت ..
اليوم في ئطاط كتير اندبحت وانفرمت وانحطت فوء الرز لانو في ناس عم تموت من الجوع



بكفي انحطاط , نريد وطناً لجميع القطط ..

وجعني كتير ها الحكي
بس ياترا يلي اكلو لحم الئطاط وجعهن اكتر ولا انا ولا يلي ماتو وعم يموتوا من الجوع ...
حسبي الله ونعم الوكيل على يلي وصلنالو والمشكله الاكبر انو مو طالع بايدنا شي ...
تباا لئطاط العالم وئطاط بلاااااادي محرومين