ҳ̸Ҳ̸ҳ دستورنا ^_* محل ما بحطو أخبار ҳ̸Ҳ̸ҳ

[r_mido]

سعيدة



قسم نيوز كافيه ما محتاج لشرح وواضح من اسمو
فخلونا نطير ع بنود الدستور دايركت ~
/
\
//
\

كل خبر بينزل بدون المصدر مصيرو سلة المهملات
بئا اذا سمعت شلة شباب وائفين تحت البناية ع بيحكو عن شي معين لا تجي تطجلنا ياه هون
لانو بمفهومنا هاد مش خبر .
ع فكرة ~ نحنا منتحملك تعيدا مرة او مرتين بكتيرو ... اكتر من هيك مضطرين نخالفك .

;

هلأ منجي للمصدر
ياعزيزي في مواقع أخبار ما هب ودب بهالدنيا
بس كلا ما بتعبي براسنا ....
رابط المصدر لازم يكون من موقع وطني سوري حصراً وعلى وجه التحديد .
غير هيك مع الاسف مارح يتم اعتمادو .

;


معارضين , مؤيدين ... أخواتنا انتو ومنحبكم مهما كان انتمائكم .
بس قوانين المنتدى صارت واضحة بالنسبة لمحور جدالكم .
الحظر حتماً هو عقوبة المخالفة بهالموضوع ..

;

رجاء ثم رجاء ~ الاحترام المتبادل وعدم الاهانة والسب والتجريح لأي عضو
مهما كانت ديانتو أو عقيدتو
متل ما انت بتحب الكل يحترم مبادئك ودينك وافكارك بادر انت بالاحترام .

;


الخروج عن نص الموضوع او الخبر بأي رد , المشرف متكفل بحزفو
وبدون ما يتعب خاطرو ويخبرك بالاجراء .

;

في حال صادفت عضو حكى عنك كلام عيبو , او صادفت أي مخالفة ..
ياريت ماتتصرف انت
ساعدنا بالضغط ع زر التبليغ عن مشاركة سيئة , وتروك البائي علينا .

دمتم
3/7/2012