بحبكْ ❤ ~ بس بعيد عن اللغة و القوآعد ツ ~

[ياسمينة الشام]

هـــــآي ~^~

فكرة موضوعي بسيطة كتير و حلوة أكتر ..
هو عبآرة عن مسآحة صغيرة لنكتب فيهآ خربشآتنا
لنقول فيهآ كلمة بحبك و رسآلة حب نبعتها بالسرئة ~


بس ما رح تكون مكتوبة بقصيدة موزونة ع بحور الشعر ..!
و لآ فيهآ أي تكلف و صور فنية و تشآبيه مستعآرة
مَ رح ندقق ع الفتحة والضمة و الشدة


بإختصآر الموضوع رح يكون باللغة المحكية ( العآمية ) ~
رح نعبر فيه عن مشآعرنآ بصدق
بدون أي تكلف بدون أي تصنع و استعارات



بتمنى تكون الفكرة وصلتكن ..
و تحبوها و تلائي عندكن القبول
و هلأ اتحفوني بخرآبيشكن
_______________
^~~ تسنيم ~^~

[ياسمينة الشام]

ولك يؤبرني رب صبآحك أيـــــه !!
طيب بمين بلش ؟ فيك و لآ بنسكافيتي ؟
يالله لو فيي بوس الشمس ألف مرة لأنو اجت على وشك
على عيونك على شفافك ..
خليني حبك أكتر بهالصبح ,, خليني اعشقك أكتر بهالصبح
بلكي بصير أحلى |~
بلكي بيرجع فيي الوقت لوراا ,,
و عيش طفولتي ومراهقتي و شبابي كلو معك ..
دبدوبي .. صباحك حبيبي

[ياسمينة الشام]

مآ كنت زلمة عآدي .. كنت وطن ..
بعمري ما حسيت بغربة معك .. على طول عايش جواتي ..
محاوطني وين ما رحت ..
كل شجرة ياسمين كانت تزكرني بريحتك
كل شمس بتطلع بتزكرني بحضنك
كل غنية لفيروز حسها بصوتك .. صوتك يلي بعشقو ..
طيب كيف بدي اشفى منك ؟ كيف بدي طلعك مني ؟؟
كيف بدي اتقبل فكرة انك بعيد .. و انك مو الي ..
و كل شي حواليي برجعني الك ..
بتعرف شو ,
ما في إلا حبك .. الا اعشقك .. ما عندي خيآر تآلت
و ما بدي غيرك , و مابدي اشفى منك ,,
بحبك ~

[Rainbow]

...

يسلملي دبدوبك ههههههههه


سوما نحنا بشهر شعبان شهر فضيل
خلينا نكتر مواضيع تليق فيه ، هوي الحب ما بينشبع منه بس الحب الحلال و بخاف بهالموضوع ما ينشطح الفكر

و نكون عما نملي وقتنا باشيا غير مفيدة تحضيراً لرمضان

هي مجرد وجهة نظر

[ياسمينة الشام]

...

يسلملي دبدوبك ههههههههه

هههه لآ تحكي ع دبدوبي يسلملي الي لحالي
نورتي الموضوع قوس قزح

سوما نحنا بشهر شعبان شهر فضيل

خلينا نكتر مواضيع تليق فيه ، هوي الحب ما بينشبع منه بس الحب الحلال و بخاف بهالموضوع ما ينشطح الفكر

و نكون عما نملي وقتنا باشيا غير مفيدة تحضيراً لرمضان

هي مجرد وجهة نظر

بحترم وجهة نظرك
و كل شخص على دينو الله يعينو

[ياسمينة الشام]

من يوم الي عرفتك صرت حرة ..
سكنت السما و أنا على الأرض
من يوم الي عرفتك ..
صآرت الروآيآت غير ..
و الأفلآم غير ..
و الأغاني غير ..
صآر لكل شي مع حبك طعم تآني ..!
من يوم الي عرفتك ..
حبيت حآلي أكتر .. و حليت أكتر ~
و تأكدت أنو مآ في حدآ بيستآهل أنوثتي غيرك ..
بس .. كل شي بحبك عم بعاندني
كيف بدي ارشيه للبحر حتى يجيبك لعندي !؟
كيف بدي ارشيه للوقت و انطرك أكتر !؟
كيف بدي ارشيه لقلبي ليصبر أكتر !؟
من يوم الي عرفتك .. و أنآ بحبك و كل يوم أكتر
هآد بس يلي فهمتو !! ..

[ياسمينة الشام]

معتر يَ قلبي معتر ..
مسكين شو انظلمت ..
درويش .. متل أهل الشآم ..
بسيط .. متل قلب أم نآطرة ابنها من الغربة ..
بريء .. متل بنت بأول طلعتها ما داقت من الحب مروو ..
مكسور .. متل بلور بيت جدي ناطر مين يصلحو ..
بردآن .. عم ترجف متل عصفور مضروب برصاصة ..
مشتآق .. لكلمة منو ..
لعطرو ..
لصوتو ..
يا قلبي لآ تتعب قلبك ..
ما حدا هون ..
سكر ه الشباك و تعى نغفى شوي
بلكي بننسى ~

[r_mido]

من يوم يومي مابدي حب حدا
ولا مفكر بالموضوع أساساً


شلون فتلتيلي عئلي !!






طالما الموضوع بعيد عن الفصحى بياخد مني عشرة ونص من عشرة
يسلمووو تسنيم ع الموضوع الخارق للعادات والتقاليد
أتحفتينا

[ياسمينة الشام]

من يوم يومي مابدي حب حدا
ولا مفكر بالموضوع أساساً


شلون فتلتيلي عئلي !!






طالما الموضوع بعيد عن الفصحى بياخد مني عشرة ونص من عشرة
يسلمووو تسنيم ع الموضوع الخارق للعادات والتقاليد
أتحفتينا

هههههه تقييمك بهمني كتير أبو الميد
و ادعيلي ينزل علي الوحي وكترلكن مواضيع ههههههه
نورت الموضوع بوجودك و خليني ع طول شوووفك هون أيوا ..

[ياسمينة الشام]

لو تعرف أديه متدآيقة منك .. بس مآ رح حاكيك شي و رح ابتسملك ..
لأنو الموت كترآن بهالبلد يآ حبيبي ..
ما بعرف ايمتى رح يغدرني القدر ويسرقك مني ..
رح سآمحك و سآمحك و سآمحك .. و أهم شي .. رح حبّك أكتر و أكتر ..

[ياسمينة الشام]

بس إزا سألوك عنا .. : "ليش مالكن سوا ؟ "
لآ تقول نصيبنا .. و لآ تقول قدرنا ..
هاد مانو قدرنا ..
قدري إني كون معك ..
قول إنك رحت بكل بسآطة ..
إنك خلقت قدر بشع من عندك ..
قول الحقيقة ..

[ياسمينة الشام]

_ ليش بتضلي بتقولي أنو كل الشبآب متل بعضهن ؟!
_ لأنو الشبآب كلُن متل بعضُ
و بالعلآمة بقدر قلك ايمتى رح تتركني , و كيف رح تحآول ترجعلي
و ايمتى رح تنسآني , و ايمتى رح يغدرك الحنين ..

[ياسمينة الشام]

_ هلق ليش بتحبي تكزبي كتير ؟!
_ بدك الصرآحة ؟
_ أي ؟
_ لأني من لما ارتبطت فيك , إتعلمت حبّ الإشيآ يلي بتحبها ,
و صآر يلي صآر ..

[ياسمينة الشام]

مآ بكفيني إنك تشوف وتزعل على يلي عم بكتبو ..
بدّي يآك تحسْ بكِل حَرف مآ كتبّتو ..!!
بدي تحسّ فيني .!

[ياسمينة الشام]

تخيل نرجع صغآر ..
و نحب بعض متل الاطفآل ..
حب برآئة , مى حدآ دريآن فينا
نحب بعض و لآ أنا أقدر إتركك و لآ إنتا تقدر تتركني
الأطفآل ما بيتركو بعض ..
هيك نحب بعض و نضل مع بعض
مآ نكبر ولآ بدنا نكبر أصلا !!
بدي ضل حبّك كطفلة ,, و تحبني كطفل
و هيك