ۼــڕژۃ ↩ ٵپــــۆ ٱڵـ۾ﮧﯿـﮈ ⓒ

[r_mido]

احكيلكم نكتة بايخة !!؟

بئلكم مجنون شاف ئرد ضايع , أخدو عند الشرطي .. ئلو شفت هالئرد شو أعمل فيه .. حكالو الشرطي خدو ع حديئة الحيوان
تاني يوم رجع هالمجنون عند الشرطي , ئلو مبارح اخدتو ع حديئة الحيوان .. اخدو اليوم ع مدينة الملاهي ؟؟؟


هي ما بتضحك , بس يعني ضحكو شو خسرانين أنا شخصياً ضحكت عليها رغم انها ما بتضحك ..
وبتمنى انو تجاعيد وشكم تكون تحركت عليها

ماعلينا ~ بدي أوصل انو أنا نضافة ئلبك وضميرك بيستحئو الإيتسامة والتعايش مشانون .... أما البائي فـ / طز ..
وعندي ايمان انو الضمير النضيف والانساني بيجعل منك انسان طاهر ..

[r_mido]

مرة وأنا وصغير صابني شي ..... شو هو هالشي ما بتزكر
رشح , كريب , ضربة شمس , تسمم ......... اي اي تزكرت يوم انحرئت ايدي .. مش ئلتلكم شي
أخدوني اهلي ع مركز حكومي , وهي المرة الأولى بحياتي اللي بفوتو ... والأخيرة ..

تعليمات حول المراكز الصحية :~

• بالنسبة للدخول , رح تشوف طابور طووووويل .. نصو أحياء .. والنص التاني أموات "ماتو وهنن ناطرين الدور" .. واذا انت حسيت انك رح تموت بالدور اصحك تصرخ وتعيط , موت لحالك احسنلك ..
• جوا رح تلائي جميع مسببات الموت , من اختناق وصدمات عاطفية من المناظر اللي بوشك .. وبس تطلع ماتستغرب اذا دخلت بأنفلونزا وطلعت بجميع أمراض الكون ..
• في حال ئعد جنبك واحد بدون إيد أو بدون راس , كمان ماتستغرب ولاتنسا انك بمركز حكومي ..
• جوا المركز رح تشوف كائن حي بيشبه أبو شفرة , بنظم الدور ع باب الدكتور , هاد بعد عنو ولا تتعاطى معو لانو بشكل خطر ع حياتك ..
• بالنسبة لموضوع الحمام شيلو من بالك نهائي , لانو نضافتو لامحدودة ..
• في حال وصلت عند الدكتور وراح عاطيك ابرة ديتول جاب فيها أجل اللي خلفك , عادي هاد بكون ابوشفرة متنكر دكتور وحابب يخفف دم معك ..
• ئبل ماتفوت ع الدكتور كتوب وصيتك ويفضل تعمل تأمين ع الحياة , سمي بالله .. ونادي فررررررررري دوووووم وطحاش لعندو ... والله يرحمك سلفاً ..

تحياتي القلبية لوزارة الأموات
على اهتمامهم بالطبقة العايفة دينا من الشعب

وشكر مخصوص لابو شفرة كمان

[r_mido]

مطلوب موظف للعمل على أن يكون حاصل على شهادة الماجيستير بالطب النووي من أي جامعة امريكية " حصراً "
ويكون عامل لايقل عن 25 ندوة ودورة متخصصة في مجال عملو
بالاضافة لخبرة ما بتئل عن 5 سنين في شركات خليجية أو أجنبية وعدة شهادات تدريبية في عدة مجالات ..

ولازم يكون عندو روح رياضية في تحمل البهادل , طبعا مع اليقين انو هالبهادل هي للصالح العام ومشان يطور نفسو ..
طبعا ناهيك عن الاناقة والتألق واجادة اللغة الانكليزية والفرنسية والاسبانية والتانزانية , والهوروغليفية ان امكن ..
ويا حبزا لو كان المتئدم شاعر وأديب ومثقف ومسبع الكارات مشان نحرت عليه براحتنا , وأكيد لازم يكون ابن عيلة مرموقة ..


تنويه:~ يجب على المتقدم انو يكون قنوع وغبي وما يطلب بدل ساعات اضافية .

ولازم المتقدم يتصف بالتسامح ويكون عندو استعداد يضحي بحياتو في سبيل الوطن والشرطة في خدمة الشعب .
وشي تاني كمان , يفترض المتقدم يكون فيو الكرم الجزائري , وحلاوة اللسان الشامية , والحربئة اللبنانية , والصبر المصري ..

للراغبين بالحصول ع هالشاغر يئديم السي في تبعون بمجلد خاص مع كتابة الراغب اللي بدو ياه , مع العلم انو الراتب مارح يتجاوز سبطعش الف ليرة ..

اللي حابب , يبعتلنا سيرتو لدكانة الخضرجي زقزوق

[r_mido]

لما حدا بيغلط علي بئولولي لازم تكون منيح وتسامحو
المصيبة اني مش منيح

روح الهي يبلاك بشلل أطفال ع كبر , والله يمسخك أكتر ما انت ممسوخ ة

زكور & إناث

[r_mido]

رح ينقطع الأمل الباقي بهاليومين ..... o_O

[r_mido]

رجع الغالي

[r_mido]

أن تموت بالسكر أحلى بكتير من أنو تسلم الأمانة ساده

أعظم مبادئ مرضى السكري

[r_mido]

بلحظات متل هاللحظات غالباً بكون عم بحبش بأوراء الماضي والزكريات
بتمر ئدامي كتيير اشيا بتزكرني اديش مر ع حياتي رؤوس أينعت واستوت وطئت ومنيح مني اللي نسفتا

أحياناً حتى الزكريات السلبية بتكون ايجابية ببعض المواقف

[r_mido]

شو هي قمة الإحباط ~
هي محاولاتك المتكررة ع مدى فترات طويلة بإنك تنضف إنسان وسخ ومافي عندك أي مسحوق غسيل

[r_mido]

ما حدا بنزل الحمار من ع الشجرة غير اللي طالعو ..

[r_mido]

مهنة المتسولين ~ هي تشويه سمعة الفقراء ..

[r_mido]

بالنهايات تظهر الحقيقة السرمدية الشفافة للمنافقين

[r_mido]

ئبل ما نولد منكون ولاشي , لا عواطف , لا احاسيس , ولا حتى كريكات كمان ...
لحد ما يجي رجل ما يحب مرأة ما ويتجوزو ويقومو بمهامون الزوجية وصير في جنين ببطن امو
طبعاً هون الصبي بكون عايش اقصى درجات الرفاهية .... اي طبعاً , أكل ومرعى وئلة صنعة على في ودفا
وبتجي اللحظة الحزينة اللي هي الولادة واللي الجنين بيعتبرها هي الموت ,
وبنفس زات الوئت الام بتكون عم تتوجع وجع الموت , والأب عم يركض متل الحمار ليأمن لئمة العيش لهالطفل ..
والطفل بحب جدو , وجدو بروح بموت
وبعدين بصير عندو رفئات , بس رفئاتو شي بسافر وشي بموت وشي بلتعن ابو سلسفيل أهلو
بحب بنت والبنت بتحبو وبكون عم يحكو لبعض " مارح يفرئنا الا الموت " وكلا كم يوم بلعن امها وبتلعن ابوه وبيخلص الحب وبيتركو بعض

وآخر شي بتلائي واحد دب عم يغني " الحياة حلوة بس نفهمها "
وبتضطر تسدئو بالصرماية مشان ما تبزء ع حالك وعلى عيشتك

بس صفنة صغيرة ,
بتلائي انو الحياة بنت كلب ان فهمتا ولا ما فهمتا ..

[r_mido]

لقد ولدت ام الفرزدق أحمقاً ..... وجاءت بوظواظ قـصـيــر القوائم

لله درك ياجرير

[r_mido]

في حدا ئبل ما تعرفو بتشوفو أحسن واحد بحارتو أو تاني احسن حدا بالعالم
وبس تعرفو بتحسو احسن واحد بإقليم كشمير وآسيا وسلسلة جبال الألب

إنما بعد كزا سنة من معرفتو بتشتهي بس تئلو ~