ۼــڕژۃ ↩ ٵپــــۆ ٱڵـ۾ﮧﯿـﮈ ⓒ

[r_mido]

أتعس اللحظات اللي ممكن تمر عليك , لما تكون انت السبب بكارثة حلت بشخص من هالدنيا ...
فما بالك لما تكون هالكارثة كبيرة وتئريباً نهت حياتو ..... وما بالك لما يكون هالشخص أعز شخص بحياتك ..

ياريت ....
ياريت ....
ياريت ....
ياريت ....
في ألف ياريت ببالي هلأ ..
بس على الأقل , ياريت ما عرفت ..

[r_mido]

65 عاماً ومازال الملف مفتوحاً
المؤامرة مستمرة
والمفاتيح والطابو بحوزتنا ..


إلى متى !!؟
عَــائــدون .. حـتـمـــاً عـَــــــــــــــــائـــدون

[r_mido]

تتوالى النكبات ~
وما زال شعبنا مهجراً في المنفى , مشرداً في الزمن ....

** بعد 65 سنة , السؤال اللزي يطرح نفسه ..
متى سيسقط إثم فلسطين والقدس ونكباتها المستمرة عن العرب !!؟

[r_mido]

r_mido

هناك شخص يحاول دخول حسابك في منتديات سورية : منتديات زهرة سورية
بكلمة مرور خاطئة أكثر من 5 مرات. لذلك لن تكون قادر على الدخول مرة أخرى خلال 15 دقيقة القادمة.

الشخص الذي حاول دخول حسابك يمتلك عنوان الأيبي التالي:
********

طيب ست مرات , يعني ما مليت لسا !!؟

[r_mido]

تـنـــويـــــــــه :-

نود أن نلفت عنايتكم إلا أن بعض الخربشات المنشورة مؤخراً هي مجرد تـفــــــــاهــات لاتحتوي أي قيمة أو هدف ..
فيرجى التخفيف شاكرين منكم حسن الإنصات ...

[r_mido]

اعدك ....مع شروق فجر الغد سأضعني داخل زجاجة على دروب غياب يحملني الى مبتغاي لأنهي لعبة القدر ...!

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ

[r_mido]

نــــــــــــــدَاء

نــداء عـــــــــاجـــل إلى السندريللا "نـســريـــن"

في تمام الساعة 11 ليلاً بتوقيت دمشق ستحين ساعة الصفر , سأمزق ليلك وأدك حصونك وأهدم جميع أسوارك ..
لزالك أنصحك بالدخول الى منتديات زهرة سوريا والإلتزام بعملك الإداري .

اتقي شري يانسرين ...


ألا هل بلغت
ألا هل بلغت
ألا هل بلغت

قالها ثلاثاً وخرَّ مغشياً عليه ..

[r_mido]

مبارح وانا عم ئلب بألبوم صور امي طلعتلي صورة هالمنكوبة جارتنا ايام ما كانت صبية سنة 1913



لعمى بتزكر مرة كنت صغير , اجت لعنا ودئت الباب , فتحتلا وصرخت هداك الصوت .. وناجيت الرب عز وجل :
ياربي دخيلك , بعرف اني احيانا بغلط عليك وبسب وبشتم .. بس ما بكون ئصدي , ماااافي داعي تبعتلي عزرائيل يطلع بوشي ..
نطت جارتنا وئالتلي لك شبك شبك انا جارتكم حورية مين عزرائيل وفزرائيل !!
دخلت حورية وجارتنا التانية درة لعند امي ..
ضمن سياق الحديث نطت حورية وئالت يييا ولي على ئامتي اليوم عرس اخوي بكري وانا ما مجهزة حالي ايدي بزناركم ساعدوني ..
ئالتلا درة وامي ولايهمك خلينا بالاول ناكلنا صحن فتوش ... جابو الفتوش وشرشرت حورية من مرئة الفتوش ع فستانا ..
طالعت درة قلم الحمرا ولغمطتلا وشا , وامي كانت عم تدوب شوية طباشير ملونة مع مي وحطتن على راسا
وطالعتلا درة طقم اللولو اللي طلعلا بعلبة المحارم ولبستها ياه وبعتوها ع العرس ..

وهي طالعة ع الباب اندارت علينا وعيونها عم يلمعو وئالتلون :-
انا كتير ممنونة منكم , بس امانة طالعة حلوة هيك !!؟

ئلتلا انا , يلعن عالم بس لو اني اكبر بشوي علي الطلاق لاخدك خطيفة

زكـــريـــــــــــات

[r_mido]

أهم مكونات الجلطة السورية ~

دولار

بينزين

كهرباء

ماء

[r_mido]

شئد ماكتبت أشعار عن وجع الئلب ~ رح يضل دخان السيكارة اللي بفوت بعينك بوجع أكتر .
شئد ماحكيت عن حب الوطن ~ رح يضل في ناس بتحب نانسي عجرم أكتر .
شئد ماكنت بتئبض راتب اول الشهر ~ رح تضلك ئاعد بالبيت آخر يومين من الشهر .

هيك بس .... بتكون حقيقي ..

[r_mido]

المشاركة رقم ~ 100

مئوية مدونتي كنت تاركها لاكتب فيها شي مميز
ولكن اليوم رح اعتبر انو صار معي فيو شي مميز كتير

13/7/2013



تعرفت على مكان متواجد عزرائيل بكترة
ارواح كتير راحت فيو
ارواح كتير مهددة
روحي ماكنت بعرف وئتا ان كانت رح تضل ملكي او سبحانو رح يستردا مني

المهم مشواري اليوم استخلصت منو نتيجة مهمة ...



تعيش اسرائيل , يعيش شعب اسرائيل , يسقط العرب
تسقط جنسيتي متل ما سقطت نفسيتي اليوم
واثق تمام الثقة انو اسرائيل وشعب اسرائيل ما بيعملو الشي اللي عم نعملو ببعض
ئلتا سابقاً ورح ئولا هلأ ولاحقاً :~

نحنا منحمل اسم الإسلام وهنن بيحملو أخلائو ..

[r_mido]

له يا خيي مظبوطه هلق الحكيم ...
عراسي الحكيم بس انو شو بيتمنالك الحكيم
انو تضلك متل النمر يعني
ما في ما بدو يشتغل هوي كمان
والمستشفى شو بالله
انو المستشفى بتتمنى تظل فاتحه ليل نهار
وهالعالم عم تتغندر حواليها متل الاحصنه
يعني اذا بتشلي امك ع جنب بيطلع اخرة النهار
ما في الا هول جماعه التامين ... هني الي بيتمنولك كل خير
بيتمنو ما تدقك شوكه
شو بعملك
بس مظبوطه

[r_mido]

الصداقة متل المعادن , في منها الغالي والئوي والليّن , وفي منها بيتبخر بثواني
فلما البني آدم بلائي صديقو الغالي بيتوقع منو يوئف جنبو عند الحاجة , او على الاقل يكون حسن النية تجاهو
لأنو الصداقة بعمرها ما انئاست بالكم ... الصداقة بتنئاس بالكيف ومافيه من أمانة وتفاهم وتسامح ومساعدة
اللي بيملك هالشي , أكيد رح يملك صديقو

وغير هيك كلو حكي جرايد ما بعبي براس حدا

[r_mido]

لازم الواحد كل فترة ينفض غبار الزمن , ليكتشف الجوهر

[r_mido]