ღϡ₡ღ مَدخل إليّ ღϡ₡ღ

[ياسمينة الشام]

~
إيهآ الداخل هنآ ..
إلى قلبي .. إلى حيآتي .. إلى ذكرياتي .. إلى عقلي و أفكاره ..
إلى متآهتي اللاااااانهائية .. و دنياي العشوآئية ...
لست تلك الفتآة التي تظن
و أقصد بمآ تظن أي تخيل يخطر ببالك
فأنا من النوع الذي كلما توهمت بأنك تعرفني زآد جهلك بي و تيهك ..
أنا أنثى استثنائية .. لآ تتكرر و لآ يكررها القدر ..
أنآ مجرد حروف و كلمات مبعثرة ..
بضع خوآطر هنا .. و قليل من همسآت هنآك ..
بقايا آهات و أنآت ..
ذكرى قلب تأكدت من أنه قد مآت ..
مشآعر مدفونة في أشعة خيوط الذكريآت ..
أنآ همسة خجل ,, أنآ صرخة جرأة ..
أنا فتآة أهلكتهآ كثرة النوآقض فيهآ
أنا طفلة عرفت كثيراً لكنهآ لم تعرف نفسها ..
تتملكني كآبة اعتدت تمويه معالمهآ بقناع من خفة الظل ,, ربمآ ,, و قليل من مرح
بالنسبة لي من الغريب و المثير للدهشة أن لآ أجد في كل يوم خنجراً جديداً في ظهري
لذلك يا قآرئ هذه الهيستريا مهما كنت عزيزاً اعلم أني في انتظار جرحك
و لكن لسوء حظك الجرآح لآ تؤثر في الجثة الهآمدة و لن تزيدها موتاً
فقد قتلت منذ زمن ..
لآ تحآول بكلمة و لآ بجملة ولو جعلت البحر مداداً لحروفك
أن توهمني .. بأنك أهل للثقة ..
لست مستعدة لتجربتك و إذآعة المزيد و المزيد من ثقتي ووقتي على أمثالك من بني البشر ..
فقد ضآع منهآ مآ ضآع .....
فـــ يا شبحاً مآراً على حروفي باحثاً في أورآقي عن صيد ثمين لشبكته الرخيصة ..
بطعمٍ زآئف يسمى المحبة و الأخوة .. لقد أخطأت العنوآن الآن ..
لآ يهمني رأيك في شخصيتي و لآ أريد معرفته ومن أنت حتى تقول من أنآ أو مآذا أكون
فمهمآ كان وصفك لي تأكد و كن على ثقة أنه لن يهز شعرة في غرتي
و بعد أن انتهيت من جولتك السياحية بين حروفي المفككة ..
إرحل ... فقد أطلت المكوث عندي


_________________________________________

كتبت في 1 / 4 / 2010
حررت للمرة الأولى 10 / 3 / 2011
الطبعة الثآنية 27 / 7 / 2012

تسنيم شآي

[ياسمينة الشام]

Happy Birthday ~ Ṃў βℓфĝ

كل عآم و [ أنآ ] بألف خير ,,
مدونتي الحلوة الظريفة اكبري بسرعة أيه
الله يرضة عليكي ههه

[ياسمينة الشام]

غْ ـِـِمض ۶ــِيوטּـِڪ ۈآسـرـζ في ۶ــِآلم .. إآحسـآسـي ~

~ غْ ــمِض عُـــيــونَـك وآسرَحْ فِي ع‘ ــآلَمْ .. إِآحسَـــآسِــــي ~

و آنـسـى هُــمـومَـكْ و أفــرَحْ يَ كُــل أهـــلِــي و نَــآسِي

[ياسمينة الشام]

|| An Entry To Me ~

مبآرح و أنا عم نزل المدونة
قرأتهآ لأول مرة من شي سنة
حآولت كتير اتزكر الحآلة يلي كتبتا فيها بس ما قدرت
لئيت حآلي بآلغت بالكره شوي ,, و لئيت أنو في اشيا كتبتا و ما طبئتا
فكرت أني عدل عليهآ بس بعدين غيرت رأيي

خليها متل مآ هي
متل مآ أنا ~



يآسمينةُ س‘ــهر يسلمو كتير عالصورة

[ياسمينة الشام]

* كنا سبعة عالنبعة ~

رمــضــآن [ 7 / 7 ]
تـــمـــوز [ 27 / 7 ]
أنو شو هالصدفة الحلوة هي



قرب اليوم يخلص ,,
فرح بأمريكا عايدتني متأخرة بس طلع السبب أنها لهلأ ما اتعودت ع فرء التوئيت
ايمان عالسحور عايدتني و حكت كلام كتير دايئني كمان هية تركت بيتها
كتير اتغيرت بعد ما طلعت النتائج
مع أني ما بعرف اديه جمعت و خايفة اسألها بس واضح أنو ما كان كتير منيح
( سامحيني بس من بعد النتيجة انقلبت لإنسانة ميتة )
لسا ما رديت عليها ,, وما بعرف شو بدي رد

[ياسمينة الشام]

Ẫħ♏ẽ₫ .Ťễả

Ahmed Tea

اليوم كآن أحلى من ما اتوقعتو بكتير
شكراً لكل شي عملتلي ياه
و الله يحميك و يبعد عنك كل شر
و ترقب عيد ميلآدك الجآية هههه

[ياسمينة الشام]

يَ بــعــيــد و سـآكـن بـقـلـبـي

نيآلك يَ هوى ئآدر لــ ح‘ـبيبي تروح
و تضلو سوآ و ابئى أنآ المجروح

[ياسمينة الشام]

* ســـوى و ســآكــتــيـــن ~

لآخــر مرة ,,
آخر مرة رح نسكت !!
شو يلي بشبع الحنين ,, السكوت لما الحكي

[ياسمينة الشام]

* مــآ بدي روح ~

عم بحكي مع فرح صح بطلنا كتير صحبة
بس بضل مجربة قبلي الغربة ,,
يالله !! ما كنت متخيلة أنو مجرد تضب تيابك بشنته صعب هالئد
بكل ئطعة تياب بسترجع ألف ذكرى و ذكرى
عم بطلع على كل شي .. بدي مخدتي معي وتلفوني وحرامي
ماحدا بيعرف اديه هالاشيا بتعنيلي ماحدا
3 ايام بلا نوم
ماعم فيني نام عم بتوسل لتختي يضمني وينيمني بس ماعم بقدر نام
مع اني تعبانة ومكسرة تكسير بس ماقدرت نام

[ياسمينة الشام]

شو مآ صآر ,, أنت بتمشي هون
أنت بتمشي بعروئي ,, أنت ... كلي و أكتر ~

[ياسمينة الشام]

دبدوبي أنا شو أعمل !!
يوم الي كنت بالمزرعة فكرت حآلي خلص رح بخسرك للأبد
و هلأ اليوم حآسة أنو الي بيربطني فيك خيط رفيع رح ينقطع
مرة عن مرة عم تسوء الأوضآع
قرب الموعد كتير ,, بدي أي شي يفركش هالروحة
يآرب بكره تتسكر الحدود
عندي أمل شوي أني أقدر أنفد منها و هالأمل كمان عندي أمل شوي أنو اتأمل فيه
هففف شو عم بحكي أنا شو عم خبص
انشالله موت وأنا عم حاول المهم حآول بلكي ظبطت الئصة
أهون ما أتعذب لآخر عمري ..
احكيك بصرآحة بدي شوية تشجيع بس
من بعد ما صار عمري 18 بطلت تشجعني !! لتكون شفتني كبرت عالتشجيع !!
مابدي أكبر بدي ضل صغيرة وأكبر همي [ دبدوبي ]

[ياسمينة الشام]

أختي رح تجي بكره تهريب عالبلد
والحلو أنو ئال سر لآ تئولي لأمك !!
طيب ليه بتحمليني هيك نوع مسؤولية كنتي لا تحكيلي وخلصنا
ئال جاية تاخدنا لأنو بدنا مين ياخدنا نحنا
مالي مقتنعة بكل هالعذر أنآ ,,,,

[ياسمينة الشام]

* أحـلآم الـيـقـظـة ~

من هلأ عم بتخيل إذا سآفرت
طول الطريق رح ببكي
رح أوصل مابدي عانئ حدا بدي ضل عم ببكي
رح عيش أيآمي عم ببكي ما رح يكون عندي غير شوية ذكريات
و كل شوي رح بسأل حآلي يَ ترى هلأ شو عم يعملو هنيك !!
يَ ترى عم يفكرو فيني متل ما أنآ عم فكر فيهن
يَ ترى عم يتزكرو كل لحظة عشناها متلي
يَ ترى مهمومين .. زعلانين .. فرحانين
هنن بخير .. عآيشين ؟؟
آآخ مجرد التفكير ما عم بتحملو
و فرح بتئلي لآ تفكري حاولي تعيشي أحلام اليقظة ×
طيب أنا بدي حقق هالأحلآم بدي حققها

[ياسمينة الشام]

* قـبـل طـلـوع الـضـو ~

السآعة 5:30 am
انتقاماً من أمي لأنو مآ سمحتلي أودع رفيئتي إيمانوو
فتحت بآب الجنينة و تسللت إلى بيت الجيرآن الذي يكون منزل إبن عم بابا ..
و خرجت مع إبنة عمي و أخيها في نزهة صبآحية ( قبل طلوع الضو )
قمنا برسم لوحآت جميلة لشروق الشمس
عندما ظهرت سيآرة مفيمة عند اللفة ورا حاوية الزبالة ..
تلوت الشهادة وبلعت ريئي وتذكرت أنني لم أكتب وصيتي و تحسرت كثيراً
لكن ظهر أنه أحد سكآن الحي
مشينا في حارات كثيرة والتقطنا صوراً عديدة للديك والشجرة وخزان المياه و حتى حاوية الزبالة ( أعزكم الله )
و في طريق عودتنا أشرقت الشمس علينا و حييتنا أو ربما سخرت من جدبتنا

التقطنا لها صورة تذكارية ووعدناها بأن نضعها على غلاف مجلة بيبول مجازين
عدت إلى المنزل لأجد أخي الصغير ينتظرني عند باب الجنينة
و لشراء سكوته سمحت له بأن يلعب في المزرعة السعيدة قليلاً
و انقضت القصة على خير
هههه يلعن أبو تباً

[ياسمينة الشام]

عم عد أيآمي بقربك بالثواني
كان باقي سهرتين صآرو سهرة
يمكن تصير يمكن مآ تصير كمان
يمكن روح عم ببكي .. لآ أكيد رح روح عم ببكي