ღϡ₡ღ مَدخل إليّ ღϡ₡ღ

[ياسمينة الشام]

المشآركة رقم :

17,000

بحب رقم سبعة أنا
و أوبش حالي كمان ههههه

[ياسمينة الشام]

حلوة فكرة الماش آب ~

[ياسمينة الشام]

تباً للـ 30 ثآنية بين المشآركآت
والأحقر منها
لما توقف المشاركة على ثانية واحدة !!!

[ياسمينة الشام]

أنا ايمتى بقعد مع الصغار !؟
بس لما يكونوا راجعين من السوبر ماركت
تعـــــــآل حبيبي ,, افتحلك الشيبس ؟

[ياسمينة الشام]

من زمان بلبس بئيدي إسوارة علم سورية
و ما بشيلا أبداً
صح أوقات بلاقي الناس صافنين فيها بس اتعودت ..

بأول الامتحانات
أنا و عم قدم تجي المراقبة تضل واقفة فوق راسي من أول الفحص لآخرو
بس عم تحاول تعرف شو لابسة أنا
مسكت بطاقة امتحاني
صفنت فيها شوي لقت اسم بلدتي مالو اردني .. استغربت
بعد شوي اجت و سألتني
(( إنتي أي نادي بتشجعي و هاد علم مين ))
على ئد الصدمة الي وقعت فيها
بس تمالكت أعصابي و خليت عيوني بالورقة وقلتلا برشلونة

رجعت مبارح بالإمتحان اجت نفس المراقبة
و بنص الفحص فاتت مديرة القاعة عم تسألنا كيف الأسئلة
و اجت عينها على اسوارتي و قالتلي ياااه إنتي سورية ( كأنو كائن فضائي يعني )
ئام وقتا لمعو عيون المراقبة الجاهلة أنو و أخيراً عرفت السر وصارت كل الفحص تتبسملي

أنو بغض النظر عن الجهل
يعني نحنا الدولة يلي فوئكن !! معقول ما بتعرفو علمنا ؟؟
و الله لو دولة موريتانيا ما بزعل
لعمى ناس ما فيها حيا ,, لكن حدا ما بيعرف علم سوريا شو هو ؟؟

[ياسمينة الشام]

برجع كمان لأسئلة الأردنية اللطيفة
طبعاً بعد ما عرفو و خلصو إني سورية و خلصت السيرة
تسنيم ؟؟ هلأ عنجد في ناس عم تموت عندكن !!

أنو لأ هيك كتير .. مشان الله الرحمة
هو ما حدا عم يموت بس أنا طالعة أعمل سياحة بالأردن لأنها بلد رائع كتير !!

تسنيم ؟؟ يعني نحنا عم نشوف الأخبار .. بس إنتي حكيلنا الأخبار صح ؟
لأنو ما منعرف شو نسدئ

هون أنا بكون انتحرت داخلياً
يعني مين ئلكن أنو أنا عيوني موقع يوتيوب مثلاً ؟؟ أو مخي محرك بحث غوغل !!
أو ليكون تمي استديو العربية !!

و لك حاج عاد عئلكن براسكن بتعرفو خلاصكن
شو أنا بدي ئلكن شو عم يصير وشو ما عم يصير

[ياسمينة الشام]

اليوم كانوا أسئلة علوم الأرض صعبين كتير
طلعت من الفحص ع الباص و أنا عم ئول يئطع عمر الي حط الأسئلة

بتنط زنخة من وراي بدها تقلد الحكي السوري ..
(( أي عنجد يئطع عمرن ووااااو .. يالله شو سئيلين ))
و بعدا فقعت ضحك كأنها فجرت نكتة
و طلعت فيني و ئالتلي
(( موو ؟ ))

لآ تعليق

[ياسمينة الشام]

اكتشفت اكتشاف خطير
بيشبه اكتشاف أنو رجلي اليمين أكبر من رجلي الشمال

أنو لما حدا يقلك أنتا شخص مزوء ,, هادا ما بيعني إنك مزوء
بس هالشي بيعني أنو زوئك على زوئو

مما يرجح أنو أنتو التنين زوئكن بشع

[ياسمينة الشام]

I can hear the sounds of violins
Long before it begins
Make me thrill as only you know how
Sway me smooth, sway me now

[ياسمينة الشام]

حــبـــوو بــــووورس

[ياسمينة الشام]

هههههه مهضومة كتير
و بتعبر عن حالي كمان

[ياسمينة الشام]

تعبت كتير .. أنا حتى قرفانة من تعبي
لأن تعبي هادا بحسسني اديه أنا ضعيفة
و أنو أي كلمة بتكسرني ئد ما مثلت القوة
شو بكره الناس ياخدو عني فكره بشعة
و الي بكرهو اكتر اني بجي لسدق هالفكرة عن حالي ..

[ياسمينة الشام]

انئطعت الأخبار .. مالي نفس إحكي .. مالي نفس إشكي
لك الله مدينتي ..

و مازلنا في ترقب !

[ياسمينة الشام]

[ياسمينة الشام]

صباح الخير مدونتي
بعرف بقلبك عم بتسبيني وتقولي ( ما بتجي غير لما تكون زعلانة )
بس بتعرفي حتى لما ازعل بطلت اجي
لأني كرهانتك كتير وانتي مشوهة وبلا صور وفي جواتك صار ردود فاضية
رح ضل ادعي على علاء تنحرق ذاكرة موبايلو و كمبيوترو كل عمري وما يتهنى بصورة
سامحت كل الناس بحياتي إلا هو ههههه