ღϡ₡ღ مَدخل إليّ ღϡ₡ღ

[ياسمينة الشام]

كيفك مدونتي ؟؟
بتسلم عليكي مدونتي التانية عالفيس وبتئلك حركيلي حالك شوي حاجة نوووم
هههههههه
أؤبش حالي شو مجنونة

[ياسمينة الشام]

[ياسمينة الشام]

أنآ ما بشوف حآلي أبداً
و عنجد بس المقربين مني بيعرفو هالشي !
و لو مدحت حالي مرة بكون عن مزح ..
بعرف حآلي منيح و أنآ متلي متل غيري .. مالي كتير منيحة ~

[ياسمينة الشام]

الفكرة إني بطلت احلم من زمآآن !!
يعني هلأ ما بقدر اعمل شي ؟

[ياسمينة الشام]

رح برجع أكيد بس ايمتى ؟؟

[ياسمينة الشام]

نسيو يقولو يلي أول حرف من اسمهن تسنيم !!

[ياسمينة الشام]

~ * ~

مين زعل ست الحلوآت ؟
خلآها بدموعها تبآت
تمطر مطر هالدمعات
واتبللت المخدات

[ياسمينة الشام]

و شو بعمل أنآ يلي غربتي غربتين !!
وعندي بدل الأمل ألمين

[ياسمينة الشام]

[ياسمينة الشام]

و تقرصني " النآموسةُ " معترضة !!
أن توقفي عن التفكير به ...

[ياسمينة الشام]

أنآ بعرف تمآماً شو صآر
و بعرف شو رح يصير
بس وجعني قلبي كل مرة هالسيناريو
أنو لو مرة وحدة يكون الحل مختلف شوي
من هلأ خايفة وعم بدعي تمضى ع خير

[ياسمينة الشام]

ليه عم بخدع حالي ..
سعيت للحرية كتير وهتفتلا
بس أنآ لهلأ ما اتحررت من جوا
لهلأ خآيفة أحكي لهلأ خايفة عبر
لهلأ خايفة وآجه كل الناس الي حوالي واحكيلهن أنآ هيك بدي عيش
محكومة من كل الناس
وبعمري ما كنت حره بس بدي صير

[ياسمينة الشام]

~

[ياسمينة الشام]

إذا ما تزوجتي بتصير خدآمة ~ هيك حكت وحدة بعمري ما شفتا
وبتدافع عني قريبتي وبتقول : لا تسنيم ما بتوصل معا لهيك بس بتتعزب بحياتا
بترجع بتكرر : لا حتى لو رح تصير خدامة يعني خدامة , وبلهجة عياط !!

هو يعني مين ئلكن ما بدي إتزوج ؟ مين ئلكن إني بكره الولاد _ ئد ما ادعيت اني بكرهن بس أول ما شوف ولد صغير بعصرو وبهريه بوسات _
مين حكالكن إني ما بتمنى عيش ببيت لحالي واستقر

أنا مالي مسدئة ايمتى أسس عيلتي
بس بخاف إذا حكيتلكن هيك ما يعود يتسكر باب بيتنا ع ئد ما بتجيبولي عرسان

كل القصة ومافيها إني مضطرة ئول ما بدي اتزوج وبدي عنس متل البنات التافهات لحتى يجي هو ~

[ياسمينة الشام]

بعيدةٌ عن الوطن .. و دون عينيكَ أيضاً
لكنني أثقُ بقلبي لذا أنصتُ إليهْ ,, لأعلمَ أنكَ مهما ابتعدتْ ,, هُنآ أنتْ ~