/// مافي مصاري ... في عنوسة ~

[r_mido]

سعيدة




وأنا عم اتكزدر بمتصفحي هنا وهناك , شفت أحد الأخبار متداول بكزا موقع ..
شب دفع مهر عروستو " مصحف " , وأبوها شرط عليه المأخر يكون " حجة " للبيت الحرام ..
بنفس الوئت اللي نحنا واصلين فيو لمرحلة ما بتنطاء من الغلاء لدرجة انو بإحدى المراحل صار المواطن يشتري البندورة بالوحدة ..
يعني ع فكرة انا ما بحب البندورة , ولست من مؤيديي اللحمة بالبندورة .... بغض النظر عن اللحمة اللي ما بينزل سعرا الا لما بينتشر فايروس جنون البقر ..

ماعلينا , منرجع للزواج .. وهالحادثة الفريدة المتمثلة بالمهر المصحف ..
فإذا ربطنا هالحادثة بإرتفاع الأسعار وافترضنا جدلاً انتشار طيبة الئلب بين المواطنين العرب , وصارو كل الأبهات " جمع أب " يئبلو بمصحف مهر لبناتون , ياترا ساعتا رح يصير للمصحف تمن بالسوء ويرتفع تمنو !!؟ (للمتفزلكين دينياً كلامي لايعني أي اساءة للمصحف ولكن للمثال فقط )
ممكن يصرلو جدوى اقتصادية تندرس بإجتماعات التجار لتحديد الأسعار ؟؟
ممكن الأب يصير يطلب مثلا مصحفين أو تلاتة ؟؟

طيب هيك درسوني بالكلية " كل شي مطلوب بالسوء لازم يرتفع سعرو " فما بستبعد أبداً انو يصير كمان في مصحف دهب أو مصحف فضة ..

برجع بعيد مافي سخرية بكلامي من المصحف , بس وصلنا لمرحلة صار فيها التفكير صعب والتركيز شبه معدوم , حتى إذا طلعت مشيت بالشارع رح تشوف بنت عم تحاكي حالا , او شب ماشي عم يغني " كتاب حياتي ياعين " .. فما ضل حدا يشكي ويبكي لانو مارح يحمل همومو الا همومو ..
بنات ئطعت سن التلاتين وهي عزابية مع العلم لو رجعنا بالزمن مش اكتر من عشر سنين هالبنت تعتبر عانس بالمجتمع ..

لإيمتا يا حكام وزارة الإقتصاد ؟؟
ضروري تخلوني أحلف بالطلاق ما اتجوز بعمري !!

[♪♪زهرة اللوتس♪♪]

احترنا يا ئرعه من وين بدنا نمشطك

يعني ان طلبووو مهر بتئولووو طلبووو مهر كبير
ان ئالووو مصحف بتئولووو رح يصير المصاحف غاليه وتنفئد من السوئ
يعني الشب يلي مابدو يتجوز لا يتجوز ويتحجج بالمهر يعني هاد لاب يلي
طلب مصحف استحى يئول ما بدي شي وبيعرف انو كل بيت فيو مصحف
لهيك طلب هيك شي !!بئا فوئ ما الابهات عم يراعو شعور الشباب ها الكم يوم شه
يتسائل احدهن

[r_mido]

احترنا يا ئرعه من وين بدنا نمشطك

يعني ان طلبووو مهر بتئولووو طلبووو مهر كبير
ان ئالووو مصحف بتئولووو رح يصير المصاحف غاليه وتنفئد من السوئ
يعني الشب يلي مابدو يتجوز لا يتجوز ويتحجج بالمهر يعني هاد لاب يلي
طلب مصحف استحى يئول ما بدي شي وبيعرف انو كل بيت فيو مصحف
لهيك طلب هيك شي !!بئا فوئ ما الابهات عم يراعو شعور الشباب ها الكم يوم شه
يتسائل احدهن

بحئلك تئري الموضوع مرة تانية وترجعي تردي
ائري ماتحت القشور

[Chris]

منجي للموضوع

ياميدو عم تحكي عن سيرة انا اكتر واحد حس بوجعها بحياته
لانو الفكرة مو متل ما الكل بيفهم علينا ... الئصة مو ئصة مهر ومقداره المادي وكتير وئليل

بس مثلا ليش ما تصير فكرة دارجة بهالمجتمع يلي مو معروفة ئرعة ستو من وين

يكون المهر انو هالبنت تكمل دراستا الجامعية والعليا من نفس المصاري تبع المهر
او ينفتحلا مشروع باختصاصا تشتغل فيه او ايا شي يأمن مستئبلها وماتحس حالها عالة على حدى في حال بيوم من الايام تركو بعض هية وهالشب

ساعتها لو بيكون المهر خمسين الف او تسمعية مليون ... النتيجة انو صار في شي ايجابي لهي الانسانة وتغير شي بحياتا

ويلي مابيأمن على بنت الناس ببيتو اكيد ما حيأمن عليها تشتغل وتدرس وتعمل مستئبل

لهيك جماعة الاقتصاد جاييهن الدور وحتنئلب عليهن الطاولة اول على اخر ... ويسلمولي ساعتها على ثروة الامم والحجي آدم سميث كتير السلام ويسالوه عن صحة ستو الوالدة الحجة ام ادم

يمكن هالمجتمع الفاسق الكافر المارء وئت بيحترم المرأة وبينظرلها بعين غير هالعين العورة ... ساعتها بتبلش حياتنا وحياتها تصير احلى

[السندريللا]

عزيزي احمد ....انا مش عايشة بدولة عربية ولكن عم تابع الاخبار وشوف معاناة الناس
ولا تفكر انو غلاء المعيشة بس بدولنا العربية يا جماعة سدءوني هون شيء لا يطاق صارت الاسعار
المهم برجع لموضوعك ويلي هو تقريبا الاحتكار التجاري والاستغلال يلي وصلنالوكل شي عم ينطلب بالاسواء عم ترتفع اسعارو
اما بالنسبة لمستئبلك لا تخاف الله ما بيئطع بحدا الا ما تفرج
مش يمكن تصير انت من هالتجار الكبار واكيد بوقتها رح تئدم تسهيلات كبيرة للشباب
لانك رح تشعر بمعاناتهم

[r_mido]

يكون المهر انو هالبنت تكمل دراستا الجامعية والعليا من نفس المصاري تبع المهر

بالله !!!!؟
وهيك ابوها كيف رح يكوش ع الاول والآخر ؟؟
مفكر الواحد كل يوم بصحلو بنت يتاجر فيها

النتيجة انو صار في شي ايجابي لهي الانسانة وتغير شي بحياتا

مو ليفتنع الأفندي اللي آخدا بالاول انو هالمخلوئة لازم يكون الها كيانا وشغلا ومشاريعا

لهيك جماعة الاقتصاد جاييهن الدور وحتنئلب عليهن الطاولة اول على اخر

وصل البل لدئني خخخخ ئول المسؤولين عن الاقتصاد ازبط


منور حجي

[r_mido]

عزيزي احمد ....انا مش عايشة بدولة عربية ولكن عم تابع الاخبار وشوف معاناة الناس
ولا تفكر انو غلاء المعيشة بس بدولنا العربية يا جماعة سدءوني هون شيء لا يطاق صارت الاسعار
المهم برجع لموضوعك ويلي هو تقريبا الاحتكار التجاري والاستغلال يلي وصلنالوكل شي عم ينطلب بالاسواء عم ترتفع اسعارو
اما بالنسبة لمستئبلك لا تخاف الله ما بيئطع بحدا الا ما تفرج
مش يمكن تصير انت من هالتجار الكبار واكيد بوقتها رح تئدم تسهيلات كبيرة للشباب
لانك رح تشعر بمعاناتهم

وصلنا لانو الموظف صار راتبو يعادل 100 دولار وتجار الازمات ما زالو يتمادو بالاحتكار وازلال المواطن حتى بلئمة عيشو
وك انا رحت ع التلاتين وبعدني ماعارف راس من اساس , ولما بدي كون من التجار متل ما عم تحكي هي شغلة بدها ظروف مناسبة
وحاليا الظروف مش مناسبة للعيش مش للتجارة هههههه

منورة نيسوووو

[Chris]

لك دخيلا دئنك انت ايييييه

[ياسمينة الشام]

مين سمير !!
الفكرة أنو أنا مابفهم معاناتكن لأن نحنا بمدينتي متل ما سبق وحكيت ما في مهر مختلف عن مهر
مهر بنات البنت كلو نفس بعضو ومتعارف عليه يعني ما بفصلو فيه الاهل بين بعضن
بس شو بدك بالحكي لما يكون أب شايف الفايدة الوحيدة من بنتو هو أنو يجوزها متل كأنو عم يبيعا يعني ويرجع كل الي صرفو عليها كل عمرو من هالشب المعتر بظرف يومين ههههه
و مشان التجار ~ لا تستغرب ساعتا يحطو خبر عاجل شاب يقدم لفتاة أكبر مصحف في العالم كمهر ومساحته بقد مدينة حلب ههههه
بالنسبة الي هلأ فكرت فيها ,, بدي مهري حصان ع سيرة المهر يعني ههههههه يما شو جاية عبالي ههههههههههههه بس يجبلي حصان عريس الغفلة

[Chris]

بالنسبة الي هلأ فكرت فيها ,, بدي مهري حصان ع سيرة المهر يعني ههههههه يما شو جاية عبالي ههههههههههههه بس يجبلي حصان عريس الغفلة

ياجماعة هي البنت لاعاد حدى يعزما على هيك مواضيع

عم نحكي عن الغلا والخانم بدها حصان لك بتعرفي كم مليون حئ الحصان يا فتاة؟؟؟

ال عريس الغفلة وهاد كلو ولسا ماصارت بالعشرينات
ياحبيبي

[ياسمينة الشام]

ياجماعة هي البنت لاعاد حدى يعزما على هيك مواضيع

عم نحكي عن الغلا والخانم بدها حصان لك بتعرفي كم مليون حئ الحصان يا فتاة؟؟؟

ال عريس الغفلة وهاد كلو ولسا ماصارت بالعشرينات
ياحبيبي

ع الأقل عم احكي عن شي حلو مو جيب مصاري واصرفهن ع الاكلات الطيبة
هاد الحصان روح لهيك بيستاهل يكون حقو ملايين بعدين بعد فترة بمل منو ببيعو وبشتري سيارة

[r_mido]

لك دخيلا دئنك انت ايييييه

اييييييييه

[r_mido]

مين سمير !!
الفكرة أنو أنا مابفهم معاناتكن لأن نحنا بمدينتي متل ما سبق وحكيت ما في مهر مختلف عن مهر
مهر بنات البنت كلو نفس بعضو ومتعارف عليه يعني ما بفصلو فيه الاهل بين بعضن
بس شو بدك بالحكي لما يكون أب شايف الفايدة الوحيدة من بنتو هو أنو يجوزها متل كأنو عم يبيعا يعني ويرجع كل الي صرفو عليها كل عمرو من هالشب المعتر بظرف يومين ههههه
و مشان التجار ~ لا تستغرب ساعتا يحطو خبر عاجل شاب يقدم لفتاة أكبر مصحف في العالم كمهر ومساحته بقد مدينة حلب ههههه
بالنسبة الي هلأ فكرت فيها ,, بدي مهري حصان ع سيرة المهر يعني ههههههه يما شو جاية عبالي ههههههههههههه بس يجبلي حصان عريس الغفلة

اذا كل تفكير البنات رح يكون متلك بضمنلك تلت رباع بنات سوريا يعنسو يعني من شو بيشكي الفار هههه ضروري حصان