سؤالين صغار.....؟

[لينا]

هي للرجل مو لازم حامل شهادة

المهم حامل عقل و تفكير منطقي وحلو كمان جاهل خالص لأ

يعني متوسط بس المهم انه يكون حامل عقل وتفكير كبير

اما البنت برأيي اهم شيئ الشهادة

وكتير كمان بتنفعها بعدين

[ياسمينة الشام]

أنو يعني أكيد الجاهل لأ

[شوووق]

حامل الشهادة العلمية أن كان متوظف بشهادته وناجح بعمله ومثقف
بغير أشياء لو بشكل سطحي بفضله على الجاهل أكيد وعلى المثقف أيضا

يسلمو

[دلع الأيام]

يعني اكيد الجاهل ما رح يكون مفضل عند اي وحدة من البنات

بدي واحد يكون مثقف و حامل شهادة

[جنان أسـوم]

بفضل الرجل الراكز العاقل الحكيم مابيهمني المستوى العلمي لانه كتار واصلين لمستويات عاليه ولما تجي تتحاوري معه تلاقيه اتفه من رجل بحياته ما مسك لكتاب

[gaya]

واو .. حسيت كل الصبايا هيك لزيزات ومتسامحات وما بدن شي من هالدنيي هههههه

أنا شخصياً بدي يا مثقف لأني ما ح عيش مع رجل من كوكب آخر وما دخلو بشي وبحب لما إتخانئ مع حدا يكون الصد والرد بنفس المستوى ولما نتناقش

إسمع رأي عقلاني مو كلام منقول أباً عن جد.

وطبعاً الشهادة لسبب واحد هو العمل المحترم يلي رح توفرو هالشهادة مشان نعيش عيشة كريمة, وأنا حدا متطلب وهو مضطر يكون أد المسؤوليية.

خلاصة: مفروض يكون رجل والرجال مدري وينو

[السندريللا]

من الطبيعي الانسان الجاهل مرفوض من الكل وغير مرغوب فيه على الإطلاق ،
بيبئاالخيار ما بين الانسان المثقف والانسان المتعلّم حامل الشهادة
واكيد الخيار مش كتير صعب :
لان مش كل انسان متعلم بيكون مثقف ، ممكن يكون نجاحو ضربة حظ او مشتري شهاداتوو
ولكن اغلب المثقفين متعلمين لذلك انا بختار الشب المثقف لان بيكون عقلاني وأفقو واسع بالحياة
(( يعني في مجال للاخد والرد معو ))...

[تَـرَفْ ~]

أكيد بفضل المتعلم .. هلأ نحنا بعصر العلم و التطور ما بقدر عيش مع شخص جاهل
لأنو أكيد راح يكون شخص متخلف و عقلو دقة قديمة و متمسك بالاباء و الاجداد ليموت !!

[عاشقة سوريا]

الرجل المثقف طبعا فبطبيعة الحال هو الوحيد الدي تستطيع التعامل معه ...
ٌلقراية في الراس ماشي فالورقة والكراسٌ

[Rainman]

خير الأمور الوسط .. لذا سأختار الثقافة .. فضلا ً عن البديلين الآخرين .. لأن الإنسان المثقف هو بالتأكيد شخص ناجح في حياته وممكن يكون معاه درجة علمية أكيد .. بس الثقافة أولا ً علشان الدرجة العلمية مش مقياس للشخصية .. ولكن الثقافة تعد أحد مراكز قوة الشخصية

[عطر النارنج]

هل تفضلين الرجل الحامل شهادة علمية او الرجل المثقف تثقيف عالي او الرجل الجاهل ..؟


مومهم يكون متعلم او جاهل بالنسبة الي المهم يكون بيفهم عليي و بحس فيي وبهموا كون مرتاحة الرجال يلي بيكون عندوا وعي و عقل يستوعب كيف يتعامل معي لانو العلم مو مهم مع رجال ما معقد او بس بيحفظ الكتب " المهم يكون رجال بالفعل مو القول "

هاد رايي ويسلموا ع الموضوع

[الموعد الثاني]

الفتاة المثقفه ايضا" هي الأختيار المميز والامثل بالنسبة للشاب ولنفس الاسباب .
_____________

الاطلاع والدرايه هو الركن الرئيسي للاستمرار في نجاح اي علاقة .
طبعا" هنا ثقافة الرجل لها دور في ادارة الأمور بكل حرص ووعي على الطرف الاخر بكل شؤونه
لئن المقابل ( هوالنجاح وهذا هدف صعب جداتحقيقه في حال وجود طرف من الصعب ان تنقل له الفكرة .
ان سوء الفهم والتفاهم ( شيء معقد جدا" بهذا الخصوص ؛؛ الموضوع يحتاج للكثير من التوضيح وبشكل اوسع .
لكن اكتفي بهذا الرأي العام .. بالموضوع الرائع جدا" .
بتمنى ما اكون ازعجتكم ؛ مع التقدير

[حنان]

اكيد المثقف احسن لانو راسو معبا بشغلات فيا فايدة وحكيو مالو ممل وكمان هو عالاكيد شخص بيفهم لما نحكي معو ما بتعبنا

[شووووق]

المثقف تثقف عالي جدا

بطبيعتي بحب أسمع وأتعامل مع الأشخاص الأذكياء والمثقفين وأتعاطى معهم
وبنهبل وبنسطل وبكره اي ماده دراسيه بيجيني فيها دكتور ثقافتوا وتفكيره ع قده

فما بالك بشخص راح أرتبط فيه للعمر أكيد بدي يكون معو شهاده علميه ويكون مثقف جداا


يعطيك العافيه ع الإستطلاع

[alaa lolie]

طبعا يكون مثقف
لا علاقة بين الثقافة والشهادة العلمية