معقول حوا ماتقبل بهيك منصب رئيسة ( جمهورية قلبو )؟؟؟؟

[♪♪زهرة اللوتس♪♪]

صباح ومسا الخير لكل الروز



يارب تكونوا بخير وصحة وسلامه

من فترة بدي نزل ها الموضوع وعم اجلوا
بس اليوم اعتمدت وتوكلت على الله
انو انا واعوذ بالله من كلمه انا
كل ما سمعت ها الغنية الخارئة الحارئة النار
بيجيني حالة ما بعرف شو هي
شوي بدي اضحك وشوي بدي ابكي
واغلب الاحوال بتكون حالة اشمئزاز غريبه
يعني ما بعرف والله نحنا باي عصر عايشين
اي نعم بنعرف انو مجتمعنا ذكوري وبامتياز بس
كانها تخنت شوي ....

رح اكتب الغنية هون وبعدها بكمل كلامي



معقول حوا ماتقبل بهيك منصب
رئيسة
( جمهورية قلبي )
خلينا نشوف::
،
كلما ئلبي عم ينبض وبعزّى
بتبقي ملكة ومابقبل تنهزي
شغلي وسهري وتعبي
فيهن لذّي
،
نحنا ماعنّا بنات ،، تتوظف بشهادتها
عنّا البنت بتدلل ،، كل شي يجي لخدمتها
شغلك قلبي وعاطفتي وحناني
مش رح تفضي لأي شي تاني
بيكفي انك رئيسة جمهورية قلبي


شيلي الفكرة من بالك أحلالك
ليش بتجيبي المشاكل لحالك
ت نفرض بقبل تشتغلي
شو منعمل بجمالك


وبكرى المدير بيعشق ،، وبيتحرك احساسو
وطبيعي اني انزل ،، هد الشركه ع راسو


حقوق المرأة ع عيني وع راسي
بس ياريتك بتراعي احساسي
وجودك حدي بيقويني ،، وهيدا شي اساسي


وشو هالوظيفة يلي بدا ،، تفرق بيني وبينك
يلعن بي المصاري ،، بحرقها كرامة عينك


شغلك قلبي وعاطفتي وحناني
مش رح تفضي لأي شي تاني
بيكفي انك رئيسة جمهورية قلبي


.................... .....................





هون خلصت الغنية


هلئ بئا انو شو ها الانانية والغيرة العمياء يا ادم؟؟؟
حسستني انو نحنا عايشين بالعصر الحجري

ماشي ما حكينا شي بدك ادللها وتحبها
بس ماحدا ئال انها لازم تكون شغلتها بس بالبيت
ومصمودة عا الرف متل شي مزهريه او فازه
ومو من حئها تعمل اي شي ....

لكان هي ليش درست وطحت ونحت وسهرت الليالي
مو لتكون نفسها وتكون ايدها بايدك وسوا تبنوا مستئبلكن؟؟؟

بعدين شو هي جمالك ؟؟؟ يعني اذا كانت حلوة مابتعرف تحافظ عا حالها
وعانفسها برا البيت؟؟؟


ولاء والاحلى انو بعدين المدير بعدين بيتحرك احساسو
لك وين عايشين نحنا بغابه مسلن؟؟؟


وبعدين مين فهمك انها بدها تشتغل مشان المصاري وبس؟؟؟؟
ليه ما بتئول من حئها تحقق طموحها ويكون الها هدف بالحياة
جنبك ومعك ......

هلئ انا يمكن حكيت كتير

بس بدي رأيكن بها الموضوع

ومين مع ها الغنية العبقرية؟؟

ياريت تشاركوني بارأئكن بعمل المرأه بشكل عام
ومين مع ومين ضد وليش؟؟؟؟؟

أودعناكم
كانت معكم
زهرة اللوتس

[abdullah]

ههههههههههههه لك طولي باااالك ما بدها هالئد هي كلها غنية ههه

اصلاً نحن هيك هيك ما عنا لا بنات ولا شباب عم تتوظف بشهادتها هههههههههه
والشباب عم يطير عئلن لما عم تكون شريكة حياتن عم تساعد بالمصروف
هلأ انا معك 100%100 انو الغنية غلط بغلط

بس والله انا شايف انو بطلت هالعادات هي
وما ضل في هيك لحد الان
بس انا بضل شايفك أنو حاطة نئرك من نئر هالمجتمع وبتقولي عنو مجتمع ذكوري ومجتمع المرآة فيو آكلين حقها والخ والخ
والله انا ما بشوف هيك بنوووب

ويسلمو عالموضوع يلي هيك عنجد نهفة لأنو ذكرتيني بحدا بهالغنية كخخخخ

[شوووق]

ع عنوانك برد بالمختصر ماحدا يسترجي يقرب من منصبي خخخ

شوفي زهوره الأغنية كغنية بتعجبني
بس من جهة أنو المرأة مكانها ببيتها وبس لا المرأة لها كيان مستقل وعندها اهداف بتحلم
انها تحققهم وتحقيق الذات مهم للطرفين ليحس بانو عنصر منتج ومهم وما ننسى أنو حتى المرأة
لو ما بتشتغل برا البيت كمان تربية الولاد هي أعظم مهنه وأكتر شي نافع لأنوا بأيدها تبني حضاره
وبأيدها تهدمها فسوى حوا كانت برا البيت ولا بالبيت بتكون حدا مهم للحياة . وبظن يرجع القرار هون بتفاهم
الطرفين .

ويسلمهم بس الغنية حلو ههههه

[♪♪زهرة اللوتس♪♪]

ههههههههههههه لك طولي باااالك ما بدها هالئد هي كلها غنية ههه

اصلاً نحن هيك هيك ما عنا لا بنات ولا شباب عم تتوظف بشهادتها هههههههههه
والشباب عم يطير عئلن لما عم تكون شريكة حياتن عم تساعد بالمصروف
هلأ انا معك 100%100 انو الغنية غلط بغلط

بس والله انا شايف انو بطلت هالعادات هي
وما ضل في هيك لحد الان
بس انا بضل شايفك أنو حاطة نئرك من نئر هالمجتمع وبتقولي عنو مجتمع ذكوري ومجتمع المرآة فيو آكلين حقها والخ والخ
والله انا ما بشوف هيك بنوووب

ويسلمو عالموضوع يلي هيك عنجد نهفة لأنو ذكرتيني بحدا بهالغنية كخخخخ

يمكن معك حئ انو ما كتير بتحس بها الشي
بس والله مجتمعنا ذكوري والواحد بيحس فيه من خلال تجارب شخصية
هلئ يمكن انت لانك شب هيك عم تحكي ....في الي موضوع هو
يــــــا ريتني ولد ...عمرك حكيتيها شي؟؟؟

هاد فيو مو بس كلامي كلام كتير من البنات والنساء بشكل عام وبيثبت انو مجتمعنا ذكوري

بنرجع للغنيه لك والله مستفزة جدااا والمشكله انها منتشرة كمان
نورت خيو وميه هلا

[♪♪زهرة اللوتس♪♪]

ع عنوانك برد بالمختصر ماحدا يسترجي يقرب من منصبي خخخ

شوفي زهوره الأغنية كغنية بتعجبني
بس من جهة أنو المرأة مكانها ببيتها وبس لا المرأة لها كيان مستقل وعندها اهداف بتحلم
انها تحققهم وتحقيق الذات مهم للطرفين ليحس بانو عنصر منتج ومهم وما ننسى أنو حتى المرأة
لو ما بتشتغل برا البيت كمان تربية الولاد هي أعظم مهنه وأكتر شي نافع لأنوا بأيدها تبني حضاره
وبأيدها تهدمها فسوى حوا كانت برا البيت ولا بالبيت بتكون حدا مهم للحياة . وبظن يرجع القرار هون بتفاهم
الطرفين .

ويسلمهم بس الغنية حلو ههههه

ميه هلا شوق هههههههه
اي وانا كمان يا ويلووو يلي بقرب عا منصبي هههههههه
بس انو مو شرط يكون بس هاد منصينا نحنا طماعات بنحب عدة مناصب يمكن
رأيك كتير حلوو واختصرتي كل فكرتي بكلامك وعطيتيني الزبده بالموضوع
الله يسلم دياتك
بس لساتني مصرة ما حبيتها للغنيه ههههه شرفتي ونورتي عيوني

[سسااالي]

ههههههه. طيب. مو احسنلها من الشغل والتعتير بس هو.ما يحرمها من اشي ويكون كامل مكمل

[Rose eyes]

هو شعور حلو انو تحس الواحده انو زوجها حبيبها حاططها جوات قلبه
وانو يلبي ليها طلباتها

بس اللي مش حلو شعورها انا محبوسه جوات قفص من ذهب

ممنوع .. ممنوع .. ممنوع

شو هو زوج ولا سجان

التفاهم حلو واحترامه لزوجته حلو

لما بيعطي ثقته لزوجته ما بيصير يحكي انو المدير بتتحرك احساسه
طيب هي شو ذنبها

بالواقع غاية الجنس الذكوري غير مفهومه
لانهم ليهم مفهوم خاص بالانثى غير شكلها في امور اخرى بينظر لها حتى لو ما كانت الصبيه حلوه

فلا يعلقو الشماعه انها حلوه مش لازم تخرج لازم تنحبس

والشي الاهم نحن الان بعصر وجيل غير جيل الحجري

لانو عصر الرسول عليه الصلاة والسلام المرأة لم تكن تجلس بالبيت والدليل انهن كانو ممرضات بالحروب تعالج الجرحى
والسيده خديجه رضي الله عنها كانت تدير اعمالها الا ان تزوجها النبي محمد عليه الصلاة والسلام
بالرغم فارق العمر بين بعضهم الا ان الاحترام كان متبادل بين بعضم والثقه

شو بعمل بزوج ما بيحترمني وبده يحبسني بقفص من ذهب

ما كل اشي مصاري

شو اللي بيمنع اني اشتغل بشهادتي واني اكون الند لك ايها الرجل بمجال العمل الا اذا كنت تخاف من تفوقي عليك

واذا الامر لا يخيفكم فدعونا نعترك الحياه ونحن نقرر ما نريده لا انتم

موضوع قوي زهوره وتسلم دياتك

والكلام فيه يطول بس حاج هيك

[♪♪زهرة اللوتس♪♪]

ههههههه. طيب. مو احسنلها من الشغل والتعتير بس هو.ما يحرمها من اشي ويكون كامل مكمل

امممممممم هيك ئولتك ترا في وجهه نظر
بس مع هيك هيه الها كيان وشخصيه وحقوق الكل بيشهد فيها ونحنا مو بالعصر الحجري روحي
ميه هلا يا حلوة منورة الروز والموضوع كمان

[ساحر الليل]

اي حجة فضينالك هلأ ..هاتي لنشوف شو عم يوجعك خخخ

ليكي اول شي انا واثق تماما انو غالبية البنات بيموتو على هالغنية ..دلال وحب ورومنسية ومرجلة ..يعني انو اوووه هاد فارس الاحلام ..
انتي يا حوا اذا اجاكي واحد وئلك حبيبتي انا فري وعقلي منفتح روحي اشتغلي ومالي خايف عليكي ويبعتبو حمة انشالله اللي بيطلع فيكي بنظرة عيب ..بتقولي شو هاد مالو رجال هاد طنط ...

واذا بيجيكي واحد بيئلك يا باطل شو شغل ومدير وما بعرف شو بتقولي شو هاد هربان من العصر الحجري وجاي لعندي ...باختصار انتي يااااا حوااا مجنونة خخ قصدي بتجنني بلد

رايي انا :

مو ضد انو زوجتي بالمستقبل (يحرء اخت هالمستقبل ما كان يبجي ويخلصني خخخ)تشتغل بس في شروط ..شغل البيت ما تقصر فيو ..مش اي شغل رح ارضى فيه ....شغلها كرمال احلامها وتحققها مش كرمال مصاري لانو انا المسؤول عنها وعن البيت ...مش اي شغل رح ارضى فيه ...وبدها تسمع الكلمة ..وهاي قصص المفروض نتفاهم عليها بمرحلة الخطبة ...ويعطيني العافية وادعيلي اتزوج خخخ بس ماااااااا تكون نئائة

[ساحر الليل]

واذا الامر لا يخيفكم فدعونا نعترك الحياه ونحن نقرر ما نريده لا انتم

موضوع قوي زهوره وتسلم دياتك

والكلام فيه يطول بس حاج هيك

منخاف تاكلو ئتلة خخخخ

[♪♪زهرة اللوتس♪♪]

هو شعور حلو انو تحس الواحده انو زوجها حبيبها حاططها جوات قلبه
وانو يلبي ليها طلباتها

بس اللي مش حلو شعورها انا محبوسه جوات قفص من ذهب

ممنوع .. ممنوع .. ممنوع

شو هو زوج ولا سجان

التفاهم حلو واحترامه لزوجته حلو

لما بيعطي ثقته لزوجته ما بيصير يحكي انو المدير بتتحرك احساسه
طيب هي شو ذنبها

بالواقع غاية الجنس الذكوري غير مفهومه
لانهم ليهم مفهوم خاص بالانثى غير شكلها في امور اخرى بينظر لها حتى لو ما كانت الصبيه حلوه

فلا يعلقو الشماعه انها حلوه مش لازم تخرج لازم تنحبس

والشي الاهم نحن الان بعصر وجيل غير جيل الحجري

لانو عصر الرسول عليه الصلاة والسلام المرأة لم تكن تجلس بالبيت والدليل انهن كانو ممرضات بالحروب تعالج الجرحى
والسيده خديجه رضي الله عنها كانت تدير اعمالها الا ان تزوجها النبي محمد عليه الصلاة والسلام
بالرغم فارق العمر بين بعضهم الا ان الاحترام كان متبادل بين بعضم والثقه

شو بعمل بزوج ما بيحترمني وبده يحبسني بقفص من ذهب

ما كل اشي مصاري

شو اللي بيمنع اني اشتغل بشهادتي واني اكون الند لك ايها الرجل بمجال العمل الا اذا كنت تخاف من تفوقي عليك

واذا الامر لا يخيفكم فدعونا نعترك الحياه ونحن نقرر ما نريده لا انتم

موضوع قوي زهوره وتسلم دياتك

والكلام فيه يطول بس حاج هيك

حكيتي ووفيتي عيون الروز كلامك ميه ميه وهو بيت القصيد
وحطيتي ايدك عا الجرح تمام وجبتي زبده الموضوع...
واكيد من البداية لازم كلشي يكون واضح وصريح والتفاهم هو اساس كل الامور
شكرا كتير على مداخلتك ورأيكك نورتيني ئمورة

[♪♪زهرة اللوتس♪♪]

اي حجة فضينالك هلأ ..هاتي لنشوف شو عم يوجعك خخخ

ليكي اول شي انا واثق تماما انو غالبية البنات بيموتو على هالغنية ..دلال وحب ورومنسية ومرجلة ..يعني انو اوووه هاد فارس الاحلام ..
انتي يا حوا اذا اجاكي واحد وئلك حبيبتي انا فري وعقلي منفتح روحي اشتغلي ومالي خايف عليكي ويبعتبو حمة انشالله اللي بيطلع فيكي بنظرة عيب ..بتقولي شو هاد مالو رجال هاد طنط ...

واذا بيجيكي واحد بيئلك يا باطل شو شغل ومدير وما بعرف شو بتقولي شو هاد هربان من العصر الحجري وجاي لعندي ...باختصار انتي يااااا حوااا مجنونة خخ قصدي بتجنني بلد

رايي انا :

مو ضد انو زوجتي بالمستقبل (يحرء اخت هالمستقبل ما كان يبجي ويخلصني خخخ)تشتغل بس في شروط ..شغل البيت ما تقصر فيو ..مش اي شغل رح ارضى فيه ....شغلها كرمال احلامها وتحققها مش كرمال مصاري لانو انا المسؤول عنها وعن البيت ...مش اي شغل رح ارضى فيه ...وبدها تسمع الكلمة ..وهاي قصص المفروض نتفاهم عليها بمرحلة الخطبة ...ويعطيني العافية وادعيلي اتزوج خخخ بس ماااااااا تكون نئائة

والله نحنا يلي احترنا مين يلي ما بيعجبو العجب نحنا ولا انتو اخي اياد
بس عاكل رأيك بالاخير هو الصح انو طبعا مو اي شغل واكيد التفاهم والحوار البناء من الاساس ومن فترة الخطبه واحترام الوعود يلي ممكن تنعطى بهي الفترة للمستئبل هي اساس كل شي...ومع هيك لساتني بكره ها الغنية....
ميه السلامه ونورت حجي

[♪♪زهرة اللوتس♪♪]

منخاف تاكلو ئتلة خخخخ

من مين الئتله ؟؟؟ هههه
نورت مرة تانيه حجي

[بسمة حب ~]

لما بتكون المرأة طموحها انو تشتغل بمجال دراستها وآدم مابيرضى اكيد هي انانية

انا مع عمل المرآة ولكن ضمن حدود .. وخطوط حمرااا

مشكورة ع الطرح لوتس ..

[Miss Scorpio]

مممممم بالنسبة الي هاي الغنية فاشلة.... صحيح انها نجحت وانشهرت بس مو لانو كلماتها حلوة بس لانها بترقص هههههههه
بنجي لحقوق المرأة طبعا رح احكي وجهة نظري وبشكل منطقي هلا اكيد احنا للصبايا باول حياتنا وخصوصا بعد شهادة الجامعة بنكون محموقين انو نتوظف ونبني احلامنا
ونجيب سيارة ونركب ال x5 ويكون عنا مصاري ونشتري ع الموضة باختصار ما يكون ناقصنا شي ...
طبعا حقها للبنت تكون طموحة وتحقق احلامها وتوصل لغايتها وطبعا المجتمع مو مانع هادة الشي بغض النظر عن الناس "اللي بلا ماخزة" متخلفين وعقولهم من العصر الحجري
والدليل انو في سيدات كتير بالمجتمع مناصبهم كتييير عالية اللي صارت وزيرة والدكتورة واللي ما بعرف شو..
بس السؤال اللي بيطرح حالو...
هل المرأة بعد ما تصير عليها مسؤولية بيت وولاد بضل عندها نفس الطموح اللي بدت عليه باول طرق حياتها ؟؟؟
اكيد لا مشان هيك كتير منهم بتترك اللي وصلتلو مشان اسرتها وبيتها فانا ما بلوم المجتمع لانو الواقع هيك والانسان مو الة تشتغل 24 ساعة....
وانا رأيي بختصرها من اولها وبحكي "الله يريح اللي بريح" لشو اتعب وانحت وبالاخر انا ما اقدر اكمل

يعطيكي الف عافية