مقال ||[ الزواج عن حب ] ||

[syria oshqy]

انا من رأي الزواج عن حب هو الافضل
لكن اساس الزواج هو الاحترام المتبادل وتقدير الطرفين لبعض ووقتها ممكن تهون اشد الصعاب
يعطيك العافية

[الموعد الثاني]

مسا الخير | سوريا عشقي
________________

بكل تأكيد الأحترام المتبادل هو اساس لــ نجاح اي علاقة مشتركه .
شكرا لحضوركم الجميل ( ترك اثره الأجمل على الموضوع .
مع التقدير لحضرتك .

[ياسمينة الشام]

موضوعك رآئع كتير وبغني عن الكلام
مافيني غير قول
الله يجعل كل تنين بحبو بعض من نصيب بعض
و يلي ما بحب الله يبعتلو زوج يحبو و يحترمو ويعيشو أحلى حياة
يسلمو أديك

[Chris]

الزواج التقليدي لازم يروح مع موضة الطربوش يلي ئلو طرة وذلك لعدة اسباب

الزواج التقليدي يا سيدي الكريم ما نجح بتلك الحقبة الزمنية الا لانو المجتمع كان مهيئ لهيك نوع من الزواج يعني ماكان في انفتاح وماكان في تحرر وماكان المرأة الها دور غير بالبيت وبس لهيك الرجل شو ماجابوله اهله عروس حتكون 90% مطابقة لحالة عائلته
الرجل كان اختلاط مع الرجال معظم النهار والليل والمجتمع كان محصور بالحارة او بالحي او حتى بالضيعة او بالمنطقة وكان في الها اشخاص مسؤولة عنها والافكار كلها كانت كوبي بيست عن بعض وكلو عندو هالشيخ تبع الجامع يلي بيفتي بامور واحوال الناس وهاد مو غلط ابدا

بس هديك الفترة خلصت راحت بح , الشب صار بيعرف شو بدو من الدنية وبيعرف كيف بشوف الدنية وبيعرف حالو شو بيحب وشو بيكره , هديك الايام الشب ماكان بيعرف شي عن عالم البنات غير اللهم محلات بتبيع ئماش , ماكان في جرايد ولا مجلات ولا محلات بتبيع شغلات بنات ويشوفها بعيونو ماكان يشوف اواعي البنات ولا الاشياء الحميمة وكان وئت بدو يتجوز ابوه او حدى بيحكيلو ليلة الدخلة شو يعني جواز

ومن كل عمرو كان عالم الانثى مغيب عن عالم الرجل لكن يا زلمة منطقي الواحد يشوف مرتو ليلة العرس ؟؟؟ او امو تخطبلو وحدة لانو هية حبتها وحستها مناسبة ؟؟ وهو شو ؟ شخصيتو شو ؟؟ كيانو شو؟؟؟ تجوز وحدة منيحة لان امو شافتلو ياها منيحة ... ايوااا اي خير نشالله

اذا كان الزواج ايام الرسول المهر للعروس من الجمال والخيول ليش ما استمرت العادة لهلئ اذا بدهن يتسمكوا بالعادات والتقاليد ؟
ولا التغيير بيكون على شي وشي وحسب شو بيناسب راعي القطيع ؟

هديك الايام صحيح كان الزواج يستمر لاخر العمر بس كان في تعدد زوجات تنتين وتلاتة واربعة واغلبهن ببيت واحد ولا هي نسيوها الشباب ؟؟؟


برايي حاجة زواج تقليدي لانو بهاد الوئت ما عم يعمل غير كوارث مالنا صغار وعم نشوف حالات خيانة بكل اشكالا المتنوعة متزوج مصاحب او متزوجة حابة وكلو انترنت وموبايل
وطبعا كلامي مو تعميم بس اكيد الناجح منها ئليل ومافينا ناخده قاعدة غالبة

منجي لموضوع الزواج عن حب , وهاد الشي الايجابي والعظيم

احيانا بعض الشباب والبنات من كتر المشاعر والحب بيفكرو انو قمتها وتتويجها هو الزواج وهاد الشي صحيح ولكن بشكل (نسبي)
لانو الزواج غير الحب والمشاعر والعواطف هو التزام وتحمل للمسؤولية

بمرحلة الحب مافي غير هو وهية وبس
اما وئت الزواج في اهله وفي اهلها وترتيبات واعتبارات اجتماعية لازم يكونو بيعرفوا فيها

انا مع زواج الحب انو مفيد للمجتمع ولكن يكون زواج حب بفترة السن المسؤول عن التصرفات يعني مو تحت الـ 22 على الاقل بيكون صار عندو ادراك لمسؤوليات الزواج وشو هو الزواج مو بس حبيبي وحبيبتي ونعانئ بعض وصرنا لبعض

اكيد كلامي صعب ومو الكل ممكن يتقبله بس هو من واقع الحال ماجبت شي من عندي او من الخيال

وبالتأكيد هو راي شخصي مابيمثل اي حدى غيري ومو المقصد منه تجريح او اتهام او انتقاد اي حدى رايه مخالف , اكيد كل انسان بيشوف الدنية من منظوره وهو حر طبعا
شكرا للموضوع ودمتم سالمين

[الموعد الثاني]

اكيد كلامي صعب ومو الكل ممكن يتقبله بس هو من واقع الحال ماجبت شي من عندي او من الخيال

وبالتأكيد هو راي شخصي مابيمثل اي حدى غيري ومو المقصد منه تجريح او اتهام او انتقاد اي حدى رايه مخالف , اكيد كل انسان بيشوف الدنية من منظوره وهو حر طبعا
شكرا للموضوع ودمتم سالمين

بــ احترم شخصك بكل تأكيد ( ورايك طبعا"
وبشكر حضورك وردك .. وها نحن نتبادل الأفكار
ونتحاور ويضيف كل منا للأخر قدر ما يستطيع لتعم الفائدة
وهذا هو المغزى من التواجد في الروز .

مع جزيل الشكر والتقدير.

[صقر]

ما الها علاقة الطريقة الي تم فيها الزواج ... بنجاح الزواج او فشله !!









...

[WASEEM.7]

ممكن كتير حكيك واقعي ومنطقي ... والدليل على نجاح تجربة الزواج عن حب موجود أدامنا بكتير من دول الغرب بس للأسف كعرب نحنا ماعنا هالثقافة وكتير بيلزمنا تفهم وادراك لتكون علاقة الزواج ليست مجرد علاقة جسدية يعني اكيد لازم ينوجد الحب قبل كلشي وأنا من مناصرين هادي الفكرة
وعفكرة انا خاطب البنت اللي بحبا

[نور الكون]

شكرا لك ع الموضوع الرائع

[كنت_هنا]

بدك نصيحة مع تجربة حقيقية ...
أوعا تطيع أمك أو أيا من كان في هذا الموضوع و تنطمس و تغطس بهذا يلي إسموا زواج إن كان حب ولا شي تاني إسموا ... بإختصار
تزوج كل من يكون في بالك ... باللحظة و المكان و الزمان ... ليشششششششششششششششششششششش
لأنو أولادك موملكك فعليا ً و شرحها طويل
و أموالك ملك المدام المحترمة تبعثر فيها عشان غيرك من مكياج و طعام بالحفلات الخولبية ( اسرة - عائلة - أعراس ... الخ ) ...
و بالآخر بدك تطق و تموت قهر و تموت بشبابك على شي فاضي
دخيلك يعني و من شان شو هلي إسمها مرأة بهل العصر
إذا الغسالة بتغسل _ و أوعى تفكر إنو اذا تزوجت مارح تغسل إلك و للأولاد أوعى بعدها بدفع ضرايب في أشكال تانية
و إذا الخبز من الأفران
و إذا المي من الحنفية
و إذا النار انت عم تجيبها طبعا ( اسطوانة الغاز )
و اذا و اذا و اذا ؟؟؟
لكن دخيل عينك من شان شو
من شان الاولاد ههههههههههههههههههههههههههه
اي دخيل التربية المنزلية يلي بتقول هل الحكي
من رأيي الشخصي ... صداقة جميلات النساء أوفر و أرح للراس و مابدي هل المكانة الإجتماعية الي يلي عليها أعباء ما أنزل الله بها من سلطان و على شو ما بعرف .. ما في احلا من كون حر في حياتي طالما حياتي أنا مكملها بجهودي الشخصية و تذكر هل الحكمة الأكيدة و المجربة (((( المرأة عقرب حلو اللسعة ))) صدق من قالها و الله احساسو مرهف و عندو ذوق حضاري و مجرب للحياة الإجتماعية
لأنو فعلياً بدك تجيب عقرب على بيتك و بمحض الأرادة ههههههههههههههههههههه

تذكر :
العقرب شو بتعمل يا حزرك :
أولا ً : تتربى بالبراري ( و المرأة تتربى بالامراض النفسية )
ثانياً : تقوم بإغراء الذكر على التقرب منها / طبعاً الغاية / ليقوم بعمل حفرة لإيوائها و بعدها لإطعامها و هو على أمل ان يأخذ لحظة حب أو كما يقولون حقه بالحياة من الأنثى ... و الحقيقة انها جعلته يعمل لكي يأويها ببيت و يطعمها
ثالثا ً : عندما يريد الأولاد منها تقوم بإجباره على الحجوم عليها و بالتالي تقوم بقتله ...
طبعا ً هذه دراسة حقيقية عن حياة العقرب ...

و تأكد يا عريس الهنا
هههههههههههههههه
قال هذا الكلام علي بن أبي طالب كرمه الله من كل دنس ... فهو معلم من عند رسول الله صلوات الله عليه و سلامه
و بعد أول لسعة حبيبي تكلم عن الزواج بكل اسهاب و تمعن
أنا برأيي الشخصي روح دورلك على شي ينفعك ... من علوم حقيقية أو تقنية أو أو أو أو المهم بعد عن تلك العقرب و تأكد الطيور على أشباهها تقع ... لا تفكر إلا بيومك شو بدك تعمل و المستقبل مع الزوجة الحبيبة ممكن يكون مع وحدة ما تخطر على بالك ... فكلشي نصيب ... المهم أنوما تكون من هدول يلي بيفكرو بالزواج حطي الخبزة على الجبة و تزوجنا و الشارع بعدها بيربي ؟؟؟
الغنى و الفقر مرهون بإجتهادك و تذكر إن ما أصابك لن يصيب أحد غيرك ... و دع النساء الى الهاوية .

اركض إلى المرأة تتركك أتركها ( ازبلها ) تأتيك مرغمة إذا كانت نصيبك ..ماشي يا صديقي الحالم ... بباي