حوار مع Chris الشخصية الجديدة في المنتدى

[r_mido]

سعيدة ~

شلونك حجي واش اخبارك وانشالله امورك تمام وشغلك بخير ونفسيتك مرتاحة وشو تغديت اليوم وايمتا بدك تنام وتصبح ع خير
العفو بس سردت هههههههه

شخصيتك منوعة وواعية , يعني متل ما بئولو ابن سوء , او عرفان الحياة صح وواقعي
ياترا شو نوعية المواضيع او النقاشات اللي بتفضل تخوض فيها
وشو الاشيا اللي بتبعد عنها ~

[Chris]

سعيدة ~

شلونك حجي واش اخبارك وانشالله امورك تمام وشغلك بخير ونفسيتك مرتاحة وشو تغديت اليوم وايمتا بدك تنام وتصبح ع خير
العفو بس سردت هههههههه

شخصيتك منوعة وواعية , يعني متل ما بئولو ابن سوء , او عرفان الحياة صح وواقعي
ياترا شو نوعية المواضيع او النقاشات اللي بتفضل تخوض فيها
وشو الاشيا اللي بتبعد عنها ~

اهلين ابو الميد وكل اوئاتك سعيدة يا رواء
اخباري جيدة ماشي الحال كل الامور ممتازة وخصوصا الكهرباء والشغل طبعا حدث ولا حرج يعني ماعم اعرف شو بدي ساوي مشان الشغل تراكم يا اخي
اليوم تغديت بطاطا مئلية وسلطة ماكان الي خلئ اعمل اكل اكتر من هيك
وبخصوص النومة مالي وئت محدد على حسب التساهيل هههه

لك تسلملي انت وكلامك يلي كلو ركازة متلك

ماعندي مشكلة باي نقاش شوماكان نوعه (طالما) في فائدة لواحد من الاطراف بالاخير

يلي ببعد عنها الامور الميؤوس منها والاشخاص يلي عئلهن سلامتك

نورتني

[Chris]

تحليلي لشخصيتك Chris

انت إنسان عملاني كتير ومتل ما ذكرت العاطفة عندك و حتى الموضوع الروحاني نسبتهم بحياتك ضئيلة وغير مهمة

يعني بالنسبة الي هيك شخصية ممكن تكون جافة بكتير مواقف بسبب ضآلة و صغر الجانب العاطفي و الروحاني لديها

انت و باعترافك شخص غير اجتماعي او حالياً أصدقاءك كتييير قلال

المطلوب :

1- زيادة حجم الجانب العاطفي بعدة أمور : الخطبة و الزواج

2- زيادة حجم الجانب الروحاني و الاجتماعي ب : بالتدين ( ارتياد المسجد - صلاة الجماعة ) ( صحبة صالحة )

* فهل أنت مستعد على قبول هذه الحلول و البدء بتطبيقها ، و طبعاً نحنا معك على الخط ؟

--------

رينو بالاساس انا خبرتك ماعندي مشكلة مع الاديان بحد ذاتا على اد ماعندي ملاحظات على الطريئة يلي عم تتطبئ فيها عالناس
وتاني شي وهو الاهم انا شخص عم دور على اجوبة بتهمني اعرفها ابل ما مارس الطقوس الدينية لحتى اشعر بالي عم تحكي عنو

انا مالي عرفان انتي ليش شايفة انو يلي فيني مشكلة .. انا مالي متدايئ ومرتاح بنمط حياتي ... مقادير الخطأ والصواب والراحة والتعب بيجوز بتختلف بس انا مالي تعيس ابدا وموضوع الزواج والارتباط بالنهاية خيارات شخصية

لما كنت ناوي اتجوز وقررت ورحت لاخطب طلبو مني طلبات مالها منطقية ابدا وطبعا من مبدأ هاد العرف .... يعني ليش انا لازم حط كل هاد الشي وادفع كل هالمبالغ الخرافية كرمال اتجوز ... خير يعني شو المناسبة؟ ويلي بدي اتجوزا اول على اخر حيكون في شي مو عاجبا ودائما حتقارن حالا بالاحسن وما يعجبا وضعا
انا بالنسبة الي ولشكل حياتي يلي عشتو لهلئ ومشيت فيه ..... ماشفت ولا امرأة قنوعة بكل حياتي
ماشفت مرا ما بتحكي على وضعها مع جوزا التعيس او يلي لازم يكون احسن

يعني بعد كلشي بدي اعملو مافي حدى ممنون , والمجتمع من ناحية الزواج صافف معها انو لازم اعمل وساوي وكرمال بالاخير تصير مرتي .. لا عمي مسامحين وخليها ببيت اهلا يحافظوا عليها تمام

[Rainbow]

رينو بالاساس انا خبرتك ماعندي مشكلة مع الاديان بحد ذاتا على اد ماعندي ملاحظات على الطريئة يلي عم تتطبئ فيها عالناس
وتاني شي وهو الاهم انا شخص عم دور على اجوبة بتهمني اعرفها ابل ما مارس الطقوس الدينية لحتى اشعر بالي عم تحكي عنو

انا مالي عرفان انتي ليش شايفة انو يلي فيني مشكلة .. انا مالي متدايئ ومرتاح بنمط حياتي ... مقادير الخطأ والصواب والراحة والتعب بيجوز بتختلف بس انا مالي تعيس ابدا وموضوع الزواج والارتباط بالنهاية خيارات شخصية

لما كنت ناوي اتجوز وقررت ورحت لاخطب طلبو مني طلبات مالها منطقية ابدا وطبعا من مبدأ هاد العرف .... يعني ليش انا لازم حط كل هاد الشي وادفع كل هالمبالغ الخرافية كرمال اتجوز ... خير يعني شو المناسبة؟ ويلي بدي اتجوزا اول على اخر حيكون في شي مو عاجبا ودائما حتقارن حالا بالاحسن وما يعجبا وضعا
انا بالنسبة الي ولشكل حياتي يلي عشتو لهلئ ومشيت فيه ..... ماشفت ولا امرأة قنوعة بكل حياتي
ماشفت مرا ما بتحكي على وضعها مع جوزا التعيس او يلي لازم يكون احسن

يعني بعد كلشي بدي اعملو مافي حدى ممنون , والمجتمع من ناحية الزواج صافف معها انو لازم اعمل وساوي وكرمال بالاخير تصير مرتي .. لا عمي مسامحين وخليها ببيت اهلا يحافظوا عليها تمام

كما ذكرت ، انو تحليلي و حلولي هي بحسب نظرتي الشخصية

بس ذكرتني بقصة من خلال كلامك على الخطبة و الجازة ... عشب كان يحط لوحدة عم يظهرلا انو بحبا .. اغاني و كليبات عشق و كلااام معسول ووووو و المخلوئة تنتظر اللحظة اللي بدو يطلبها فيها ... و بطبع البنات فالعاطفة بتغلبهم ... فهي من هالكليبات و الكلام المعسول اللي بدوخ افتكرت بئى انو ميت فيها ... وتقول : اليوم بيطلبني و بكرا بيطلبني ..... اجت الايام وراحت الايام وهالشب عحالو مافي من وراه غير الكليبات العاطفية و الحكي الفاضي ... اكتشفت بالاخير انو هوي عم ينتظرها تقلو تعا اخطبني ... مشان شكلو ما بدو يتكلف او الشباب بيتوهمو انو اذا هوي من نفسو طلب فالاهل بيحئلهم يشرطو و يتشرطو اما هيك وقت هي بدها ياه فهيك مالهم عين

فأكست عليه و نزل من عينها و عرفت انو هالحركات فاضية و لافي حب ولافي بطيخ

لانو البنت بقرارة نفسها بتعرف انو الشب اذا حب حب حقيقي مستعد ينكت و يقلب الدنيا كرمال اللي بحبها ... اذا حبها عنجد

ونحنا كبنات متربايات لا نحتاج لهذا الحب الاستهلاكي Junk Love لأن كل شي Junk غير مفيد للصحة و مؤذي

وكل شي معو حقو ... مزبوط ... القصة ما بالمصاري بس بسهولة الحصول وصعوبتها

اهلي ما بيطلبو لا مصاري ولا غيرو بيطلبو اخلاق وعلم ودين ومع هالشي لا يعني انو نحنا من السهل الواحد يحصل علينا

ربنا اللي بيأذن ... والله الحامي

[Chris]

كما ذكرت ، انو تحليلي و حلولي هي بحسب نظرتي الشخصية

بس ذكرتني بقصة من خلال كلامك على الخطبة و الجازة ... عشب كان يحط لوحدة عم يظهرلا انو بحبا .. اغاني و كليبات عشق و كلااام معسول ووووو و المخلوئة تنتظر اللحظة اللي بدو يطلبها فيها ... و بطبع البنات فالعاطفة بتغلبهم ... فهي من هالكليبات و الكلام المعسول اللي بدوخ افتكرت بئى انو ميت فيها ... وتقول : اليوم بيطلبني و بكرا بيطلبني ..... اجت الايام وراحت الايام وهالشب عحالو مافي من وراه غير الكليبات العاطفية و الحكي الفاضي ... اكتشفت بالاخير انو هوي عم ينتظرها تقلو تعا اخطبني ... مشان شكلو ما بدو يتكلف او الشباب بيتوهمو انو اذا هوي من نفسو طلب فالاهل بيحئلهم يشرطو و يتشرطو اما هيك وقت هي بدها ياه فهيك مالهم عين

فأكست عليه و نزل من عينها و عرفت انو هالحركات فاضية و لافي حب ولافي بطيخ

لانو البنت بقرارة نفسها بتعرف انو الشب اذا حب حب حقيقي مستعد ينكت و يقلب الدنيا كرمال اللي بحبها ... اذا حبها عنجد

ونحنا كبنات متربايات لا نحتاج لهذا الحب الاستهلاكي Junk Love لأن كل شي Junk غير مفيد للصحة و مؤذي

وكل شي معو حقو ... مزبوط ... القصة ما بالمصاري بس بسهولة الحصول وصعوبتها

اهلي ما بيطلبو لا مصاري ولا غيرو بيطلبو اخلاق وعلم ودين ومع هالشي لا يعني انو نحنا من السهل الواحد يحصل علينا

ربنا اللي بيأذن ... والله الحامي

أحسنتي قولا بالفعل

[gaya]

إزا ما خلص وئتك بالمئلاية

بدي تحكيلي عن علاقتك بالميوزك .

و شو نوع الموسيقى يلي بيطلع بمزاجك والعكس



؟

[Chris]

إزا ما خلص وئتك بالمئلاية

بدي تحكيلي عن علاقتك بالميوزك .

و شو نوع الموسيقى يلي بيطلع بمزاجك والعكس



؟

اهلين ياسمين ... لا ماخلص لسى يمكن معي يومين

الميوزك هي الشي يلي عامل تناغم بين كل مكونات هاد الكون ... الميوزك طاقة
روح للاشياء يلي مابيحسو فيها الكل

في فرء كبير بين الميوزك وبين الـ (طرطئة) مع احترامي للازواق بس مو كل انواع الازعاج ممكن يسمعا الانسان

بمرحلة من المراحل كانت الميوزك اساس التعبير عن الوجود الانساني وبالفعل في اعمال صرلا اكتر من 400 سنة وبتنعزف لوئتنا هاد

كل توئيت وكل عصر كان بيتميز بنوع من الميوزك يلي كان نكهة هداك الوئت ... بالنسبة الي بفضل كلشي كلاسيك من عصر الباروك

كتير من اعمال باخ بئدر افهما بحبو رغم كل تعقيده وخصوصي بالهاربسيكوردز كونشيرتو ... وهي بحالة التأمل والصفنان

وئت بيكون في شغل بيجي مرحلة الانتقاء من ميوزك الترانس والاليكترونيك ميوزك .. بتابع كلشي ترانس بيطلع من تبعات آرمن او من تييستو

منجي بئا لمرحلة التأسيس ... انا زلمة نص ثقافتي الفكرية اجت من ليركس اغاني فرء الروك ... بينك فلويد علموني كيف كون انسان ... وكيف اكسر اي جدار بيكون موجود حوليي .... علموني شو هو الم آخر ئطعة لشريان بشفرة ... بكوني وئت بيئولو انو وئت بدك ترجع الولاد يلي راحت عالحرب بكياس نايلون ولا بتابوت بلاستيك زجاجي؟

روني جيمس ديو خلاني اسال حالي اسئلة وئت سمعت هيفن اند هيل ... نفس الشي وئت غيتس اوف بابيلون

روجر ووترز حكى عن ابل 30 سنة عن يلي بدو يصير بالعالم وئت حكا عن الانهيار العالمي المالي وئت عم يعمل البوم سكيورفول اوف سيكرتس وئت كان لسى ببينك فلويد

ماكان في حدى بهداك الوئت بالعالم العربي غير عم يسمع راغب علامة ووليد توفيق وعم تنباع روايات الحب والعشق عالبسطات وهدنك الناس كانوا عم يسالوا اسئلة حساسة

هدول الناس يلي علموني وخلوني شوف الدنية كيف عم تنشاف ... هدول يلي حسسوني اديش انا انسان

بعد كل هاد التعب اجت مرحلة المكافأة وهي ادمان ميوزك الساوندتراك تبع الافلام ... هنيك عالم تاني وحياة تانية

لحالهن حكاية بكل تفاصيلا

[Rainbow]

بما انو انت شخص عملاني ... بتمنى تساعدني لاني بالوسط اللي عايشتو ( المادي ) اُعتبر ماني عملانية

بتمنى تنصحني اذا حبيت طبعاً او اذا عندك شي اتضيفه حتى نساعد بعضنا بعض ... اوك ؟

[Chris]

ان اليوزر الحديث العهد المدعو Chris غير متوافر نهائيا للرد على اي نوع من انواع الاسئلة في هذا الموضوع الجميل
لاسباب ميكانيكية

يرجى اخذ العلم من قبل الادارة الموقرة .... ولتعلم الادارة بانه تم استيفاء جميع الرسوم المترتبة على المشترك وتم التسديد ووضع الطوابع ومصنف السحاب الخاص بالمعاملة
للاطلاع واجراء اللازم

ودمتم سالمين (يابعد شبدي)

[ياسمينة الشام]

أوك أخي كريس ~
بناءاً على طلبك يغلق الموضوع
و شكراً على رحابة صدرك وتحملك
يغلق .