•.★*... إذاعـةُ رَمـضـآنْ الـروزِيـّة ~ تَـرَفْ ~ ...*★.•

[ياسمينة الشام]

هــــــآي ~~

اليوم رح تكون ضيفتنا بالإذاعة
العضوة الجديدة
يلي مرئت متل النسمة
و أثبتت وجودها بفترة قصيرة كتير


تَـرَفْ ~






بالإنتظار نحنا عزيزتي
يرجى الإستمتاع من الجميع ههههه
اتفضلي معك المايك ...

_____________________________________
تسنيم العثل

[تَـرَفْ ~]

شكراً كتير سووما على الترحيب
انطروني راجعة

[تَـرَفْ ~]

بهدي الكل أغنية فيروز ، و لا حدا يحكي الدنيا العصر
ليش فيروز كاسة حليب لحتى ما نسمعها غير الصبح !!

[تَـرَفْ ~]

الأهل ما بيكذبوا .!!!
أي طبعاً ليش مستغربين كل هالقد
مرة أنا وصغيرة كزب علي بابا كزبة صدقاً نسيت شو الكزبة بس متزكرة الموقف الي صار بعدها
قلتلو بابا كزاب و كنت معصبة كتير
اجت ماما من وراي مع طيارة حطت على رقبتي و قالتلي : عيب تقولي لبابا كزاب شو هالحكي هاد مو عيب عليكي
قلتلها بكل براءة بس هو كزب علي !! رجعوا قالولي : بابا و ماما ما بيكزبوا
أي مرحبا بابا و أهلين ماما

[تَـرَفْ ~]

في عالم الله بيكون كاتب عليهم التعاسة
بس مو بمصايب وابتلاءات وتظلمات
لا بطريقة تانية
يعني ماحدا بيظلمهم هنن بيظلموا حالهم
ماحدا بيزعلهم هنن بينكدو عحالهم
بتلاقيهم قاعدين وكأنهم شي موبايل وبحالة جاري البحث بس مو عن شبكة لا عن مشكلة
يا اخي لنفترض انو القصة متل ما انت مفكر وانو مصايب الدنيا فوق راسك٠معليش ابتسم بالزور ، اغصب حالك كرمال اللي حواليك
لانك لما حتكون قالب خلقتك وكل علامات الامتعاض والحزن والتعاسة عوجهك حتزعل اللي حواليك ولح تكئبهم
ولو ماكان لهلشي عنجد تأثير ماكان ربنا جعل الابتسامة في وجه اخيك صدقة
صدقة يا اخي صدقة حتثاب عليها
يعني وفر عحالك وتصدق بابتسامة ارجوك فضل علينا و بنكون ممنونينك

[تَـرَفْ ~]

"The problem with the world is that the intelligent people are full of doubts
while the stupid ones are full of confidence."

( Charles Bukowski )

[تَـرَفْ ~]

أنا إسلامي
أنا المخلص الوحيد و حامي حمى الدين و كل هالعالم فهمانة الدين غلط و لازم يتعلموا مني و يبطلوا يخذلوني .

أنا علماني
أنا أفهم من عليها و الباقي كلون من زمرة أبو لهب و مسيلمة الكذاب متأسلمين عديمي الثقافة و الإنسانية .

و لك هلكتونا .........

[تَـرَفْ ~]

الولايات المتحدة الامريكية ::
صوره لأكبر حادث انتحار جماعي في العالم ... ولكن وراء الصوره حكايه

واحد اقنع مجموعة ناس انّه " نبي " عمل جماعه وسمّاها
" معبد الشعب " والناس صدّقوه واتباعه صاروا كتار كتير , الناس حاولت تقنع اتباعه ان الرجال هاد دجّال بس بدون فايده , الناس قالولهم هاد كذاب ومالو علاقه بالله ولكن بدون فايده ..

في يوم من الايام سنة 1978 الرجال جمّع اتباعه في قريه صغيّره وقلهم كلّهم يجيبوا ولادهم الصغار معهم وقلهم هاد سم اشربوه كلّكم بس شرّبوا ولادكم الصغار اول ... مات الولاد الصغار اول شي وبعد هيك الكبار شربوا السم ومات بالموضوع 920 واحد وهي صورتهم ...

اسم الحادثه للي بدو يقرا عنها : Jonestown Massacre

خلّاهم ينتحروا متل القطيع من غير ما يفكّروا لمجرد ايمانهم بالجماعه ......
العقل نعمة والله

[تَـرَفْ ~]

ولك استخدموا علبة البويا يلي بين كتافكن

[تَـرَفْ ~]

ليس من الطبيعي أن يشعر أحد بالفرح لموت شخص ما ، رد الفعل الطبيعي على الموت يكون اما بالحزن أو في أسوء اﻷحوال بالامبالاة .
في معظم البلدان الراقية ( الي الله رضيان عليها عقولة المرحومة ستي ) أوقفوا حكومة اﻷعدام ، ﻷنه مهما كان جرم اﻷنسان عظيما فهناك أمل ما بأصلاحه ، أو أن سجنه كافي لأتقاء شره .
ليس سهلا على أحد أن يحب عدوه و يحسن الى مبغضه ويبارك لاعنه ، ولكن أضعف اﻷيمان ان مات عدوك وتوقف ضرره عنك فلا تفرح وأحترم جلالة الموت ووجود من يحبونه ويحزنهم موته .

[تَـرَفْ ~]

بالفيس بوك
في كتير صفحات من نمرة ( انشرها ولك الأجر , إن لم تنشرها فأعلم أن ذنوبك قد منعتك , فتاة لم تنشرها مسخها الله إلى قردة )
صراحةً هالصفحات ما بتزعجني ، لأنو بعرف أنو الآدمن فيها ولد عمرو 12 سنة بالكتير
الشي يلي بيزعجني أنو شوف حدا من رفقاتي عامل لايك لهيك منشور أو الأدهى يكون معلق هههههه
شو بحس إني عندي كومة عاهات بالفريند ليست
طبعاً جاري الحذف ...

[تَـرَفْ ~]

كل الدراما الرمضانية هالأيام بتحكي عن الاوضاع
من باب الصراحة و أنو ما عاد في شي نخبيه وهاد الواقع ليش لحتى نهرب منو !!
بس هالمسلسلات كلها متل اللي عم يمكيج جثة !!
دراما عامرة إنشالله

[تَـرَفْ ~]

في كتير مشاعر و أحاسيس سيئة بهالدنيا
بس بالنسبة إلي أسوأ 3 أحاسيس :
1 لما اصبع رجلك الصغيرة ينشق عن باقي أصابع رجلك ويخبط بالطاولة
2 لما تضرب كوعك فجأة
4 لما تعلق قطعة شيبس ( دوريتوس حصراً ) بتمك بشكل عامودي وتجرح سقف حلقك

[تَـرَفْ ~]

فاصل و نواصل

[تَـرَفْ ~]