تويت
وئت كنت صغير ماكان عندي متل كل العالم بابا وماما يعلموني ويحكولي شو لازم ساوي بحياتي وعيت عالدنية كانو راحو الروحة يلي مافي منها رجعة
والمكان يلي ربيت فيه سنواتي الاولى كان مكان بيشبه كلشي الا انو يكون تجمع انساني (اي نعم ميتم لا تصفنو كتير) لهيك كان عندي اسئلة بس ماكنت اعرف جاوب حالي صرت اخترع اجوبة لارضي حالي
وئت بلشت اوعى كنت استغرب من حركة وئت شوف واحد عم يبوس ايد حدى كبير.. يعني شو هي الشغلة تبع بوسة الايد ؟
اتطورت معي الامور وئت اكتشفت العالم يلي كان بعيد عني وهو عالم رجال الدين , يا اخي مو معئول
رجل الدين عندو قدسية وسلطة عالناس وتقديس من الجموع الغفيرة وكانو رجل الدين عم يمثل هيركوليس ... كانو ابوه زيوس بس اختلفت الحكاية
ليش اسلوب القطيع يلي ماشي ورا الراعي وبدون ما يسالو شو هاد او ليش هيك؟
كليشات جاهزة واجوبة مرقمة لاسئلة الناس .. طيب والعئل وينو ؟؟؟ انت انت يلي صرت بهاد العمر ولا مرة سالت حالك اسئلة ؟؟ مبلا طبعا اكيد سالت وماكانت الاجوبة يلي حوليك مقنعة اولا وتانيا في كتير عيط عليك وماخلى لدرجة انك صرت هاد الموضوع تخليه بينك وبين حالك
بعد شويتين اكتشفت اكتشافي العظيم
انو بالعالم العربي فقط بتلائي انو في شخص بيفهم بـ مايلي : الدين , الافتاء , الاعلام , الاعلان , التجارة, الزراعة , الصناعة , الاقتصاد , البورصة , الادب , الفكر , الفن , التكنولوجيا , انصاف النواقل , الانترنت , الاتصالات , الفيزياء الكونية , الفيزياء النووية , الكيمياء العضوية , الحمل والولادة والارضاع, الحياة والموت والمراحل الانتقالية , الثواب , العقاب, تفسير الاحلام , الاستنساخ , التخصيب الصناعي , تخصيب اليورانيوم , الصورايخ الحرارية , الجيوفيزياء ... وبالطبع هو عالم الدين يلي بيئدر يحكي عن كلشي وبيعرف كلشي عن كلشي
لدرجة انو ممكن يناقشك ويتفهك ويسفهك انك انت مابتفهم (مع اني صرلي باختصاصي 16) وهو اصغر مني بعشر سنين يعني وئت هو اخد اول شهيق من هي الدنية كنت انا عم حل مسائل رياضيات واجع كسور وبعرف شو هية الدورة الدموية بجسم الانسان
طيب مو حاج ؟؟؟ مبلا حاج
انا عندي اسئلة وبدي اجوبة على اسئلتي من هي العلوم الحديثة
بدي وئت اسئل عن المادة المظلمة لائي جواب وماينحكالي انت عم تدور على شي يضعف ايمانك
بدي وئت اسال عن اصل الكون لائي اجوبة مو ينحكالي استغفر ربك ؟؟ ليش شو انا كفرت ولا سبيت ولا تطاولت ؟
بدي حس في علم بين ايديي وبنفس الوئت لائي حالي ملتزم بديني , مابدي اوصل لمفترء طرء يكون فيها لازم اختار الدين او العلم لانو انا بدي التنين , ومابيصير سلطة رجل دين تقيدني لانو هو ماحيعرف شو بدي اكتر مني
هو شخص درس منهج محدد وبشكل محدد وخلص ومنه بيضل بيحط كلشي بنفس الئوالب .
العلم وصل لمرحلة اعتمد فيها نظرية جسيمات هيغز وكيف الكون كلو مترابط مع بعضه ونحنا لسى عم نحكي هل يجوز للمرأة ان تغطي عينيها لانها عورة؟ بس انا مافهمت المرأة عورة ولا هية عورة ؟؟ ولا شو وضعا بالزبط ؟ ماخلصتو 1400 سنة من نفس السيرة ؟ مو حاج؟؟؟
وكل ما حكينا شغلة بالعلم بيجي واحد وبيئلك اي عنا بالقرآن مكتوبة من 1400 سنة هاد الحكي ... طيب ممتاز كتير وانا بحترم جدا هاد الموضوع طيب طالما في هيك اشياء ليش مافي ولا مركز ابحاث اسلامي متطور ؟ ليش مافي مركز دراسات فيزياء كونية اسلامي؟؟؟ ليش مافي مركز ابحاث جينية اسلامي؟؟؟ لحتى يثبت للناس شي لسى ما كشفه علم الكفار الملحدين الكلاب الفاجرين ؟؟؟
هي اول شئفة من الموضوع , وعلى فكرة انا بتحمل النقد والنقد اللاذع واذا بدك تسبني معلش واذا بدك تعصب عليي معلش كلو معلش , بس بشرط بدي اجوبة
ومن هلئ بئول للكل , انا مابكره اي مذهب او ديانة سماوية او ديانة بديلة يعني تكون مؤمن بالحجر او بكريشنا او بزرادشت او تكون من اخوان زحل ماعندي اي مشكلة ابدا
ومابسب ولا بطول لساني ولا بئلل ادب ولا احترام , وبعرف استوعب المعصب على توجهو الديني بس برجع وبئول على شرط بدي اجوبة
والمكان يلي ربيت فيه سنواتي الاولى كان مكان بيشبه كلشي الا انو يكون تجمع انساني (اي نعم ميتم لا تصفنو كتير) لهيك كان عندي اسئلة بس ماكنت اعرف جاوب حالي صرت اخترع اجوبة لارضي حالي
وئت بلشت اوعى كنت استغرب من حركة وئت شوف واحد عم يبوس ايد حدى كبير.. يعني شو هي الشغلة تبع بوسة الايد ؟
اتطورت معي الامور وئت اكتشفت العالم يلي كان بعيد عني وهو عالم رجال الدين , يا اخي مو معئول
رجل الدين عندو قدسية وسلطة عالناس وتقديس من الجموع الغفيرة وكانو رجل الدين عم يمثل هيركوليس ... كانو ابوه زيوس بس اختلفت الحكاية
ليش اسلوب القطيع يلي ماشي ورا الراعي وبدون ما يسالو شو هاد او ليش هيك؟
كليشات جاهزة واجوبة مرقمة لاسئلة الناس .. طيب والعئل وينو ؟؟؟ انت انت يلي صرت بهاد العمر ولا مرة سالت حالك اسئلة ؟؟ مبلا طبعا اكيد سالت وماكانت الاجوبة يلي حوليك مقنعة اولا وتانيا في كتير عيط عليك وماخلى لدرجة انك صرت هاد الموضوع تخليه بينك وبين حالك
بعد شويتين اكتشفت اكتشافي العظيم
انو بالعالم العربي فقط بتلائي انو في شخص بيفهم بـ مايلي : الدين , الافتاء , الاعلام , الاعلان , التجارة, الزراعة , الصناعة , الاقتصاد , البورصة , الادب , الفكر , الفن , التكنولوجيا , انصاف النواقل , الانترنت , الاتصالات , الفيزياء الكونية , الفيزياء النووية , الكيمياء العضوية , الحمل والولادة والارضاع, الحياة والموت والمراحل الانتقالية , الثواب , العقاب, تفسير الاحلام , الاستنساخ , التخصيب الصناعي , تخصيب اليورانيوم , الصورايخ الحرارية , الجيوفيزياء ... وبالطبع هو عالم الدين يلي بيئدر يحكي عن كلشي وبيعرف كلشي عن كلشي
لدرجة انو ممكن يناقشك ويتفهك ويسفهك انك انت مابتفهم (مع اني صرلي باختصاصي 16) وهو اصغر مني بعشر سنين يعني وئت هو اخد اول شهيق من هي الدنية كنت انا عم حل مسائل رياضيات واجع كسور وبعرف شو هية الدورة الدموية بجسم الانسان
طيب مو حاج ؟؟؟ مبلا حاج
انا عندي اسئلة وبدي اجوبة على اسئلتي من هي العلوم الحديثة
بدي وئت اسئل عن المادة المظلمة لائي جواب وماينحكالي انت عم تدور على شي يضعف ايمانك
بدي وئت اسال عن اصل الكون لائي اجوبة مو ينحكالي استغفر ربك ؟؟ ليش شو انا كفرت ولا سبيت ولا تطاولت ؟
بدي حس في علم بين ايديي وبنفس الوئت لائي حالي ملتزم بديني , مابدي اوصل لمفترء طرء يكون فيها لازم اختار الدين او العلم لانو انا بدي التنين , ومابيصير سلطة رجل دين تقيدني لانو هو ماحيعرف شو بدي اكتر مني
هو شخص درس منهج محدد وبشكل محدد وخلص ومنه بيضل بيحط كلشي بنفس الئوالب .
العلم وصل لمرحلة اعتمد فيها نظرية جسيمات هيغز وكيف الكون كلو مترابط مع بعضه ونحنا لسى عم نحكي هل يجوز للمرأة ان تغطي عينيها لانها عورة؟ بس انا مافهمت المرأة عورة ولا هية عورة ؟؟ ولا شو وضعا بالزبط ؟ ماخلصتو 1400 سنة من نفس السيرة ؟ مو حاج؟؟؟
وكل ما حكينا شغلة بالعلم بيجي واحد وبيئلك اي عنا بالقرآن مكتوبة من 1400 سنة هاد الحكي ... طيب ممتاز كتير وانا بحترم جدا هاد الموضوع طيب طالما في هيك اشياء ليش مافي ولا مركز ابحاث اسلامي متطور ؟ ليش مافي مركز دراسات فيزياء كونية اسلامي؟؟؟ ليش مافي مركز ابحاث جينية اسلامي؟؟؟ لحتى يثبت للناس شي لسى ما كشفه علم الكفار الملحدين الكلاب الفاجرين ؟؟؟
هي اول شئفة من الموضوع , وعلى فكرة انا بتحمل النقد والنقد اللاذع واذا بدك تسبني معلش واذا بدك تعصب عليي معلش كلو معلش , بس بشرط بدي اجوبة
ومن هلئ بئول للكل , انا مابكره اي مذهب او ديانة سماوية او ديانة بديلة يعني تكون مؤمن بالحجر او بكريشنا او بزرادشت او تكون من اخوان زحل ماعندي اي مشكلة ابدا
ومابسب ولا بطول لساني ولا بئلل ادب ولا احترام , وبعرف استوعب المعصب على توجهو الديني بس برجع وبئول على شرط بدي اجوبة
تعليق